დღე: აგვისტო 13, 2024

,,ეროვნულ გალერეაში გარედან შემოტანილ რამდენიმე ექსპონატზე აღმოჩნდა მწერები… ფიროსმანის ნამუშევრებს საფრთხე არ ემუქრება”, – ნათქვამია საქართველოს ეროვნული მუზეუმის განცხადებაში. ,,გვსურს, გამოვეხმაუროთ რამდენიმე მედიასაშუალებით გავრცელებულ ზედაპირულ ცნობებს, თითქოს დიმიტრი შევარდნაძის სახელობის ეროვნულ გალერეაში აღმოჩენილი მწერების გამო, ფიროსმანისა და სხვა ხელოვანთა ნამუშევრებს საფრთხე ემუქრება. საზოგადოებისთვის განვმარტავთ, რომ დიმიტრი შევარდნაძის სახელობის ეროვნულ გალერეაში დროებითი ექსპოზიციისას გარედან შემოტანილ რამდენიმე ექსპონატზე აღმოჩნდა მწერები. გალერეის ადმინისტრაციამ დაუყოვნებლივ გაატარა შესაბამისი ღონისძიებები – საგამოფენო სივრციდან მოიხსნა ნამუშევრები და ჩატარდა სანიტარული წმენდა. აქედან გამომდინარე, საგამოფენო დარბაზებსა და საცავებში წარმოდგენილ ხელოვნების ნიმუშებს, მათ შორის ფიროსმანის ნამუშევრებს, საფრთხე არ ემუქრება. ეროვნული…

საავტომობილო გზების დეპარტამენტიის ინფორმაციით, დევდორაკის გვირაბსა და თბილისი-თიანეთის გზის მონაკვეთზე საავტომობილო მოძრაობა შეიზღუდება. ,,საერთაშორისო მნიშვნელობის მცხეთა–სტეფანწმინდა–ლარსის საავტომობილო გზის კმ132-კმ135 მონაკვეთზე მდებარე დევდორაკის საავტომობილო გვირაბში, პროფილაქტიკური სამუშაოების ჩატარების მიზნით, 2024 წლის 15, 16 და 17 აგვისტოს 10:00 სთ-დან 19:00 სთ-მდე, იზღუდება ყველა სახის ავტოტრანსპორტის მოძრაობა საავტომობილო გვირაბის ჩაკეტვის პერიოდში, ავტოტრანსპორტის მოძრაობა გადაერთვება შიდასახელმწიფოებრივი მნიშვნელობის დევდორაკის გვირაბის შემოსავლელ საავტომობილო გზაზე. შიდასახელმწიფოებრივი მნიშვნელობის თბილისი(გლდანი)-თიანეთის საავტომობილო გზის კმ21-კმ22 მონაკვეთზე, სარეაბილიტაციო სამუშაოების მიმდინარეობის გამო, 2024 წლის 14 აგვისტოს 02:00 სთ-დან 07:00 სთ-მდე დროებით შეიზღუდება ავტოტრანსპორტის მოძრაობა. აღნიშნული რეჟიმით მოძრაობა განხორციელდება შსს-ს შესაბამისი რეგიონალური ქვედანაყოფების პოლიციის…

ბოლნისის სოფელ ნახიდურში, მდინარე ხრამში, არასრულწლოვანს ეძებენ. ადგილობრივების თქმით, 17 წლის მოზარდის სამძებრო სამუშაოები რამდენიმე საათის წინ დაიწყო და ახლაც გრძელდება. არსებული ინფორმაციით, რამდენიმე მოზარდი მდინარეზე შუადღისას ჩავიდა, რა დროსაც, ერთ-ერთი მათგანი ადიდებულ წყალში ჩავარდა. მოსახლეობა დასახმარებლად მივიდა, თუმცა მისი პოვნა ვეღარ შეძლეს.

ქობულეთში, მაშველებმა, ზღვაში დაკარგული მოზარდი გარდაცვლილი იპოვეს. ცნობილია, რომ სამძებრო სამუშაოები ერთი საათის განმავლობაში მიმდინარეობდა.

