დღე: ოქტომბერი 7, 2024

მმართველი პარტია საქართველოს პრეზიდენტის იმპიჩმენტის პროცედურებს იწყებს. აღნიშნულის შესახებ პარლამენტის თავმჯდომარე შალვა პაპუაშვილმა ბრიფინგზე განაცხადა. „როგორც მოგეხსენებათ, 2023 წლის 16 ოქტომბერს საქართველოს საკონსტიტუციო სასამართლომ, იმპიჩმენტის პროცედურის ფარგლებში, სალომე ზურაბიშვილი კონსტიტუციის დამრღვევად გამოაცხადა და დაადასტურა საქართველოს კონსტიტუციის 52-ე მუხლით დადგენილი წესი, რომ პრეზიდენტს საგარეო ვიზიტის განხორციელების უფლება აქვს მხოლოდ საქართველოს მთავრობის თანხმობის შემთხვევაში. ისიც მოგეხსენებათ, რომ კონსტიტუციის დარღვევის ფაქტის დადასტურების შემდეგ, სალომე ზურაბიშვილმა პრეზიდენტის თანამდებობა მხოლოდ რადიკალური ოპოზიციის წარმომადგენელი პარლამენტარების მხარდაჭერის ხარჯზე შეინარჩუნა. მიიღო რა რადიკალური ოპოზიციისგან კონსტიტუციის დარღვევის საკითხში ხელშეუხებლობის გარანტია, სალომე ზურაბიშვილმა საქართველოს კონსტიტუციის უხეშად დარღვევა მოგვიანებითაც განაგრძო. კერძოდ,…

ყოფილი სახალხო დამცველის, საქართველოს ევროპული ორბიტის დამფუძნებლის, ნინო ლომჯარიას თქმით, საკონსულო აღრიცხვაზე 145 925 ემიგრანტი დარეგისტრირდა. მან ამის შესახებ სოციალურ ქსელში დაწერა. ,,ის 128 000 მოქალაქე ხომ გახსოვთ, 26 სექტემბერს რომ იდგა საკონსულო აღრიცხვაზე? დღეს ეს რიცხვი 145 925-ია. მხოლოდ დღეს 3671 მოქალაქე დადგა აღრიცხვაზე და ხვალ კიდევ არის დრო!”, – წერს ნინო ლომჯარია.

ვაშინგტონში მცხოვრები ქართველი ემიგრანტები, საარჩევნოდ, ერთმანეთის დასახმარებლად ერთიანდებიან. სოციალურ ქსელში გამოჩნდა ჯგუფ ,,დაიტოვეს” ანალოგიური შინაარსის სარეგისტრაციო ფორმა, რომლის დახმარებითაც, ემიგრანტები, შორ გზაზე ხმის მისაცემად წასულ თამამემამულეებს, დასარჩენად საკუთარ სახლებში ეპატიჟებიან. ,,დაიტოვე Washington DC – სტუმრები მეგობრებო, თუ 26 ოქტომბრის საპარლამენტო არჩევნებში მონაწილეობის მისაღებად მოდიხართ ვაშინგტონში, გთავაზობთ უფასო დასარჩენს ვაშინგტონში მცხოვრები ქართველების სახლებში. დაინტერესების შემთხვევაში გთხოვთ შეავსეთ ეს ცხრილი. თქვენი მასპინძლების პირად მონაცემებს გამოგიგზავნით წინასწარ და დაგაკავშირებთ თქვენი თანხმობის შემდეგ. მადლობა და წარმატებები!”, – წერია სარეგისტრაციო ფორმაში.

პრეზიდენტი ტექნიკური მთავრობის შემადგენლობისა და პრემიერ-მინისტრობის კანდიდატურის განხილვებს დღეიდან იწყებს, ამიტომ ოპოზიციური პარტიების წარმომადგენლებს ეტაპობრივად შეხვდება და შეეცდება მათთან ერთად დააკომპლექტოს ტექნიკური მთავრობა და მოისმინოს მათი აზრი პრემიერობის იმ კანდიდატთან დაკავშირებით, რომელიც ზურაბიშვილს უკვე შერჩეული ჰყავს. ცნობილია, რომ ოპოზიციური გაერთიანებები პრეზიდენტის ქარტიას მიესალმებიან, მოისმენენ ზურაბიშვილის ამ ინიციატივას და მხოლოდ ამის შემდეგ მიიღებენ საბოლოო გადაწყვეტილებას. ,,კოალიცია ცვლილებისთვის” წევრი ანა გოგალაძე აცხადებს, რომ მათი პოლიტიკური ძალა სრულად იზიარებს ხელმოწერილ ქარტიაში შემავალი დათქმების მნიშვნელობას, 26 ოქტომბერს ხელისუფლების ცვლილების კონტექსტში და შესაბამისად იღებენ კონსულტაციებში მონაწილეობას. ,,ძლიერი საქართველო” იზიარებს ქარტიის სულისკვეთებას”, – აცხადებს კოალიცია ,,ძლიერი…