დღე: ივნისი 24, 2024

აშშ-ის სახელმწიფო დეპარტამენტის ანგარიშის თანახმად საქართველო ადამიანით ვაჭრობასთან ბრძოლის კუთხით კვლავ უმაღლეს შეფასებას იღებს და ინარჩუნებს ადგილს პირველ კალათაში. ამერიკის შეერთებული შტატების სახელმწიფო დეპარტამენტმა 2024 წლის 24 ივნისს გამოაქვეყნა ყოველწლიური ანგარიში, რომლის თანახმად საქართველო ადამიანით ვაჭრობის წინააღმდეგ ბრძოლის შეფასების უმაღლეს საფეხურზეა და უკვე მე-9 წელია ინარჩუნებს ადგილს ე. წ. პირველ კალათაში. ინფორმაციას შინაგან საქმეთა სამინისტრო ავრცელებს. უწყების ცნობით,  აშშ-ის სახელმწიფო დეპარტამენტის ანგარიშში ნათქვამია, რომ მთავრობის მიერ გაძლიერდა სამართალდაცვითი ღონისძიებები ტრეფიკინგის წინააღმდეგ ბრძოლის მიმართულებით და პოზიტიურადაა შეფასებული სისხლის სამართლის კოდექსში ტრეფიკინგის ჩადენისთვის დაწესებული სასჯელები. „ანგარიშში  აღნიშნულია, რომ ქვეყანაში ფუნქციონირებს ტრეფიკინგის წინააღმდეგ…

ამერიკის შეერთებული შტატების სახელმწიფო მდივნის მოადგილე, ჯონ ბასი საქართველოში განვითარებულ მოვლენებთან დაკავშირებით შეშფოთებას გამოთქვამს და აცხადებს, რომ ქართველი ერის მისწრაფებები “ბიძინა ივანიშვილის წყენის მძევალია”. “ღრმად შემაშფოთებელი და სამწუხაროა იმის ხილვა, რომ მთელი [ქართული] საზოგადოების მისწრაფებები და ოცნებები ერთი პიროვნების, ბიძინა ივანიშვილის წყენის მძევალია”, – ვკითხულობთ განცხადებაში. ცნობისთვის, ლუქსმებურგში საგარეო საქმეთა მინისტრებთან შეხვედრა დასრულდა. ჯოზეფ ბორელმა საქართველოს პრემიერი ტყუილში ამხილა. ბორელმა აღნიშნა, რომ კობახიძის განაცხადება, რომელმაც , განაცხადა რომ რუსული კანონი საქართველოს ევრკავშირთან აახლოებს, სიმართლეს არ შეესაბამება. მისი თქმით, თუ საქართველოს ხელისუფლება მოძრაობის კურსს არ შეცვლის, ქვეყანა ევროკავშირში ინტეგრაციის გზას ვერ დაუბრუნდება.

“გარედან დაფინანსებული საუკუნის აფიორა თავს ვერ დაიჭერს იმ ფორმით, რა ფორმითაც მათ უნდათ, რომ ეს მოხდეს. ამის გამო კრიტიკას ვერავისგან არ და ვერ მივიღებთ“, – განაცხადა “ქართული ოცნების” თავმჯდომარე მამუკა მდინარაძემ. როგორც მდინარაძე აღნიშნავს, რუსული კანონის მოწინააღმდეგეები ივანიშვილის გუნდის მიერ მიღებულ ყველა გადაწყვეტილებას რუსულს ეძახის, რაც მისი  განცხადებით მთავრობის დაკომპლექსების მცდელობაა. „რაც არ უნდა კრიტიკული იყოს დღეს ვინმე და თან იმის გამო, რომ საქართველომ გამჭვირვალობის კანონი მიიღო, ისევე, როგორც კანადამ, საფრანგეთმა, ამის გამო ვერავინ უნდა იფიქროს ჩვენი დასჯა. რომელიმე თქვენგანს გახსენდებათ კანადაში აქციები „არა რუსულ კანონს“ და „ვერ გახდება კანადა რუსეთის უკანა…

