თვე: ივნისი 2024

„დიდი შვიდეულის“ ლიდერებს არ განუხილავთ რუსეთის პრეზიდენტის, ვლადიმერ პუტინის წინადადებები უკრაინაში მშვიდობის შესახებ, რადგან ყველამ იცოდა, რომ ეს სერიოზული წინადადებები არ იყო”- ამბობს გერმანიის კანცლერი, ოლაფ შოლცი. შოლცის განცახდებით, პუტინის მიერ წაყენებული პირობები, რომ უკრაინასთან სამშვიდობი მოლაპარაკებების დაწყება შესაძლებელია იმ შემთხვევაში, თუ უკრაინა დატოვებს თავის ოთხ რეგიონს, შეწყვიტავს ბრძოლას და უარს იტყვის ნატო-ში გაწევრიანების გეგმაზე – მხოლოდ შვეიცარიაში დაგეგმილი მშვიდობის კონფერენციიდან ყურადღების გადატანას ისახავს მიზნად. „ყველამ იცის, რომ ეს წინადადება არასერიოზულია და კავშირშია შვეიცარიის მშვიდობის კონფერენციასთან“ – განაცხადა შოლცმა.  

რუმინეთმა რუსეთის დელეგაციის წევრებს უარი უთხრა ვიზების გაცემაზე, ევროპის უსაფრთხოებისა და თანამშრომლობის ორგანიზაციის (ეუთო) საპარლამენტო ასამბლეის ყოველწლიურ სესიაში მონაწილეობის მისაღებად. ამის შესახებ, რუსეთის ფედერაციის საბჭოს საერთაშორისო საქმეთა კომიტეტის თავმჯდომარემ, გრიგორი კარასინმა „ტელეგრამზე“ დაწერა. საპარალამნეტი ასამბლეა 29 ივნისიდან 3 ივლისის ჩათვლით ბუქარესტში გაიმართება. რუსული მედია ასამბლეის სამდივნოზე დაყრდნობით იუწყება, რომ რუსეთის დელეგაციამ ორჯერ განაცხადა უარი ეუთო-ს საპარლამენტო ასამბლეაში მონაწილეობაზე – 2023 წლის შემოდგომაზე ერევანში და 2024 წლის ზამთარში ვენაში. ამასთან, ვიზების მიღებასთან დაკავშირებული პრობლემების გამო, რუსი პარლამენტარები არ ესწრებოდნენ ასამბლეის შეხვედრებს დიდ ბრიტანეთსა და კანადაში 2022 და 2023 წლებში.  

რუსეთმა უკრაინას სრულმასშტაბიანი სამხედრო შეჭრით გამოწვეული ზარალი უნდა აუნაზღაუროს. რაც  მსოფლიო ბანკის შეფასებით, 486 მილიარდი აშშ დოლარს აღემატება. ინფორმაცია, „დიდი შვიდეულის“ ლიდერების დოკუმენტშია აღნიშნული, რომელიც იტალიაში გამართული ორდღიანი სამიტის შემდეგ გამოქვეყნდა. „რუსეთმა უნდა შეწყვიტოს უკანონო აგრესიული ომი და გადაიხადოს იმ ზიანისთვის, რაც უკრაინას მიაყენა. მსოფლიო ბანკის მონაცემებით, ეს ზარალი ახლა 486 მილიარდ აშშ დოლარს აღემატება“ – ნათქვამია განცხადებაში. „დიდი შვიდეულის“ წევრი ქვეყნების წარმომადგენლები აცხადებენ, რომ აგრძელებენ ყველა შესაძლო კანონიერი გზის განხილვას, რათა აიძულონ რუსეთი, უკრაინას მიყენებული ზარალი აუნაზღაუროს.  

უკრაინის თავდაცვის სამინისტროს მთავარი სადაზვერვო სამმართველოს ხელმძღვანელის, კირილ ბუდანოვის ინფორმაციით, 14 ივნისის ღამეს უკრაინულმა ძალებმა რუსეთის „მოროზოვსკის“ აეროდრომზე თავდასხმისთვის მინიმუმ 70 დრონი გამოიყენეს. ბუდანოვი ამბობს, რომ ოპერაცია უკრაინის ტერიტორიიდან დაიწყო და აეროდრომს, სულ მცირე, 70 და, შესაძლოა მეტი, უკრაინული Dragon-ის და Splash-ის დრონით დაარტყეს. კითხვაზე, გეგმავენ თუ არა უკრაინული ძალები მორიგ საჰაერო თავდასხმას ამ აეროდრომზე, ბუდანოვმა უპასუხა: „დიახ“. რუსეთის თავდაცვის სამინისტროში აცხადებენ, რომ წუხელ რუსეთის ტერიტორიასა და დროებით ოკუპირებული ყირიმში 87 უკრაინული დრონი გაანადგურეს.

