დღე: ოქტომბერი 12, 2024

პოლიტიკოს ალექსი პეტრიაშვილის ვაჟის ტრაგიკულად გარდაცვალებას სოციალურ ქსელში საქართველოს პრეზიდენტი სალომე ზურაბიშვილი ეხმაურება. პრეზიდენტი შოთიკო და ალექსანდრე  პეტრიაშვილების ფოტოს აზიარებს და წერს: „სიტყვა არ მაქვს სათქმელი ან სანუგეშებელი , მაგრამ ამ პირობას შეგისრულებთ შვილო!“ -აღნიშნავს სალომე ზურაბიშვილი.  

“აგენტურის მთავარი დაპირება ტექნიკური მთავრობა ყოფილა – ზურაბიშვილმა გვამცნო რამდენიმე წუთის წინ” – ამის შესახებ ფრაქცია „ქართული ოცნების“ თავმჯდომარე, მამუკა მდინარაძე სოციალურ ქსელში წერს. მდინარაძე ამბობს, რომ  “სალომე ზურაბიშვილმა ბრიფინგზე კვლავ დაადასტურა, რომ ოთხი პარტია – სააკაშვილის, გვარამიას, ხაზარაძის და გახარიას პარტიები საერთო მიზნით, საერთო პატრონის დავალებებით მოქმედებენ.“ „ჩვენი დაპირებაა მშვიდობა, ღირსება და გაცილებით უკეთესი ცხოვრება თითოეული მოქალაქისათვის! დღეს საქართველო უკვე პირველი ქვეყანაა ეკონომიკური ზრდის მაჩვენებლით ევროპაში! ოთხ წელიწადში სიღარიბით და უმუშევრობით საშუალო ევროპულ მაჩვენებელს ჩამოვცდებით! ჩვენი დაპირებაა, მხოლოდ ამ გზით ევროპული ოჯახის სრულფასოვანი წევრობა! ჩვენი დაპირებაა შერიგება და ურთიერთპატიება ქვეყნის გაერთიანების…

  „მე ამ ქარტიით წავედი ევროპაში, შევხდი ყველა პასუხისმგებელ პირს და მათგან მივიღე პირობა, რომ ეს თუ შესრულდა რაღაც დონეზე, მთლიანობაში პოლიტიკური ნება და ამ ქარტიით მსვლელობა თუ იქნება ჩვენ დაგვაბრუნებენ სასწრაფო ტემპით იქ, სადაც უნდა ვყოფილიყავით, ანუ მოლაპარაკებების გახსნის კარებთან“- ამის შესახებ საქართველოს პრეზიდენტმა განაცხადა. სალომე ზურაბიშვილი ამბობს, რომ ოთხმა პარტიამ, რომლებთანაც მას ჰქონდა შეხვედრები დაადასტურეს, რომ ქარტიის ერთგულები არიან. პრეზიდენტი არჩევნებამდე ტექნიკურ მთავრობას წარადგენს

საქართველოს პრეზიდენტი სალომე ზურაბიშვილი აცხადებს, რომ ტექნიკურ მთავრობას არჩევნებამდე დაასახელებს. ამის შესახებ მან განცხადება პრეზიდენტის ადმინისტრაციაში გააკეთა. „ვაპირებ, რომ წარვადგინო ტექნიკური მთავრობა, ამ გარდავალ ეტაპზე შევქმნა ტექნიკური ადმინისტრაციული მთავრობა, რომელიც იქნება მხოლოდ და მხოლოდ პასუხისმგებელი იმაზე, რომ აღმასრულებელის მხრიდან მიყვიყვანოს იქ, სადაც უნდა მივიდეთ, ანუ ევროპის კარებთან. წარდგან ჩემი წარსდგენია, ვთვლი, რომ უნდა იყოს წარდგენილი ადრე, არჩევნებამდე, რათა საზოგადოებამ უნდა იცოდეს, ვინ იქნება პასუხისმგებელი მთავრობაში და პარლამენტის კონტროლის ქვეშ ვინ წაიყვანეს ამ ქვეყანას ქარტიის გზაზე“ – განაცხადა სალომე ზურაბიშვილმა. “ქარტია შედგა”-სალომე ზურაბიშვილი

საქართველოს პრეზიდენტის სალომე ზურაბიშვილის განცხადებით “ქართული ქარტია” შედგა. ამის შესახებ, მან ორბელიანების სასახლეში საგანგებო ბრიფინგზე ისაუბრა. “14 დღე რჩება არჩევნებამდე და ყველაფერი ძალიან კარგად არის, იმიტომ, რომ რეალურად რა პირობაც დავდე საზოგადოების წინაშე შესრულებულია. ეს ქარტია შედგა-სამოქმედო გეგმა, რომ დავუბრუნდეთ ევრპოპულ მომავალს, გადავურჩეთ რუსულ წარსულს. მინდოდა იმ 4 პარტიასთან, რომლებიც არიან დღეს შემადგენელი პროევროპული პლატფორმის, გამევლო ყველა პუნქტი ამ ქარტიისა და მიმეღო დაზუსტებული პირობა, რომ ეს ქარტია იქნება სრულიად შესრულებული და რატომ? იმიტომ, რომ ამ ქარტიით წავედი ევროპაში, შევხვდი ყველა პასუხისმგებელ პირებს და მათგან მივიღე პირობა, რომ რაღაც დონეზე, ჩვენ…

