დღე: სექტემბერი 18, 2024

,,ახალგაზრდა იურისტთა ასოციაცია” წინასაარჩევნო მონიტორინგის შედეგებს აქვეყნებს. ,,საიამ” საბიუჯეტო დაწესებულებიდან და საჯარო სკოლებიდან პოლიტიკური ნიშნით გათავისუფლების 4 ფაქტი გამოავლინა. გათავისუფლებულია სამი საჯარო სკოლის დირექტორის მოვალეობის შემსრულებელი სენაკის მუნიციპალიტეტის სოფელ ნოქალაქევის და ხონის რაიონ სოფელ ნაბაშევიდან, რაც შეეხება მესამე გათავისუფლებულს – მას არ სურს ვინაობის გახმაურება. მეოთხე გათავისუფლებული ააიპიდანაა. ,,იდენტიფიცირებული 4 შემთხვევიდან 3 შეეხება საჯარო სკოლის დირექტორის მოვალეობის შემსრულებლებს, რომლებიც სავარაუდოდ, პოლიტიკური ნიშნით დისკრიმინაციის საფუძველზე ან „რუსულ კანონთან“ დაკავშირებით გამოთქმული მოსაზრებების გამო გაათავისუფლეს. კანონმდებლობის თანახმად, საჯარო სკოლის დირექტორის თანამდებობაზე არჩევა ხდება შესაბამისი კონკურსის საფუძველზე, სპეციალურ კომისიასთან გასაუბრებით, ხოლო საბოლოო გადაწყვეტილებას სკოლის…

საქართველოს ეროვნული ბანკი განცხადებას ავრცელებს სანქციების აღსრულებასთან დაკავშირებით მას შემდეგ, რაც ამერიკამ პოლიციის ორი მაღალჩინოსანი და ,,ალტ-ინფოს” ორი ლიდერი დაასანქცირა. ბანკი აცხადებს, რომ ,,ქართული საფინანსო სექტორი მოქმედებს სანქციათა რეჟიმებით გათვალისწინებული მოთხოვნების სრული დაცვით”. განცხადებაში ასევე ნათქავმია, რომ საქართველოს მოქალაქეზე სანქციათა რეჟიმი ვრცელდება იმ შემთხვევაში, თუ დაწესებული სანქციების საფუძველთან დაკავშირებით გამოტანილია საქართველოს სასამართლოს კანონიერ ძალაში შესული გამამტყუნებელი განაჩენი. ,,როგორც მოგეხსენებათ, საქართველოს ეროვნული ბანკის მითითებით, საქართველოში მოქმედი საფინანსო სექტორის წარმომადგენლები იცავენ საერთაშორისო სანქციათა მოთხოვნებს. ამასთან, „საქართველოს ეროვნული ბანკის ზედამხედველობას დაქვემდებარებული ანგარიშვალდებული პირების მიერ სანქციათა რეჟიმების შესრულების წესის დამტკიცების თაობაზე“ საქართველოს ეროვნული ბანკის…

დედოფლისწყაროში, სოფელ ქვემო ქედში, ერთ-ერთი ადგილობრივის კუთვნილ ვენახში, 38 წლის მამაკაცის ცხედარი იპოვეს. ადგილობრივების თქმით, გარდაცვლილი მეგობრებთან ერთად, რთველში იმყოფებოდა და სახლში აღარ დაბრუნდა. ორდღიანი ძებნის შემდეგ კი, ახალგაზრდა კაცს საკუთარ ავტომობილში, იმავე ვენახში მიაგნეს, სადაც მეგობრებთან ერთად იყო. გამოძიება 115- ე მუხლით მიმდინარეობს, რაც თვითმკვლელობამდე მიყვანას გულისხმობს, თუმცა გარდაცვალების რეალურ მიზეზს ექსპერტიზა დაადგენს.

