თვე: ივლისი 2024

საქართველოს ეროვნულ საფეხბურთო ნაკრებს სადებიუტო ევროპის ჩემპიონატის ჯგუფურ ეტაპზე წარმატებით ასპარეზობისა და მერვედფინალში გასვლის აღსანიშნად ბიძინა ივანიშვილის და ფონდ “ქართუსგან”, ჯილდოს სახით, 30 მილიონი ლარი გამოიყო. ნაკრების წევრებმა, აღნიშნული თანხა პრემიის სახით, უკვე მიიღეს. „ნაკრების სახელით, მსურს მადლობა გადავუხადო ბიძინა ივანიშვილს და ფონდ “ქართუს” ჩვენი შრომის დაფასებისთვის და ფეხბურთის მხარდაჭერისთვის. ეს ძალიან მნიშვენლოვანია ჩვენი ქვეყნისთვის და ჩვენი საყვარელი სპორტის სახეობის კიდევ უფრო მეტად განვითარებისთვის. მინდა მადლობა გადავუხადო ყველას, თითოეულ გულშემატკივარს ბოლო თვეების განამვლობაში გამოხატული მხარდაჭერისთვის. ის, რაც 2 ივლისის საღამოს თბილისის ქუჩებში ხდებოდა, უდიდესი ბედნიერების და ენერგიის მომტანი იყო ჩვენი გუნდის თითოეული…

თბილისის ტრანსპორტისა და ურბანული განვითარების სააგენტოს განცხაებით, ბოლო რამდენიმე დღის განმავლობაში, სოციალურ ქსელ „ფეისბუქში“, სხვადასხვა გვერდის სახელით ვრცელდება ინფორმაცია, თითქოს მოქალაქეებს, საჩუქრად საზოგადოებრივი ტრანსპორტის ერთწლიან უფასო სამგზავრო ბარათებს გადასცემენ. ამავე ცნობით, ყალბ გვერდებზე ასევე, გამოყენებულია თბილისის მერიის ლოგო, ინფორმაციაში კი, ბარათის სანაცვლოდ, გარკვეული თანხის გადახდას ითხოვენ. „გვინდა, მოსახლეობას ვაცნობოთ, რომ აღნიშნული ინფორმაცია არის სიცრუე და საზოგადოების შეცდომაში შეყვანას ისახავს მიზნად. საზოგადოებრივი ტრანსპორტის სამგზავრო ბარათების შეძენა შეგიძლიათ ჩვეული წესით, როგორც თბილისის მეტროსადგურებში, ისე საქართველოს ბანკის ფილიალებში. მოვუწოდებთ მგზავრებს, არ ენდოთ მსგავსი ტიპის ინფორმაციას და პირველ რიგში, დარწმუნდით გვერდების სანდოობაში. მსგავს შემთხვევებში,…

ვაზისუბანში, „ჰუალინგის“ სავაჭრო ცენტრის მიმდებარე ტერიტორიაზე, მანქანას ცეცხლი გაუჩნდა. ადგილზე სამაშველო ჯგუფი იმყოფებოდა. ცეცხლი უკვე ლიკვიდირებულია. შემთხვევის შედეგად არავინ დაშავებულა.

დაღუპული პილოტის, კახაბერ ზურაბაშვილის პანაშვიდზე პრეზიდენტი სალომე ზურაბიშვილი გორში ჩავიდა და დაღუპულის ოჯახს, ახლობლებსა და კოლეგებს სამძიმარი გამოუცხადა. შეგახსენებთ, რომ ტრაგედია 2 ივლისს, მარნეულის მუნიციპალიტეტის სოფელ დისველში დატრიალდა. დაუსახლებელ ადგილას თავდაცვის სამინისტროს კუთვნილი მოიერიშე თვითმფრინავი სუ-25 ჩამოვარდა. დაღუპულია თავდაცვის ძალების ავიაციისა და საჰაერო სარდლობის პილოტი, კახაბერ ზურაბაშვილი.

თბილისის სახანძრო-სამაშველო ძალების მთავარი სამმართველოს უფროსის, ლევან მუსელიანის ცნობით, მთაწმინდის ფერდობზე ხანძარი ლიკვიდირებულია და ამ დროისთვის კერების დამუშავება მიმდინარეობს. ,,112-დან შემოსული ინფორმაციის საფუძველზე ხანძარი მთაწმინდის ფერდობზე გავრცელებული იყო. მეხანძრე-მაშველების მიერ დროულად მოხდა რეაგირება ხანძართან დაკავშირებით. ყველა ჯგუფი დროულად გამოცხადდა ადგილზე, ხანძრის ყველა მიმართულებიდან მეხანძრე-მაშველების მიერ ლოკალიზება მოხდა. ამ ეტაპზე ხანძარი ლიკვიდირებულია. ასევე, ხანძრის ქრობაში დროულად ჩაერთო სასაზღვრო პოლიციის ორი ვერტმფრენი და ამ ეტაპზე ჩვეულებრივი კერების დამუშავება მიმდინარეობს. ხანძრის გამომწვევ მიზეზებზე ვერაფერს ვერ გეტყვით. ამ ეტაპზე დგინდება რა ტერიტორიაზე იყო ხანძარი”, – განაცხადა ლევან მუსელიანმა.

