დღე: სექტემბერი 4, 2024

ამერიკის შეერთებულმა შტატებმა რუსი პროპაგანდისტები დაასანქცირა, რომლებიც, მათი თქმით, აშშ-ის სარეზიდენტო არჩევნებთან დაკავშირებით, ამერიკაში საზოგადოებრივ აზრზე მოქმედებდნენ. გენერალური პროკურორის, მერიკ გარლანდის ცნობით, სანქცირებულთა შორის არიან RT-ს მთავარი რედაქტორი, მარგარიტა სიმონიანი, ასევე მისი მოადგილეები ელიზავეტა ბროდსკა და ანტონ ანისიმოვი, ინგლისურენოვანი მაუწყებლობის დირექტორის მოადგილე, ანდრეი კიაშკო, ციფრული მედიის პროექტების ხელმძღვანელი კოსტიანტინ კალაშნიკოვი და მისი ხელქვეითი ოლენა აფანასიევა. აშშ-ში ამბობენ, რომ ტელევიზიის თანამშრომლებმა და მენეჯმენტმა დაიქირავეს ხალხი და აშშ-ში საპრეზიდენტო არჩევნების წინ ცრუ პროპაგანდით ცდილობდნენ მოსახლეობის აზრის შეცვლას და გავლენების მოპოვებას.

შვედეთის საგარეო საქმეთა მინისტრი თანამდებობას ტოვებს და პოლიტიკიდან მიდის. ამის შესახებ თავად ტობიას ბილსტრომმა სოციალურ ქსელში დაწერა. მისი გადაწყვეტილების შესახებ ქვეყნის პრემიერ-მინისტრი უკვე ინფორმირებულია. ტობიას ბილსტრომი აცხადებს, რომ გადაწყვეტილების მიღება გაუჭირდა და მასზე გარკვეული პერიოდის განმავლობაში ფიქრობდა. „ბოლო 25 წლის განმავლობაში პოლიტიკაში ბევრი სხვადასხვა როლი ვითამაშე, მათ შორის, 10 წელი მინისტრის პოსტზე“, – აღნიშნა ბილსტრომმა და თანამდებობაზე ყოფნისას მიღწევებს შორის შვედეთის ნატო-ში გაწევრიანება დაასახელა. შვედმა მინისტრმა განმარტა, რომ გეგმავს პოლიტიკიდან სრულად წასვლას, ამიტომ დეპუტატის მანდატსაც დატოვებს. „რას გავაკეთებ შემდეგ, ეს ჯერჯერობით ღია საკითხია. მაგრამ მხოლოდ 50 წლის ვარ და მოუთმენლად…

,,მონღოლეთს აქვს ისტორიული შესაძლებლობა გახდეს საერთაშორისო სამართლის გარანტი, დააკავოს კრიმინალი პუტინი და მიიყვანოს ის ჰააგაში”, – ამ განცხადებით ევროპარლამენტის საგარეო ურთიერთობათა კომიტეტის თავმჯდომარის მოადგილე ურმას პაეტი პუტინის მონღოლეთში ვიზიტს ეხმაურება. პაეტი განმარტავს, რომ აუცილებელია სისხლის სამართლის საერთაშორისო სასამართლოს მოთხოვნა შესრულდეს. მისი აზრით, თუ მონღოლეთი არ შეასრულებს ვალდებულებებს, ევროკავშირმა უნდა გაუგზავნოს ამ ქვეყანას მკაფიო სიგნალი დიპლომატიური და ეკონომიკური ზომების სახით. შეგახსენებთ, რომ პუტინის ორდღიანი ვიზიტი მონღოლეთში, რომელიც რომის სტატუტის ხელმომწერი ქვეყანაა, გუშინ დაიწყო, თუმცა მონღოლეთმა ის არ დააკავა. ხელისუფლების წარმომადგენელმა მედიას განუცხადა, რომ მიზეზი მონღოლეთის რუსეთზე ენერგოდამოკიდებულებაა. ცნობისთვის, ჰააგის საერთაშორისო სისხლის…