ზუგდიდში მომხდარ ტრაგედიასთან დაკავშირებით, ომბუდსმენი განცხადებას ავრცელებს. ლევან იოსელიანი წერს, რომ სახალხო დამცველის აპარატი სწავლობს მომხდარ ტრაგედიას და უფლებამოსილების ფარგლებში განახორციელებს ყველა შესაბამის ღონისძიებას შემთხვევაზე რეაგირების პროცესში. ,,საქართველოს სახალხო დამცველი ღრმა მწუხარებას გამოთქვამს ქალაქ ზუგდიდში მომხდარი შემზარავი ტრაგედიის გამო და უსამძიმრებს გარდაცვლილი მცირეწლოვნების ოჯახს, ახლობლებსა და მეგობრებს. სამწუხაროდ, ქვეყანაში მწვავედ დგას ბავშვიანი ოჯახების სათანადო გაძლიერებისა და მხარდაჭერის გამოწვევები. არსებული სოციალური სისტემა, მიზნობრივი ცენტრალური/მუნიციპალური პროგრამები სათანადოდ ვერ პასუხობს ბავშვიანი ოჯახების ინდივიდუალურ საჭიროებებს, მათ შორის, ბავშვების სიცოცხლისა და ჯანმრთელობისთვის უსაფრთხო გარემოს შექმნის კუთხით, ეფექტურად ვერ უზრუნველყოფს ოჯახების გრძელვადიან გაძლიერებასა და დამოუკიდებელი ცხოვრებისთვის…

თბილისში ავარიას მოტოციკლის მძღოლი ემსხვერპლა. სამწუხარო ინფორმაციას სოციალურ ქსელში დაღუპული ახალგაზრდას ახლობლები ავრცელებენ. მათი თქმით, შემთხვევა ცოტა ხნის წინ, მტკვრის მარცხენა სანაპიროზე მოხდა. ამ დროისთვის სხვა დამატებითი დეტალები უცნობია.

მწვერვალ შხელდაზე დაღუპული ალპინისტის, არჩილ ბადრიაშვილის და, რუსკა ბადრიაშვილი სოციალურ ქსელში მიმართვას ავრცელებს: ,,აჩის პანაშვიდი იქნება დღეს და ხვალ, 5:00 საათიდან. მიხელ ზანდუკელის 21 ნომერში. გასვენება ხუთშაბათს, 15 აგვისტოს. გასვენების დეტალები დაზუსტდება და შეგატყობინებთ. რაღაც მომენტში უკეთ დავწერ ჩემს ძმაზე და იმ ღირსეულ, ერთიან სიტუაციაზე, რომელიც სვანეთში მისი ძებნისა და პოვნის დროს იყო. სვანურ დატირებასა და გაცილებაზე, რომელიც ასე მოუხდა და იმსახურებდა. იმ მისთვის ძვირფას ადამიანებზე, რომლებიც მის საპოვნელად ძალიან სახიფათო ადგილებში უსწრაფესად შევიდნენ და ძალა არ დაიშურეს, რომ ეპოვნათ. ყველაზე მეტად მთაში, მითუმეტეს სვანეთში (მისთვის ყველაზე შინაური და საყვარელი…

ბათუმში, ჭავჭავაძის ქუჩაზე, ავტობუსი ორ ქვეითს შეეჯახა. ინფორმაციას Ajaratimes.ge ავრცელებს. გამოცემა წერს, რომ ორივე ადამიანი დაშავდა, მათგან ერთი კი სასწრაფო სამედიცინო დახმარების ჯგუფმა კლინიკაში გადაიყვანა. ამ დროისთვის სხვა დამატებითი დეტალები უცნობია.

