დღე: ივლისი 8, 2024

უკრაინამ და პოლონეთმა უსაფრთხოების შეთანხმება გააფორმეს. აღნიშნულ შეთანხმებას ხელი უკრაინის პრეზიდენტმა, ვოლოდიმირ ზელენსკიმ ვარშავაში ვიზიტისას მოაწერა. ზელენსკიმ შეხვედრები გამართა პოლონეთის პრეზიდენტთან, ანჯეი დუდასთან და პრემიერ-მინისტრთან, დონალდ ტუსკთან. ვოლოდიმირ ზელენსკიმ დონალდ ტუსკთან ერთად გამართულ პრესკონფერენციაზე ისაუბრა რუსული მხარის მიერ კიევში ბავშვთა საავადმყოფოზე თავდასხმასთან დაკავშირებითაც და აღნიშნა, რომ უკრაინას საპასუხო რეაქცია ექნება. ამასთან, უკრაინის პრეზიდენტმა უარყო უნგრეთის პრემიერ-მინისტრის, ვიქტორ ორბანის ინიციატივა შუამავლობის შესახებ რუსეთსა და უკრაინას შორის.

მეტი...

უკრაინაზე განხორციელებულ მასშტაბურ სარაკეტო იერიშთან დაკავშირებით გაერომ უშიშროების საბჭოს საგანგებო სხდომა ჩანიშნა. სხდომა ხვალ, 9 ივლისს გაიმართება. გაეროს უშიშროების საბჭოს მოწვევა უკრაინის პრეზიდენტმა, ვოლოდიმირ ზელენსკიმ მოითხოვა. უკრაინის ქალაქებზე დღევანდელი რუსული სარაკეტო თავდასხმის შედეგად, დაიღუპა 33 და დაშავდა 140 ადამიანი.    

მეტი...

“ბავშვთა საავადმყოფოზე და იქ მყოფ უდანაშაულო ბავშვებზე დარტყმას გამართლება არ აქვს”, – ასე ეხმაურება კანადის პრემიერ-მინისტრი, ჯასტინ ტრუდო რუსული ძალების მიერ უკრაინის ქალაქებზე დღეს განხორციელებულ სარაკეტო თავდასხმას. „ეს საშინელებაა. ბავშვთა საავადმყოფოზე და იქ მყოფ უდანაშაულო ბავშვებზე დარტყმას გამართლება არ აქვს“, – წერს ჯასტინ ტრუდო X-ზე. კანადის პრემიერ-მინისტრმა დაღუპულების ოჯახებსა და ახლობლებს სამძიმარი გამოუცხადა და აღნიშნა, რომ უკრაინის მიმართ კანადის ერთგულება ისეთივე ძლიერია, როგორც არასდროს. შეგახსენებთ, რუსულმა ძალებმა დღეს უკრაინის ტერიტორიაზე სარაკეტო თავდასხმა განახორციელეს, რის შედეგადაც, ბოლო მონაცემებით, 33 ადამიანი დაიღუპა და 136 დაშავდა. რუსებმა კიევის ბავშვთა საავადმყოფოც დაბომბეს. კიევში რუსების თავდასხმის…

მეტი...

ჯო ბაიდენმა „დემოკრატ“ კონგრესმენებს განუცხადა, რომ საპრეზიდენტო რბოლას არ გამოეთიშება. ინფორმაციას Axios-ი აშშ-ის პრეზიდენტის მიერ „დემოკრატი“ კონგრესმენებისთვის გაგზავნილ წერილზე დაყრდნობით ავრცელებს. „ჩვენ ერთი ამოცანა გვაქვს. დავამარცხოთ დონალდ ტრამპი. ჩვენ „დემოკრატიული პარტიის“ ეროვნულ კონვენციამდე 42 და არჩევნებამდე 119 დღე გვაქვს. კითხვა, თუ როგორ წავიდეთ წინ, უკვე ერთ კვირაზე მეტია კარგად გაჟღერდა და დროა ეს დასრულდეს“, – წერს ჯო ბაიდენი კონგრესმენებს. ჯო ბაიდენი წერილში აღნიშნავს, რომ დონალდ ტრამპთან დებატების შემდეგ გამოთქმულ შეშფოთებას არ უგულებელყოფს, მაგრამ, მისივე თქმით, მან პრაიმერიზში გაიმარჯვა და „დემოკრატიული პარტიის“ ამომრჩევლებმა თავიანთი სიტყვა უკვე თქვეს.