„რა სანქციის მეილი უნდა მომსვლოდა? ასეთი ინფორმაცია არ მაქვს“,-ასე ეხმაურება „ქართული ოცნების“ წევრი ანრი ოხანაშვილი აშშ-ს მიერ მისი, შესაძლო დასანქცირების საკითხს. “რა სანქციის მეილი… რა სანქციის მეილი უნდა მომსვლოდა… არა, ასეთი ინფორმაცია არ მაქვს მე. [ჟურნალისტებმა მეილი შეამოწმეთ?] რავიცი, ვამოწმებ ძალინ ინტენსიურად. ბევრი მეილი მაქვს და ყველა ი-მეილს ვამოწმებ. მართლა? მერე გამოვიდნენ, თქვან, რამე უჭირთ თუ დამასანქცირეს? ყველა იმეილს ვამოწმებ რა თქმა უნდა რაც აქტუალურია ვამოწმებ… მე ასეთი ინფორმაცია არ მაქვს… თქვენ ხომ დამნიშნეთ უკვე გენპროკურორად… საკითხი რაც დღის წესრიგში არ დგას, ვერ იქნება განხილული”- აცხადებს ოხანაშვილი.

“ჩვენ დებატები გვქონდა საქართველოსთან დაკავშირებით, უკვე ზედიზედ მეორედ განვიხილავთ საქართველოში შემაშფოთებელი პოლიტიკურ განვითარება, მათ შორის, გამჭვირვალეობის შესახებ კანონი, ვწუხვართ, რომ იყო ფართოდ გავრცელებული დეზინფორმაცია ევროკავშირსა და მის ღირებულებებზე, რომელიც ოფიციალური პირებისგან მოდიოდა”- ამის შესახებ, ევროკავშირის უმაღლესმა წარმომადგენელმა, ჯოზეფ ბორელმა განაცხადა. მისი განცხადებით, „გამჭვირვალობის კანონი“ და მის გარშემო არსებული უარყოფითი განვითარება აშორებს საქართველოს ევროკავშირს. „ჩვენ მაღალჩინოსანთა მხრიდან მოვისმინეთ, რომ ეს კანონი აახლოებს ევროკავშირთან. მინდა, ვიყო ძალიან მკაფიო – არა, არა, ეს კანონი და მის გარშემო არსებული უარყოფითი განვითარება აშორებს საქართველოს ევროკავშირს. მეტად მკაფიო ვერ ვიქნები. ეს აშორებს საქართველოს ევროკავშირისგან. ამ განცხადებას…

„ერთიანი ნაციონალური მოძრაობის“ თავმჯდომარე თინა ბოკუჩავა „პოლიტიკური ასამბლეის ფარგლებში, ევროკომისიის პრეზიდენტს, ურსულა ფონ დერ ლაიენს შეხვდა. ინფორმაციას პარტიის პრესსამსახური ავრცელებს. ამავე ცნობით,  „ნაციონალური მოძრაობის“ ლიდერები შეხვედრებს მართავენ ევროპელ პოლიტიკოსებთან, რათა ევროკავშირში ქართველი ხალხის ინტერესები სრულფასოვნად იყოს დაცული. „ამ ძალიან მნიშვნელოვან შეკრებაზე ასევე დგას საქართველოს საკითხი ძალიან მწვავედ, რადგან დღეს ყველას ძალიან კარგად ესმის ევროკავშირში, რომ საქართველოს აქვს შანსი, გამოიყენოს უნიკალური შესაძლებლობის ფანჯარა და გახსნას მოლაპარაკებები ევროკავშირთან გაწევრიანებასთან დაკავშირებით. სამწუხაროდ, ივანიშვილის ხელისუფლების პირობებში, ამ შანსს საქართველო და ქართველი ხალხი ვერ გამოიყენებს. ამიტომ ყველას ესმის 26 ოქტომბრის არჩევნების და ხელისუფლების მშვიდობიანი ცვლილების…

