თვე: ივნისი 2024

,,რუსეთი იბრძვის იმისთვის, რომ დაასრულოს უკრაინა, უკრაინა კი იმისთვის, რომ დაასრულოს ომი”, – აცხადებს ევროკომისიის პრეზიდენტი ურსულა ფონ დერ ლეიენი ბერლინში, უკრაინის მხარდამჭერ კონფერენციაზე, სადაც მსოფლიო ლიდერები ომში მყოფი ქვეყნის აღდგენის, რეკონსტრუქციის, რეფორმებისა და მოდერნიზაციისთვის საერთაშორისო მხარდაჭერის შესახებ მსჯელობენ. ,,რუსეთი იბრძვის წარსულისთვის, უკრაინა კი უკეთესი მომავლისთვის. რუსეთი ანგრევს, უკრაინა კი თავს იცავს. არსად იმაზე უკეთ არ ჩანს ეს კონტრასტი, ვიდრე ბრძოლებით დაქანცულ ქალაქ ხარკოვში. ორი წლის წინ ხარკოვში ხალხმა განდევნა რუსეთის ჯარი და მას შემდეგ მათ არა მხოლოდ აღადგინეს, არამედ თავიდან გახსნეს თავიანთი კულტურული ცენტრების კარები, მოამზადეს გეგმა უფრო მწვანე…

მეტი...

ევროკომისიის პრეზიდენტმა, ურსულა ფონ დერ ლაიენმა ბერლინში მიმდინარე უკრაინის აღდგენის კონფერენციაზე განაცხადა, რომ უკრაინასთან გაწევრიანების შესახებ მოლაპარაკებები ამ თვის ბოლოს დაიწყება. მისი თქმით, უკრაინამ შეასრულა ყველა საჭირო რეფორმის მოთხოვნა, რათა მას მიეცეს საშუალება გახდეს ბლოკის წევრი. შეგახსენებთ, რომ 7 ივნისს, ევროკომისიამ უკრაინასა და მოლდოვასთან ევროკავშირში გაწევრიანებაზე მოლაპარაკებების დაწყებას რეკომენდაცია გაუწია.

მეტი...

ქალაქ რამალას მახლობლად ისრაელის ძალების მიერ თავდასხმის მცდელობაში ეჭვმიტანილების დაკავების დროს ოთხი პალესტინელი დაიღუპა. მოგვიანებით, შეტაკებების დროს დაიჭრა რამდენიმე პირი, რომლებიც დასავლეთ სანაპიროზე მდებარე საავადმყოფოში არიან გადაყვანილები. „როიტერის“ ცნობით,  აღნიშნულთან დაკავშირებით ინფორმაციას  პალესტინელი ოფიციალური პირები ავრცელებენ. ამასთან, ისრაელის სასაზღვრო პოლიციის მიერ გავრცელებულ განცხადებაში აღნიშნულია, რომ ისინი ადგილზე თავდასხმის მცდელობაში ეჭვმიტანილების დასაკავებლად მივიდნენ, რა დროსაც ოთხმა ეჭვმიტანილმა გაქცევა სცადა მანქანით. პოლიციამ მანქანას ცეცხლი გაუხსნა და ეჭვმიტანილები მოკლა. პალესტინური მხარის ცნობით, ისრაელის ძალებმა მანქანას ქალაქ რამალას მახლობლად მდებარე სოფელთან გაუხსნეს ცეცხლი. მათივე ინფორმაციით, ისრაელის ჯარები მოგვიანებით სოფელში შევიდნენ, რის შემდეგაც შეტაკებების შედეგად…

მეტი...

საფრანგეთის დედაქალაქ პარიზში საპროტესტო აქცია გაიმართა. აქციის მონაწილეები აპროტესტებდნენ წინასწარ შედეგებს, რომლის მიხედვითაც, ევროპარლამენტის არჩევნებში საფრანგეთში ულტრამემარჯვენეები იმარჯვებენ. საპროტესტო აქცია პოლიციასთან შეტაკებაში გადაიზარდა. სამართალდამცველებმა აქციის მონაწილეების წინააღმდეგ ცრემლსადენი გაზი გამოიყენეს. ევროპარლამენტის არჩევნებში მარინ ლე პენის პარტიამ, „ეროვნულმა გაერთიანებამ“ (RN) ხმების 30%-ზე მეტი მიიღო, ხოლო საფრანგეთის პრეზიდენტის, ემანუელ მაკრონის პარტიამ, „რენესანსმა“- 14.6%. ევროპარლამენტის არჩევნების შედეგების გამოქვეყნების შემდეგ საფრანგეთის პრეზიდენტმა, ემანუელ მაკრონმა საფრანგეთში რიგგარეშე საპარლამენტო არჩევნების ჩატარების გადაწყვეტილება მიიღო.

