დღე: აგვისტო 9, 2024

უკრაინის პრეზიდენტმა ვოლოდიმირ ზელენსკიმ, უკრაინულ დანაყოფებს, რუსების დატყვევებისთვის მადლობა გადაუხადა. ამის შესახებ მან ყოველდღიურ საღამოს ვიდეომიმართვაში ისაუბრა. ,,მე ვამაყობ ჩვენი მებრძოლებით და მინდა პირადად მადლობა გადავუხადო ჩვენს ჯარისკაცებს და ქვედანაყოფებს, რომლებიც უზრუნველყოფენ გაცვლითი ფონდის შევსებას, ოკუპანტის დაჭერას და ამით ჩვენი მოქალაქეების რუსების ტყვეობიდან გათავისუფლებას. ეს ძალიან მნიშვნელოვანია და განსაკუთრებით პროდუქტიული იყო ბოლო სამი დღის განმავლობაში”, – თქვა ზელენსკიმ.  

„სასიამოვნო იყო ვიზიტის დაწყება პრეზიდენტთან შეხვედრით. მადლიერი ვარ ევროატლანტიკური მისწრაფებების ერთგულების”, – წერს სენატორი ჯინ შაჰინი სალომე ზურაბიშვილთან შეხვედრის შემდეგ. „სასიამოვნო იყო საქართველოში ჩემი ვიზიტის დაწყება პრეზიდენტ ზურაბიშვილთან შეხვედრით. მადლიერი ვარ ევროატლანტიკური მისწრაფებების ერთგულების – ამბიციის, რომელსაც ქართველი ხალხის უმრავლესობა იზიარებს”, – წერს შაჰინი.

ბელარუსში, გაყალბებული არჩევნების წლისთავზე, ბრიტანეთმა ლუკაშენკოს რეჟიმის წინააღმდეგ ახალი სანქციები დააწესა. სანქციები ბელარუსის 4 ფიზიკურ და 3 იურიდიულ პირს შეეხო. დასანქცირებულთა სიაში შედიან ბელარუსის იმ ოთხი კოლონიის ხელმძღვანელები, სადაც პოლიტპატიმრები და აქტივისტები უკანონოდ არიან დაკავებულები. სანქციები ასევე დაწესდა თავდაცვისა და სამხედრო-სამრეწველო სექტორის სამი ბელარუსული საწარმოსთვის, რომლებიც რუსეთთან მჭიდრო კავშირებს ინარჩუნებენ. ბრიტანეთის მთავრობის ინფორმაციით, 2020 წლის აგვისტოდან მოყოლებული ბელარუსის რეჟიმმა 40 ათასზე მეტი ადამიანი ყალბი პოლიტიკური ბრალდებით დააკავა და მინიმუმ 12 ათასი პოლიტიკურად მოტივირებული სისხლის სამართლის საქმე გახსნა. ,,ბელარუსში მომხდარი სასტიკი მოვლენებიდან ოთხი წლის შემდეგაც, ლუკაშენკოს მიერ სამოქალაქო საზოგადოების დაუნდობელი რეპრესიები…

რუსეთმა კურსკის რეგიონში ,,ფედერალურ დონეზე” საგანგებო მდგომარეობა გამოაცხადა. რუსეთის თავდაცვის სამინისტრომ განაცხადა, რომ რეგიონში დამატებითი ძალები გადაჰყავს, მათ შორის Grad-ის ტიპის სისტემები, არტილერია და ტანკები. კურსკის ოლქში გრძელდება საბრძოლო მოქმედებები რუსეთისა და უკრაინის ძალებს შორს, რომლებიც რეგიონში 6 აგვისტოს შევიდნენ, დაიკავეს დასახლებები, ტყვედ აიყვანეს რუსი სამხედროები.

ბანგლადეშის დროებით მთავრობას ნობელის პრემიის ლაურეატი უხელმძღვანელებს. პრეზიდენტმა პრემიერის მოვალეობის შესრულება მიკროფინანსირებისა და მიკროკრედიტირების ცნობილ სპეციალისტ, ეკონომისტ მუჰამედ იუნუსს დაავალა. ცერემონიას დაკაში უცხოელი დიპლომატები, პოლიტიკოსები და სამოქალაქო საზოგადოების წარმომადგენლები ესწრებოდნენ. მთავრობის ყოფილი მეთაური შეიხ ჰასინა პოსტიდან 5 აგვისტოს, სტუდენტთა საპროტესტო გამოსვლების ფონზე გადადგა, რომელიც მასობრივი არეულობებითა და მსხვერპლით დასრულდა. ამჟამად ის ინდოეთში იმყოფება.