„ჩვენ დავძლევთ სალომე ზურაბიშვილის ვეტოს, რომელიც მან საარჩევნო ცვლილებებთან დაკავშირებით დაადო ჩვენს მიერ მიღებულ კანონს“- ამის შესახებ, ფრაქცია „ქართული ოცნების“ თავმჯდომარემ, მამუკა მდინარაძემ განაცხადა. მდინარაძის განმარტებით, ოპოზიციას სურს, რომ ცესკო-ში მათ პარტიულ წარმომადგენლებს ჰქონდეთ გადაწყვეტილებების დაბლოკვის საშუალება. „ახლა ასეთი მესიჯბოქსი დახვეწეს, ერთპარტიული ცესკო, როდესაც ცხრა პარტიაა, „ქართული ოცნება“ ერთ-ერთია იმ ცხრა პარტიას შორის. ცხრა პარტიის წარმომადგენლები პროფესიულ წევრებთან ერთად იღებენ გადაწყვეტილებას. ამიტომ, აბსოლუტურად სპეკულაციურია ეს მესიჯი ჩვენი ოპოზიციის მიერ სალომე ზურაბიშვილის ხელმძღვანელობით დალაგებული. მათ უნდოდათ, რომ მათ პარტიულ წარმომადგენლებს დაებლოკათ გადაწყვეტილებები, ამ საშუალების არმიცემაზეა საუბარი იმ გადაწყვეტილებით, რომელიც ჩვენ კანონში…

„აშშ-ისა და ევროპის კოორდინირებულ ზომებს შეიძლება ყველაზე დიდი ეფექტი ჰქონდეს“- წერს საქართველოში აშშ-ის ყოფილი ელჩი, უილიამ კორტნი სტატიაში „ქართული გამოვლენა“. კორტნი წერს, რომ „ქართულ ოცნებას“ ბიძინა ივანიშვილი მართავს, რომელმაც მისი სიტყვებით, თავისი ქონება რუსეთში მოიპოვა. „კოალიცია „ქართულმა ოცნებამ“, რომელსაც ჩრდილოვანი მილიარდერი ბიძინა ივანიშვილი აფინანსებს, რომელმაც თავისი ქონება რუსეთში მოიპოვა, დემოკრატიული ნიღაბი ჩამოიხსნა. მისმა ნაბიჯმა, მიეღო რეპრესიული, რუსული სტილის კანონი, საზოგადოების ფართო პროტესტი გამოიწვია. დასავლეთს დახმარება მათზე სანქციების დაწესებით შეუძლია, ვინც ქართველებისთვის თავისუფლების წართმევას ცდილობს“ – წერს უილიამ კორტნი. ის ასევე შეეხო, „უცხოელი აგენტების შესახებ კანონის“ მიღებას. კორტნი წერს, რომ აღნიშნული კანონის მეშვეობით…

„ქართველ ოფიციალურ პირებთან დისკუსიებს გავაგრძელებთ“ – ამის შესახებ აშშ-ის სახელმწიფო მდივნის თანაშემწემ ევროპისა და ევრაზიის საკითხებში, ჯიმ ო’ბრაიენმა ბრიფინგზე განაცხადა. ბრაიენმა ამბობს, ოფიციალურ პირებთან დისკუსია გრძელდება და მათთან კომუნიკაციაში  საელჩო ძალიან აქტიურია. „სინამდვილეში ყველაფერი ძალიან მარტივია. რადგან ევროპის საფეხბურთო ჩემპიონატის პერიოდში ვართ, საქართველომ განაცხადა, რომ მას ჩვენს საფეხბურთო ლიგაში თამაში სურს და შემდეგ მან თქვა, რომ, სხვათა შორის, ჩვენ გვინდა, რომ მოედანზე, ჩვენს მხარეს 15 მოთამაშე გვყავდეს. არა! თქვენ იმავე რაოდენობის მოთამაშეს იღებთ, რამდენსაც ყველა სხვა და და აკეთებთ იმას, რაც გსურთ, ისე როგორც ამას სხვები აკეთებენ. ეს არის კლუბის…

