თვე: აგვისტო 2024

ოზურგეთში, გოლიათი ბავშვი დაიბადა. ჩვილის წონა 5 კილო და 800 გრამია. „21.08.2024. ოზურგეთელი გოლიათი, 5 კილო და 800 გრამი, იმრავლონ“, – წერს სოციალურ ქსელში დათო მდინარაძე.

დედოფლისწყაროში სასწრაფო დახმარების ექიმები 15 წლის გოგოს გადარჩენას ცდილობენ. არასრულწლოვანი მეგობრებთან ერთად დედოფლისწყაროს ცენტრალური პარკის ხელოვნურ ტბაში საბანაოდ იმყოფებოდა, რა დროსაც მოულოდნელად შეუძლოდ გახდა. ამ წუთებში სასწრაფო დახმარების ბრიგადას 15 წლის გოგონა თბილისში, ინგოროყვას კლინიკაში გადაყავს, ის მართვით სუნთქვაზე იმყოფება. ერთ-ერთი ვერსიით, ხელოვნურ ტბაში ჩასულ გოგოს დენმა დაარტყა, თუმცა ამ დროისთვის დამატებითი დეტალები უცნობია. სამართალდამცველებმა შემთხვევის ადგილი დატოვეს, ტერიტორია ამ დრომდე ყვითელი ლენტითაა შემოსაზღვრული. შინაგან საქმეთა სამინისტრომ გამოძიება 115-ე მუხლით დაიწყო, რაც თვითმკვლელობამდე მიყვანას გულისხმობს.  

“ევოლუშენ ჯორჯიას” ერთ-ერთმა თანამშრომელმა პროტესტის უკიდურეს ფორმას მიმართა და პირი ამოიკერა. ამის შესახებ, პროფკავშირ “ლაბორის” თავმჯდომარემ გიორგი დიასამიძემ განაცხადა. “პროტესტის ერთ-ერთმა მონაწილემ, პროტესტის ნიშნად, პირი ამოიკერა. კომპანია აორგანიზებს მენეჯერებს და ჯგუფებს იმისთვის, რომ მოახდინოს პროცესის მარგინალიზება და გაშავება, თითქოს ეს ადამიანები არ შიმშილობენ და რეალურად შიმშილობის მე-9 დღეა”- ამბობს გიორგი დიასამიძე. თანამშრომლების მოთხოვნა უცვლელია – ისინი ღირსეულ სამუშაო პირობებსა და სახელფასო ანაზღაურების ზრდას ითხოვენ. ისინი 41-ე დღეა გაფიცულებია არიან.

ბათუმის სანაპიროზე კაცს სკუტერი შეეჯახა. გავრცელებული ინფორმაციით, მას ფეხის ამპუტაცია დასჭირდა. კაცს ოპერაცია ბათუმის რესპუბლიკურ საავადმყოფოში გაუკეთეს. ოპერაციის შემდეგ, პაციენტს კოსმეტოლოგიური პროცედურების ჩატარება დასჭირდა, რის გამოც მისი დედაქალაქში ტრანსპორტირება გახდა საჭირო. პაციენტის ჯანმრთელობის მდგომარეობა ამ ეტაპზე სტაბილურია.  

საქართველოს საპატრიარქოს საზოგადოებასთან ურთიერთობის სამსახური მღვდელ თეიმურაზ ქორიძის დაკრძალვასთან დაკავშირებით, ინფორმაციას ავრცელებს: ,,მღვდელ თეიმურაზ ქორიძეს, საგარეჯოსა და ნინოწმინდის მთავარეპისკოპოს ლუკას (ლომიძე) კურთხევით, 2024 წლის 22 აგვისტოს, დილით თბილისიდან გადაასვენებენ საგარეჯოს წმინდა დოდო გარეჯელის სახელობის საკათედრო ტაძარში (მის. საგარეჯო, ბარათაშვილის ქ. N 23). შაბათს, 2024 წლის 24 აგვისტოს, წირვის შემდეგ შედგება წესის აგება და 14:00 საათზე დაიკრძალება ამავე ტაძრის ეზოში“, – ნათქვამია გავრცელებულ ინფორმაციაში. ამასთან, საპატრიარქოს საზოგადოებასთან ურთიერთობის სამსახური სამძიმრის წერილს აქვეყნებს, სადაც ნათქვამია, რომ მამა თეიმურაზი საქართველოს საპატრიარქოს საზოგადოებასთან ურთიერთობის სამსახურის თანამშრომელი იყო და სამსახურის დაარსების პირველივე დღეებიდან აქტიურად გახლდათ…

ოკუპანტებმა ახალგორის მიმდებარედ საქართველოს მოქალაქე უკანონოდ დააკავეს. ინფორმაციას სახელმწიფო უსაფრთხოების სამსახური ავრცელებს. ,,საოკუპაციო რეჟიმის წარმომადგენლებმა ოკუპირებული ახალგორის მიმდებარედ უკანონოდ დააკავეს საქართველოს მოქალაქე. აღნიშნული ინციდენტის შესახებ ინფორმაციის მიღებისთანავე სახელმწიფო უსაფრთხოების სამსახურის მიერ გააქტიურდა ევროკავშირის სადამკვირვებლო მისიის მიერ ოპერირებული „ცხელი ხაზი“. ინფორმაცია უკანონო დაკავების მორიგი ფაქტის შესახებ დაუყოვნებლივ ეცნობა ჟენევის საერთაშორისო დისკუსიების თანათავმჯდომარეებსა და საერთაშორისო პარტნიორებს. ამოქმედებულია ყველა არსებული მექანიზმი უკანონოდ დაკავებული საქართველოს მოქალაქის უმოკლეს ვადებში გასათავისუფლებლად”, – წერს სუსი.

