დღე: სექტემბერი 11, 2024

თელ ავივში ანტისამთავრობო აქცია იმართება. დემონსტრანტები ისრაელის თავდაცვის ძალების ოფისთან შეიკრიბნენ. ისინი მძევლების გათავისუფლებასა და ცეცხლის შეწყვეტას ითხოვენ. „ეს არ არის მხოლოდ მძევლების ოჯახის წევრების ბრძოლა, ეს ყველა მოქალაქის ბრძოლაა იმ ქვეყანაში, რომელსაც სიცოცხლე სურს“- განაცხადა აქციის ერთ-ერთმა მონაწილემ. ისრაელში უკვე მე-11 დღეა, რაც აქცია იმართება.

ირანის საგარეო საქმეთა მინისტრი აბას არაღჩი უარყოფს ინფორმაციას, რომ ირანმა რუსეთს ბალისტიკური რაკეტები გადასცა. აღნიშნულის შესახებ აბას არაღჩი სოციალურ ქსელში წერს. „კიდევ ერთხელ, აშშ და E3 მოქმედებენ გაუმართავი დაზვერვისა და მცდარი ლოგიკის საფუძველზე. ირანს რუსეთისთვის ბალისტიკური რაკეტები არ მიუწოდებია. წერტილი. სანქციების მომხრეებმა საკუთარ თავს უნდა ჰკითხონ, როგორ შეუძლია ირანს, აწარმოოს და გაყიდოს ასეთი იარაღი? სანქციები არ არის გამოსავალი, არამედ პრობლემის ნაწილია“– წერს აღაჩი. რუსეთისთვის ბალისტიკური რაკეტების გადაცემის გამო ირანს სანქციები დაუწესეს.

დიდი ბრიტანეთი უკრაინას 600 მილიონ გირვანქა სტერლინგის დახმარების პაკეტს გადასცემს. ამის შესახებ დიდი ბრიტანეთის საგარეო საქმეთა მინისტრმა, დევიდ ლემიმ ამერიკელ კოლეგა, ენტონი ბლინკენთან კიევში ერთობლივი ვიზიტისას განაცხადა. ლემის განცხადებით, 242 მილიონი გირვანქა სტერლინგი 2024-2025 წლებში იქნება გამოყოფილი გადაუდებელი ჰუმანიტარული, ენერგეტიკული და სასტაბილიზაციო საჭიროებებისთვის, ასევე რეფორმების მხარდაჭერისთვის, აღდგენასა და რეკონსტრუქციისთვის. დიდი ბრიტანეთის საგარეო საქმეთა მინისტრმა ცალკე აღნიშნა, რომ წლის ბოლომდე უკრაინის ეკონომიკური სტაბილურობის გამყარების მიზნით, მსოფლიო ბანკის კრედიტებისთვის 484 მილიონი გირვანქა სტერლინგის ოდენობის საკრედიტო გარანტიები იქნება გამოყოფილი. „დიდი ბრიტანეთის მხრიდან უკრაინის მხარდაჭერა ურყევია. ჩვენი ვალდებულება 600 მილიონ გირვანქა სტერლინგზე მეტი გამოვყოთ,…

ისრაელის საჰაერო თავდასხმის შედეგად ღაზაში, სულ მცირე, 14 ადამიანი დაიღუპა მათ შორის ორი ბავშვია. საავადმყოფოს წარმომადგენლები ამბობენ, რომ  ისრაელი ღაზის ცენტრალურ ნაწილში მდებარე სკოლას დაესხა თავს, სადაც პალესტინელები აფარებდნენ თავს. თავდასხმის შედეგად დაშავდა, სულ მცირე, 18 ადამიანი. ისრაელის თავდაცვის ძალებმა განაცხადეს, რომ მათი სამიზნეები იყვნენ „ჰამასის“ ტერორისტები, რომლებიც სკოლას იყენებდნენ ისრაელზე თავდასხმების დაგეგმვისა და განხორციელებისთვის. მათივე თქმით, ისრაელმა მიიღო ზომები მშვიდობიანი მოსახლეობაში მსხვერპლის შესამცირებლად.

„გამარჯვების გეგმამ“, შესაძლოა, რუსეთს ომის დიპლომატიური გზით დასრულებისკენ უბიძგოს” – ამის შესახებ უკრაინის პრეზიდენტმა, ვოლოდიმირ ზელენსკიმ განაცხადა. „პარტნიორები თუ მხარს დაუჭერენ გეგმას, უკრაინას გაუადვილდება, რომ აიძულოს რუსეთი, დაასრულოს ომი. რისთვის არის ეს გეგმა? ეს უკრაინას გააძლიერებს და, ჩემი აზრით, ამას ექნება როგორც ფსიქოლოგიური, ასევე პოლიტიკური გავლენა რუსეთის გადაწყვეტილებაზე ამ ომის დასასრულებლად“-  განაცხადა ზელენსკიმ. მანამდე უკრაინის პრეზიდენტმა, ვოლოდიმირ ზელენსკიმ განაცხადა, რომ კიევს აქვს რუსეთთან ომში გამარჯვების გეგმა, რომელსაც ის ჯო ბაიდენს, დონალდ ტრამპსა და კამალა ჰარისს მიმდინარე თვის ბოლოს წარუდგენს.  