მეტი...

პოლონეთის საზღვრიდან ხუთ კილომეტრში, ჩინელმა და ბელარუსმა ჯარისკაცებმა ერთობლივი სამხედრო წვრთნები  დაიწყეს. ბელარუსის თავდაცვის სამინისტროს ინფორმაციით, სამხედრო წვრთნები სახელწოდებით, „არწივის თავდასხმა“ ქალაქ ბრესტის ბაზაზე მიმდინარეობს. ანტიტერორისტული წვრთნების დროს ორივე ქვეყნის სამხედრო მოსამსახურეები ივარჯიშებენ ღამის დაშვებაში, წყლის დაბრკოლებების გადალახვასა და დასახლებულ პუნქტებში ოპერაციებში. ბრესტში სამხედრო წვრთნები 19 ივლისამდე გაგრძელდება.

მეტი...

სომხეთის საგარეო საქმეთა მინისტრი ნატო-ს საიუბილეო სამიტს დაესწრება. ამის შესახებ, განცხადებას სომხეთის საგარეო საქმეთა სამინისტრო ავრცელებს. „მინისტრი (არარატ) მირზოიანი ნატო-ს პარტნიორებთან ერთად ნატო-ს სამიტის ფარგლებში გამართულ ღონისძიებაში მონაწილეობას მიიღებს. ასევე, ორგანიზაციის 75 წლის იუბილესადმი მიძღვნილ სხვა ღონისძიებებში. ასევე, დაგეგმილია ორმხრივი შეხვედრები“ – ნათქვამია განცხადებაში. შეგახსენებთ, ნატო-ს სამიტი ვაშინგტონში 9-11 ივლისს გაიმართება.

მეტი...

უკრაინის საგანგებო სიტუაციების სახელმწიფო სამსახურმა მონაცემები განაახლა. უწყების ინფორმაციით, უკრაინის ქალაქებზე დღევანდელი რუსული სარაკეტო თავდასხმის შედეგად, დაიღუპა 33 და დაშავდა 140 ადამიანი. ამავე ცნობით, კიევში დაიღუპა 22 ადამიანი, დნეპროპეტროვსკის რაიონში  კი 11. 140 დაჭრილიდან – 74 კიევში, ორი კიევის ოლქში, 64 დნეპროპეტროვსკის ოლქში. ნანგრევებიდან ამოიყვანეს 19 ადამიანი – 11 კიევში და 8 დნეპროპეტროვსკის რეგიონში; სავარაუდოდ ეს არ არის საბოლოო მონაცემები, რადგან დაბომბვების ადგილას სამაშველო ოპერაცია გრძელდება და ნანგრევებში კიდევ ეძებენ ადამიანებს.

მეტი...

უნგრეთის პრემიერ-მინისტრის ვიქტორ ორბანის განცხადებით, მსოფლიოში ძალიან ცოტა ადამიანია, ვინც უფრო მეტი იცის რუსეთის შესახებ, ვიდრე უნგრელებმა და თავად. „ვიცი, რომ რუსები განსხვავდებიან ჩვენგან, განსხვავებული ინსტინქტები და შეხედულებები აქვთ. განსხვავებული კულტურა, თავისუფლების განსხვავებული გაგება და ასევე განსხვავებული გაგება აქვთ ეროვნული სუვერენიტეტის. მერკელი იცნობდა მათ. ის რომ კანცლერი ყოფილიყო, პუტინი ამ ომს არ დაიწყებდა. მას არ ესმოდა ლიბერალური დემოკრატია რუსეთში და დასავლელი ხალხის სულელური მიდგომები“,- განაცხადა უნგრეთის პრემიერმა.

