დღე: აგვისტო 19, 2024

ბაქოში, აზერბაიჯანის პრეზიდენტის „ზაგულბას“ რეზიდენციაში რუსეთისა და აზერბაიჯანის პრეზიდენტების, ვლადიმერ პუტინისა და ილჰამ ალიევის შეხვედრა მიმდინარეობს. ინფორმაციას რუსული მედია ავრცელებს. „უპირველეს ყოვლისა, მადლობა მოწვევისთვის, ჩვენ დიდი ხანია შევთანხმდით ამ ვიზიტზე და მოხარული ვარ, რომ ვიმყოფები ბაქოში“ – განაცხადა პუტინმა. შეგახსენებთ, ვლადიმერ პუტინი ბაქოში ორდღიანი სახელმწიფო ვიზიტით გუშინ ჩავიდა. ორშაბათს დაგეგმილია პუტინისა და ალიევის მოლაპარაკებები ვიწრო და გაფართოებულ ფორმატებში, რის შედეგადაც რამდენიმე დოკუმენტი გაფორმდება.  

მეტი...

“მხოლოდ ადამიანებს, რომლებსაც არაფერი და არავინ დაუკარგავთ ამ ომში, შეუძლიათ შესთავაზონ უკრაინას მშვიდობის სანაცვლოდ ტერიტორიის დათმობა”- ამის შესახებ უკრაინის პირველმა ლედიმ, ოლენა ზელენსკამ ბრიტანული „დეილი მეილს“ განუცხადა, როდესაც მას ჰკითხეს ტერიტორიული დათმობების სანაცვლოდ დაზავების შესაძლებლობის შესახებ. „ჩემი რეაქცია, ისევე როგორც ბევრი უკრაინელის, არის ის, რომ ასეთი რამ მხოლოდ იმ ადამიანებს შეუძლიათ შემოგვთავაზოს, რომლებსაც არაფერი და არავინ დაუკარგავთ ამ ომში, და ადამიანებს, რომლებსაც სურთ, ეს კანიბალი და მისი მონსტრები დაამშვიდონ“ – აღნიშნა მან. უკრაინის პრეზიდენტის მეუღლემ ტერიტორიული დათმობების წინადადება დრაკონის შესახებ ზღაპარს შეადარა, რომლის მიხედვითაც, ურჩხულს ყოველწლიურად სწირავდნენ გოგონას, რათა ქალაქი…

მეტი...

“უკრაინის შეიარაღებული ძალების ქვედანაყოფები კურსკის მიმართულებით გადაჯგუფდებიან, რათა შეტევა ახალი მიმართულებით დაიწყონ, თუმცა რუსული ძალები სიტუაციას აკონტროლებენ”- ამის შესახებ „ტასს“ სპეცდანიშნულების რაზმის, „ახმატის“მეთაურმა, გენერალ-მაიორმა, აპტი ალაუდინოვმა განუცხადა. „ჩვენთან ვითარება კონტროლირებადია. გუშინ ძალიან მძიმე დღე იყო, მოწინააღმდეგემ რამდენიმე შეტევითი ტალღა განახორციელა. მოწინააღმდეგის დიდი ნაწილი, რომელიც გუშინ გვიტევდა, განადგურებულია. განადგურებულია მათი ტექნიკის ნაწილიც. დღეს ვფიქრობთ, რომ მოწინააღმდეგე გადაჯგუფდება, რათა სცადოს სხვა მხრიდან შემოსვლა“ – განაცხადა ალაუდინოვმა. მისივე ინფორმაციით, რუსული ქვედანაყოფები ყველაფერს აკონტროლებენ, აფიქსირებენ და „მზად არიან მოწინააღმდეგესთან შესახვედრად, იმის მიუხედავად, რას მოიმოქმედებენ ისინი“.  

მეტი...