დედოფლისწყაროს ცენტრალური პარკის ხელოვნურ ტბაში მოზარდი იხრჩობოდა. ადგილობრივების თქმით, 15 წლის გოგონა, საბანაოდ მეგობრებთან ერთად იმყოფებოდა. უგონო მდგომარეობაში მყოფი  გოგონა,  დედოფლისწყაროს ცენტრალურ საავადმყოფოში გადაიყვანეს, სადაც ექიმებმა მისთვის გულის ამუშავება შეძლეს. ამ დროისათვის , მოზარდი კატასტროფის სამედიცინო ბრიგადას თბილისში, ინგოროყვას სამედიცინო ცენტრში  გადაჰყავს. შსს-ს ცნობით,  გამოძიება მომხდარ ფაქტზე, სისხლის სამართლის კოდექსის 115-ე მუხლით დაიწყო.  

შინაგან საქმეთა სამინისტროს სასაზღვრო პოლიციის თანამშრომლებმა, ახალციხის სამმართველოს სასაზღვრო სექტორ „ჭარალის“ დასაცავ მონაკვეთზე ჩატარებული ოპერატიულ-საგამოძიებო ღონისძიების შედეგად, უცხო ქვეყნის 5 მოქალაქე: 1978 წელს დაბადებული მ. ა., 1972 წელს დაბადებული ა. ო., 1990 წელს დაბადებული ვ. ბ., 1988 წელს დაბადებული უ. ფ. და 1992 წელს დაბადებული ჯ.ო. საქართველოს სახელმწიფო საზღვრის უკანონოდ, ჯგუფურად გადაკვეთის და საქართველოს სახელმწიფო საზღვრის უკანონოდ გადაკვეთაში დახმარების ფაქტებზე დააკავეს. ,,გამოძიებამ დაადგინა რომ მ.ა.-მ და ა.ო.-მ სასაზღვრო-საკონტროლო გამტარი პუნქტის გვერდის ავლით, თურქეთის რესპუბლიკიდან საქართველოს მიმართულებით, უკანონოდ, ჯგუფურად, გადმოკვეთეს საქართველოს სახელმწიფო საზღვარი. ხოლო, ბრალდებულების ვ.ბ.-ს და უ.ფ.-ს დახმარებით, ჯ.ო.-მ, თურქეთის…

გუშინ ცნობილი გახდა, რომ 17 აგვისტოს გალის რაიონის სოფელ ოტობაიაში მცხოვრები ძმები, მურთაზ და რუსლან ჭითანავები საოკუპაციო ძალებმა საკუთარ სახლში დააკავეს და სოხუმის იზოლატორში გადაიყვანეს. დაკავებულია მესამე პირიც, არჩილ სექანია. საოკუპაციო რეჟიმი მათ სხვადასხვა ბრალდებებს უყენებს, მათ შორის, მოქალაქეების უკანონო გზით გადაყვანას ე.წ. საზღვარზე. ოკუპირებული აფხაზეთის ე.წ. ,,მილიცია” ამტკიცებს, რომ ჩხრეკის შედეგად ნაპოვნია ასაფეთქებელი მოწყობილობები და ხელყუმბარებიც. ,,5 დღის წინ მოხდა, ესენი ზუსტად “საზღვარზე” ცხოვრობენ. შევარდნილან რუსები, ამათ დიდი ძაღლი ჰყავთ და ამათ თვალწინ მოუკლავთ, მერე ბიჭები უცემიათ სასტიკად. სახლში ყველაფერი დალეწეს. ხელყუმბარები და ასაფეთქებლები სისულელეა, ჩაუდეს ყველაფერი, არაფერი არ…

თბილისის მერიის ინფორმაციით, იუსტიციის სახლის წინ არსებული საფეხმავლო ხიდის დემონტაჟი რამდენიმე დღეში დასრულდება. ხიდის დემონტაჟის საჭიროება დღის წესრიგში ექსპერტიზის დასკვნის შედეგად დადგა, რომლის თანახმადაც, ხიდი ავარიულ მდგომარეობაში იყო. ,,საქართველოს ტექნიკური უნივერსიტეტის ხიდსაცდელი ცენტრის დასკვნაში მითითებულია, რომ კონსტრუქციაზე მრავლად შეინიშნება მნიშვნელოვანი დაზიანება-დეფექტები. ასევე, აღნიშნულია, რომ მშენებლობის პროცესშივე არასწორად და არასრულყოფილად მოეწყო წყალმომცილებელი სისტემა, სავალი ნაწილი, მოაჯირები, კიბეები და სხვა დეტალები. ამასთან, დასკვნაში პირდაპირ არის მითითებული, რომ ხიდის ამ სახით ექსპლუატაცია დაუშვებელია და საჭიროებს ძირეულ რეაბილიტაცია-რეკონსტრუქციას, რაც ფაქტობრივად, ნაგებობის სრულ დემონტაჟს და ახლის მშენებლობას გულისხმობს”, – ნათქვამია მერიის მიერ გავრცელებულ ინფორმაციაში.