„როიტერის“ ინფორმაციით, რუსეთისთვის ევროკავშირის სანქციების მე-14 პაკეტის დაწესება გერმანიამ შეაფერხა. ელჩების დონეზე გამართულ შეხვედრაზე გერმანიამ შეშფოთება გამოთქვა შემზღუდველი ზომების გაფართოებასთან დაკავშირებით, რადგან შიშობს, ახალმა ზომებმა არ აიძულოს ევროკავშირის კომპანიები, უზრუნველყონ, რომ მათმა მომხმარებლებმა შემდეგ არ გაყიდონ დასანქცირებული პროდუქცია მოსკოვში. კერძოდ, როგორც მედია წერს, გერმანია წინააღმდეგია გათხევადებული გაზის სექტორში სანქციების დაწესებაზე, რომლის ფარგლებშიც ქვეყნებს აეკრძალებოდათ რუსული გათხევადებული გაზის რეექსპორტი ევროკავშირის პორტებიდან და არქტიკასა და ბალტიისპირეთში თხევადი გაზის ტერმინალების დაფინანსება. როგორც „პოლიტიკო“ წერს  გერმანიას მიაჩნია, რომ დაზარალდება გერმანული მცირე ბიზნესიც.    

ევროკავშირის წევრი ქვეყნების ელჩებმა უკრაინისთვისა და მოლდოვისთვის გაწევრიანების შესახებ მოლაპარაკებების ჩარჩოები შეათანხმეს. ინფორმაციას ევროკავშირის საბჭოში ბელგიის თავმჯდომარეობა ავრცელებს. გადაწყვეტილების მიხედვით 25 ივნისს, როგორც დაგეგმილი იყო, შედგება სამთავრობოთაშორისო კონფერენცია, რის შემდეგაც ოფიციალურად დაიწყება, უკრაინისა და მოლდოვის ევროკავშირში გაწევრიანების შესახებ მოლაპარაკებები. იმ შემთხვევაში, თუ უნგრეთი პოზიციას არ შეიცვლიდა, მოლაპარაკებების გახსნა 2024 წლის მეორე ნახევრამდე შეიძლება გაჭიანურებულიყო, როდესაც სწორედ ბუდაპეშტს უწევს ევროკავშირის საბჭოს თავმჯდომარეობა.  

რუსი პროპაგანდისტი ალექსანდრე დუგინი ამბობს, რომ ან მთელი უკრაინა რუსული იქნება ან არ იარსებებს. ამის შესახებ მან სოცილაურ ქსელში დაწერა და აღნიშნა, რომ რუსეთმა ყირიმი “უკრაინად” აღიარა და ყველა, ვისაც ამასთან დაკავშირებით განსხვავებული აზრი ექნებოდა, რუსეთი მუდმივად თავს ესხმოდა. “ოდესღაც “დნრ” და “ლნრ” [დონეცკისა და ლუგანსკის ე.წ. სახალხო რესპუბლიკები]  არ იყო ჩვენს დღის წესრიგში და ჩვენ ვაღიარეთ ყირიმი „უკრაინად“ და ვესხმოდით ყველას, ვინც სხვაგვარად ფიქრს გაბედავდა. რომ აღარაფერი ვთქვათ ხერსონის რეგიონსა და ზაპოროჟიეს შესახებ. ეს არის დიპლომატია და არსებობს გეოპოლიტიკის ცივი კანონები. მთელი უკრაინა ან რუსული იქნება, ან არც ის…

ჟურნალისტებმა უკრაინაში ომში 56,452 რუსი ჯარისკაცის დაღუპვა დაადასტურეს. ასეთი შედეგი იმ კვლევისა, რომელსაც „მედიაზონა“ და BBC-ის რუსული სამსახური რუსეთის მიერ უკრაინის წინააღმდეგ დაწყებული ომის განმავლობაში ატარებს. ანგარიშები ქვეყნდება ყოველ ორ კვირაში ერთხელ. ივნისის დასაწყისიდან პერიოდში დადასტურდა კიდევ 1 689 რუსი ჯარისკაცის დაღუპვა. სეპარატისტული დანაყოფების სამხედრო მოსამსახურეები, რომლებიც 2022 წლამდე არ იყვნენ რუსეთის არმიის შემადგენლობაში, არ შედიან საერთო ჯგუფში. გარდა ამისა, სტატისტიკაში არ შედის კერძო სამხედრო კომპანია „ვაგნერის“ დანაკარგი, 19 547 ჯარისკაცი, რომელთა შესახებ ცნობა ხელთ ჩაუვარდათ გამოკვლევის ავტორებს.