ინდოეთის საგარეო საქმეთა სამინისტროში აცხადებენ, რომ პრემიერ-მინისტრი ნარენდრა მოდი აგვისტოში უკრაინაში ჩასვლას გეგმავს. ინფორმაციას,  სააგენტო „როიტერი“ ავრცელებს. ცნობისთვის, 2024 წლის ივლისში მოდი მოსკოვს ეწვია და ვლადიმერ პუტინს შეხვდა. რუსეთის დედაქალაქში ყოფნისას ინდოეთის პრემიერმა განაცხადა, რომ მხარს უჭერს „კონფლიქტების მშვიდობიან მოგვარებას“ და იმედოვნებს, რომ მოსკოვსა და კიევს შორის კონფლიქტის დარეგულირება სწრაფად მოხდება. უკრაინის პრეზიდენტმა, ვოლოდიმირ ზელენსკიმ მოდის ვიზიტი რუსეთში „უზარმაზარ იმედგაცრუებად და სამშვიდობო პროცესისთვის დარტყმად“ შეაფასა. მოდისა და პუტინის შეხვედრაზე განხილვის ერთ-ერთი თემა იყო ინდოეთის იმ მოქალაქეების სამშობლოში დაბრუნება, რომლებიც მოტყუებით აიძულეს, ხელი მოეწერათ რუსეთის თავდაცვის სამინისტროსთან კონტრაქტზე და რუსეთის არმიის შემადგენლობაში ფრონტზე…

მეტი...

რუსეთის გენერალურმა პროკურატურამ ამერიკული არასამთავრობო ორგანიზაციის – „კლუნის ფონდი სამართლიანობისთვის“ – საქმიანობა „არასასურველად“ გამოაცხადა. უწყების განმარტებით, ფონდი ახორციელებს „რუსეთის დისკრედიტაციისკენ მიმართულ სამუშაოს“ და მხარს უჭერს „ცრუ პატრიოტებს, რომლებმაც დატოვეს ქვეყანა“, ასევე აკრძალული ექსტრემისტული გაერთიანებებისა და ტერორისტული ორგანიზაციების წევრებს. „ჰუმანიტარული იდეების საფარქვეშ ორგანიზაცია ხელს უწყობს რუსეთის უმაღლესი ხელმძღვანელობის სისხლისსამართლებრივი დევნის ინიციატივებს, საჯაროდ ავრცელებს უარყოფით ფსევდოექსპერტულ შეფასებებს უცხოური აგენტებისა და არასამთავრობო ორგანიზაციების შესახებ რუსეთის კანონმდებლობასთან დაკავშირებით“, – აღნიშნულია რუსეთის გენერალური პროკურატურის განცხადებაში. „კლუნის ფონდი სამართლიანობისთვის“ 2016 წელს ნიუ-იორკში მსახიობმა ჯორჯ კლუნმა და მისმა მეუღლემ, ადამიანის უფლებათა ადვოკატმა ამალ კლუნმა დააარსეს. ორგანიზაციის ოფიციალური მიზანია…

მეტი...

“ახლა უკრაინის თავდაცვითი მოქმედებების მთავარი ამოცანაა, რაც შეიძლება მეტი რუსული სამხედრო პოტენციალის განადგურება და ბუფერული ზონის შექმნა აგრესორის ტერიტორიაზე” – ამის შესახებ უკრაინის პრეზიდენტმა, ვოლოდიმირ ზელენსკიმ განაცხადა. ზელენსკი ამბობს, რომ უკრაინელი დამცველები ყველაფერს აკეთებენ თავიანთი პოზიციების შესანარჩუნებლად. “დღეისთვის კარგი, ჩვენთვის საჭირო შედეგებია ტორეცკის მახლობლად რუსული ტექნიკის განადგურებაში და ეს ყველაფერი უფრო მეტია, ვიდრე უკრაინის დაცვა, ეს არის მთლიანობაში ჩვენი თავდაცვითი მოქმედებების მთავარი ამოცანა – რაც შეიძლება მეტი რუსული პოტენციალის განადგურება და კონტრშეტევითი სამუშაოების მაქსიმუმი. კურსკის რეგიონში ჩვენი ოპერაციის ამოცანაა ბუფერული ზონის შექმნა აგრესორის ტერიტორიაზე” განაცხადა ზელენსკიმ.

მეტი...