“საქართველო და ყველა პარტნიორი ნატო-ს პარტნიორობის ღონისძიებებში მონაწილეობის მისაღებად მოწვეული იქნება”- განაცხადა აშშ-ის სახელმწიფო მდივნის თანაშემწემ, ევროპისა და ევრაზიის საკითხებში, ჯიმ ო’ბრაიენმა ბრიფინგზე. აშშ-ის სახელმწიფო მდივანმა “ქართული ოცნების” ლიდერების ნაწილის გადაწყვეტილებებზე შეშფოთება გამთქვა. „საქართველო და ყველა პარტნიორი ნატო-ს პარტნიორობის ღონისძიებებში მონაწილეობის მისაღებად მოწვეული იქნება. ჩვენ შეშფოთებულები ვართ გადაწყვეტილებებით და „ქართული ოცნების“ ლიდერების ძალიან მცირე რაოდენობიდან წამოსული რიტორიკით. აშკარაა, რომ ქართველი ხალხის 80-85%-ს ევროკავშირსა და ნატო-ში შემდგომი ინტეგრაცია სურს. მთავრობამ და პრემიერ-მინისტრმა ახლახან განაცხადეს, რომ ისინი მოელიან, რომ მათი ბოლოდროინდელი ქმედებები ამას საფრთხეს არ შეუქმნის. ჩვენ შევეცადეთ ძალიან მკაფიოები ვყოფილიყავით და…

„აუხდენელი ოცნების“ პროპაგანდამ ინფორმაცია გაავრცელა, რომ მე, კახა ოქრიაშვილი, ვაწარმოებ მოლაპარაკებებს ბატონ ხაბეიშვილთან, რათა 2 მილიონად ვიყიდო ადგილი „ნაციონალური მოძრაობის“ სიაში”, – წერს ოპოზიციონერი დეპუტატი კახა ოქრიაშვილი და სახელისუფლებო პროპაგანდას პასუხობს: „აუხდენელი ოცნების“ პროპაგანდამ ინფორმაცია გაავრცელა, რომ მე, კახა ოქრიაშვილი, ვაწარმოებ მოლაპარაკებებს ბატონ ხაბეიშვილთან, რათა 2 მილიონად ვიყიდო ადგილი „ნაციონალური მოძრაობის“ სიაში. 1. 2016 წლის საპარლამენტო არჩევნებზე, როცა „ოცნებამ“ მაჟორიტარობის კანდიდატად წარმადგინა, რა გამოდის, 2 მილიონი პარტიას გადავუხადე თუ პირადად ბატონ ივანიშვილს? 2. დღეს იხილება საქართველოს საკითხი ევროკავშირში. როგორც ჩანს, ხელისუფლებისთვის ჩემი დეპუტატობის საკითხი და ჭორი ორ მილიონზე უფრო მნიშვნელოვანია,…

,,სამწუხაროდ, ჩვენ გვყავს პარტიული პრეზიდენტი”, – ამის შესახებ პარლამენტის ადამიანის უფლებათა დაცვისა და სამოქალაქო ინტეგრაციის კომიტეტის თავმჯდომარემ, რატი იონათამიშვილმა განაცხადა, რითაც საარჩევნო კოდექსში ცვლილებებზე პრეზიდენტის ვეტოს გამოეხმაურა. მისი შეფასებით, პრეზიდენტი ვეტოს საკითხს, როგორც გართობას ისე უყურებს. ,,სალომე ზურაბიშვილი არის ადამიანი, რომელიც ვეტოს უყურებს, როგორც გართობას და ის ერთობა ამ საკითხებით. ეს არის მიუღებელი, იქიდან გამომდინარე, რომ სტატუსი მას გააჩნია, რომელიც სავსეა პასუხისმგებლობებით და არა გართობით. ამას იყენებს ის უღირსად და უშინაარსოდ. ეს არის მაგალითი როგორი არ უნდა იყოს ადამიანი, რომელსაც ასეთი მაღალი პოზიცია უკავია. სამწუხაროდ, ჩვენ გვყავს პარტიული პრეზიდენტი. ამ…