ჩრდილოეთ კორეამ რუსეთში ხუთ მილიონზე მეტი საარტილერიო ჭურვი გაგზავნა. ამის შესახებ სამხრეთ კორეის თავდაცვის მინისტრმა შინ ვონ სიკმა Bloomberg-ის ჟურნალისტებთან საუბარში განაცხადა. გარდა ამისა, კორეის თავდაცვის სამინისტროს ხელმძღვანელის ინფორმაციით, სეულმა დააფიქსირა მინიმუმ 10 ათასი სატვირთო კონტეინერის გაგზავნა რუსეთში. ასეთ კონტეინერებს საარტილერიო ჭურვების და ბალისტიკური რაკეტების გადატანა შეუძლიათ. შინ ვონ სიკი ამტკიცებს, რომ საპასუხოდ, მოსკოვს შეეძლო ფხენიანისთვის გადაეცა ის ტექნოლოგიები, რომლებიც ჯაშუშური თანამგზავრების, ასევე ტანკებისა და თვითმფრინავების მშენებლობაში გამოიყენება. “პუტინი სავარაუდოდ შეეცდება უფრო მჭიდრო თანამშრომლობას ჩრდილოეთ კორეასთან უსაფრთხოების სფეროში, განსაკუთრებით სამხედრო მიწოდების სფეროში, როგორიცაა საარტილერიო ჭურვების მიწოდება, რაც აუცილებელია იმისათვის, რომ…

უკრაინის პრეზიდენტი ვოლოდიმირ ზელენსკი რომის პაპ ფრანცისკეს შეხვდა. როგორც ზელენსკი სოციალურ ქსელში წერს, შეხვედრაზე განიხილეს უკრაინის წინააღმდეგ რუსეთის ომის შედეგები“ რუსული საჰაერო ტერორი და ენერგეტიკის სექტორში შექმნილი რთული ვითარება“. „ასევე განვიხილეთ მშვიდობის ფორმულა, წმინდა საყდრის როლი უკრაინაში სამართლიანობისა და მშვიდობის დამყარებაში,  მშვიდობის გლობალური სამიტის მოლოდინები“-  წერს ზელენსკი.   .

უწყების პრესსპიკერი ანი ბადალიანი სოციალურ ქსელში  წერს, რომ  ნოტა ბელარუსის საგარეო უწყების სპიკერის 13 ივნისის განცხადებას უკავშირდება, რომელსაც ერევანი მის საშინაო საქმეებში ჩარევად აფასებს. „სურვილი, გყავდეს ისეთი მმართველები, რომლებიც საკუთარი ქვეყნის მომავალზე ფიქრობენ, შეიძლება გაჟღერდეს ისეთი ადამიანის მხრიდან, რომელსაც ასეთი ლიდერი ჰყავს. ბელარუსის შემთხვევაში ეს ნამდვილი ფუფუნებაა“, – დაწერა ანი ბადალიანმა. ინფორმაციისთვის, მინსკსა და ერევანს შორის ურთიერთობა მას შემდეგ დაიძაბა, რაც 12 ივნისს სომხეთის პრემიერ-მინისტრმა, ნიკოლ ფაშინიანმა განაცხადა, რომ ბელარუსში არ ჩავა, ვიდრე მას ალექსანდრე ლუკაშენკო ხელმძღვანელობს. საპასუხოდ მინსკმა სომხეთიდან ელჩი გაიწვია, ანალოგიური ნაბიჯი ერევანმაც  გადადგა. ბელარუსის საგარეო საქმეთა სამინისტროს პრესსპიკერმა, ანატოლი…

