პოლონეთში დააკავეს 46 წლის ქართველი კაცი, რომელიც მოპარული ნივთებით ვაჭრობდა. პოლონური მედიის ინფორმაციით, დაკავებულის სახელს ქურდობის კიდევ 7 ფაქტი უკავშირდება.
ქართველმა აპრილსა და მაისში სხვადასხვა ბრენდის კოსმეტიკა მოიპარა, ზარალის მთლიანმა ღირებულებამ თითქმის 9 300 პოლონური ზლოტი შეადგინა. მან მოიპარა კრემები და ლოსიონები, რომელთა ღირებულება თითქმის 2000 პოლონური ზლოტია.
46 წლის ეჭვმიტანილმა კოსმეტიკური საშუალებების გარდა, ბრენდირებული ველოსიპედიც მოიპარა. მას 7,5 წლამდე თავისუფლების აღკვეთა ემუქრება.