დღე: ოქტომბერი 5, 2024

გერმანია ლიბანიდან საკუთარი მოქალაქეების ევაკუაციას ახორციელებს. ამის შესახებ ინფორმაცია უცხოურ მედიაში ვრცელდება. ქვეყნის საგარეო საქმეთა და თავდაცვის სამინისტორების განცხადებით, საევაკუაციო ფრენა Airbus A330-ით ხორციელდება, რომელიც მრავალეროვნულ და მრავალფუნქციური, საერთაშორისო საჰაერო ტრანსპორტის ფლოტს ეკუთვნის. ჯამში ლიბანიდან გერმანული სამხედრო ფრენებით დღეს 219 მოქალაქის ევაკუაცია განხორციელდა.  

აშშ-ის პრეზიდენტ ჯო ბაიდენის განცხადებით, ექსპრეზიდენტ დონალდ ტრამპის გამონათქვამების გამო, დარწმუნებული არ არის, რომ საპრეზიდენტო არჩევნები მშვიდობიანი იქნება. „დარწმუნებული ვარ, რომ არჩევნები იქნება თავისუფალი და სამართლიანი, მაგრამ არ ვიცი, იქნება თუ არა მშვიდობიანი. ის, რაც ტრამპმა თქვა და ის, რაც მან წინა ჯერზე განაცხადა, როდესაც არ მოეწონა არჩევნების შედეგები, ძალიან სახიფათო იყო“ – განაცხადა ბაიდენმა.

ლიბანში ისრაელის მიერ განხორციელებული სარაკეტო დარტყმების შედეგად 11 მედიკოსი დაიღუპა. ინფორმაციას „ჰეზბოლას“ კონტროლირებადი ჯანდაცვის უწყება ავრცელებს. მათივე ცნობით, შვიდი ადამიანი მარჯაიუნის ჰოსპიტალში, ოთხი კი ორ სხვადასხვა ლოკაციაზე ემსხვერპლა იერიშს. ისრაელის შეიარაღებულ ძალებში აცხადებენ, რომ მათ ბეირუთის გარეუბანში, „ჰეზბოლას“ ინფრასტრუქტურულ ობიექტებზე მიიტანეს იერიში.

ლიბანში, კრიზისის შედეგად დაზარალებული მოსახლეობის დასახმარებლად აშშ 157 მილიონი დოლარის ოდენობის ჰუმანიტარულ დახმარებას გამოყოფს. ამის შესახებ განცხადებას აშშ-ის სახელმწიფო დეპარტამენტი ავრცელებს. „აღნიშნული დაფინანსებით იძულებით გაადგილებულ პირთა და ლტოლვილთა საჭიროებების დაკმაყოფილება მოხმარდება. დაფინანსება მათაც დაეხმარება, ვინც იძულებული გახდა მეზობელ სირიაში გადასულიყო“ – ნათქვამია აშშ-ის სახელმწიფო დეპარტამენტის განცხადებაში. აშშ-ის სახელმწიფო დეპარტამენტის ცნობით, აშშ-მა ბოლო ერთი წლის განმავლობაში ლიბანსა და სირიაში კონფლიქტის შედეგად დაზარალებული მოსახლეობის დასახმარებლად 386 მილიონი დოლარი გამოყო.  

ჩრდილო ატლანტიკური ალიანსი განიხილავს შესაძლებლობას, რომ უკრაინა წევრად  ოკუპირებულ ტერიტორიებთან ერთად მიიღოს. როგორც ნატო-ს ყოფილი გენერალური მდივანი იენს სტოლტენბერგი აცხადებს, უკრაინის შემთხვევაში, არსებობს ჩრდილოატლანტიკური ალიანსის შეთანხმების მე-5 მუხლის გამოყენების პრობლემის მოგვარების გზები, თუ ის ალიანსის წევრი ოკუპირებულ ტერიტორიებთან ერთად გახდება. „შედარება შესაძლებელია, თუმცა, პარალელი 100%-ით სწორი არასდროს არის. მაგრამ შეერთებულ შტატებს უსაფრთხოების გარანტიები აქვს იაპონიისთვის. მაგრამ ისინი არ ვრცელდება კურილის კუნძულებზე, რომლებსაც იაპონია რუსეთის მიერ კონტროლირებად თავის ტერიტორიად მიიჩნევს”, – ამბობს  სტოლტენბერგი. ის დასავლეთ გერმანიის მაგალითსაც იხსენებს, როცა აღმოსავლეთ გერმანიას დიდი გერმანიის ნაწილად განიხილავდნენ. „მათ არ ჰქონდათ საელჩო აღმოსავლეთ ბერლინში.…