თვე: აგვისტო 2024

კატარის დედაქალაქ დოჰაში ღაზის სექტორში ცეცხლის შეწყვეტისა და ტყვეების გათავისუფლების შესახებ მოლაპარაკებების მორიგი რაუნდი დაიწყო. დახურულ კარს მიღმა მოლაპარაკებებში მონაწილეობენ ისრაელის, აშშ-ის, ეგვიპტისა და კატარის წარმომადგენლები. „ჰამასმა“ მოლაპარაკებებში მონაწილეობაზე უარი განაცხადა. როგორც სააგენტო Reuters-ი აღნიშნავს, მოლაპარაკებების შემდეგი რაუნდი იმ დროს გაიმართა, როცა ირანი 31 ივლისს თეირანში „ჰამასის“ ლიდერის ისმაილ ჰანიეს მკვლელობის გამო ისრაელზე იერიშის მისატანად უკვე მზად იყო. სასწორის პინაზე 10-თვიანი ომის დასრულება და 115 ებრაელი და უცხოელი გატაცებული ადამიანის დაბრუნება დევს. ვაშინგტონში იმედოვნებენ, რომ ცეცხლის შეწყვეტის შესახებ შეთანხმების წყალობით შესაძლოა ახლო აღმოსავლეთში მიმდინარე დაპირისპირება ფართომასშტაბიან ომში არ გადაიზარდოს.

საქართველოს პრეზიდენტს, სალომე ზურაბიშვილს გაერთიანებული სამეფოს საგანგებო და სრულუფლებიანმა ელჩმა საქართველოში გარეტ ედუარდ უორდმა რწმუნებათა სიგელები გადასცა. რწმუნებათა სიგელების გადაცემის ოფიციალური ცერემონია ორბელიანების სასახლეში გაიმართა.

,,უკრაინის არმიის მიერ კურსკის ოლქში წარმოებული საბრძოლო მოქმედებები რუსეთის პრეზიდენტის ვლადიმერ პუტინის აშკარა დამცირებაა”, – განაცხადა ლიეტუვის თავდაცვის მინისტრმა ლაურინას კასჩუნასიმ. მისი თქმით, უკრაინამ კურსკში წარმატებული სამხედრო ოპერაცია წამოიწყო და მოკლე ხანში შთამბეჭდავი რაოდენობის დასახლებული პუნქტები აიღო. მინისტრმა აღნიშნა, რომ კიევი ამ ოპერაციით რუსეთთან მოლაპარაკებების მაგიდასთან ძლიერი პოზიციით წარდგება.

ლიეტუვას სეიმის ვიცე სპიკერის ჟიგიმანტას პავილიონისის თქმით, ,,ოცნების” ხელისუფლების პირობებში საქართველოსთვის ევროკავშირის კარი არასდროს გაიღება. ,,ევროკავშირში და ნატოში არავის უნდა მეორე ორბანი ან მესამე პუტინი. დაივიწყეთ ამ მთავრობით ოდესმე ევროკავშირში შესვლა. ევროკავშირის და ნატოს კარები იქნება დაკეტილი. ნატოს სამიტზე ჩვენ ვიწევთ ხელს და ჩვენ ვამბობთ, რომ აუცილებლად უნდა მოიხსენიონ საქართველო. ამჯერად, ხელი არ აგვიწევია. რატომ? იმიტომ რომ თქვენ აღარ გყავთ მეგობრები. თქვენი მეგობარი არის ორბანი, რომელიც არასდროს არ აიწევს ხელს, თქვენს გაწევრიანებაზე ევროკავშირში და ნატოში, იმიტომ, რომ ის მიყვება რუსეთის ინსტრუქციებს. ამიტომ ეს არჩევნები არის გადამწყვეტი, ვინაიდან ეს არის არჩევნები…

