თვე: ივლისი 2024

ლიეტუვა ევროკავშირს მოუწოდებს, უარი თქვას რუსულ თხევად ბუნებრივ აირზე, მას შემდეგ, რაც ცნობილი გახდა, რომ მაისში ევროპამ, ბოლო ორი წლის განმავლობაში პირველად, რუსეთიდან გაზის იმპორტი გაზარდა. უნგრეთში, ევროკავშირის ენერგეტიკის საბჭოს არაფორმალურ შეხვედრაზე ლიეტუვამ და ევროკავშირის 12-მა ქვეყანამ რუსული თხევადი ბუნებრივი აირის იმპორტის ეტაპობრივი შეწყვეტის კონკრეტული გზების მოსაძებნად დისკუსიების გამართვა მოითხოვა. „ჩვენ უნდა მოვახდინოთ ძალისხმევის მობილიზება და მივიღოთ ზომები ენერგომომარაგების შემდგომი დივერსიფიცირებისთვის და რუსული გათხევადებული ბუნებრივი აირის იმპორტის სწრაფად შეწყვეტისთვის. ბოლო ორი წლის განმავლობაში მნიშვნელოვან შედეგებს მივაღწიეთ წიაღისეული საწვავის გამოყენების შემცირებისა და განახლებადი ენერგიის სწრაფ განვითარებაში“, – განაცხადა ლიეტუვის ენერგეტიკის მინისტრის…

მეტი...

უნგრეთის პრემიერ-მინისტრის, ვიქტორ ორბანის განცხადებით, უკრაინაში ომის დასრულების გამოსავალი მოლაპარაკებების მაგიდასთანაა და არა ბრძოლის ველზე. არნიშნულთან დაკავშირებით, ორბანმა ბრიტანეთში ევროპის პოლიტიკური თანამეგობრობის ფორუმის დაწყებამდე ჟურნალისტებს განუცხადა. „მათ სჯერათ, რომ შეუძლიათ, რუსები სამხედრო გზით გაანადგურონ, მე არამგონია, ვფიქრობ, ეს კონფლიქტი ბრძოლის ველზე ვერ მოგვარდება. ამის იმედი აქვთ, მაგრამ მე არ მჯერა, ვიცნობ რუსებს, ვიცნობ ევროკავშირს, ვიცნობ უკრაინელებს. მეზობელი ქვეყანა ვართ, ვიცი, მთელი კონტექსტი. ბრძოლის ველზე გამოსავლის პოვნა შეუძლებელია. გამოსავალი მოლაპარაკების მაგიდაზეა“, – განაცხადა ორბანმა. უნგრეთის პრემიერ-მინისტრის განცხადებით, მისი მოვალეობაა, დაარწმუნოს რუსეთი და უკრაინა, გადავიდნენ ომის მხარდამჭერი პოლიტიკიდან სამშვიდობო პოლიტიკაზე.

მეტი...

საქართველოს პრემიერმინისტრი, ირაკლი კობახიძე ევროპის პოლიტიკური გაერთიანების სამიტში მონაწილეობს, რომელიც გაერთიანებულ სამეფოში იმართება. 50-მდე ქვეყნის ლიდერს დიდი ბრიტანეთისა და ჩრდილოეთ ირლანდიის გაერთიანებული სამეფოს პრემიერი კირ სტარმერი ქალაქ ვუდსტოკში, ბლენჰაიმის სასახლეში მასპინძლობს. მთავრობის ცნობით, კობახიძე სამიტის ფარგლებში დაგეგმილ პანელურ დისკუსიაში მიიღებს მონაწილეობას, რომლის მთავარი თემაა ენერგეტიკა და დაკავშირებადობა. ასევე, კობახიძის კოლეგებთან კომუნიკაციისას საუბრის ერთ-ერთი მნიშვნელოვანი თემა იქნება ევროკავშირის გაფართოება. ,,ჩვენს ევროპელ კოლეგებს გავუზიარებთ გზავნილებს იმასთან დაკავშირებით, თუ როგორ ვხედავთ საქართველოს როლს. საქართველოს შეუძლია ევროპისთვის განსაკუთრებული როლის შესრულება დაკავშირებადობის კუთხით და სწორედ ამაზე გვექნება მსჯელობა ევროპელ კოლეგებთან. დღესაც გვაქვს არაერთი მიმდინარე პროექტი,…

მეტი...