რუსეთმა ოფიციალურად მიმართა გერმანიას პრეტენზიებით, ბალტიის ზღვაში გაზსადენ „ჩრდილოეთის ნაკადისა“ და „ჩრდილოეთის ნაკადი 2“-ის აფეთქების გამოძიებასთან დაკავშირებით. ამის შესახებ რუსეთის საგარეო საქმეთა სამინისტროს ევროპასთან ურთიერთობის მესამე დეპარტამენტის დირექტორმა, ოლეგ ტიაპკინმა რუსულ მედიასთან საუბარში განაცხადა. „ამ კუთხით ორმხრივად, მათ შორის ბერლინის მიმართ, ოფიციალურად წარდგენილი იქნა შესაბამისი პრეტენზიები“-აღნიშნა მან და განმარტა, რომ რუსეთის ფედერაცია მოლაპარაკებებს ცდილობს მოქმედი საერთაშორისო რეგულაციების შესაბამისად და შემდგომი ნაბიჯები დამოკიდებული იქნება დასავლეთის რეაქციაზე. შეგახსენებთ, ბალტიის ზღვაში გაზსადენებზე – „ჩრდილოეთის ნაკადსა“ და „ჩრდილოეთის ნაკადი 2“-ზე – აფეთქებები 2022 წლის სექტემბრის ბოლოს მოხდა.  

მეტი...

“ჰამასმა” ღაზის სექტორში ცეცხლის შეწყვეტის შესახებ არაპირდაპირი მოლაპარაკებების წინადადება უარყო . ტერორისტულმა ორგანიზაციამ ოფიციალური განცხადება გაავრცელა, რომლითაც “ჰამასი” ისრაელის პრემიერს მოლაპარაკებებში ახალი დაბრკოლებების შემოტანაში ადანაშაულებს. „მას შემდეგ, რაც გავიგეთ შუამავლებისგან, რაც განიხილებოდა დოჰაში მოლაპარაკებების ბოლო რაუნდზე, ჩვენ კიდევ ერთხელ დავრწმუნდით, რომ ნეთანიაჰუ შეთანხმების გზაზე დაბრკოლებების შექმნას აგრძელებს”, – წერია ჰამასის განცხადებაში. ამერიკის შეერთებული შტატების სახელმწიფო მდივანი, ენტონი ბლინკენი ისრაელში ჩავიდა.   ,,ახლა ღაზის სექტორში ცეცხლის შეწყვეტის შესახებ მოლაპარაკებებისთვის გადამწყვეტი დროა – ენტონი ბლინკენი

მეტი...

,,ახლა ღაზის სექტორში ცეცხლის შეწყვეტის შესახებ მოლაპარაკებებისთვის გადამწყვეტი დროა”, – ამის შესახებ აშშ-ის სახელმწიფო მდივანმა, ენტონი ბლინკენმა ისრაელის პრეზიდენტთან, ისააკ ჰერცოგთან შეხვედრისას განაცხადა. „ეს არის გადამწყვეტი მომენტი, ალბათ საუკეთესო, შესაძლოა, უკანასკნელი შესაძლებლობა მძევლების სახლში დასაბრუნებლად, ცეცხლის შეწყვეტის, მშვიდობისა და უსაფრთხოებისთვის. მე აქ ვარ პრეზიდენტი ბაიდენის დავალებით, როგორც ინტენსიური დიპლომატიური ძალისხმევის ნაწილი, რათა მივაღწიოთ საბოლოო შეთანხმებას“, – განაცხადა ბლინკენმა. შეგახსენებთ, რომ აშშ-ის სახელმწიფო მდივანი ენტონი ბლინკენი ისრაელის ქალაქ თელ ავივში გუშინ ჩავიდა. დღეს ბლინკენი ისრაელის პრემიერ-მინისტრს, ბენიამინ ნეთანიაჰუს შეხვდება.

მეტი...

აზერბაიჯანის თავდაცვის სამინისტროს ცნობით, სომხეთის შეიარაღებულმა ძალებმა ქელბაჯარის რაიონში დისლოცირებული აზერბაიჯანული პოზიციების მიმართულებით ცეცხლი გახსნეს. აზერბაიჯანული მხარის მტკიცებით, სომხურმა შენაერთებმა ცეცხლი 18 აგვისტოს, დაახლოებით 23:50 საათზე, ავტომატური იარაღის გამოყენებით გახსნეს. თავდაცვის სამინისტროს განმარტებით, აზერბაიჯანულმა არმიამ „ადეკვატური საპასუხო ზომები მიიღო აღნიშნულ მიმართულებაზე“.

