დღე: ოქტომბერი 2, 2024

“ჩვენ არ ვიცნობთ საერთაშორისო დიპლომატიური მექანიზმების მსოფლიო წესრიგს, რადგან ჩვენ არ ვიყავით სახელმწიფო, არამედ ვიყავით თამაშების საგანი” – ამის შესახებ სომხეთის პრემიერ-მინისტრმა, ნიკოლ ფაშინიანმა ქვეყნის პარლამენტში განაცხადა. „ყოველთვის გვეჩვენებოდა, რომ სადღაც არსებობდნენ კეთილი ძალები და ბოროტი ძალები და კარგებთან თუ ვმეგობრობდით, გავიმარჯვებდით. არავინ არის კეთილი და ბოროტი, ყველას აქვს ჰუმანიზმის პრობლემა თავისი მოქალაქეების მიმართ და ეს არის პირველი პრობლემა” – აღნიშნა სომხეთის მთავრობის ხელმძღვანელმა.

მეტი...

აშშ-ის პრეზიდენტი ჯო ბაიდენი არ ემხრობა ისრაელის მიერ ირანის ბირთვულ ობიექტებზე თავდასხმას. ამის შესახებ „სიენენი“ წერს. ბაიდენი ამბობს, რომ აშშ განიხილავს ისრაელთან, როგორ უნდა უპასუხონ ირანის სარაკეტო თავდასხმას. გარდა ამისა, როგორც ბაიდენმა აღნიშნა, ის ესაუბრა „დიდი შვიდეულის“ ლიდერებს და შეთანხმდნენ, რომ ისრაელმა ირანის თავდასხმას პროპორციულად უნდა უპასუხოს. „ირანმა ძალიან გადაუხვია მიმართულებას“ – აღნიშნა ბაიდენმა.

მეტი...

იაფაში ტერორისტულ თავდასხმაზე პასუხისმგებლობა „ჰამასმა“ აიღო. ამის შესახებ განცხადებას თავად ტერორისტული დაჯგუფება ავრცელებს. მათი განცხადებით, ტერორისტები, რომლებმაც გუშინდელი თავდასხმა განახორციელეს, ჰებრონის მაცხოვრებლები მოჰამად მესეკი და აჰმედ ჰიმუნი, “ჰამასის” წევრები იყვნენ. ქალაქ იაფაში გუნშინდელ ტერორისტულ თავდასხმას 7 ადამიანის სიცოცხლე შეეწირა, ხოლო კიდევ 16 ადამიანი დაშავდა. გარდაცვლილთა შორის არიან – საქართველოს მოქალაქე ილია ნოზაძე, ასევე, რევიტალ ბრონშტეინი, შაჰარ გოლდმანი, ინბარ სეგევ ვიგდერი, ნადია სოკოლენკო და იონას ქროსისი.

მეტი...

“ჩვენ ირანის ბოროტების ღერძის წინააღმდეგ მძიმე ომის შუაში ვიმყოფებით” – ამის შესახებ ისრაელის პრემიერ-მინისტრმა ბენიამინ ნეთანიაჰუმ მიმართვაში განაცხადა. „ჩვენ მძიმე ომის შუაში ვიმყოფებით ირანის ბოროტების ღერძის წინააღმდეგ, რომელიც ჩვენი განადგურებისკენ მიისწრაფვის. ეს არ მოხდება, რადგან ჩვენ ვიდგებით ერთად და უფლის დახმარებით, ერთად გავიმარჯვებთ. გავათავისუფლებთ ჩვენს მძევლებს სამხრეთით, დავაბრუნებთ ჩვენს მოსახლეობას ჩრდილოეთით, ჩვენ უზრუნველვყოფთ ისრაელის მარადიულობას“ – განაცხადა ნეთანიაჰუმ. ისრაელის პრემიერ-მინისტრმა ასევე მიუსამძიმრა ლიბანში ისრაელის სამხედრო ოპერაციის დროს დღეს დაღუპული სამხედროების ოჯახებს.

მეტი...

სამხრეთ ლიბანში შეტაკებებისას შვიდი ისრაელელი სამხედრო დაიღუპა, არიან დაშავებულებიც. ამის შესახებ ინფორმაციას ისრაელის თავდაცვის ძალები ავრცელებს. ისრაელის არმიის ცნობით, სამხრეთ ლიბანში სახმელეთო ოპერაციაში ორი დივიზია მონაწილეობს. თავდაცვის ძალების განცხადებით, სამხედროები სამხრეთ ლიბანში „შეზღუდულ, ლოკალიზებულ და მიზნობრივ რეიდებს“ ატარებენ, რომელთა მიზანია სასაზღვრო ზონაში მოძრაობა „ჰეზბოლას“ ინფრასტრუქტურის განადგურებაა.