მექსიკის მოქმედმა პრეზიდენტმა ანდრეს მანუელ ლოპეზ ობრადორმა განაცხადა, რომ თუ რუსეთის პრეზიდენტი ვლადიმერ პუტინი მექსიკის ახალი ლიდერის კლაუდია შეინბაუმის ინაუგურაციაზე ჩამოვა, მას მექსიკელი სამართალდამცველები არ დააკავებენ. „ჩვენ ეს არ შეგვიძლია. ეს არაა ჩვენი საქმე“, – ციტირებს ობრადორს Reuters-ი. შეინბაუმის ინაუგურაცია 1 ოქტომბერს არის დაგეგმილი. პუტინი ფიცის დადების ცერემონიაზე ოფიციალურად მექსიკის ახალი პრეზიდენტის გუნდა მიიწვია. უკრაინის ხელისუფლებამ 7 აგვისტოს ჰააგის სისხლის სამართლის საერთაშორისო სასამართლოს მიერ გამოცემული ორდერის საფუძველზე მექსიკას პუტინის დაპატიმრება სთხოვა. რუსეთის პრეზიდენტის დაპატიმრების ორდერი ჰააგის სისხლს სამართლის საერთაშორისო სასამართლომ 2023 წელს გასცა. პუტინი ეჭვმიტანილია სამხედრო დანაშაულების ჩადენაში. კერძოდ კი…

რუსეთში, კურსკის ოლქში ფედერალური საგანგებო რეჟიმი შემოიღეს. ინფორმაციას რუსული მედია ქვეყნის საგანგებო სიტუაციების სამინისტროზე დაყრდნობით ავრცელებს. სამინისტროს ცნობით, საგანგებო მდგომარეობა წესდება კატასტროფის, უბედური შემთხვევის, საშიში ბუნებრივი ფენომენის, ბუნებრივი ან სხვა სტიქიის შემთხვევაში, რამაც შეიძლება გამოიწვიოს ან უკვე გამოიწვია ადამიანის მსხვერპლი, ადამიანის ჯანმრთელობისა თუ გარემოს დაზიანების, მნიშვნელოვანი მატერიალური ზარალის და მოსახლეობის საცხოვრებელი პირობების მოშლის შემთხვევებში. საგანგებო სიტუაციები კლასიფიცირდება იმის მიხედვით, თუ როგორია გავრცელების მასშტაბი, დაღუპულთა ან დაშავებულთა რაოდენობა ან ზარალის ხარისხი. ფედერალური საგანგებო რეჟიმი ყველაზე მაღალი დონეა. რუსეთის საგანგებო სიტუაციების სამინისტროს ინფორმაციით, არის საგანგებო სიტუაციები ადგილობრივ, მუნიციპალურ, მუნიციპალიტეტშორის, რეგიონულ და რეგიონთაშორის…

სენატორი ჯინ შაჰინი და კონგრესმენი მაიკ ტერნერი დღეს საქართველოს ოფიციალური ვიზიტით ეწვევიან. ,,ორპარტიული ვიზიტის ფარგლებში ისინი შეხვდებიან საქართველოს მთავრობის, სამოქალაქო საზოგადოების, კერძო სექტორისა და პოლიტიკური პარტიების წარმომადგენლებს. ასევე, სენატორი და კონგრესმენი გაეცნობიან აშშ-ის მთავრობის პროგრამებს, რომელიც მხარს უჭერს იძულებით გადაადგილებულ პირებს, მეწარმეებსა და სტუდენტებს”, – ნათქვამია ამერიკის საელჩოს მიერ გავრცელებულ განცხადებაში. საელჩო აღნიშნავს, რომ შეერთებული შტატები რჩება სრულად ჩართული და ერთგული საქართველოს ხალხისა და მათი ევროატლანტიკური მისწრაფებების მხარდაჭერაში.

უკრაინის შეიარაღებული ძალები რუსეთში, კურსკის ოლქში უკვე 100 კვადრატული კილომეტრს აკონტროლებენ. ამის შესახებ ინფორმაციას გამოცემა Washington Post-ი უკრაინის პრეზიდენტის, ვოლოდიმირ ზელენსკის მრჩევლზე დაყრდნობით ავრცელებს. ზელენსკის მრჩეველმა, რომელმაც ანონიმურობის პირობით ისაუბრა გამოცემასთან, რუსეთის შიგნით უკრაინის სამხედრო აქტივობა დაადასტურა და აღნიშნა, რომ მისმა ძალებმა სამ დღეში, დაახლოებით 100 კვ. კილომეტრი დაიკავეს. მისივე ცნობით, უკრაინელებმა აიყვანეს ასობით ტყვე და აიღეს ბენზინგასამართი სადგური, რომელსაც რუსეთი უნგრეთთან და სლოვაკეთთან ენერგო ტრანზაქციებისთვის იყენებს. სტატიის მიხედვით, მიუხედავად იმისა, რომ უკრაინის შეჭრის ზუსტი მიზანი გაურკვეველია, გარდა იმისა, რომ პოტენციურად გადაიყვანს რუსული ჯარები უკრაინის აღმოსავლეთ დონეცკის რეგიონიდან, ანალიტიკოსები ფიქრობენ,…