,,ტრაგედიის მსხვერპლი ბავშვები სახელმწიფო ზრუნვის ქვეშ არ იმყოფებოდნენ”, – ზუგდიდში მომხდარ ტრაგედიას სახელმწიფო ზრუნვის სააგენტო ეხმაურება. ,,სახელმწიფო ზრუნვის სააგენტო, გამოხატავს ღრმა მწუხარებას, ზუგდიდში, ხანძრის დროს დაღუპული არასრულწლოვანების გარდაცვალების გამო. საზოგადოების ინფორმირებისთვის განვმარტავთ, რომ ტრაგედიის მსხვერპლი ბავშვები სახელმწიფო ზრუნვის ქვეშ არ იმყოფებოდნენ. 2023 წლის 1 აპრილიდან, ისინი ოჯახში, დედასთან ერთად იზრდებოდნენ. მანამდე, 2018 წლიდან, სასამართლოს გადაწყვეტილებით, ოჯახიდან იყვნენ განცალკევებულნი. რეინტეგრაცია ბავშვების საუკეთესო ინტერესების გათვალისწინებით, მათი აზრისა და ბიოლოგიურ ოჯახში აღზრდის უზრუნველყოფის მიზნით განხორციელდა. სახელმწიფო ზრუნვის სააგენტო, ოჯახს, მაქსიმალურად ეხმარებოდა არსებული პროგრამების ფარგლებში, სააგენტოს სოციალური მუშაკი, კანონით განსაზღვრულ ვადებში, პერმანენტულად ახორციელებდა ოჯახში…

,,არ შეიძლება დენის და გაზის გარეშე რჩებოდეს ოჯახი, სადაც მცირეწლოვანი ბავშვები ცხოვრობენ”, – წერს ნინო ლომჯარია ზუგდიდში, გასულ ღამეს დატრიალებულ ტრაგედიასთან დაკავშირებით, რა დროსაც ხანძარს ორი ბავშვი, 6 წლის ტყუპი ძმები ემსხვერპლნენ. ,,სოციალურად დაუცველ ოჯახს, სადაც 4 არასრულწლოვანი ცხოვრობდა, დენი ჩაუჭრეს. სახლში დარჩენილმა ბავშვებმა სანთელი აანთეს, რამაც სავარაუდოდ ხანძარი გამოიწვია. ხანძრის შედეგად 2 მცირეწლოვანი ბავშვი დაიღუპა… ბავშვი სიღარიბის გამო ოჯახიდან არ უნდა გაიყვანონ, ოჯახში უნდა იზრდებოდეს, სადაც სახელმწიფომ უნდა შეუქმნას არსებობის ელემენტარული პირობები. არ შეიძლება დენის და გაზის გარეშე რჩებოდეს ოჯახი, სადაც მცირეწლოვანი ბავშვები ცხოვრობენ, მაგრამ ჩვენი სახელმწიფოს სოციალური პოლიტიკა…

13 აგვისტოს დირბის ღვთისმშობლის დღესასწაულია. დირბის მიდგომილი (ორსული) ღვთისმშობელი, ღვთისმშობლის განსაკუთრებული უიშვიათესი მე-14 საუკუნის გამოსახულება, უპირველეს ყოვლისა, უშვილოთა და ორსულთა შემწედ ითვლება, იგი მრავალი სასწაულით განდიდდა და სწორედ ამიტომ, ის მრავალ მორწმუნე მართლმადიდებელში აღძრავს რწმენასა და სასოებას. შვილიერების მოსურნე ადამიანები და ორსულები უწყვეტად მოედინებიან მასთან და ყოველთა დედას გულმხურვალედ ევედრებიან შეწევნასა და მფარველობას. მონასტერში დაცულია რამდენიმე ასეული ადამიანის ჩანაწერი, რომლებიც შვილიერების სასწაულს, უსაფრთხო ორსულობასა და მშობიარობას სწორედ დირბის ღვთისმშობელს უკავშირებენ. სწორედ ამ საყოველთაო სახალხო სიყვარულის გამოხატულებაა ის, რომ მიტროპოლიტი იობის (აქიაშვილი) ლოცვა-კურთხევით დაწესდა დირბის ღვთისმშობლის დღესასწაული 13 აგვისტო. წელსაც ეს…

გმირთა მოედნის ესტაკადაზე ვარაზისხევის მიმართულებით არსებული სადეფორმაციო ნაკერების რეაბილიტაცია იწყება. ,,დაგეგმილი სამუშაოების გამო, ვარაზისხევისკენ მიმავალ გზაგამტარზე, 14 აგვისტოს 23:00 საათიდან ათი დღის განმავლობაში, ტრანსპორტის გადაადგილება ნაწილობრივ შეიზღუდება. თბილისის მერია ბოდიშს გიხდით შექმნილი დისკომფორტისთვის!”, – ნათქვამია თბილისის მერიის მიერ გავრცელებულ განცხადებაში.