მეტი...

გერმანიის ბუნდესტაგის საგარეო ურთიერთობათა კომიტეტის თავმჯდომარე, მმართველი კოალიციის წევრი სოციალ-დემოკრატიული პარტიიდან (SPD) მიხაილ როთი გერმანიის ხელმძღვანელობას მოუწოდებს, უკრაინის სამხედრო დახმარება არ შეამცირონ. ,,ეს იქნება ფატალური სიგნალი გერმანიის მთავრობის მხრიდან უკრაინის მიმართ, თუ მომავალ ფედერალურ ბიუჯეტში არ იქნება თანხები ახალი სამხედრო დახმარებისთვის”, – აღნიშნა როთმა Funke Mediengruppe-თან ინტერვიუში. მისი თქმით, უკრაინის არმია ბოლო რამდენიმე თვის განმავლობაში პირველად გადავიდა შეტევაზე და ქვეყანას ევროპაში მისი ყველაზე მნიშვნელოვანი სამხედრო მოკავშირის, გერმანიის სრული მხარდაჭერა სჭირდება. „ამის ნაცვლად, სამხედრო დახმარების სამომავლო დაფინანსების შესახებ დებატები ჰგავს გერმანიის მიერ პასუხისმგებლობის ფარულ თავის არიდებას“, – აღნიშნა როთმა. ამასთან, გერმანიაში…

მეტი...

უკრაინულმა ძალებმა კურსკის ოლქში მდინარე სეიმზე მდებარე მესამე ხიდიც გაანადგურეს. ინფორმაცია რუსულ ტელეგრამარხებსა და უკრაინულ მედიაში ვრცელდება. ამ დროისთვის, ოფიციალური ინფორმაცია არ გავრცელებულა. აღსანიშნავია, რომ ეს არის ძლიერი დარტყმა რუსების ლოგისტიკისთვის, იმ ძალებისთვის რომლებიც მდინარესა და უკრაინის საზღვარს შორის არიან განლაგებული. ახლა მათი მომარაგება მხოლოდ დროებითი ხიდით ან ნავებით იქნება შესაძლებელი. თუ მესამე გადასასვლელის განადგურება დადასტურდა, მაშინ სამხრეთით მდებარე რუსეთის შეიარაღებული ძალების ქვედანაყოფები აღმოჩნდებიან ალყაში. ალყაშიმოქცეული ტერიტორიის მიახლოებითი ფართობი იქნება თითქმის 700 კვ.კმ. Z-სამხედრო კორესპონდენტმა რომანოვმა განაცხადა, რომ „სიტუაცია საშიშია და მოითხოვს რილსკის და ლგოვის ევაკუაციას, სანამ გვიან არ არის“.

მეტი...

უკრაინის პრეზიდენტი დასავლელ პარტნიორებს მოუწოდებს, დააჩქარონ უკრაინისთვის იარაღის მოწოდება. მისი თქმით, გამოცხადებული პაკეტების დროული ლოჯისტიკა აუცილებელია. ,,ჩვენი პარტნიორებისგან იარაღის მიწოდების დაჩქარება აუცილებელია. ომს შვებულება არ აქვს. საჭიროა დროული ლოჯისტიკა გამოცხადებული პაკეტებისთვის. განსაკუთრებით მივმართავ აშშ-ს, დიდ ბრიტანეთსა და საფრანგეთს”, – ამბობს ზელენსკი. როგორც ზელენსკიმ აღნიშნა, უკრაინელმა სამხედროებმა ტორეცკის მახლობლად რუსული ტექნიკა გაანადგურეს, თუმცა , მხოლოდ ერთ დღეში ოკუპანტებმა ტორეცკისა და პოკროვსკის მახლობლად ათობით თავდასხმა განახორციელეს.

მეტი...