თვე: ივნისი 2024

უკრაინამ და ევროკავშირმა უსაფრთხოების შეთანხმება, სახელწოდებით: ,,ევროკავშირსა და უკრაინას შორის უსაფრთხოების საერთო ვალდებულებები”, გააფორმეს. დოკუმენტის ხელმოწერის ცერემონია ევროკავშირის სამიტის წინ ბრიუსელში გაიმართა. დოკუმენტს ხელი უკრაინის პრეზიდენტმა ვოლოდიმირ ზელენსკიმ, ევროპული საბჭოს პრეზიდენტმა შარლ მიშელმა და ევროკომისიის პრეზიდენტმა, ურსულა ფონ დერ ლეიენმა მოაწერეს. Reuters-ის ცნობით, აღნიშნული შეთანხმება ითვალისწინებს ევროკავშირის ვალდებულებას, უკრაინას უსაფრთხოებისა და თავდაცვის პოლიტიკის ცხრა სფეროში დაეხმაროს, მათ შორის, შეიარაღების მიწოდების, სამხედრო წვრთნის, თავდაცვით სამრეწველო თანამშრომლობისა და განაღმვის სფეროებში. ევროკავშირის გარდა, ბრიუსელის სამიტის დაწყებამდე უკრაინის პრეზიდენტმა უსაფრთხოების შეთანხმებას ხელი ესტონეთთამ და ლიეტუვასთან მოაწერა.

,,ვიმედოვნებთ, რომ საქართველო დაუბრუნდება EU-ს გზას. ველოდებით, რას იზამს მთავრობა, ყველაფერი თქვენზეა დამოკიდებული”, – ამბობს ნიდერლანდების პრემიერმინისტრი და NATO-ს მომავალი გენერალური მდივანი, მარკ რუტე. ,,მე ვღელავ, საქართველოს ევროკავშირში გაწევრიანების გზასთან დაკავშირებით ბოლოდროინდელი გადაწყვეტილებების გამო. ვესაუბრე პრეზიდენტს, ვფიქრობ, რომ ის შთამბეჭდავი ლიდერია, მაგრამ, სამწუხაროდ, მისი ვეტო პარლამენტმა დაძლია. რა თქმა უნდა, ველოდებით და ვიმედოვნებთ, რომ საქართველო დაუბრუნდება ევროკავშირის გზას. ახლა ველოდებით, რას იზამს საქართველოს მთავრობა, ახლა ყველაფერი თქვენზეა დამოკიდებული”, – განაცხადა რუტემ.

,,პირველ რიგში გილოცავთ გუშინდელ ისტორიულ გამარჯვებას. საქართველოში საქმეები კარგად მიდის, საქართველოს მთავრობა კარგად მუშაობს”, – ამის შესახებ უნგრეთის პრემიერ-მინისტრმა ვიქტორ ორბანმა „ქრონიკის“ კითხვის პასუხად განაცხადა. ორბანი ევროკავშირის ლიდერების სამიტს ესწრება. „პირველ რიგში გილოცავთ გუშინდელ ისტორიულ გამარჯვებას. საქართველოში საქმეები კარგად მიდის, ევროკავშირში გაწევრიანების გზა კარგია. საქართველოს მთავრობა კარგად მუშაობს, ეკონომიკა უმჯობესდება. ასე რომ, ვფიქრობ სწორ გზაზე ხართ“, – აღნიშნა ორბანმა.  

სამოქალაქო ავიაციის სააგენტოს ცნობით, დღეს, საქართველოსა და კორეის რესპუბლიკის საავიაციო ხელისუფლებებს შორის ურთიერთგაგების მემორანდუმს მოეწერა ხელი. თბილისში გამართული მოლაპარაკებების ფარგლებში, საავიაციო უწყებების მიერ განხილულ იქნა საქართველოსა და კორეის რესპუბლიკას შორის რეგულარული ოპერირების დაწყების ტექნიკური ასპექტები, მათ შორის საავიაციო ბაზრებზე არსებული ვითარება, ძირითადი მარეგულირებელი სტანდარტები და ფრენის სიხშირეები. გაფორმებული ურთიერთგაგების მემორანდუმის შესაბამისად განისაზღვრა ფრენის სიხშირეები: საქართველოსა და კორეის დანიშნულ ავიაკომპანიებს უფლება ექნებათ რეგულარული სამგზავრო/სატვირთო ფრენები განახორციელონ კვირაში 7 სიხშირით. საქართველოსა და კორეის საავიაციო უწყებები შეთანხმდნენ, რომ აქტიურად გააგრძელებენ მუშაობას აღნიშნული პროცესის ხელშესაწყობად. საქართველოსა და კორეის რესპუბლიკას შორის ჩარტერული საჰაერო მიმოსვლის განხორციელება…