რუსეთის საგარეო საქმეთა სამინისტროს სპიკერის, მარია ზახაროვას განცხადებით, რუსეთის პარტნიორობა ჩინეთთან არ არის მიმართული მესამე ქვეყნების წინააღმდეგ, თუმცა აშშ-ის მხრიდან საფრთხის შემთხვევაში, ორ ძალას შეუძლია „პოტენციალის გაერთიანება“. „მინდა, შეგახსენოთ, რომ მოსკოვი და პეკინი უპასუხებენ აშშ-ის მხრიდან „ორმაგ შეკავებას“ ორმაგი კონტრქმედებით. ჩვენი ურთიერთობები არ არის მიმართული მესამე ქვეყნების წინააღმდეგ და ორმაგი კონტრქმედება არ ეწინააღმდეგება ამას. ეს არის თავდაცვითი პოზიცია, ეს არ არის ინიციატივა სხვა ქვეყნების წინააღმდეგ, მაგრამ თუ ჩვენ წინააღმდეგ აგრესიული თავდასხმის პოლიტიკაა, რატომ არ უნდა გავაერთიანოთ ჩვენი პოტენციალი და არ გავცეთ შესაბამისი პასუხი?“- განაცხადა ზახაროვამ, როდესაც მას ჰკითხეს იაპონიაში აშშ-ის…

„საქართველოდან უკრაინის დროებითი წარმომადგენლის გაწვევა ხელს არ უწყობს ურთიერთობების განვითარებას, უკრაინის ხელისუფლების ეს გადაწყვეტილებები ჩვენთვის ძალიან სამწუხაროა“ – ამის შესახებ პრემიერ-მინისტრმა ჟურნალისტის კითხვის პასუხად განაცხადა. მთავრობის მეთაური ამბობს, რომ საქართველო ყველა შემთხვევაში რჩება ცალმხრივი მეგობრობის რეჟიმში, ვინაიდან ეს სჭირდება უკრაინელ ხალხს და უკრაინას. „ჩვენ არ გამოგვიწვევია ელჩი უკრაინიდან და არც უკრაინის ელჩი გაგვიწვევია საქართველოდან. ეს გააკეთა უკრაინულმა მხარემ, ჯერ საქართველოდან საკუთარი ელჩი გაიწვიეს ორი საბაბით, იმ მიზეზით, რომ არ მივუერთდით სანქციებს, ანუ ჩვენი ეკონომიკის ჩამოქცევაზე იყო საუბარი და მეორე იყო ის, რომ არ გავგზავნეთ მებრძოლი მოხალისეები უკრაინაში, ანუ საუბარი იყო მეორე…

ევროკავშირი მზადაა სრულად თქვას უარი რუსულ გაზზე, ამის შესახებ ევროკომისარმა ენერგეტიკის საკითხებში, კადრი სიმსონმა განაცხდა. მისივე განმარტებით, რუსეთ-უკრაინის ომის პერიოდში ევროკავშირის ქვეყნებში რუსული გაზის იმპორტის წილი მკვეთრად შემცირდა. „ზამთრის მოახლოებასთან ერთად განვაგრძობთ ჩვენი უკრაინელი პარტნიორების მხარდაჭერას“-  განაცხადა სიმსონმა. დღეს ევროკომისიამ გამოაქვეყნა ენერგეტიკული კავშირის მდგომარეობის ანგარიში 2024 წლისთვის. ანგარიში აღწერს, თუ როგორ გაუმკლავდა ევროკავშირი უპრეცედენტო გამოწვევებს ენერგეტიკული პოლიტიკის სფეროში.

ლატვიის პრემიერ-მინისტრმა, ევიკა სილინამ კიევში, უკრაინელ კოლეგასთან, დენის შმიგალთან შეხვედრაზე უკრაინისთვის სამხედრო მხარდაჭერის ახალი პაკეტი გამოაცხადა. ინფორმაციას, უკრაინული მედია მთავრობის მეთაურზე, დენის შმიგალზე დაყრდნობით ავრცელებს. „ლატვია მუდმივად უჭერს მხარს აგრესორის წინააღმდეგ სანქციებს და არის ჩვენი საიმედო მოკავშირე ევროკავშირსა და ნატოში ინტეგრაციის საქმეში“ – აღნიშნა შმიგალმა. 11 სექტემბერს ლიეტუვის პრეზიდენტი, გიტანას ნაუსედა და ლატვიის პრემიერ მინისტრი, ევიკა სილინა კიევში ჩავიდნენ.

„უკრაინის ტერიტორიული მთლიანობის, სუვერენიტეტისა და დამოუკიდებლობის მიმართ ჩვენი მხარდაჭერა ურყევია. უკრაინისთვის ყირიმის დაბრუნება საერთაშორისო სამართლის შესაბამისი მოთხოვნაა“ – ამის შესახებ თურქეთის პრეზიდენტმა, რეჯეფ თაიფ ერდოღანმა „ყირიმის პლატფორმაზე“ ვიდეომიმართვისას განაცხადა. „ჩვენი გულწრფელი სურვილია, ომი დასრულდეს სამართლიანი და ხანგრძლივი მშვიდობით, რომელიც დაფუძნებული იქნება უკრაინის ტერიტორიულ მთლიანობაზე, სუვერენიტეტსა და დამოუკიდებლობაზე“ – აღნიშნა ერდოღანმა.