სასაზღვრო პოლიციის ინფორმაციით, სანაპირო დაცვის დეპარტამენტის თანამშრომლებმა, საქართველოს ტერიტორიულ წყლებში, ნაოსნობის წესების დარღვევის ფაქტზე, ინდოეთის დროშის ქვეშ მცურავი ტანკერი “NAV DURGA” დააკავეს. გემის კაპიტანს ბიუჯეტის სასარგებლოდ დაეკისრა ჯარიმა 50 000 ლარი. ჯარიმის გადახდის შემდეგ, გემს თავისუფალი ნაოსნობის უფლება მიეცა. ,,გემის კაპიტნის მიმართ, რომელიც ინდოეთის მოქალაქეა, სასაზღვრო პოლიციის ოპერატიულ-საგამოძიებო მთავარი სამმართველოს თანამშრომლებმა საქმისწარმოება ნაოსნობის წესების დარღვევის ფაქტზე დაიწყეს, საქართველოს ადმინისტრაციულ სამართალდარღვევათა კოდექსის 114-ე 1-ლი პრიმა მუხლის 1-ლი პრიმა ნაწილის “თ” ქვეპუნქტით”, – წერს უწყება.

შინაგან საქმეთა სამინისტროს ინფორმაციით, სასაზღვრო პოლიციის თანამშრომლებმა უცხო ქვეყნის ორი მოქალაქე – 1996 წ. დაბადებული მ.ხ. და 2006 წ. დაბადებული ჯ. საქართველოს სახელმწიფო საზღვრის ჯგუფურად, უკანონოდ, გადმოკვეთის ფაქტზე დააკავეს. ,,გამოძიებამ დაადგინა, რომ ბრალდებულებმა, სასაზღვრო-საკონტროლო გამტარი პუნქტის გვერდის ავლით, აზერბაიჯანის რესპუბლიკიდან საქართველოს მიმართულებით ჯგუფურად, უკანონოდ, გადმოკვეთეს საქართველოს სახელმწიფო საზღვარი”, – წერია უწყების განცხადებაში. გამოძიება საქართველოს სისხლის სამართლის კოდექსის 344-ე მუხლის მე-2 ნაწილის „ა“ ქვეპუნქტით მიმდინარეობს, რაც საქართველოს სახელმწიფო საზღვრის ჯგუფურად, უკანონოდ გადმოკვეთას გულისხმობს. დანაშაული 5 წლამდე ვადით თავისუფლების აღკვეთას ითვალისწინებს.

მიგრაციის დეპარტამენტის და სასაზღვრო პოლიციის თანამშრომლებმა, ნიგერიის ფედერაციული რესპუბლიკის, ერაყის რესპუბლიკის, პაკისტანის ისლამური რესპუბლიკის, თურქეთის რესპუბლიკის და ეგვიპტის არაბთა რესპუბლიკის, ჯამში 5 მოქალაქე დააკავეს. ინფორმაციას შინაგან საქმეთა სამინისტრო ავრცელებს. ,,დადგინდა, რომ დაკავებული პირები „უცხოელთა და მოქალაქეობის არმქონე პირთა სამართლებრივი მდგომარეობის შესახებ“ საქართველოს კანონის გათვალისწინებით, ქვეყანაში იმყოფებოდნენ სამართლებრივი საფუძვლის გარეშე. მათ არ ისარგებლეს გაძევების გადაწყვეტილებით განსაზღვრული ვადებით, რაც ქვეყნის ნებაყოფლობით დატოვებას გულისხმობს, რის შედეგადაც შინაგან საქმეთა სამინისტროს მიგრაციის დეპარტამენტის მიერ მიღებული იქნა გადაწყვეტილება აღნიშნული პირების დაკავების თაობაზე”, – წერია უწყების განცხადებაში. უწყების ცნობით, ამ დროისთვის დაკავებულები მოთავსებული არიან მიგრაციის დეპარტამენტის დროებითი…

ღამით, უშგულში კაფე-ბარი ,,ენგური” დაიწვა. საგანგებო სიტუაციების მართვის სამსახურის ინფორმაციით, ცეცხლი ლიკვიდირებულია, დაშავებული კი არავინაა. ,,მთის ამბები” ავრცელებს ინფორმაციას, რომ მეპატრონეებმა ვერაფრის გადარჩენა ვერ შეძლეს. რა გახდა ხანძრის გამომწვევი მიზეზი, უცნობია.