დედაქალაქის მერის კახა კალაძის შეფასებით, ოპოზიციაში „ყველაფრის მკადრებლები და ყველაფერზე წამსვლელები არიან“. “მერწმუნეთ, ისეთ ბოროტ ძალასთან გვაქვს საქმე, ყველაფრის მკადრებლები და ყველაფერზე წამსვლელები არიან. შესაბამისად, გვმართებს ძალიან დიდი ყურადღება შესაბამის სტრუქტურებს და საზოგადოებასაც. იციან, რომ არჩევნები წაგებული აქვთ, არანაირი რესურსი, შანსი და შესაძლებლობა არ აქვთ, რომ არ აქვთ რომ არჩევნები მოიგონ და ამგვარი ქმედებებით და პროვოკაციებით ცდილობენ ქვეყანაში სიტუაცია დაძაბონ. ძალიან ფრთხილად უნდა ვიყოთ ყველა მიმართულებით” – განაცხადა კალაძემ. “სალომე ზურაბიშვილი სადაც არის იქ არ უქნია ღმერთს და რა პრემიერობაზე მელაპარაკებით?”- კახა კალაძე

“სალომე ზურაბიშვილი სადაც არის იქ არ უქნია ღმერთს და რა პრემიერობაზე მელაპარაკებით? – ამის შესახებ პარტია „ქართული ოცნება – დემოკრატიული საქართველოს“ გენერალურმა მდივანმა კახა კალაძემ ჟურნალისტებს განუცხადა. როგორც კალაძემ აღნიშნა, საქართველოს პრეზიდენტსა და ოპოზიციის წარმომადგენლებს შორის მოლაპარაკებები სასაცილოა. “სალომე ზურაბიშვილი სადაც არის იქ არ უქნია ღმერთს და რა პრემიერობაზე მელაპარაკებით? სამპროცენტიანმა პარტიებმა რა მოლაპარაკებები უნდა აწარმოონ? უბრალოდ, სასაცილოა ეს ყველაფერი. ილაპარაკონ ერთმანეთში და იყო. არ გინახავთ ასეთი მოლაპარაკებები? შალიკოს ფანჩატურში შეიკრიბებოდნენ, მერე გამოდიოდნენ და ხელებს უწევდნენ ერთმანეთს, ვითომ ვიღაცამ რაღაცაში გაიმარჯვა. იგივე ხდება დღეს და ხვალ და ზეგაც იგივე მოხდება. ეს…

ინდოეთმა რუსეთში სანქცირებული საქონლის ექსპორტი გააორმაგა. ამის შესახებ ინფორმაციას სააგენტო Bloomberg-ი ამერიკელ, ევროპელ და ქვეყნის ოფიციალურ პირებზე დაყრდნობით ავრცელებს. Bloomberg-ის ცნობით, რუსეთისთვის კრიტიკული ტექნოლოგიების მიწოდების თვალსაზრისით, ინდოეთი მეორე ადგილს იკავებს და იგი მხოლოდ ჩინეთს ჩამორჩება. სააგენტო წერს, რომ სანქცირებული საქონლის, როგორიც მიკროსქემებია, ინდოეთიდან რუსეთში ექსპორტის ღირებულებამ, 2024 წლის აპრილ-მაისში 60 მილიონ დოლარს გადააჭარბა. აღნიშნული წინა თვეების მაჩვენებელს ორჯერ აღემატება, ივლისში კი ექსპორტი 95 მილიონ დოლარამდე გაიზარდა.  

“ინსტიტუცია ხელმძღვანელობს საგარეო საქმეთა სამინისტროს მიერ მოწოდებული ინფორმაციით და არა პრეზიდენტის ან რომელიმე სხვა ინსტიტუციის საფუძველზე”- ასე უპასუხა ცესკოს თავმჯდომარემ გიორგი კალანდარიშვილმა პრეზიდენტის ადმინისტრაციის მოწოდებას ქალაქ სტრასბურგში საარჩევნო უბნის გახსნასთან დაკავშირებით. ცესკოს თავმჯდომარემ მანიპულაციური უწოდა განცხადებებს იმის თაობაზე თითქოს არის იმის სივრცე, რომ სტრასბურგში გაიხსნას საარჩევნო უბანი და ცენტრალური საარჩევნო კომისია ამას არ აკეთებს. კალანდარიშვილის თქმით, სადაც კი იყო დამატებითი საარჩევნო უბნის გახსნის შესაძლებლობა, ცესკომ მიიღო სათანადო ზომები. “საარჩევნო ადმინისტრაციის თანამშრომლებზე ზეწოლა ხორციელდება”-გიორგი კალანდარიშვილი

“საარჩევნო ადმინისტრაციის თანამშრომლებზე ზეწოლა ხორციელდება”- აღნიშნულის შესახებ ცესკო-ს თავმჯდომარემ, გიორგი კალანდარიშვილმა ბრიფინგზე განაცხადა. მისი განმარტებით, ადმინისტრაციის თანამშრომლების ნაწილმა სატელეფონო შეტყობინებები მიიღეს, რომლითაც მათ მოუწოდებენ, უარი თქვან არჩევნების ორგანიზებაში მონაწილეობაზე, სამსახური დატოვონ და ამის შესახებ საჯარო განცხადება გააკეთონ. „სატელეფონო შეტყობინება თანამშრომლებმა ერთი და იგივე ნომრიდან მიიღეს. აქვე უნდა აღინიშნოს, რომ ყველა შეტყობინებაში მითითებულია ადრესატის სახელი, რაც ადასტურებს, რომ შეტყობინების ავტორისთვის ცნობილია ჩვენი კოლეგების შესახებ პერსონალური ინფორმაცია და მათი ვინაობა”- ამბობს კალანდარიშვილი.