დღე: ივნისი 10, 2024

შვედეთი არ ცნობს, ე.წ. “საპარლამენტო არჩევნების” ჩატარებას, საქართველოს ოკუპირებულ რეგიონში.  ამის შესახებ, შვედეთი საგარეო საქმეთა სამინისტრო სოციალურ ქსელში განცხადებას ავრცელებს. ამავე ცნობით, შვედეთი მტკიცედ უჭერს მხარს საქართველოს ტერიტორიულ მთლიანობას. „შვედეთი არ ცნობს, ე.წ. “საპარლამენტო არჩევნების” ჩატარებას, საქართველოს ოკუპირებულ თვითგამოცხადებულ რეგიონში, სამხრეთ ოსეთში. შვედეთი მტკიცედ უჭერს მხარს საქართველოს სუვერენიტეტსა და ტერიტორიულ მთლიანობას” – წერს შვედეთის საგარეო საქნეთა სამინისტრო X-ზე.   „აშშ არ ცნობს ყალბ „საპარლამენტო არჩევნებს“  სამხრეთ ოსეთში“-ჯიმ ო’ბრაიენი

„ამერიკის შეერთებული შტატები გმობს და არ ცნობს ყალბ „საპარლამენტო არჩევნებს“ რუსეთის მიერ ოკუპირებულ სამხრეთ ოსეთში რომელიც საქართველოს თანხმობის გარეშე ჩატარდა“- აცხადებს აშშ-ის სახელმწიფო მდივნის თანაშემწე ევროპისა და ევრაზიის საკითხებში, ჯიმ ო’ბრაიენი. ო’ბრაიენი ამბობს, რომ აშშ საქართველოს ტერიტორიულ მთლიანობასა და სუვერენიტეტს მხარს უჭერს. „ამერიკის შეერთებული შტატები გმობს და არ ცნობს ყალბ „საპარლამენტო არჩევნებს“ რუსეთის მიერ ოკუპირებულ სამხრეთ ოსეთში, რომელიც საქართველოს თანხმობის გარეშე ჩატარდა. ჩვენ საქართველოს ტერიტორიულ მთლიანობასა და სუვერენიტეტს მის საერთაშორისოდ აღიარებულ საზღვრებში მხარს სრულად ვუჭერთ“ – წერს ჯიმ ო’ბრაიენი X-ზე. ოკუპირებულ ცხინვალის რეგიონში ე.წ. „საპარლამენტო არჩევნები“ ჩატარდა.  

“საქართველოს პრემიერ-მინისტრის ვიზიტი ბერლინში და მისი მონაწილეობა უკრაინის დახმარების კონფერენციაში არის კიდევ ერთი დასტური, რომ საქართველო აკეთებს ყველაფერს, მისი შესაძლებლობების ფარგლებში, რათა დაეხმაროს ქვეყანას, რომელიც იმყოფება დღეს ომის პირობებში”- განაცხადა საქართველოს საგარეო საქმეთა მინისტრმა ილია დარჩიაშვილმა, ირაკლი კობახიძის გერმანიაში ვიზიტთან დაკავშირებით. მისი განმარტებით, მთავრობის მეთაურს ექნება კონკრეტული მიმართვა მრგვალი მაგიდის ფორმატში. „საქართველოს მთავრობის მეთაური სამუშაო ვიზიტით იმყოფება გერმანიაში. ბერლინში, 11 და 12 ივნისს იმართება უკრაინის დახმარების საერთაშორისო ფორუმი, სადაც იკრიბებიან მსოფლიო ლიდერები და იქნება მსჯელობა იმის შესახებ, თუ როგორ აღმოუჩინონ შემდგომ უკრაინას დახმარება, იმისთვის, რომ გაუმკლავდეს ყველა იმ გამოწვევას, რომელიც…

„ნაციონალური მოძრაობა“ ღრმა კრიზისის ქვეშაა, მხოლოდ საგარეო განცხადებებით არსებობენ”, – ამის შესახებ საპარლამენტო უმრავლესობის წევრმა, ირაკლი ქადაგიშვილმა განაცხადა. მისი თქმით, ეს გადაადგილება არის ვაის გავეყარე, ვუის შევეყარე, რადგან ვერც ყოფილი, ვერც ახალი თავმჯდომარე ვერ იქნებიან პოლიტიკური გარღვევის მომხდენი პარტიის და მით უმეტეს, ქვეყნის მასშტაბით. „მათ არც ქარტია შველით, არც უცხოური განცხადებები, რაც მათი ერთადერთი მკვებავი წყაროა. ისინი ვერ გაერთიანდებიან და ცალ-ცალკე მოუწევთ გამოსვლა. სხვა სურათი არც ოპოზიციის გაერთიანების შემთხვევაში იქნებოდა, რადგან მათი უმეტესობა პოლიტიკაში პირადი მიზნებითაა და არა ქვეყნის სასიკეთოდ“, – განაცხადა ირაკლი ქადაგიშვილმა.