მეტი...

ევროკავშირის წარმომადგენლები 2025 წელს რუსეთი-უკრაინის გაზსადენის მეშვეობით გაზის მიწოდების გაგრძელებაზე მსჯელობენ. Bloomberg-ის ცნობით, ერთ-ერთი ვარიანტი, რომელიც ამ ეტაპზე განიხილება, იმაში მდგომარეობს, რომ ევროპული კომპანიები აზერბაიჯანულ გაზს შეიძენენ, ევროპაში კი ის რუსული გაზსადენის მეშვეობით მოხვდება. „ასეთი შეთანხმება დაეხმარებოდა ევროპას თავიდან აიცილოს რუსული გაზის შესყიდვასთან დაკავშირებული უხერხულობა, იმ დროს როცა ის მოსკოვის შემოსავლების შემცირებას ცდილობს“, – აღნიშნულია სტატიაში. ავტორების აზრით, ასეთი პერსპექტივის სასარგებლოდ ის ფაქტიც მეტყველებს, რომ ეს უკრაინისთვის იქნება სასარგებლო. 2021 წლის მონაცემებით, ამ ქვეყნის გაზის ტრანზიტით მიღებულმა შემოსავალმა დაახლოებით მილიარდ დოლარს მიაღწია, რამაც ომით დანგრეული ეკონომიკის დაფინანსება უზრუნველყო. ამასთან, არსებობს…

მეტი...

იაპონია არ აღიარებს ცხინვალის რეგიონში/სამხრეთ ოსეთში 9 ივნისს ჩატარებული ე.წ. „საპარლამენტო არჩევნების“ ლეგიტიმურობას, – ამის შესახებ ნათქვამია ცხინვალის რეგიონში/სამხრეთ ოსეთში ე.წ. “საპარლამენტო არჩევნების” შესახებ საქართველოში იაპონიის საელჩოს განცხადებაში. „იაპონია მხარს უჭერს საქართველოს სუვერენიტეტსა და ტერიტორიულ მთლიანობას საერთაშორისოდ აღიარებული საზღვრების ფარგლებში. აღნიშნული პოზიციის გათვალისწინებით, იაპონია არ აღიარებს ცხინვალის რეგიონში/სამხრეთ ოსეთში 9 ივნისს ჩატარებული ე.წ. „საპარლამენტო არჩევნების“ ლეგიტიმურობას. იაპონია ეწინააღმდეგება საქართველოს საერთაშორისოდ აღიარებული საზღვრების ცვლილების ნებისმიერ მცდელობას“, – ნათქვამია განცხადებაში.

მეტი...

შეერთებული შტატები მიგრაციის პოლიტიკას ამკაცრებს. ამერიკის პრეზიდენტის განკარგულებით, ქვეყანაში არალეგალურად ჩასულ მოქალაქეებს აღარ შეუშვებენ. რთულდება თავშესაფრის მიღების პროცედურებიც. არაოფიციალურად უკვე ცნობილია იმ ქვეყნების ჩამონათვალი რომელთა მოქალაქეებიც ვეღარ გადაკვეთენ მექსიკიდან შეერთებული შტატების საზღვარს და პოსტსაბჭოთა ქვეყნების სიაში პირველ ადგილზე საქართველოა. ბაიდენის ახალმა განკარგულებამ საზღვრის არალეგალურად კვეთის დროს დაჭერილი ადამიანების დეპორტაცია უფრო მარტივი გახადა. ბრძანება ძალაში უკვე შევიდა და მაშინ გააქტიურდება, როცა კვირის განმავლობაში მიგრანტების დაკავების ყოველდღიური საშუალო მაჩვენებელი 2500-ს გადასცდება. თეთრ სახლში გამართულ პრესკონფერენციაზე ბაიდენმა აღნიშნა, რომ თავშესაფარზე წვდომა იქნება შესაძლებელი მათთვის იქნება, ვინც შესაბამის აპლიკაციაზე დარეგისტრირდება, ან საზღვრის უკანონო კვეთის…

მეტი...