უკრაინის უმაღლესმა რადამ ევროპულ და ევროატლანტიკურ სტრუქტურებში ინტეგრაციის საკითხებში ვიცე-პრემიერის თანამდებობიდან ოლგა სტეფანიშინას გადადგომას მხარი დაუჭირა. თუმცა, გავრცელებული ინფორმაციით, 5 სექტემბერს უწყება იუსტიციის სამინისტროსთან გაერთიანდება და მას ისევ სტეფანიშინა უხელმძღვანელებს. რადამ მხარი დაუჭირა უკრაინის სტრატეგიული მრეწველობის მინისტრის, ალექსანდრ კამიშინის გადადგომასაც, ხოლო ვიცე-პრემიერ ირინა ვერეშჩუკის გადადგომის შესახებ განცხადება, არ დააკმაყოფილა. თანამდებობიდან გათავისუფლდნენ უკრაინის იუსტიციის მინისტრი, დენის მალიუსკა და გარემოს დაცვისა და ბუნებრივი რესურსების მინისტრი, რუსლან სტრელესი. დღესვე ცნობილი გახდა, რომ თანამდებობას ტოვებს უკრაინის საგარეო საქმეთა მინისტრი დმიტრო კულება. თუმცა რადას დღეს მისი საკითხი არ განუხილავს. როგორც პრეზიდენტი ზელენსკი მინისტრთა კაბინეტში მიმდინარე…

ევროკავშირის გმობს პარლამენტის მიერ დღეს, 4 სექტემბერს, ჰომოფობიური საკანონმდებლო ცვლილებების მეორე მოსმენით ნაჩქარევად მიღებას. განცხადება ამ თემაზე უმაღლესი წარმომადგენლის პრეს-სპიკერმა, პიტერ სტანომ გააკეთა. ,,ევროკავშირი გმობს “ოჯახური ღირებულებების და არასრულწლოვანთა დაცვის შესახებ” საკანონმდებლო პაკეტის მეორე მოსმენით ნაჩქარევად მიღებას. ეს პაკეტი ძირს უთხრის საქართველოს მოსახლეობის ფუნდამენტურ უფლებებს და მოსახლეობის ნაწილის სტიგმატიზაციისა და დისკრიმინაციის გაძლიერების საფრთხეს ქმნის. ევროკავშირი წუხილს გამოთქვამს, რომ ევროკავშირთან ინტეგრაციის გზაზე მნიშვნელოვანი შედეგების მომტანი კანონმდებლობა სათანადო საჯარო კონსულტაციებისა და ევროპულ და საერთაშორისო სტანდარტებთან შესაბამისობის საფუძვლიანი ანალიზის გარეშე იქნა მიღებული. ადამიანის უფლებების უზრუნველყოფა და დაცვა ევროკავშირის გაფართოების პროცესის საფუძველშია, რასაც შეფასება…

საქართველოს პრეზიდენტს, სალომე ზურაბიშვილს ესტონეთის რესპუბლიკის საგანგებო და სრულუფლებიანმა ელჩმა საქართველოში მარგე მარდისალუ-კახარმა რწმუნებათა სიგელები გადასცა. ინფორმაციას პრეზიდენტის ადმინისტრაცია ავრცელებს და წერს, რომ რწმუნებათა სიგელების გადაცემის ოფიციალური ცერემონია ორბელიანების სასახლეში გაიმართა.

ესტონეთის თავდაცვის მინისტრმა, ჰანო პევკურმა განაცხადა, რომ რუსეთი საფრთხეს წარმოადგენს არა მხოლოდ ესტონეთისთვის, არამედ მთელი დასავლეთისთვის და დასძინა, რომ არაა გამორიცხული, რუსეთი ნატო-ს რომელიმე ქვეყანას დაესხას თავს. ჰანო პევკური ამბობს, რომ ქვეყნები მზად უნდა იყვნენ რუსეთის მხრიდან შესაძლო თავდასხმისთვის. „რუსეთი საფრთხეა არა მხოლოდ ესტონეთისთვის, არამედ მთელი დასავლეთისთვის და როცა არსებობს საფრთხე, უნდა არსებობდეს ჩვენი პასუხიც. ამ პასუხის ძიებისას უნდა გავაცნობიეროთ, რომ ერთადერთი, რაც რუსებს ესმით, არის ძალის ენა“- განაცხადა პევკურმა უკრაინულ მედიასთან ინტერვიუში.    