მეტი...

უკრაინის პრეზიდენტი ვოლოდიმირ ზელენსკი აცხადებს,  რომ უნგრეთის პრემიერ-მინისტრი ვიქტორ ორბანი არ არის საკმარისად გავლენიანი, რომ უკრაინა-რუსეთს შორის შუამავლის როლი შეასრულოს. როგორც ზელენსკი აღნიშნავს, შუამავლები შეიძლება ,მხოლოდ ისეთ მოთამაშეები იყვნენ, როგორებიც არიან ამერიკის შეერთებული შტატები, ჩინეთი ან ევროკავშირი. „არ ვიცოდი, რომ მოსკოვში მიდიოდა. ეს მისი დამოუკიდებელი არჩევანია. რაც შეეხება იმას, შეიძლება თუ არა ის იყოს შუამავალი. რუსეთსა და უკრაინას შორის შუამავლობა არ არსებობს. მხოლოდ სერიოზული, ძლიერი მოკავშირეები შეიძლება, იყვნენ შუამავლები“ – განაცხადა ზელენსკიმ. ზელენსკის განცხადებით, შუამავალი უნდა იყოს ეკონომიკურად ძლიერი და უნდა ჰქონდეს გავლენა რუსეთის ეკონომიკაზე ან უნდა ჰყავდეს უფრო ძლიერი…

მეტი...

კიევში 9 ივლისი გლოვის დღედ გამოაცხადეს. ამის შესახებ, კიევის მერი, ვიტალი კლიჩკო ტელეგრამ არხზე წერს. 9 ივლისს ყველა მუნიციპალურ შენობაზე დროშები დაეშვება და ნებისმიერი გასართობი ღონისძიება აიკრძალება. რუსეთმა უკრაინაზე მასშტაბური სარაკეტო იერიში მიიტანა. დაბომბილია, ბავშვა საავადმყოფო და სამშობიარო. დაღუპულია 20-ზე მეტი ადამიანი.

მეტი...

რუსეთის მიერ კიევის ბავშვთა საავადმყოფოს დაბომბვის გამო უკრაინა გაერო-ს უშიშროების საბჭოს საგანგებო სხდომას იწვევს, აღნიშნულთან დაკავშირებით, უკრაინის პრეზიდენტმა, ვოლოდიმირ ზელენსკიმ განაცხადა. „რუსეთის მიერ სამოქალაქო ინფრასტრუქტურაზე, მათ შორის ბავშვთა საავადმყოფოზე თავდასხმის გამო, უკრაინა გაერო-ს უშიშროების საბჭოს საგანგებო სხდომას იწვევს. ჩვენ რუსეთს მის ტერორისტულ თავდასხმებზე პასუხისმგებლობა უნდა დავაკისროთ, ხოლო პუტინს თავდასხმების ბრძანების გაცემისთვის. ყოველ ჯერზე, მასთან მშვიდობის განხილვის მცდელობებს, რუსეთი სახლებსა და საავადმყოფოებზე დარტყმებით პასუხობს“, – განაცხადა ვოლოდიმირ ზელენსკიმ. ცნობისთვის, მიმდინარე თვეში გაერო-ს უშიშროების საბჭოს თავმჯდომარე ქვეყანა რუსეთია.

მეტი...

ინდოეთის პრემიერ-მინისტრი ნარენდრა მოდი მოსკოვში ჩავიდა. აღნიშნულთან დაკავშირებით, ინფორმაციას ის სოციალურ ქსელში ავრცელებს. „მოუთმენლად ველით ჩვენს ქვეყნებს შორის განსაკუთრებული და პრივილეგირებული სტრატეგიული პარტნიორობის შემდგომ გაღრმავებას“ – წერს ნარენდრა მოდი X-ზე. ინდოეთის პრემიერ-მინისტრმა აღნიშნა, რომ რუსეთსა და ინდოეთს შორის კავშირების განმტკიცება ორივე ქვეყნის ხალხს დიდ სარგებელს მოუტანს. რუსეთის პრეზიდენტის პრესმდივანმა, დიმიტრი პესკოვმა განაცხადა, რომ ვლადიმერ პუტინსა და ნარენდრა მოდის შორის ოფიციალური მოლაპარაკებები ხვალ, 9 ივლისს გაიმართება.