შინაგან საქმეთა სამინისტროს პრესსამსახურის ცნობით, მთაწმინდის ფერდობზე გაჩენილი ხანძარი ლოკალიზებულია. ცეცხლი ბალახსა და ბუჩქებს უკიდია. უწყების თქმით, მეხანძრე მაშველებთან ერთად სალიკვიდაციო სამუშაოებში ჩართულია ვერტმფრენიც.

საპროკურორო საბჭო გენერალური პროკურორობის მსურველ  კანდიდატებს უსმენს. გასაუბრებები გენერალურ პროკურატურაში დღეიდან დაიწყო. სულ რეგისტრირებულია 11 კანდიდატი, მათ შორისაა ირაკლი შოთაძის ყოფილი მოადგილე, გიორგი გაბიტაშვილი, რომელსაც დიდი ალბათობით პროკურორობის ყველაზე დიდი შანსი აქვს. საბჭო შერჩეულ კანდიდატურას პარლამენტს წარუდგენს. შეგახსენებთ, რომ 23 მაისს ირაკლი შოთაძემ თანამდებობა დატოვა. მისი თქმით, გადაწყვეტილება გართულებული ჯანმრთელობის მდგომარეობის გამო მიიღო.

თბილისში, მთაწმინდაზე ხანძარია. ვიდეო კადრების მიხედვით, ცეცხლი ფერდზე ბალახს უკიდია. სხვა დეტალები, ამ დროისთის, უცნობია.  

სუ-25-ის ჩამოვარდნის შედეგად, ტრაგიკულად დაღუპულ სამხედრო მფრინავს, კახაბერ ზურაბაშვილს, გორში, საზოგადო პანთეონში ხვალ დაკრძალავენ. გასვენება წმინდა სამების სახელობის ტაძრიდან მოხდება. ამ დროისთვის, ოჯახი და ახლობლები სამძიმარს გარდაცვლილის მშობლიურ სახლში იღებენ.

ბაღდათის მუნიციპალიტეტის სოფელ ვარციხეში, მიუსაფარი ძაღლი იარაღით დაჭრეს. მას უკვე გაუკეთდა ოპერაცია და მის სიცოცხლეს საფრთხე არ ემუქრება. ძაღლს საფანტი ჰქონდა მოხვედრილი. ცხოველთადამცველები ამბობენ, რომ ეს არაა პირველი შემთხვევა იმერეთში, როდესაც მიუსაფარ ცხოველებს ასე სასტიკად ექცევიან. ისინი კანონმდებლობის გამკაცრებას ითხოვენ. არ გამორიცხავენ აქციების გამართვასაც. შსს-მ მომხდარზე გამოძიება 259-ე მუხლით დაიწყო, რაც ცხოველის მიმართ სასტიკ მოპყრობას გულისხმობს. არსებული ინფორმაციით, უკვე გამოიკითხა პირი, რომელმაც ძაღლს ესროლა და ის აცხადებს, რომ ცხოველი ბავშვის მიმართ აგრესიული იყო, რის გამოც იძულებული გახდა სანადირო თოფიდან გაესროლა.

ფოთში, მდინარე რიონის მიერ გამორიყული ცხედარი ოჯახის წევრებმა ამოიცნეს. ის ერთი კვირის წინ დაკარგული ქუთაისელი, 20 წლის ნინიკო გიორგაძეა. ფოთში, მდინარე რიონთან, ახალგაზრდა ქალის ცხედარი გუშინ იპოვეს. ცხედარი ადგილობრივმა სანაპირო ზოლზე აღმოაჩინა და პოლიციაში დარეკა. ნინიკო გიორგაძეს 26 ივნისის საღამოდან ეძებდნენ.

,,საქართველო აფასებს თქვენს მრავალწლიან მხარდაჭერას ჩვენი დემოკრატიის, თავისუფლებისა და მშვიდობის გზაზე”, – წერს საქართველოს პრეზიდენტი, სალომე ზურაბიშვილი. ,,ჩვენს ამერიკელ მეგობრებსა და პარტნიორებს 4 ივლისს ვულოცავ! საქართველო აფასებს თქვენს მრავალწლიან მეგობრობას და მხარდაჭერას ჩვენი დემოკრატიის, თავისუფლებისა და მშვიდობის გზაზე, რომელიც სამართლიანობასა და ადამიანური ღირებულებების პატივისცემაზეა დაფუძნებული. დამოუკიდებლობის დღეს ამერიკელ ერს ვუსურვებთ, რომ მსოფლიოში თავისუფლებისმოყვარე ერებისთვის შთაგონებად დარჩეს”, – წერს პრეზიდენტი.