საპატრიარქოში საქართველოს ეკლესიის სინოდალური კომისიის სხდომა გაიმართა. ინფორმაციას საპატრიარქოს საზოგადოებასთან ურთიერთობის სამსახური ავრცელებს. „კომისიის წევრებმა სხვა საკითხებთან ერთად, ასევე იმსჯელეს ქუთაის-გაენათის ეპარქიის მღვდელმსახურის, დეკანოზ ზინობ ჟვანიას ქმედებაზე. კერძოდ, საუბარი შეეხო 2023 წლის 25 სექტემბრით დათარიღებულ დეკანოზ ზინობ ჟვანიას ფეისბუქ სტატუსს, სადაც ის საუბრობს სენაკის მუნიციპალიტეტში შუშანიების სავანეზე. კომისიის წევრებმა დეკანოზ ზინობს განუმარტეს, რომ უმართებულოდ ხდება ადგილობრივი მღვდელმთავრის და, ზოგადად, საქართველოს ეკლესიის დადანაშაულება, თითქოსდა ვიღაცის კერძო საკუთრების მითვისებაში. აღნიშნული ქმედებისთვის, დეკანოზმა ზინობ ჟვანიამ კომისიის წევრების წინაშე შენდობა ითხოვა, რაც წერილობითაც დაადასტურა”, – ნათქვამია გავრცელებულ ინფორმაციაში.

ზურა ბერიკაშვილის გარდაცვალებამ სევდა და გულისტკივილი მოუტანა ყველას. 55 წლის მსახიობი გუშინ საბურთალოს სასაფლაოზე დაკრძალეს. გივი ბერიკაშვილი მაკა შალიკაშვილის ნათლია იყო. მსახიობი ფეისბუქზე წერს: ,,დეკემბრიდან მოყოლებული უმძიმესი მდგომარეობა იყო აქამდე… მე კი იქ არც ერთ, ვიმეორებ, არც ერთ მოსულ გულშემატკივარში ,,შეგუება”, ,,სიკვდილთან შეგუება” ვერ ვიგრძენი და ვერ დავინახე. მე ადამიანების ქვითინი და ბევრი მათგანის უხმო კივილიც მესმოდა… ნათელში იყოს ზურას სული. უფროსი ბერიკაშვილების თაობის ჩემი მანანაღაა… ყველას სიყვარულს მასთან ვაერთიანებ აწი, ღმერთმა გააძლიეროს”, – წერს მსახიობი.

როდის მოხერხდება რუსეთ-უკრაინის ომში დაღუპული გიორგი როინიშვილის სამშობლოში გადმოსვენება უცნობია. თანამებრძოლები მისი ცხედრის გამოყვანას ფრონტის წინა ხაზიდან ამ დრომდე ვერ ახერხებენ. გიორგი როინიშვილი გუშინ კურსკის ოლქში მტერთან შეტაკებას ემსხვერპლა. ის სპეციალურ დანაყოფ ,,თბილისის” მეთაურის მოადგილე იყო და რუსეთის ტერიტორიაზე სპეცოპერაციას მეთაურობდა, რა დროსაც მისი ჯგუფი ოკუპანტების ჩასაფრებაში მოჰყვა, განადგურდა მტრის ცოცხალი ძალაც, მაგრამ პირდაპირ შეტაკებას გიორგი როინიშვილის სიცოცხლე ემსხვერპლა. ასევე, დაჭრილი და ჰოსპიტალიზებულია სამი ქართველი მებრძოლი, მათი ჯანმრთელობის მდგომარეობა სტაბილურია.