,,საქართველოში დადგა სიმართლის ტრიუმფი”, – წერს თინა კანდელაკი, ,,ქართული ოცნების” განცხადებების საპასუხოდ. ,,ოცნებამ” 2008 წლის აგვისტოს ომში „ნაციონალური მოძრაობის“ დანაშაულის გამოძიება დააანონსა. აგვისტოს ომის დამკვეთად გლობალური ომის პარტია, დაკვეთის შემსრულებლებად კი პოლიტიკური ოპონენტები დაასახელა. ,,ხალხი მზად არის დაელოდოს სიმართლეს წლების განმავლობაში და ათწლეულების განმავლობაშიც კი. მის მისაღწევად ადამიანები მსხვერპლზე მიდიან, იტანჯებიან და კვდებიან. ყველაზე ცუდი ისაა, თუ ძალაუფლებასა და „კეთილ“ ზრახვებს ამოფარებულები სიმართლეს ზემოდან ამახინჯებენ, თუ სიცრუის წყარო და მეურვე უღირსი, უსინდისო მმართველია. მაშინ სიმართლის პოვნის ფასი ასტრონომიული ხდება. დღეს საქართველოში სიმართლის ტრიუმფი, რომლისთვისაც ყველამ დიდი ფასი გადავიხადეთ, საბოლოოდ დადგა”,…

რუსეთის საოკუპაციო ძალებმა დონეცკის ოლქში დასახლებული პუნქტები, ჟელანოე და ორლოვკა დაიკავეს. სადამკვირვებლო პროექტის, „დიფ სთეითის“ მონაცემებით ,რუსმა სამხედროებმა წინ წაიწიეს ნიუ-იორკის, ნიკოლაევკის, ჟურავკის და კრასნოგოროვკის მიმართულებით. გავრცელებული ცნობით, რუსეთის საოკუპაციო არმიის ძირითადი ძალისხმევა კონცენტრირებულია პოკროვსკის მიმართულებით. „ომის შესწავლის ინსტიტუტი“ აცხადებს, რომ  რუსეთის არმიას აქვს მცირე წინსვლა პოკროვკსი მახლობლად. უკრაინის შეიარაღებული ძალების გენერალური შტაბი იტყობინება, რომ ფრონტის ხაზზე 153 სამხედრო შეტაკება მოხდა.

გამოცემა „უოლ სთრით ჯორნალის“ ინფორმაციით, რუსული გაზსადენის „ჩრდილოეთის ნაკადის“ აფეთქების გეგმა უკრაინის პრეზიდენტმა, ვოლოდიმირ ზელენსკიმ დაამტკიცა, თუმცა შემდეგ, აშშ-ის სპეცსამსახურების თხოვნით, ეს გეგმა გააუქმა. სტატიის ავტორები წერენ, რომ რუსულ გაზსადენებზე აფეთქებების მოწყობის იდეა რამდენიმე უკრაინელ მაღალჩინოსანს და ბიზნესმენს ჯერ კიდევ 2022 წელს გაუჩნდა. გეგმის რეალიზაცია 300 000 დოლარი ჯდებოდა. როგორც ამერიკელი გამომძიებელი ჟურნალისტები წერენ, ოპერაციას კურირებდა გენერალი, რომელსაც ჰქონდა სპეციალური დავალებების შესრულების გამოცდილება. მისი ვინაობა სტატიაში დასახელებული არ არის, თუმცა ნათქვამია, რომ ეს ადამიანი იმ დროს უკრაინის შეიარაღებული ძალების მეთაურის, ვალერი ზალუჟნის დაქვემდებარებაში იმყოფებოდა.  

რუსეთის ბელგოროდის ოლქში ფედერალური საგანგებო მდგომარეობა გამოცხადდა. ინფორმაცია რუსეთის საგანგებო სიტუაციების სამინისტრომ საგანგებო სიტუაციების პრევენციისა და რეაგირების სამთავრობო კომისიის რიგგარეშე სხდომის შემდეგ გაავრცელა. რუსეთის მთავრობის გადაწყვეტილებით, ბელგოროდის ოლქში რეაგირების ფედერალური დონე იმოქმედებს. ეს არის საგანგებო მდგომარეობის უმაღლესი დონე.  