ევრო 2024-ზე საქართველოს ეროვნული ნაკრების წარმატებას საქართველოში ვიზიტად მყოფი, აზერბაიჯანის რესპუბლიკის საგარეო საქმეთა მინისტრი, ჯეიჰუნ ბაირამოვი გამოეხმაურა. „მე ვთვლი, რომ ეს ვიზიტი ძალიან მნიშვნელოვან დროს ემთხვევა. ჩვენ საქართველოს ფეხბურთის ეროვნული ნაკრების ისტორიული მიღწევები ვნახეთ. დღეს ჩემს ძვირფას კოლეგასთან ერთად საქართველო-აზერბაიჯანის სტრატეგიული თანამშრომლობის სხვადასხვა ასპექტსა და სფეროებზე ვისაუბრეთ. განვიხილეთ როგორც წარსული მიღწევები, ასევე სამომავლო გეგმები. საქართველოსა და აზერბაიჯანს შორის ურთიერთობა მრავალმხრივია და ძალიან ინტენსიურად ხორციელდება“, – განაცხადა ჯეიჰუნ ბაირამოვმა ქართველ კოლეგასთან ერთად გამართულ პრესკონფერენციაზე. აზერბაიჯანის რესპუბლიკის საგარეო საქმეთა მინისტრი საქართველოში ვიზიტით იმყოფება. ჯეიჰუნ ბაირამოვი უკვე შეხვდა საქართველოს საგარეო საქმეთა მინისტრს ილია…

66 ხმით 4 ის წინააღმდეგ – ევროპის საბჭოს საპარლამენტო ასამბლეამ საქართველოს შესახებ რეზოლუცია მიიღო, სადაც აღნიშნულია ქართული ოცნების მმართველობის პირობებში საქართველოში დემოკრატიის უკუსვლაზე და ევროპული ღირებულებებიდან გადახვევაზე. ასამბლეის წევრები მოუწოდებენ ივანიშვილის პარტიას, გაიწვიოს გამჭვირვალობის შესახებ კანონი, რომელიც არ შეესაბამება ევროპულ ღირებულებებს. „ასამბლეა შიშობს, რომ „უცხოური გავლენის გამჭვირვალობის შესახებ“ კანონი უარყოფითად იმოქმედებს ამ არჩევნების ჩატარებაზე და მისი შედეგის მიმართ დაინტერესებული მხარეების და საზოგადოების ნდობაზე, რამაც, შეიძლება, გავლენა მოახდინოს არჩევნების ლეგიტიმურობაზე. ეს განსაკუთრებით აქტუალურია, რადგან ამ კანონის მიღებამ, მიუხედავად მის წინააღმდეგ ფართოდ გავრცელებული წინააღმდეგობისა ქართულ საზოგადოებაში, მოახლოებული არჩევნები გარდაუვლად გადააქცია დე ფაქტო…

,,ჩვენ საკუთარი თვალით ვუყურებთ საქართველოს ბელარუსიზაციას”, – განაცხადა ევროსაბჭოში მიმდინარე დებატებზე სიტყვით გამოსვლისას უკრაინის რადას დეპუტატმა ოლექსეი გონჩარენკომ. მან სიტყვით გამოსვლა საქართველოს საფეხბურთო ნაკრების გამარჯვების მილოცვით დაიწყო: ,,უპირველეს ყოვლისა მინდა მოვულოცო საქართველოს ეს წარმატება ევრო 2024-ზე. საქართველოს ფეხბურთი არის ბრწყინვალე, მაგრამ სამწუხაროდ ერთადერთი კარგი ამბავია საქართველოდან დღეისთვის, რადგან იმას რასაც ჩვენ ვუყურებთ არის საქართველოს დამოუკიდებლობის დაკარგვა. ჩვენ საკუთარი თვალით ვუყურებთ საქართველოს ბელარუსიზაციას. რუსი ოლიგარქი ივანიშვილი პირდაპირ ამართლებს პუტინის აგრესიას უკრაინის წინააღმდეგ, ისევე როგორც რუსეთის აგრესიას საქართველოს წინააღმდეგ. სწორედ მან თქვა რომ რუსეთი კი არ დაესხა თავს 2008 -ში საქართველოს და…