,,საქართველოსთვის ევროკავშირის კანდიდატი ქვეყნის სტატუსი გაყინულია, რაც იმას ნიშნავს, რომ გაყინულია პერსპექტივა, ქართველი მასწავლებლის საშუალო ხელფასი 4 500 ლარი გახდეს!”, – წერს სოციალურ ქსელში ოპოზიციონერი დეპუტატი კახა ოქრიაშვილი და განათლების სამინისტროს მიერ გავრცელებულ ინფორმაციას ეხმაურება, პედაგოგებისთვის ხელფასის მატებასთან დაკავშირებით: ,,განათლების სამინისტრო ირწმუნება, რომ მასწავლებლების ხელფასების ზრდაში ნახტომი კი არა, გარღვევა აქვთ. თუმცა, მათივე მონაცემებით, მასწავლებლის საშუალო ხელფასი 1 230 ლარს შეადგენს და ივლისიდან უნდა გაიზარდოს. ამ თანხით საქართველოში ღირსეულად ცხოვრებაც შეუძლებელია, პერსპექტივაზე ხომ საერთოდ საუბარი არ არის. ეს მაშინ, როცა ესტონეთში მასწავლებლის საშუალო ხელფასი 1 500 ევროს აღემატება, ლიეტუვაში ოდნავ…

სახალხო დამცველმა საქართველოს მესამე პრეზიდენტი კლინიკა ,,ვივა მედში” მოინახულა. კლინიკიდან გამოსვლის შემდეგ იოსელიანმა ჟურნალისტებთან კომენტარში განაცხადა, დეტალურად ვერ ისაუბრებს მიხეილ სააკაშვილის ჯანმრთელობის მდგომარეობაზე, თუმცა აღნიშნა, რომ წინა ვიზიტებთან შედარებით, ის ,,უკეთესად გამოიყურება”. იოსელიანის თქმით, ის წელიწადში ერთხელ ყველა პენიტენციურ დაწესებულებას სტუმრობს და მსჯავრდებულთა ჯანმრთელობის მდგომარეობითა და საჭიროებებით ინტერესდება. ჟურნალისტების კითხვაზე, განიხილავს თუ არა ის კლინიკიდან მიხეილ სააკაშვილის საპატიმროში გადაყვანას, იოსელიანი ამბობს, რომ ,,ეს საკითხი დღის წესრიგში არ დგას”. მისივე თქმით, შეხვედრა მოკლე იყო და მიხეილ სააკაშვილის მხრიდან რაიმე კონკრეტული მოთხოვნები არ გაჟღერებულა.

,,დაე დავსანქცირდე”, – აცხადებს დეპუტატი ზარქუა ლუქსემბურგში მიმდინარე მინისტერიალზე საუბრისას. ,,სავარაუდოდ, ევროპაშიც მიიღეს გადაწყვეტილება, რომ უნდა დაგვსაჯონ. რატომ? თქვენ თუ გაიგეთ, რის გამო? მზად ვართ, თუ მე უნდა დავსანქცირდე, პირადად პრობლემა არა მაქვს. დაე დავსანქცირდე. დარწმუნებული ვარ, ადრე თუ გვიან ჯანსაღი აზრი გაიმარჯვებს, როგორც ამერიკაში, ასევე ევროპაში. ის, რაც ხდება ევროპარლამენტის არჩევნების შემდეგ, ეგ არის ჯანსაღი გალაწუნება. წესით უნდა გამოფხიზლდეს ევროპა და თავიანთ ეროვნულ ღირებულებებზე გააკეთონ აქცენტი. წინააღმდეგ შემთხვევაში აგერ შედეგი რაც მიიღეს. საფრანგეთის საპარლამენტო არჩევნებიც მალე გვაჩვენებს თავის შედეგს”, – ამბობს ზარქუა.