ნატო-ს გენერალური მდივანი იენს სტოლტენბერგი რუსეთის პრეზიდენტის სამშვიდობო ინიციატივას გამოეხმაურა. სტოლტენბერგის განცხადებით, უკრაინის საქმე არ არის საკუთარი ტერიტორიიდან ჯარების გაყვანა, არამედ რუსეთმა უნდა გაიყვანოს საკუთარი ჯარი უკრაინის ოკუპირებული რეგიონებიდან. „ეს არ არის უკრაინული წინადადება და მხოლოდ იმაზე მეტყველებს, რომ ის არ არის კეთილსინდისიერი და, ფაქტობრივად, ნიშნავს, რომ რუსეთის ფედერაციას სურს, მიაღწიოს თავის სამხედრო მიზნებს. ასევე სურს, მიისაკუთროს ბევრად უფრო დიდ ტერიტორია, ვიდრე ჯერჯერობით შეძლო ოკუპირება“, – აღნიშნა სტოლტენბერგმა. როგორც იენს სტოლტენბერგმა განაცხადა, ეს კიდევ ერთხელ მეტყველებს, რომ რუსეთი უკრაინის გაკონტროლებას ცდილობს და ეს იყო რუსეთის მიზანი ომის დაწყებიდან, რაც საერთაშორისო სამართლის…

„პუტინის პირობები არის ულტიმატუმი, ეს არაფრით განსხვავდება სხვა ულტიმატუმებისგან, რომლებიც ადრე წამოაყენა. ვხედავთ, ის ნაციზმის აღორძინებით არის დაკავებული, ნაციზმის ახალი ტალღაა, რუსული ნაციზმის ტალღა“, – განაცხადა უკრაინის პრეზიდენტმა ვოლოდიმირ ზელენსკიმ. როგორც მან აღნიშნა, რუსეთს უკრაინის ტერიტორიის მთლიანად ხელში ჩაგდება სურს. „ეს იგივეა, რაც ჰიტლერმა ქნა, როდესაც განაცხადა: „მომეცით ჩეხოსლოვაკიის ნაწილი და ამით ყველაფერი დასრულდება“. თუმცა ეს არის ტყუილი, ისტორიული ტყუილი. შემდეგ იყო პოლონეთი, შემდეგ კი მთელი ევროპის ოკუპაცია. თქვენ იცით, რომ ნაციზმის ეს ტალღა არასდროს გაჩერდება. დღეს პუტინი საუბრობს ოთხ რეგიონზე, თუმცა მანამდე მხოლოდ ყირიმსა და დონბასზე ლაპარაკობდა“, – განაცხადა…

აშშ-ის თავდაცვის მდივანი ლოიდ ოსტინი რუსეთის პრეზიდენტის სამშვიდობო ინიციატივას გამოეხმაურა. როგორც ლოიდ ოსტინმა ბრიუსელში პრესკონფერენციაზე განაცხადა, პუტინი არ არის ახლა იმ მდგომარეობაში, რომ უკარნახოს უკრაინას, რა გააკეთოს მშვიდობის დასამყარებლად. „ჩვენ არ გვსურს ასეთი ქმედების ნახვა. ჩვენ არ გვინდა, ვხედავდეთ, რომელიღაც ქვეყნის ლიდერს როგორ სურს საზღვრების გადმოწევა და მეზობელი ქვეყნის ტერიტორიების ანექსია“, – განაცხადა ლოიდ ოსტინმა. თავდაცვის მდივანმა ასევე აღნიშნა, რომ ვლადიმერ პუტინი თუ ისურვებს, დღესვე შეუძლია არაპროვოცირებული ომის შეჩერება, რომელშიც ასობით ათასი სამხედრო მოსამსახურე დაიღუპა და დაიჭრა. „მოვუწოდებთ მას, გაიყვანოს თავისი სამხედროები უკრაინის სუვერენული ტერიტორიებიდან“, – განაცხადა ლოიდ ოსტინმა. ინფორმაციისთვის,…

გერმანიამ უკრაინას სამხედრო დახმარების ახალი პაკეტი გადასცა. ინფორმაციას უკრაინული მედია გერმანიის მთავრობის ვებგვერდზე გავრცელებულ პრესრელიზზე დაყრდნობით ავრცელებს. საუბარია HIMARS-ის სარაკეტო სისტემებზე, საჰაერო თავდაცვის სისტემებზე, ტანკებზე და ა.შ. გავრცელებული ინფორმაციის თანახმად, უკრაინამ მიიღო: 20 ერთეული Marder-ის ქვეითთა საბრძოლო მანქანა, Leopard 1 A5 ტიპის 10 ტანკი, IRIS-T SLS ტიპის მცირე მანძილზე მოქმედი საზენიტო სარაკეტო სისტემა, HIMARS-ის სარაკეტო სისტემები, Biber-ის ტიპის ხიდის გამდები ტანკები, ჯავშანტექნიკის სარემონტო და საევაკუაციო Bergepanzer-ის მანქანები, Wisent-ის ნაღმების გამწმენდი მანქანები. სამხედრო დახმარების პაკეტში ასევე მოიცავდა სხვა აღჭურვილობას და საბრძოლო მასალას.  