,,რაც ახლა ხდება საქართველოში, მხოლოდ ქართველების ბრძოლა არ არის, ეს ევროპულიც არის. თუ საქართველოში დემოკრატია დამარცხდება, ევროპული ღირებულებები მთელს რეგიონში დამარცხდება”, – ამ სიტყვებით მიმართა “ენმ”-ის დეპუტატმა ანა წითლიძემ სტრასბურგში მიმდინარე დებატებზე საქართველოს შესახებ, ევროპის საბჭოს წარმომადგენლებს. წითლიძემ ისაუბრა ივანიშვილის ოლიგარქიულ მმართველობაზე ქვეყანაში და იმ საფრთხეებზე, რასაც ეს მმართველობა ქვეყნის ევროპულ მომავალს უქმნის: ,,დღეს ამ დარბაზში ვდგავარ, ძალიან ხმამაღლა და ამაყად ვიმეორებ ამ ცნობილ სიტყვებს: მე ვარ ქართველი, მაშასადამე ვარ ევროპელი. ეს ქართველი ხალხის ძლიერი ნება და ძლიერი ისტორიული მისწრაფებაა და ამას ვერც ერთი ოლიგარქი ვერ შეცვლის. მაგრამ ამ დარბაზში…

საქართველოს ოფიციალური ვიზიტით დღეს აზერბაიჯანის საგარეო საქმეთა მინისტრი ეწვევა. ვიზიტის ფარგლებში, დაგეგმილია შეხვედრები საქართველოს პრემიერ-მინისტრთან, პარლამენტის თავმჯდომარესთან და ქართველ კოლეგასთან. საგარეო საქმეთა მინისტრების შეხვედრაზე განხილული იქნება ორმხრივი თანამშრომლობის დღის წესრიგით გათვალისწინებული მნიშვნელოვანი საკითხები და რეგიონული თანამშრომლობის საკითხები. შეხვედრის შემდეგ გაკეთდება განცხადებები პრესასთან. ვიზიტის ფარგლებში, ჯეიჰუნ ბაირამოვი გვირგვინით შეამკობს საქართველოს ერთიანობისათვის დაღუპულ გმირთა მემორიალს, ასევე, პატივს მიაგებს აზერბაიჯანის რესპუბლიკის პრეზიდენტის, ჰეიდარ ალიევის მემორიალს.

სტრასბურგში, ევროპის საბჭოში საქართველოს შეახებ დებატები იმართება, რომელიც ქვეყანაში დემოკრატიულ უკუსვლასა და ადამიანის უფლებების მხრივ გაუარესებულ მდგომარეობას შეხება. „დღეს, ევროსაბჭოში იმართება პოლიტიკური დებატები საქართველოში დემოკრატიის გამოწვევებზე. ქართველი ხალხის ხმა ესმის ევროპას, ევროპა მარტო არ დატოვებს საქართველოს! ეს სულისკვეთება იქნება იმ რეზოლუციაში, რომელიც შემოთავაზებულია. დარწმუნებული ვარ ევროსაბჭო ამ რეზოლუციას ერთხმად დაამტკიცებს“, – განაცხადა საპარლამენტო ფრაქცია „ერთიანი ნაციონალური მოძრაობის“ დეპუტატმა ლევან ბეჟაშვილმა. დებატები ,,ქართული ოცნების” წინააღმდეგობის მიუხედავად მაინც დაინიშნა. შესაძლოა, დღევანდელ სხდომაზე იყოს მიღებული რეზოლუცია საქართველოს თაობაზე.

,,საქართველოს მთავრობა ევროკავშირის გზას უნდა დაუბრუნდეს”, – აცხადებს ევროკავშირის წარმომადგენლობა საქართველოში, ასოცირების შეთანხმების ხელმოწერის 10 წლისთავთან დაკავშირებით: ,,დღეს, ევროკავშირსა და საქართველოს შორის ასოცირების შესახებ შეთანხმების ხელმოწერიდან 10 წელი შესრულდა; ეს პარტნიორობის მნიშვნელოვანი ეტაპია და ასევე შეხსენება, რომ ევროკავშირი საქართველოს მოსახლეობის ევროკავშირში მომავლისკენ სწრაფვას მტკიცედ უჭერს მხარს. საქართველოს მთავრობა ევროკავშირის გზას უნდა დაუბრუნდეს. საქართველოს ადგილი ევროკავშირშია, მაგრამ საქართველო ევროკავშირისკენ მიმავალ გზაზე წინ ვერ წაიწევს, თუ მოქმედების კურსი არ შეიცვლება”, – აღნიშნავს დიპლომატიური უწყება.