მეტი...

გერმანელი პოლიტიკოსი, მიხაელ როთი, საქართველოს ფარგლებს გარეთ მცხოვრებ ქართველებს მიმართავს და ხმის მიცემის პროცესში რეგისტრაციისთვის დახმარებას სთავაზობს, ამისათვის კონკრეტული ადამიანების საკონტაქტო ინფორმაციასაც ავრცელებს. ირკვევა, რომ ამ პროცესში როთის დამხმარე ვინმე ნიკა თათარაშვილია.  

მეტი...

ისრაელი საგარეო საქმეთა სამინისტრომ გაეროს გენერალური მდივანი ანტონიო გუტერეში პერსონა ნონ გრატად გამოაცხადა. ინფორმაციას Guardian-ი ავრცელებს. გაეროს გენმდივანს ისრაელში შესვლაც აეკრძალა. როგორც სააგენტო იუწყება, ისრაელის საგარეო უწყებამ ასეთი გადაწყვეტილება მას შემდეგ მიიღო, რაც გუტერეშმა ვერ შეძლო „ერთმნიშვნელოვნად დაეგმო“ ირანის მასირებული შეტევა ისრაელზე. ,,ვისაც არ შეუძლია ცალსახად დაგმოს ირანის ამაზრზენი თავდასხმა ისრაელზე, როგორც ამას მსოფლიოს თითქმის ყველა ქვეყანა აკეთებს, არ იმსახურებს ფეხის დადგმას ისრაელის მიწაზე. ისრაელი გააგრძელებს თავისი მოქალაქეების და ეროვნული ღირსების დაცვას, ანტონიო გუტერეშთან ერთად ან მის გარეშე”, – განაცხადა ისრაელის საგარეო საქმეთა მინისტრმა.

მეტი...

„ჩინეთი ღრმად არის შეშფოთებული ახლო აღმოსავლეთში არსებული არეულობის გამო. ჩვენ ვეწინააღმდეგებით ლიბანის სუვერენიტეტის, უსაფრთხოებისა და ტერიტორიული მთლიანობის დარღვევას და ვეწინააღმდეგებით ქმედებებს, რომლებიც ამძაფრებს ანტაგონიზმს და ამძაფრებს დაძაბულობას“ – აცხადებენ ჩინეთის საგრეო საქმეთა სამინისტროში 1 ოქტომბერს მხარეების მხრიდან მორიგ იერიშთან დაკავშირებით. როგორც ოფიციალური ჩინეთი განმარტავს, პროცესში მსხვილი გავლენის ქვეყნები უნდა ჩაერთონ. „ჩინეთი მოუწოდებს საერთაშორისო საზოგადოებას, განსაკუთრებით გავლენის მქონე დიდ ქვეყნებს, ითამაშონ კონსტრუქციული როლი და თავიდან აიცილონ შემდგომი არეულობა. ჩინეთი თვლის, რომ ღაზაში გაჭიანურებული ბრძოლები ახლო აღმოსავლეთში არეულობის ამ რაუნდის მთავარი მიზეზია და ყველა მხარემ სასწრაფოდ უნდა იმუშაოს ყოვლისმომცველი და ხანგრძლივი ცეცხლის…

მეტი...

,,ევროკავშირი გმობს ირანის თავდასხმას ისრაელზე”, – ამის შესახებ ევროკავშირის საგარეო საქმეთა უმაღლესმა კომისარმა ჟოზეფ ბორელმა სოციალურ ქსელ X-ში დაწერა. „ევროკავშირი უმკაცრესად გმობს ირანის თავდასხმას ისრაელზე. არსებობს საფრთხე, რომ თავდასხმებისა და მათზე საპასუხო ქმედებების სახიფათო ციკლი კონტროლს მიღმა აღმოჩნდეს. ევროკავშირი კვლავ ემხრობა რეგიონული ომის თავიდან აცილების მცდელობებს“, – წერს ბორელი. გუშინ საღამოს ისრაელის ცენტრალურ და სამხრეთ ტერიტორიების მიმართულებით ირანის ისლამურმა რესპუბლიკამ ასობით ბალისტიკური რაკეტა გაუშვა. სხვადასხვა მონაცემით, მათი რაოდენობა 200-დან 500-მდე მერყეობდა. უმეტესობა ისრაელის თავდაცვის სისტემამ მოიგერია. ისრაელი ირანის მხრიდან თავდასხმას დიდ შეცდომას უწოდებს. პრემიერ-მინისტრი ნეთანიაჰუ აცხადებს, რომ თეირანი ამისთვის საფასურს…

მეტი...