მეტი...

დიდი ბირიტანეთის საგარეო საქმეთა მინისტრი დეივიდ ლამი კიევში ბავშვთა საავადმყოფოზე განხორციელებულ თავდასხმას ეხმაურება. მინისტრი ამბობს, რომ უკრაინისადმი დიდი ბრიტანეთის მხარდაჭერა ურყევია. “რუსეთის შეტევა კიევში, ოხმადეტის ბავშვთა საავადმყოფოზე, არის საშინელი თავდასხმა უკრაინელ მოქალაქეებზე. ჩემი ფიქრები ყველა მსხვერპლთან და მათ ახლობლებთანაა. უკრაინისადმი დიდი ბრიტანეთის მხარდაჭერა უყევია. პუტინის უკანონო ომში პასუხისმგებელი პირები, პასუხისგებაში უნდა მიეცნენ” – წერს დეივიდ ლამი X – ზე. დაღუპულთა და დაშავებულთა რაოდენობა კიევსა და უკრაინის ქალაქებში – ბოლო მონაცემები

მეტი...

კიევში ბავშვთა საავადმყოფო Kh-101 ფრთოსანი რაკეტებით დაბომბეს. ინფორმაციას უკრაინის უშიშროების სამსახური [SBU] ავრცელებს. „ტრაგედიის ადგილზე უკვე ნაპოვნია შესაბამისი მტკიცებულებები: კერძოდ, Kh-101 რაკეტის უკანა კორპუსის ნაწილები სერიული ნომრით და ამავე რაკეტის საჭის ნაწილი“, – აცხადებს დეპარტამენტი. უკრაინის უსაფრთხოების სამსახურმა ,,ოხმადეტზე” თავდასხმა სამხედრო დანაშაულად შეაფასა და შესაბამისი სისხლის სამართლის საქმე აღძრა.

მეტი...

,,რუსეთის ომის დანაშაულებზე პასუხისმგებელი ყველა პირი პასუხს აგებს”, – წერს X-ზე საგარეო საქმეთა და უსაფრთხოების პოლიტიკის საკითხებში ევროკავშირის უმაღლესი წარმომადგენელი, ჯოზეფ ბორელი და რუსების მიერ კიევში ბავშვთა საავადმყოფოს დაბომბვას ეხმაურება. ,,რუსეთი მშვიდობიანი უკრაინელი მოსახლეობის მიზანში ამოღებას აგრძელებს. დღევანდელი საჰაერო თავდასხმების შედეგად ათობით ადამიანი დაიღუპა და დაშავდა, კიევის ყველაზე დიდი ბავშვთა საავადმყოფო ,,ოხმატდეტი” განადგურდა. უკრაინას ახლა საჰაერო თავდაცვა სჭირდება. რუსეთის ომის დანაშაულებზე პასუხისმგებელი ყველა პირი პასუხს აგებს”, – წერს ბორელი

მეტი...

რუსეთმა კიევში ამჯერად სამშობიარო დაბომბა. უკრაინის ომბუდსმენის, დმიტრო ლუბინეცის განცხადებით, ამ დროისათვის ცნობილია 4 დაღუპულისა და სამი დაშავებულის შესახებ. შეგახსენებთ, რომ რუსებმა დღეს დილიდან სარაკეტო იერიში მიიტანა უკრაინის დედაქალაქზე და ბავშვთა საავადმყოფო დაბომბა. ამ დროისათვის არსებული მონაცემებით, დაღუპულია 9 და დაშავებულია 35-მდე ადამიანი, თუმცა ნანგრევებში სავარაუდოდ კიდევ არიან ადამიანები და მოსალოდნელია მსხვერპლის რიცხვის გაზრდა. კიევის გარდა, რუსული რაკეტების სამიზნე გახდა დნიპრო, კრივოი როგი, სლავიანსკი, კრამატორსკი, რასაც 20 ადამიანი ემსხვერპლა.