,,დაუწესდეს სანქცია ივანიშვილს, კობახიძეს, გომელაურს, პაპუაშვილს, კალაძეს”, – ევროპარლამენტარი ანსის პუპოლსი ჯოზეფ ბორელს მიმართავს. დეპუტატი მოუწოდებს საგარეო პოლიტიკისა და უსაფრთხოების საკითხებში ევროკავშირის უმაღლეს კომისარს, დაიწყოს პროცედურები ქართველი ჩინოვნიკების წინააღმდეგ, ხელისუფლების მიერ არადემოკრატიული ქმედებებისა და ადამიანის უფლებების დარღვევისთვის. წერილში ლატვიელი ევროპარლამენტარი ხაზს უსვამს, რომ გამჭვირვალობის შესახებ კანონის მიღება არის ნაბიჯი სამოქალაქო საზოგადოებისა და თავისუფლების შელახვისკენ. ,,როდესაც ევროპარლამენტარი გავხდი, საქართველოში ჩავედი, პირადად შევხვდი რამდენიმე ოპოზიციონერს და ჩემი თვალით ვნახე იქ არსებული მდგომარეობა. სიტუაცია მართლაც კრიტიკული და დრამატულია – დემოკრატია კიდევ ერთ ევროპულ ქვეყანაშია საფრთხის ქვეშ და ეს ნათლად უნდა ვაღიაროთ. 24 ივნისს…

რუსეთის პრეზიდენტის, ვლადიმირ პუტინის ცნობით, მოლაპარაკებების დასაწყებად უკრაინულმა ჯარმა სრულად უნდა დატოვოს „რუსეთის ახალი რეგიონების ტერიტორიები“. ასეთ ტერიტორიებს შორის კრემლის ლიდერმა უკრაინის დონეცკის, ლუგანსკის, ხერსონისა და ზაპოროჟიეს ოლქები დაასახელა. მისი თქმით, მოსკოვს ასევე სურს, რომ კიევმა ნატოში გაწევრიანების გეგმებზე უარი თქვას. პუტინის განცხადებით, როგორც კი უკრაინა ოფიციალურად განაცხადებს, რომ უარს ამბობს ნატოში გაწევრიანების გეგმაზე, რუსული მხარე დაუყოვნებლივ შეწყვეტს ცეცხლს და დაიწყებს მოლაპარაკებებს. „მზად ვართ, ხვალვე მივუსხდეთ მოლაპარაკებების მაგიდას. გვესმის, რომ სიტუაციას აქვს იურიდიული ნიუანსები, თუმცა იქ [უკრაინაში] არსებობს ლეგიტიმური ხელისუფლება, ვისთანაც მოლაპარაკებების გამართვა შეიძლება. ჩვენ მზად ვართ. რუსეთის მონაწილეობის გარეშე…

უნგრეთის პრემიერმინისტრს, ვიქტორ ორბანს ნატოს ქვეყნების სურვილი, უკრაინაში რუსეთის დამარცხების შესახებ მცდარად მიაჩნია. ორბანმა აღნიშნა, რომ უნგრეთი ნატოს ერთ-ერთი ყველაზე ლოიალური წევრია და დასძინა, რომ “ნატოს 32 წევრი ქვეყანადან 31-ს სურს რუსების დამარცხება”. ორბანის თქმით, უკრაინის გამარჯვება არ არის აუცილებელი, მაგრამ ამის მიუხედავად. ნატო კვლავ “აგრძელებს ომს, სანამ უნგრეთი მშვიდობის მხარესაა”. მისივე განცხადებით, “არ სურს უნგრეთის ერთი კვადრატული ინჩი მაინც გახდეს რუსეთის სამხედრო სამიზნე.” ორბანმა ინტერვიუში ხაზგასმით აღნიშნა, რომ მისი მთავრობა არ დააბრკოლებს NATO-ს მისიას უკრაინაში, მაგრამ არც მონაწილეობას მიიღებს მასში.