,,რუსეთის არმიას ტანკები და ქვეითი საბრძოლო მანქანები ეწურება და არ არსებობს რესურსები ახალი ტექნიკის ფართომასშტაბიანი წარმოებისთვის ან ძველის შეკეთებისთვის”, – ამის შესახებ ექსპერტებზე დაყრდნობით The Economist წერს. გამოცემა წერს, რომ უკრაინასთან ფართომასშტაბიანი ომის მესამე წელს, რუსეთს საბჭოთა პერიოდის აღჭურვილობისა და იარაღის მარაგები ეწურება, ამან კი ზაფხულის ბოლოს შეიძლება გავლენა მოახდინოს რუსული ჯარების შეტევითი მოქმედებების ინტენსივობაზე. რუსეთის თავდაცვის პოლიტიკის ექსპერტი პაველ ლუზინი და სტოკჰოლმის აღმოსავლეთ ევროპის კვლევების ცენტრის (SCEEUS) ანალიტიკოსი ალექსანდრე გოლტსი მიიჩნევენ, რომ ამჟამინდელი დანაკარგებით, რუსული ტანკებისა და ქვეითი საბრძოლო მანქანების მარაგი, რომელიც შესაფერისია საწყობებში აღდგენისთვის, 2025 წლის მეორე ნახევრისთვის…

მეტი...

ევროკავშირის საბჭოს პოლიტიკისა და უსაფრთხოების კომიტეტმა ჩეხი პოლიტიკოსი, მაგდალენა გრონო სამხრეთ კავკასიასა და საქართველოში ევროკავშირის სპეციალურ წარმომადგენლად დაამტკიცა. ევროკავშირში ჩეხეთის მუდმივი წარმომადგენლობის მიერ გავრცელებულ განცხადებაში ნათქვამია, რომ ის ამ პოსტზე ესტონელ დიპლომატს ტოივო კლაარს შეცვლის, რომელიც თანამდებობას 2017 წლიდან იკავებდა. მაგდალენა გრონო სამხრეთ კავკასიის რეგიონის სპეციალისტია, ის კარგად იცნობს საქართველოს პოლიტიკურ და საზოგადოებრივ ცხოვრებას. გარკვეული პერიოდის განმავლობაში საქართველოშიც ცხოვრობდა და ქართულ ენასაც კარგად ფლობს.

მეტი...

AP-NORC-ის მიერ ჩატარებული გამოკითხვის თანახმად, დემოკრატიული პარტიის მხარდამჭერთა თითქმის ორი მესამედი აცხადებს, რომ აშშ-ის პრეზიდენტი ჯო ბაიდენი უნდა გამოეთიშოს საპრეზიდენტო რბოლას. აღნიშნულთან დაკავშირებით, „ასოშიეითიდ პრესი“ წერს. საზოგადოებრივ საქმეთა კვლევის ცენტრის მიერ ჩატარებული გამოკითხვის შედეგების მიხედვით, დემოკრატიული პარტიის მხარდამჭერები თვლიან, რომ აშშ-ის პრეზიდენტმა, ჯო ბაიდენმა უნდა დატოვოს საპრეზიდენტო რბოლა და მის პარტიას სხვა კანდიდატის წარდგენის საშუალება მისცეს. კერძოდ, ათი დემოკრატიდან მხოლოდ სამი არის ძალიან დარწმუნებული, რომ ბაიდენს აქვს გონებრივი შესაძლებლობები. გამოკითხვა აჩვენებს, რომ ფერადკანიანი „დემოკრატები“ ბაიდენის ყველაზე ძლიერი მხარდამჭერები არიან. გამოკითხული ფერადკანიანებიდან ნახევარი ამბობს, რომ ბაიდენი უნდა დარჩეს საპრეზიდენტო რბოლაში.

მეტი...