მეტი...

,,პუტინი, ბავშვთა საავადმყოფოს დაბომბვით, NATO-ს სამიტს სალამს უგზავნის”, – ამის შესახებ ლიეტუვის საგარეო საქმეთა მინისტრი გაბრიელიუს ლანდსბერგისი X-ზე წერს და რუსების მიერ კიევში ბავშვთა საავადმყოფოს დაბომბვას ეხმაურება. ,,პუტინი ბავშვთა საავადმყოფოს დაბომბვით, NATO-ს სამიტს სალამს უგზავნის, თითქოს რაიმე განმარტება იყო საჭირო იმის შესახებ, თუ რატომ უნდა ჰქონდეს უკრაინას ახლა ყველა შესაძლო მხარდაჭერა და მომავალში უსაფრთხოების რეალური გარანტიები”, – წერს მინისტრი.

მეტი...

უკრაინის პრეზიდენტმა, ვოლოდიმირ ზელენსკიმ და პოლონეთის პრემიერმინისტრმა, დონალდ ტუსკმა, ვარშავაში, უსაფრთხოების შეთანხმებას ხელი მოაწერეს. უკრაინა და პოლონეთი პოლიტიკური, სამხედრო და ეკონომიკური თანამშრომლობის განვითარებაზე შეთანხმდნენ. ასევე, პირობა დადეს, რომ ,,მჭიდროდ ითანამშრომლებენ უკრაინის, როგორც სუვერენული და დემოკრატიული სახელმწიფოს აღდგენის საქმეში”. შეთანხმების მიხედვით, 2024 წელს პოლონეთი უზრუნველყოფს რამდენიმე მნიშვნელოვან სამხედრო დახმარების პაკეტს და გააგრძელებს უკრაინის მტკიცე მხარდაჭერას მომდევნო ათწლეულის განმავლობაში. ვარშავა განიხილავს მიგ-29-ის მინიმუმ ერთი დამატებითი ესკადრილიის (მინიმუმ 14 გამანადგურებელი) უკრაინისთვის მიწოდების შესაძლებლობას. ვოლოდიმირ ზელენსკი ვარშავაში, დღეს, 8 ივლისს ჩავიდა. ვაშინგტონში NATO-ს სამიტის დაწყებამდე ერთი დღით ადრე. პოლონეთი დიდი შვიდეულის (G7) ქვეყნებიდან ბოლოა,…

მეტი...

რუსეთის თავდაცვის სამინისტრომ უკრაინაზე მასიური სარაკეტო თავდასხმა დაადასტურა. უწყების ცნობით, სამიზნე ,,უკრაინის სამხედრო ინდუსტრიის ობიექტები” და ,,უკრაინის შეიარაღებული ძალების საავიაციო ბაზები” იყო. რუსეთი ასევე ამტკიცებს, რომ უკრაინის განცხადებები სამოქალაქო ობიექტებზე განზრახ სარაკეტო თავდასხმის შესახებ სიმართლეს არ შეესაბამება. ,,კიევიდან არაერთი გამოქვეყნებული ფოტო და ვიდეო კადრები ნათლად ადასტურებს ქალაქში საზენიტო-სარაკეტო სისტემიდან გაშვებული უკრაინული საჰაერო თავდაცვის რაკეტის ჩამოვარდნის ფაქტს. განსაკუთრებით აღვნიშნავთ, რომ კიევის რეჟიმის მსგავსი ისტერიკა რამდენიმე წელია და ყოველ ჯერზე ხდება მათი პატრონების NATO-ს მორიგი შეხვედრის (სამიტის) წინა დღეს. ასეთი პროვოკაციების მიზანია კიევის რეჟიმის შემდგომი დაფინანსების უზრუნველყოფა და ომის გაგრძელება უკანასკნელ უკრაინამდე”,…

მეტი...