უკრაინამ რუსეთის კურსკის ოლქში ერთ-ერთი ყველაზე კარგად აღჭურვილი და სწრაფი, 80-ე საჰაერო თავდასხმის ბრიგადა გაგზავნა. Forbes-ის ცნობით, ვიდეო, რომელიც გავრცელდა სოციალურ მედიაში ხუთშაბათს, ასახავს T-64BV ან T-80BV ტანკს, UR-77 ნაღმის გამწმენდ მანქანას, IMR-2 საინჟინრო მანქანას პლუს BTR-80-ს და ამერიკული წარმოების Stryker-ის ბორბლიან ჯავშანტრანსპორტიორს უკრაინული ნაღმმტყორცნების ეკიპაჟის გვერდით. ყველა მანქანა აღჭურვილია დრონის საწინააღმდეგო გალიებით. მედიის ცნობით, კონტექსტიდან ირკვევა, რომ ვიდეო ასახავს რუსეთის პოზიციებზე უკრაინის სერიოზული თავდასხმის ადრეულ მომენტებს. ,,ფორბსი” წერს, რომ მხოლოდ 80-ე საჰაერო თავდასხმის ბრიგადა მუშაობს ყოფილი საბჭოთა და ყოფილი ამერიკული მანქანების ნაზავით. დამატებითი დადასტურებად მედიას მოჰყავს კიდევ ერთი ვიდეო,…

ოკუპირებული აფხაზეთიდან და ცხინვალის რეგიონიდან მოხალისეები განლაგდნენ კურსკის ოლქში, სადაც მეოთხე დღეა საბრძოლო მოქმედებები მიმდინარეობს და რუსეთის თავდაცვის სამინისტროს ცნობით, ,,უკრაინის შეიარაღებული ძალების შეჭრის მოგერიების მცდელობა” გრძელდება. ,,დონბასის ველური დივიზიის” მიერ გავრცელებულ ,,ტელეგრამ” შეტყობინებაში ნათქვამია, რომ ,,უზენაესმა მთავარსარდალმა”, რომელშიც რუსეთის პრეზიდენტი პუტინი იგულისხმება, კურსკის მხარდაჭერისკენ მოუწოდათ – “ბევრჯერ დაძახება არ გვჭირდება, მოვედით დასახმარებლად”, – წერს არხი. ამ დივიზიის მეთაური აფხაზი მებრძოლი, ახრა ავიძბაა. ,,სარმატის ბატალიონის პერსონალი, როგორც რუსეთის მოხალისეთა კორპუსის “დონბასის ველური დივიზიის” ნაწილი, გადავიდა საბრძოლო კონტაქტის ხაზზე კურსკის რეგიონში მტრის სამხედრო ფორმირებების განადგურების მიზნით. გამარჯვება ჩვენი იქნება”, – წერს…

რუსეთის თავდაცვის სამინისტროში აცხადებენ, რომ გასული დღის განმავლობაში კურსკის რეგიონში უკრაინის არმიამ 280-ზე მეტი ჯარისკაცი და 27 ერთეული ჯავშანტექნიკა დაკარგა. მათივე მონაცემებით, უკრაინის არმიის დანაკარგები ბოლო ერთ დღეში ამგვარად გამოიყურება: ოთხი ტანკი, ხუთი ჯავშანტრანსპორტიორი, 18 საბრძოლო ჯავშანმანქანა, 155 მილიმეტრიანი ჰაუბიცა „ემ 777“, 155 მილიმეტრიანი თვითმავალი საარტილერიო დანადგარი „კრაბი“ და 152 მილიმეტრიანი ჰაუბიცა „დე-20“. რუსეთის თავდაცვის სამინისტროს ინფორმაციით, რუსეთში შეჭრის შემდეგ უკრაინის არმიამ, საერთო ჯამში 900-ზე მეტი ჯარისკაცი და 100-ზე მეტი ჯავშანტექნიკა დაკარგა.