ბრიუსელში სალომე ზურაბიშვილისა და ევროპული საბჭოს პრეზიდენტის, შარლ მიშელის შეხვედრა მიმდინარეობს. მესამე დღეა პრეზიდენტი ევროპაში მაღალი რანგის შეხვედრებს მართავს. გუშინ პოლონეთის პრეზიდენტ ანჯეი დუდას, იქამდე კი გერმანიაში, ფრანკ ვალტერ შტაინმაიერს შეხვდა. სალომე ზურაბიშვილი დღესვე ევროკომისიის პრეზიდენტთან ურსულა ფონ დერ ლაიენთან გამართავს მოლაპარაკებებს.

მეტი...

ირანის სულიერმა ლიდერმა, აიათოლა ალი ხამენეიმ რეგიონულ დაძაბულობასა და ომებში აშშ და ზოგიერთი ევროპული ქვეყანა დაადანაშაულა. ხამენეის განცხადებით, აშშ და ევროპის ქვეყნების ნაწილი ტყუიან, როდესაც აცხადებენ, რომ რეგიონში მშვიდობასა და სიმშვიდეს მოიტანენ. ირანის სულიერი ლიდერის თქმით, ისინი რეგიონიდან უნდა დაიკარგონ, რათა ქვეყნებმა მშვიდობაში იცხოვრონ. ირანის სულიერმა ლიდერმა აღნიშნა, რომ გლოვობს „ჰეზბოლას“ ლიდერის, ჰასან ნასრალას გარდაცვალებას. გავრცელებული ცნობით, პირველ ოქტომბერს ირანის მიერ ისრაელზე განხორციელებული სარაკეტო იერიშის ბრძანება აიათოლა ალი ხამენეიმ პირადად გასცა.

მეტი...

აშშ-ის პრეზიდენტობის კანდიდატმა, დონალდ ტრამპმა ისრაელი და ირანი შეადარა ბავშვებს, რომლებიც სკოლის ეზოში ჩხუბობენ. „ძალიან ცუდი სიტუაციაა, მაგრამ მათ ეს პროცესი უნდა დაასრულონ. წარმოიდგინეთ ეს, როგორც ორი ბავშვის ჩხუბი სკოლის ეზოში. ზოგჯერ უბრალოდ უნდა მისცე მათ საშუალება, ცოტა ხანს იჩხუბონ, ვნახოთ, რა მოხდება“, – განაცხადა დონალდ ტრამპმა მილუოკიში გამართული პრესკონფერენციის დროს. ამერიკის ყოფილმა პრეზიდენტმა მიმდინარე ომი „საშინელ“ მოვლენად შეაფასა და აღნიშნა, რომ მისი პრეზიდენტობის შემთხვევაში, ახლო აღმოსავლეთში მშვიდობა იქნებოდა. „ასე ცხოვრება არავის უნდა უწევდეს. ჩვენ, რა თქმა უნდა, ძალიან ჩართული ვიქნებით ახლო აღმოსავლეთის საკითხში“, – განაცხადა ტრამპმა.

მეტი...

,,ირანმა ისრაელზე სარაკეტო თავდასხმით წითელი ხაზი გადაკვეთა”, – ამის შესახებ ისრაელის საგარეო საქმეთა მინისტრმა ისრაელ კაცმა სოციალურ ქსელ X-ზე დაწერა. „აიათოლას რეჟიმმა წითელი ხაზი გადაკვეთა, და ისრაელის სახელმწიფო ჩვენს მოქალაქეებზე ირანის ბრუტალური თავდასხმის შემდეგ ჩუმად არ იჯდება“, – დაწერა კაცმა. მან მოუწოდა მთელ მსოფლიოს დაუდგეს გვერდში ისრაელს და შეაჩეროს ირანის ბოროტების ღერძი, სანამ გვიან არ არის. ისრაელის საგარეო საქმეთა მინისტრმა ასევე მადლობა გადაუხადა აშშ-ის ვიცე-პრეზიდენტს კამალა ჰარისს, რომელმაც მხარი დაუჭირა პრეზიდენტ ჯო ბაიდენის გადაწყვეტილებას ბრძანება გაეცა რეგიონში დისლოცირებული ამერიკელი ჯარისკაცებისთვის ისრაელის დასაცავად.

მეტი...