ზუგდიდში, გასულ ღამეს გაჩენილი ხანძრის შედეგად ორ მოზარდს მსუბუქი ინტოქსიკაციის ნიშნები აღენიშნებოდა. ორივე მათგანი ამ დრომდე საავადმყოფოში რჩება. ,,მომხდარი ინციდენტის შედეგად სასწრაფო დახმარების ბრიგადის მიერ, ღამის საათებში, შემოყვანილი იქნა ორი მოზარდი, რომლებიც მოთავსდნენ გადაუდებელი მედიცინის განყოფილებაში. მსუბუქი ინტოქსიკაციის ნიშნებით იყვნენ შემოყვანილნი. ორივეს გაეწია შესაბამისი პირველადი დახმარება. ორივე მათგანის მდგომარეობა, ამ წუთისთვის არის დამაკმაყოფილებელი. ჯერ-ჯერობით რჩებიან კლინიკაში დაკვირვების მიზნით. დამწვრობის ნიშნები არ აღენიშნებათ კანზე. მოზარდები არიან რვა-ათი წლის ბავშვები”, – ამბობს ზუგდიდის რეფერალური საავადმყოფოს ექიმი. ტრაგედია ზუგდიდში, ბუკიას ქუჩაზე მდებარე 9 სართულიანი საცხოვრებელი კორპუსის მეექვსე სართულზე დატრიალდა. ბინაში გაჩენილ ხანძარს 6…

,,ევოლუშენ ჯორჯიას” გაფიცულმა თანამშრომლებმა დღეიდან უვადო შიმშილობა დაიწყეს. სამი ადამიანი მოთხოვნების შესრულებამდე პროტესტის უკიდურესი ზომის შეწყვეტას არ აპირებს. ისინი უკვე 33 დღეა კომპანიაში მუშაობაზე უარს აცხადებენ და პირობების გაუმჯობესებას ითხოვენ. პარალელურად, კონტრაქცია დააანონსეს კომპანიის იმ თანამშრომლებმა, რომლებიც პროტესტს არ უერთდებიან და მუშაობას აგრძელებენ. გაფიცულების თქმით, ამით ხელმძღვანელობა თანამშრომლების დაპირისპირებას ცდილობს. კონტრაქცია დღეს ადმინისტრაციასთან 15 საათზე გაიმართება. ისინი ჩვეულ რეჟიმსა და პირობებში მუშაობის გაგრძელებას ითხოვენ.

გომისმთაზე მომხდარი ავარიის შედეგად ორი ადამიანი დაშავდა. ინფორმაციას გამოცემა ,,გურია ნიუსი” ავრცელებს და წერს, რომ გომისმთიდან ოზურგეთისკენ მიმავალი მანქანა ხრამში გადავარდა. დაშავებულები კლინიკაში გადაიყვანეს. შინაგან საქმეთა სამინისტრომ მომხდარზე გამოძიება სისხლის სამართლის 276-ე მუხლით დაიწყო, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს.

ბათუმში, სასტუმრო ,,ლ. ბაკურში” გაჩენილი ხანძრის დროს არავინ დაშავებულა. ცეცხლი ჭავჭავაძის ქუჩაზე მდებარე შენობის მეექვსე სართულზე, ცოტა ხნის წინ გაჩნდა და ის უკვე ლიკვიდირებულია. არსებული ინფორმაციით, შენობაში იმ დროისათვის 100-მდე ადამიანი იმყოფებოდა. ყველა მათგანმა სასტუმრო დროულად დატოვა. ხანძრის გამომწვევი მიზეზი უცნობია, თუმცა არსებობს ვარაუდი, რომ ელექტროგაყვანილობა აალდა.