დღე: აგვისტო 27, 2024

ერთ-ერთი ყველაზე მსხვილი საჰაერო თავდასხმის შემდეგ, რუსეთი უკრაინაზე მორიგ შეტევას ახორციელებს. როგორც BBC წერს, უკრაინის მთელს ტერიტორიაზე საჰაერო განგაშია გამოცხადებული. რუსეთის თავდაცვის სამინისტროში კი აცხადებენ, რომ მათი სამიზნეები უკრაინის რეგიონებში არსებული ენერგო და ინფრასტრუქტურული ობიექტებია. მედიის ცნობით, გუშინ უკრაინაზე რუსეთის საჰაერო თავდასხმის შედეგად, შვიდი ადამიანი დაიღუპა, ხოლო 47 დაშავდა, მათ შორის ოთხი ბავშვი.

,,უკრაინას ახლა საჰაერო თავდაცვა სჭირდება. მე განვიხილავ ამას ხუთშაბათს ევროკავშირის საგარეო საქმეთა მინისტრების არაფორმალურ შეხვედრაზე”, – ასე ეხმაურება ევროკავშირის უმაღლესი წარმომადგენელი ჯოზეფ ბორელი რუსეთის უკრაინაზე ფართომასშტაბიან საჰაერო შეტევას. ,,რუსეთმა უკრაინის წინააღმდეგ აგრესია მასიური თავდასხმებით გააძლიერა, მან შეუტია სამოქალაქო ინფრასტრუქტურას, მათ შორის ჰიდროელექტროსადგურებს და გამოიწვია მსხვერპლი. უკრაინას ახლა საჰაერო თავდაცვა სჭირდება. მე განვიხილავ ამას ხუთშაბათს ევროკავშირის საგარეო საქმეთა მინისტრების არაფორმალურ შეხვედრაზე”, – წერს სოციალურ ქსელში ჯოზეფ ბორელი.

ჰელსინკის კომისია ეხმაურება რუსეთის მიერ უკრაინაზე მიტანილ სარაკეტო იერიშებს, რომლებსაც მსხვერპლი მოჰყვა. ,,რუსეთის მრავალი ყველაზე მომაკვდინებელი, ყველაზე დესტრუქციული თავდასხმა უკრაინაში სამოქალაქო ობიექტებსა და ინფრასტრუქტურაზე რუსეთის შიგნიდან განხორციელდა. ჩვენთვის, ეს არის მორალური და სტრატეგიულად გადაუდებელი, უკრაინას მიეცეს უფლება რუსეთის შიგნით სამხედრო ობიექტებზე დარტყმის”, – წერს ჰელსინკის კომისია. სამშაბათს ღამითა და დილით რუსეთმა უპილოტო საფრენი აპარატებითა და რაკეტებით მეორე მასიური კომბინირებული დარტყმა განახორციელა უკრაინაზე, არის მსხვერპლი. უკრაინის 15 რეგიონი ორშაბათს დილით განხორციელდა თავდასხმა რუსული რაკეტებით და დონებით, რომლებიც ენერგეტიკულ სექტორს უმიზნებდნენ. რამდენიმე ქალაქი წყლისა და ელექტროენერგიის გარეშე დარჩა.

,,ვემზადებით რუსეთისთვის პასუხის გასაცემად”, – ასე ეხმაურება უკრაინის პრეზიდენტი ვოლოდიმირ ზელენსკი რუსეთის მასიურ საჰაერო შეტევას. ამის შესახებ მან უკრაინის შეიარაღებული ძალების მთავარსარდალ სირსკითან ისაუბრა. გავრცელებული ინფორმაციით, საუბარი რომელიც საკმაოდ ხანგრძლივი აღმოჩნდა დეტალურად განიხილეს სარაკეტო იერიშის მოგერიება.

რუსეთის მიერ უკრაინაზე მასიურ იერიშს შვიდი ადამიანი ემსხვერპლა, 47 კი დაშავდა, მათგან 4 ბავშვია. ინფორმაციას უკრაინის საგანგებო სიტუაციების სახელმწიფო სამსახური ავრცელებს. უწყების ცნობით, სამაშველო სამსახურებმა მუშაობა მტრის მიერ დილით განხორციელებული მასირებული დარტყმების ყველა ლოკაციაზე დაასრულეს.