,,ოპოზიციამ უკვე თავისი სახე აჩვენა. მათ მთლიანად გააშიშვლეს საკუთარი პოლიტიკური პოზიცია, რომ ისინი არიან უცხო ძალების დაკვეთის შემსრულებლები. და ინტერესების გამტარებლები საქართველოში”, – ამის შესახებ საქართველოს პარლამენტის თავმჯდომარე, შალვა პაპუაშვილმა მედიასთან განაცხადა. მისი თქმით, ოპოზიციას ქართველ ხალხთან არანაირი კავშირი არ აქვს. „მათი სახელები და გვარებია მხოლოდ ქართული. ყველამ დაინახა, რომ ისინი დადგნენ არა საქართველოს, არამედ უცხო ჯგუფების მხარეს. ისინი საარჩევნო კამპანიას საქართველოში არ აწარმოებენ. დადიან ერთი ქვეყნიდან მეორეში, თავს იწონებენ ფოტოებითა და შეხვედრებით, თავს აწონებენ საკუთარ პატრონებს რომ დააჯერონ იმაში, რომ დაბეჯითებით შეასრულებენ მათ დაკვეთებსა და დავალებებს. 26 ოქტომბერს ქართველ…

,,ჯანდაცვის არგუმენტით თანამდებობიდან წასვლა ყოველთვის პრობლემურია, როცა ეს გენპროკურორმა თქვა, ბევრმა არც მაშინ დაიჯერა და არ გამიკვირდება, რომ ეს „ხაბეს“ შემთხვევაშიც ბევრმა არ დაიჯეროს”, – ამის შესახებ „გირჩის“ წევრმა, იაგო ხვიჩიამ განაცხადა. მისი თქმით, ლევან ხაბეიშვილს მიხეილ სააკაშვილის გამოყვანა არ გამოუვიდა, მაგრამ სადღაც მაინც შევარდა. „დაპირებას თუ გულისხმობთ, რომ ხაბეიშვილმა შევვარდები და მიშას გამოვიყვანო, ეს არ გამოვიდა, მაგრამ სადღაც მაინც შევარდა და თავის თავზე ერთი ვაჟკაცობა აიღო, რაც არ არის ცოტა. ეს აქციაზე იყო. მთლად ისე არ მიდის, ერთი ხელი მოხვდა და ესეც არ არის ცოტა“, – განაცხადა ხვიჩიამ.

,,რთულია კომენტარის გაკეთება, რადგან არც სანქციების შინაარსი ვიცით, არც სია, ვისზე ვრცელდება. ვარაუდების დონეზე რაიმეს თქმა რთულია”, – ამის შესახებ ევროინტეგრაციის კომიტეტის თავმჯდომარემ, მაკა ბოჭორიშვილმა აშშ-ის სახელმწიფო დეპარტამენტის მიერ გამოცხადებულ სავიზო შეზღუდვებთან დაკავშირებით განაცხადა. მისი თქმით, „რთულია იმის შეფასებაც, რას ემსახურება ასეთი აჟიოტაჟი მაშინ, როცა არ სახელდებიან კონკრეტული პირები, ვინ არიან დასანქცირებული ქართული პოლიტიკური ელიტიდან თუ ქართული საზოგადოებიდან“. „ასევე არ კონკრეტდება საფუძვლები, რაში გამოიხატება შეზღუდვები. ასეთ მნიშვნელოვან საკითხებზე ვარაუდით ვერ ვისაუბრებთ. პოლიტიკის ასეთი ინსტრუმენტები თუ არის გამოყენებული, მაშინ კონკრეტიკაც უნდა არსებობდეს. დასამალი არაფერია, საქართველოს გაცხადებული აქვს, რა სურს ამერიკის სტრატეგიული…

„ამერიკის შეერთებული შტატების და საფრანგეთის პირველი პირები, კიდევ ერთხელ, გამჭირვალობის კანონის გამო გვაკრიტიკებენ. როგორ შეიძლება, საქართველოში, დემოკრატიას ძირს უთხრიდეს ზუსტად იგივე რამ, რაც ამერიკასა და საფრანგეთში ძირს უმაგრებს დემოკრატიას?!“, – ამის შესახებ „ოცნების“ აღმასრულებელი მდივანი და საპარლამენტო უმრავლესობის ლიდერი მამუკა მდინარაძე სოციალურ ქსელში წერს. მისი თქმით, ამერიკის შეერთებულ შტატებში და საფრანგეთში გაცილებით მკაცრი კანონი მოქმედებს. „ამერიკის შეერთებული შტატების და საფრანგეთის პირველი პირები, კიდევ ერთხელ, გამჭირვალობის კანონის გამო გვაკრიტიკებენ. ვინმემ, ერთმა ადამიანმა ან ორგანიზაციამ, ქართველმა ან უცხოელმა, გაგვცეს პასუხი კითხვაზე: როგორ შეიძლება, საქართველოში, დემოკრატიას ძირს უთხრიდეს ზუსტად იგივე რამ, რაც ამერიკასა…

,,უკიდურესი მემარჯვენეები, უკიდურესი მემარცხენეები მოდიან უფრო დიდი დოზით ევროპარლამენტში. ეს კიდევ უფრო გაამძაფრებს შიდა საპარლამენტო პოლიტიკურ ბრძოლას”, – ამის შესახებ საპროცედურო საკითხთა და წესების საპარლამენტო კომიტეტის თავმჯდომარე ირაკლი ქადაგიშვილმა განაცხადა. „ალბათ უფრო მეტად მოგვეცემა იმის საშუალება, რომ ამ ბრძოლის დროს მოვძებნოთ ისეთი ელემენტები, ისეთი პოლიტიკური ჯგუფები, რომლებიც უფრო რეალურად შეაფასებენ საქართველოში მიმდინარე ვითარებას და არ იქნება ერთ პოლიტიკურ ნარატივს დაქვემდებარებული პოლიტიკური ცხოვრება ევროპარლამენტში. ევროპარლამენტის შიდა ცხოვრება, როგორც ჩანს, უფრო მრავალფეროვანი იქნება, მეტი პოლემიკა იქნება, პოზიციების დაპირისპირება და შეჯახებაც მეტი იქნება“, – აღნიშნა ქადაგიშვილმა.