Washington Post ამერიკის სახელმწიფო დეპარტამენტის ოფიციალურ პირებზე დაყრდნობით ავრცელებს ინფრომაციას, რომ პრეზიდენტ ბაიდენის ადმინისტრაციამ გააუქმა აკრძალვა ამერიკული იარაღის გამოყენების უფლებაზე უკრაინის ეროვნული გვარდიის მე-12 სპეცდანიშნულების ბრიგადა “აზოვისთვის”. გამოცემის ცნობით, ათწლეულის განმავლობაში მოქმედი აკრძალვა ამერიკული წვრთნისა და იარაღის გამოყენებაზე მას შემდეგ გაუქმდა, რაც ახალი ანალიზით არ აღმოჩნდა მტკიცებულება დანაყოფების მიერ ადამიანის უფლებების დარღვევის შესახებ. ეს არის კანონი, რომელიც კრძალავს აშშ-ს სამხედრო დახმარების გაწევას უცხოური ქვედანაყოფებისთვის, რომლებმაც ჩაიდინეს ადამიანის უფლებების სერიოზული დარღვევა. მას ეწოდა ყოფილი სენატორის პატრიკ ლეაჰის სახელი. დეპარტამენტის წარმომადგენელმა უარი თქვა ესაუბრა იმაზე, თუ როდის მოიხსნა აკრძალვა და მიაღწია თუ…

მეტი...

რუსეთის თავდაცვის სამინისტროს ცნობით, რუსეთის საჰაერო კოსმოსური ძალების “სუ-34” ტიპის გამანადგურებელი ჩამოვარდა ჩრდილოეთ ოსეთის მთიან მხარეში, დაუსახლებელ ტერიტორიაზე. ავიაკატასტროფის შედეგად ეკიპაჟი დაიღუპა. რუსული სამთავრობო პროპაგანდისტული მედიები წერენ, რომ თვითმფრინავის ჩამოვარდნის წინასწარი მიზეზი ტექნიკური გაუმართაობაა. ცნობილია, რომ ბორტზე ორი პილოტი იმყოფებოდა და ბომბდამშენი საწვრთნელ ფრენას ასრულებდა.

მეტი...

გაეროს უშიშროების საბჭომ დაამტკიცა თავისი პირველი რეზოლუცია, რომელიც მხარს უჭერს ცეცხლის შეწყვეტის გეგმას ისრაელსა და “ჰამასს” შორის, რომლის მიზანიც ომის დასრულებაა. აშშ-ს მიერ შემუშავებული რეზოლუცია ასახავს სამფაზიან ცეცხლის შეწყვეტის გეგმას, რომელიც პრეზიდენტმა ბაიდენმა აღწერა, როგორც ისრაელის ინიციატივა. “ჰამასმა” განაცხადა, რომ მზადაა ითანამშრომლოს შუამავლებთან გეგმის პრინციპების განხორციელების საკითხში. ცეცხლის შეწყვეტის სამფაზიანი გეგმა ითვალისწინებს მეტი მძევლის გათავისუფლებას და საომარი მოქმედებების დროებით შეჩერებას, რომელიც გაგრძელდება იმდენ ხანს, რამდენიც დასჭირდება მეორე ფაზაზე მოლაპარაკებას, რომელიც მიზნად ისახავს ყველა მძევლის გათავისუფლებას, “ისრაელის ჯარების სრულ გაყვანას ღაზიდან” და “საომარი მოქმედებების სამუდამოდ შეწყვეტას”. მესამე ეტაპი ღაზას რეკონსტრუქციას ითვალისწინებს.…

მეტი...

უკრაინის პრეზიდენტი ვოლოდიმირ ზელენსკი ორშაბათს საღამოს ბერლინში ჩავიდა. ის მონაწილეობას მიიღებს უკრაინის აღდგენის კონფორენეციაში და მოლაპარაკებებს გამართავს გერმანიის კანცლერ ოლაფ შოლცთან. ზელენსკიმ სოციალურ ქსელში დაწერა, რომ რუსული “საჰაერო ტერორის პირობებში”, გადაუდებელი გადაწყვეტილებები უკრაინის ენერგეტიკის სექტორისთვის მთავარი პრიორიტეტი იქნება. ,,ჩვენ ვისაუბრებთ ოლაფ შოლცთან შემდგომი თავდაცვის მხარდაჭერის, უკრაინის საჰაერო თავდაცვის სისტემის განვითარებისა და იარაღის ერთობლივი წარმოების შესახებ”, – დაწერა ზელენსკიმ. როგორც უკრაინის ლიდერმა განაცხადა, აპირებს შეხვედრებს გერმანიის პრეზიდენტთან და ბუნდესტაგის თავმჯდომარესთან, ასევე ეწვევა სამხედრო ბაზას, სადაც უკრაინელი ჯარისკაცები წვრთნიან.

მეტი...