„უკრაინის მინისტრთა კაბინეტში ცვლილებები საჭიროა ჩვენი სახელმწიფოს სხვადასხვა მიმართულებით გაძლიერებისთვის“ – ამის შესახებ უკრაინის პრეზიდენტმა, ვოლოდიმირ ზელენსკიმ ირლანდიის პრემიერ-მინისტრ საიმონ ჰარისთან შეხვედრის შემდეგ მედიას განუცხადა. „მე უკვე ვისაუბრე ჩვენი მინისტრთა კაბინეტის, მრავალი სამინისტროს გადატვირთვაზე, ძალიან მადლობელი ვარ მინისტრების და მინისტრთა კაბინეტის მთელი გუნდის, რომლებიც მუშაობდნენ უკრაინისთვის და უკრაინელებისთვის“ – განაცხადა ზელენსკიმ. ის ამბობს, რომ დღეს უკრაინას ახალი ენერგია სჭირდება. „ეს ნაბიჯები დაკავშირებულია ჩვენი სახელმწიფოს სხვადასხვა მიმართულებით გაძლიერებასთან, გამონაკლისი არც საერთაშორისო პოლიტიკა და დიპლომატიაა“- აღნიშნა ზელენსკიმ. უკრაინის მინისტრთა კაბინეტში მნიშვნელოვანი ცვლილებები ხორციელდება. თანამდებობიდან გადადგომის შესახებ განცხადებები წარადგინეს ორმა ვიცე-პრემიერმა და ოთხმა მინისტრმა,…

“შეერთებულმა შტატებმა ძალიან კარგად იცის, სად გადის რუსეთის წითელი ხაზები, მათთან არ უნდა იხუმრონ”- ამის შესახებ რუსეთის საგარეო საქმეთა მინისტრმა, სერგეი ლავროვმა განაცხადა. ამ განცხადებით ლავროვმა კომენტარი გააკეთა მედიაში გავრცელებულ ინფორმაციაზე, რომ შეერთებული შტატები გეგმავს უკრაინას F-16 ტიპის მოიერიშე თვითმფრინავებისთვის ფრთოსანი რაკეტები მიაწოდოს. „ამერიკელებმა უკვე გადალახეს ის ზღვარი, რომელიც თავად მოუნიშნეს თავიანთ თავს. მათ აქეზებენ და ზელენსკი, რა თქმა უნდა, ხედავს ამას და სარგებლობს. ვინც ჩვენს წითელ ხაზებს ეხუმრება, არ უნდა ეხუმრებოდეს, მათ მშვენივრად იციან, სადაც გადის ის“- განაცხადა ლავროვმა.  

ბელარუსის პრეზიდენტმა, ალექსანდრ ლუკაშენკომ საპროტესტო ქმედებებში მონაწილეობისთვის მსჯავრდებული კიდევ 30 პირი შეიწყალა. შესაბამის ინფორმაციას პრეზიდენტის პრესსამსახური ავრცელებს. ლუკაშენკოს ადმინისტრაციაში აცხადებენ, რომ ეს ჰუმანური ჟესტია ამ ადამიანების მიმართ. შეწყალებულთა შორის შვიდი ქალი და 23 მამაკაცია. მათი უმრავლესობა არასრულწლოვანი ან მცირეწლოვანი შვილების მშობელია. ბელარუსის პრეზიდენტის პრესსამსახურის ცნობით, ყველა მათგანმა „აღიარა დანაშაული, მოინანია ის და კანონმორჩილი ცხოვრების გაგრძელების პირობა დადო“. მათ კონტროლს შინაგან საქმეთა სამინისტრო უზრუნველყოფს.

,,რუსეთს საკუთარი ბირთვული დოქტრინის გადახედვა მოუწევს, ვინაიდან აშშ და მისი დასავლელი მოკავშირეები უკრაინაში ომის ესკალაციის გზით რუსეთის ფედერაციას საფრთხეს უქმნიან”, – განაცხადა რუსეთის პრეზიდენტის პრესმდივანმა დიმიტრი პესკოვმა. როგორც მან აღნიშნა, შეერთებული შტატებია პასუხისმგებელი ევროპაში „ცივი ომის“ შემდეგ შექმნილი უსაფრთხოების არქიტექტურის ნგრევაზე. „დასავლეთმა რუსეთთან დიალოგზე უარი თქვა და გეზი მისი უსაფრთხოების ინტერესებზე შეტევაზე აიღო, ამავდროულად ის უკრაინაში „ცხელ ომს“ აჩაღებს“, – თქვა პესკოვმა.