,,ნატოში უკრაინის გაწევრიანების წინაპირობა რუსეთთან ომში გამარჯვებაა”, – განაცხადა იენს სტოლტენბერგმა. ჩრდილო-ატლანტიკური ალიანსის გენერალურმა მდივანმა, CBS News-თან ინტერვიუს დროს აღნიშნა, რომ უკრაინა ახლა ომშია და სწორედ ამიტომაც ვარაუდობს, რომ ალიანსში მისი გაწევრიანების პროცესს შესაძლოა 10 წელი დასჭირდეს. სტოლტენბერგმა განმარტა, რომ მშვიდობისაკენ მისასვლელი ერთადერთი გზა არის პუტინის დარწმუნება, რომ ის ბრძოლის ველზე ვერ გაიმარჯვებს.

მეტი...

რუსეთმა უკრაინულ ქალაქებზე მასირებული სარაკეტო იერიში მიიტანა. დაღუპულია 20-ზე მეტი ადამიანი. ოკუპანტების ერთ-ერთი სამიზნე დედაქალაქ კიევში მდებარე საცხოვრებელი შენობები, მათ შორის ბავშვთა საავადმყოფო აღმოჩნდა. წინასწარი ცნობებით, სარაკეტო იერიშის დროს 7 ადამიანი დაიღუპა, არიან დაშავებულებიც. მსხვერპლია ქალაქ კრივირიჰსა და პორკოვსკშიც. ,,ერთი რაკეტა ბავშვთა საავადმყოფოს ტერიტორიაზე ჩავარდა, რის გამოც პაციენტები ევაკუირებულნი არიან ქალაქის მუნიციპალურ საავადმყოფოებში”, – განაცხადა კიევის მერმა, ვიტალი კლიჩკომ. უკრაინის პრეზიდენტის, ვოლოდიმირ ზელენსკის განცხადებით, დაზიანებული საავადმყოფოს ტერიტორიაზე ნანგრევების ქვეშ მოქალაქეები არიან მოყოლილი. უკრაინის პრეზიდენტის ოფისის ხელმძღვანელის, ანდრეი ერმაკის განცხადებით, რუსეთი უკრაინელ ბავშვებს მიზანმიმართულად დაესხა თავს. თავად ვოლოდიმირ ზელენსკი კი ავრცელებს…

მეტი...

საფრანგეთის პრეზიდენტმა ემანუელ მაკრონმა არ მიიღო პრემიერ-მინისტრის გაბრიელ ატალის თხოვნა გადადგომის შესახებ. მაკრონმა გაბრიელ ატალს სთხოვა ამ ეტაპზე თანამდებობაზე დარჩეს, რათა „უზრუნველყოს ქვეყნის სტაბილურობა“. სახელმწიფოს მეთაურმა მადლობა გადაუხადა გაბრიელ ატალს ევროპული და საპარლამენტო არჩევნების კამპანიისთვის, რომელსაც ის ხელმძღვანელობდა. საფრანგეთის პრემიერმა კვირას განაცხადა, რომ ემანუელ მაკრონს გადადგომის თხოვნით მიმართავს. საფრანგეთის საპარლამენტო არჩევნების მეორე ტურში „ახალმა სახალხო ფრონტმა“ გაიმარჯვა. წინასწარი მონაცემებით, „ახალი სახალხო ფრონტი“ (მემარცხენეების გაერთიანება) პარლამენტში 172-192 ადგილს მიიღებს, პრეზიდენტ ემანუელ მაკრონის კოალიცია – 150-170 ადგილს, ხოლო მარინ ლე პენის „ეროვნული გაერთიანება“ – 132-152 ადგილს. მემარცხენე პარტია „დაუმორჩილებელი საფრანგეთის“ ლიდერი, ჟან-ლუკ…

მეტი...