ენტონი ბლინკენი ახლო აღმოსავლეთის სახელმწიფოების ლიდერებს მოუწოდებს, რომ „ჰამასზე“ ზეწოლა მოახდინონ, რათა ღაზაში ცეცხლის შეწყვეტის შესახებ წინადადებას დათანხმდეს. „რეგიონის მთავრობებისთვის ჩემი გზავნილია… თუ ცეცხლის შეწყვეტა გსურთ, მოახდინეთ ზეწოლა „ჰამასზე“, რომ „დიახ“ თქვას“ – განაცხადა აშშ-ის სახელმწიფო მდივანმა. ენტონი ბლინკენმა კაიროში ჟურნალისტებს განუცხადა, რომ აშშ-ის პრეზიდენტის, ჯო ბაიდენის მიერ წარდგენილი ცეცხლის შეწყვეტის სამეტაპიანი წინადადება საუკეთესო გზაა ღაზაში ცეცხლის შეწყვეტის მიღწევისთვის.    

მეტი...

თურქეთისა და აზერბაიჯანის პრეზიდენტებმა ბაქო-თბილისი-ყარსის რკინიგზის შესაძლებლობების განვითარების საკითხი განიხილეს. რეჯეფ თაიფ ერდოღანისა და ილჰამ ალიევის შეხვედრა თურქეთის დედაქალაქ ანკარაში გაიმართა. აზერბაიჯანული მედიის ინფორმაციით, შეხვედრაზე ხაზი გაესვა ორი ქვეყნის ერთობლივი საქმიანობის მნიშვნელობას შუა დერეფნის განვითარების კუთხით. გავრცელებული ცნობით, ერდოღანმა და ალიევმა ასევე განიხილეს ქვეყნებს შორის ენერგეტიკის, სატრანსპორტო, ეკონომიკური, სავაჭრო კავშირების გაფართოება, თავდაცვის, სამხედრო-სამრეწველო და სხვა სფეროებში თანამშრომლობის საკითხები.

მეტი...

ნიდერლანდების თავდაცვის მინისტრი, კაისა ოლონგრენი კიევში იმყოფება.ინფორმაციას უკრაინის პრემიერ-მინისტრი, დენის შმიგალი ავრცელებს.  შმიგალმა კაისა ოლონგრენს უკრაინის საჰაერო თავდაცვის გაძლიერების მხარდაჭერისთვის მადლობა გადაუხადა. „აღვნიშნე ნიდერლანდების ინიციატივა, პარტნიორებთან ერთად უკრაინისთვის Patriot-ის სისტემების ერთობლივი გადაცემის შესახებ. ასევე, ჩვენ F-16-ების სწრაფ მიღებას ველით, რაც ხალხისა და ინფრასტრუქტურის დაცვას ხელს შეუწყობს“, – განაცხადა დენის შმიგალმა. ასევე, მხარეებმა თავდაცვის სფეროში ერთობლივი წარმოების, ტექნოლოგიების გაცვლის, შვეიცარიაში გასამართი გლობალური სამშვიდობო სამიტისა და უკრაინის ევროატლანტიკური ინტეგრაციის საკითხები განიხილეს.

მეტი...

გასული დღის განმავლობაში ისრაელის სამხედრო ოპერაციას ღაზის სექტორში 40 ადამიანი ემსხვერპლა, 218 კი დაშავდა. არაბული მედიის ინფორმაციით, ისრაელის არმიამ საარტილერიო ცეცხლი გაუხსნა ღაზასა და რაფაჰს. ისრაელის სამხედრო ავიაციამ ასევე დაბომბა ქალაქი დეირ ელ-ბალა. ღაზის სექტორის ჯანდაცვის სამსახურის ინფორმაციით, 7 ოქტომბრის შემდეგ არაბულ ანკლავში ისრაელის სამხედრო ოპერაციის შედეგად დაღუპულთა რიცხვმა 37 124-ს მიაღწია, 84 712 კი დაშავდა. ისრაელის თავდაცვის ძალების ინფორმაციით, სამხედროებმა ცენტრალურ ღაზაში მოკლეს „ჰამასის“ მებრძოლები და გაანადგურეს სამხედრო ინფრასტრუქტურა.

მეტი...

“ევროპარლამენტის არჩევნების შედეგები აჩვენებს, რომ უმრავლესობა პროევროპული და პროუკრაინული იქნება”- ამბობს კრემლის პრესსპიკერი დიმიტრი პესკოვი. მისი განცხადებით, მემარჯვენე პარტიების პოპულარობის ზრდა შეუიარაღებელი თვალითაც კარგად ჩანს და კრემლი ამ პროცესებს ყურადღებით აკვირდება. „როგორც ჩანს, უმრავლესობა ნამდვილად პროევროპული და პროუკრაინული იქნება. ჩვენ ამას ვხედავთ. თუმცა, ევროპარლამენტის მომავალი შემადგენლობის გაანალიზებაც უნდა მოხდეს“ – განაცხადა დიმიტრი პესკოვმა.

მეტი...