პოლონეთში გამოკითხულთა 70 %-ი უკრაინაში არსებულ ვითარებას ქვეყნის სუვერენიტეტის და დამოუკიდებლობისთვის საფრთხის შემცველად აღიქვამს. გამოკითხულთა 30%-სთვის კი ეს უმნიშვნელოა. საზოგადოებრივ განწყობებთან დაკავშირებით, კვლევა პოლონეთის გენერალურმა სტატისტიკურმა სამსახურმა ჩაატარა. კვლევის მიხედვით, პოლონელების 30,1%-სთვის უკრაინაში შექმნილი ვითარება ქვეყნის უსაფრთხოებისთვის ძალიან დიდ საფრთხეს წარმოადგენს, ხოლო 39,9% მას საშუალო დონის საფრთხედ აღიქვამს. გამოკითხულთა 23,8% აცხადებს, რომ ეს საფრთხე უმნიშვნელოა, ხოლო გამოკითხულთა 6,2% ასეთ საფრთხეს საერთოდ ვერ ხედავს. პოლონელების 73,4%-ის აზრით, უკრაინაში არსებული ვითარება საფრთხეს უქმნის ქვეყანაში არსებულ ეკონომიკურ მდგომარეობასაც.

მეტი...

ჩეხეთის პრემიერ-მინისტრის, პეტრ ფიალას განცხადებით, უნგრეთის პრემიერ-მინისტრის, ვიქტორ ორბანის „სამშვიდობო მისია“ მხოლოდ რუსეთის პრეზიდენტს, ვლადიმერ პუტინს ეხმარება. მისივე განცხადებით, ვიქტორ ორბანის მცდელობა, თავი მაღალი დონის მშვიდობისმყოფელად წარმოაჩინოს, მათ შორის ვლადიმერ პუტინთან შეხვედრის გზით, არის „მცდარი“ და „არ შედის ევროპის ინტერესებში“. „რასაც ვიქტორ ორბანი აკეთებს, ევროპის ინტერესებში არ არის, ეს არ არის ჩემი ქვეყნის ინტერესებში, ეს არ არის უკრაინელი ხალხის ინტერესებში. სამწუხაროდ, ეს ამ სიტუაციაში მხოლოდ პუტინს ეხმარება და არასწორია“ – განაცხადა ჩეხეთის პრემიერმა. პეტრ ფიალამ ისტორიის გაკვეთილების სწავლის მნიშვნელობას გაუსვა ხაზი და თქვა, რომ საშიში რეჟიმების დამშვიდების ისტორიულმა მცდელობებმა შედეგი არ გამოიღო.…

მეტი...

ევროკავშირი სომხეთთან ვიზალიბერალიზაციის თაობაზე დიალოგის დაწყების საკითხს 22 ივლისს განიხილავს. აღნიშნულთან დაკავშირებით,  სომხეთის­ პარლამენტის ევროკავშირთან ინტეგრაციის კომიტეტის თავმჯდომარე, არმან იეგოიანი “ფეისბუქის” პირად გვერდზე წერს. იეგოიანი აღნიშნავს, რომ ევროავშირი გადაწყვეტილებას არა მხოლოდ ვიზალიბერალიზაციის, არამედ სომხეთისთვის ევროპული სამშვიდობო ინსტრუმენტის (EPF) საკითხზეც მიიღებს გადაწყვეტილებას. “სომხეთთან ვიზალიბერალიზაციის თაობაზე დიალოგის დაწყების, ასევე ევროპის სამშვიდობო ინსტრუმენტის მეშვეობით სომხეთისთვის დახმარების მიწოდების საკითხები ევროკავშირის საბჭოს (მინისტრთა საბჭოს) სააგრეო საქმეთა საბჭოს 22 ივლისის დღის წესრიგშია შეტანილი. ორივე ამ საკითხზე გადაწყვეტილებები, შესაბამისად, ამ დღეს იქნება მიღებული,” – წერს იეგოიანი.

მეტი...

დღეს, ნატო-ს გენერალურმა მდივანმა, იენს სტოლტენბერგმა უკრაინაში უფროსი წარმომადგენლის თანამდებობაზე პატრიკ ტერნერი დანიშნა.  ინფორმაციას ნატო-ს პრესსამსახური ავრცელებს. “ტერნერი კიევში ალიანსის ოფისს უხელმძღვანელებს და იმოქმედებს, როგორც უკრაინის ხელისუფლებასთან ნატო-ს ურთიერთობის კოორდინატორი. ასევე, ნატო-ს ძალისხმევას კოორდინაციას გაუწევს და უკრაინაში არსებული ვითარების შესახებ ალიანსს შეფასებებსა და რჩევებს მიაწვდის“, – ნათქვამია ინფორმაციაში. ინფორმაციისთვის, პატრიკ ტერნერი კიევში მოვალეობის შესრულებას მიმდინარე წლის სექტემბრიდან შეუდგება.

მეტი...