კურსკის რეგიონში მიმდინარე ბრძოლაში უკრაინის არმიის კიდევ ორი, 82-ე და 95-ე სადესანტო-მოიერიშე ბრიგადები ჩაერთო. ინფორმაციას „ფორბსი“ ავრცელებს. გამოცემის ცნობით, საერთო ჯამში, კურსკის რეგიონში უკრაინის არმიის ექვსი ბრიგადა, ორი დამოუკიდებელი ბატალიონი და უპილოტო აპარატების, არტილერიის, სადაზვერვო და სპეცრაზმის დამხმარე ქვედანაყოფები შევიდნენ. უკრაინამ კურსკში, ჯამში, 15 000-მდე ჯარისკაცი შეიყვანა.    

თურქეთის პრეზიდენტმა, რეჯეფ თაიფ ერდოღანმა პალესტინის ადმინისტრაციის ლიდერს, მაჰმუდ აბასს განუცხადა, რომ თურქეთი გააგრძელებს ისრაელზე ზეწოლას. ინფორმაციას „როიტერი“ ავრცელებს. ერდოღანი ამბობს, რომ ანკარა გააგრძელებს პალესტინის მხარდაჭერას და უბიძგებს საერთაშორისო საზოგადოებას, რომ გაზარდონ ისრაელზე ზეწოლა. ლიდერებმა ასევე განიხილეს ბოლო დროს განვითარებული მოვლენები და იმსჯელეს იმ ნაბიჯებზე, რომელთა გადადგმაც საჭიროა ღაზაში გრძელვადიანი ცეცხლის შეწყვეტისა და მშვიდობისთვის. თურქეთის პრეზიდენტმა კიდევ ერთხელ დაგმო ღაზაში მიმდინარე ომი და ზოგიერთი დასავლური ქვეყანა დუმილსა და ისრაელის მხარდაჭერაში დაადანაშაულა.  

ისრაელმა ღაზაში „ჰამასის“ 30-ზე მეტ ობიექტს დაარტყა. ინფორმაციას ისრაელის თავდაცვის ძალები ავრცელებს. მათივე ცნობით, ღაზის სექტორში განხორციელებული ოპერაციების შედეგად, „ჰამასისა“ და სხვა ტერორისტული დაჯგუფებების ათობით მებრძოლის ლიკვიდაცია განხორციელდა. გარდა ამისა, ისრაელის თავდაცვის ძალების განცხადებით, რაფაჰში, საჰაერო იერიშების შედეგად, 20-ზე მეტი ტერორისტი დაიღუპა.  

 უკრაინის საჰაერო ძალებმა რუსეთის ოთხ სამხედრო აეროდრომზე იერიში მიიტანეს. ინფორმაციას უკრაინის გენერალური შტაბი ადასტურებს.  ამავე ცნობით, უკრაინელების სამიზნე საწვავის და საპოხი მასალების საწყობები და თვითმფრინავების იარაღი იყო. ამასთან, უწყების ინფორმაციით, აეროდრომებზე არმიის ავიაცია, სუ-34 გამანადგურებელი ბომბდამშენი, სუ-35 გამანადგურებელი და სხვა სამხედრო თვითმფრინავებია ბაზირებული. „14 აგვისტოს ღამით, უკრაინის შეიარაღებული ძალების საჰაერო ძალების და სპეციალური ოპერაციების ძალების ქვედანაყოფებმა უკრაინის უსაფრთხოების სამსახურთან და უკრაინის თავდაცვის სამინისტროს მთავარ სადაზვერვო სამმართველოსთან ერთად იერიში მიიტანეს ვორონეჟის ოთხ აეროდრომზე. რუსეთის ფედერაციის კურსკის და ნიჟნი ნოვგოროდის ოლქებში. დაზიანდა სამხედრო აეროდრომები – „ხალინო“, „სავასლეიკა“, „ბორისოგლებსკი“ და „ბალტიმორი“ – ნათქვამია გენშტაბის…