დღე: სექტემბერი 6, 2024

უკრაინის პრეზიდენტი ვოლოდიმირ ზელენსკი იტალიაში ჩავიდა. ინფორმაციას იტალიური ტელეარხი Rai News ავრცელებს. მათი ცნობით, ზელენსკიმ თავისი ვიზიტის ფარგლებში მონაწილეობა უნდა მიიღოს ქალაქ ჩერნობიოში დაგეგმილ ეკონომიკურ ფორუმში. ზელენსკი სიტყვით პანელურ დისკუსიაზე „რუსეთის აგრესია უკრაინის წინააღმდეგ” გამოვა. უკრაინის პრეზიდენტი შეხვედრას გამართავს იტალიის პრემიერ-მინისტრ ჯორჯია მელონისთან. 6 სექტემბერს ზელენსკი გერმანიაში ჩავიდა.  

ირანის ახალმა რეფორმისტულმა მთავრობამ რუსეთი გააფრთხილა, რომ სასაზღვრო დავაში აზერბაიჯანის მხარეს არ დადგეს. ინფორმაციას ამის შესახებ „გარდიანი“ ავრცელებს. ირანის საგარეო საქმეთა მინისტრმა, საიდ აბას არაღჩიმ უჩვეულო ნაბიჯი გადადგა და რუსეთი გააკრიტიკა მას შემდეგ, რაც მოსკოვმა მხარი დაუჭირა აზერბაიჯანის მოთხოვნას სომხეთ-ირანის საზღვარზე სახმელეთო კორიდორის შესახებ. „რეგიონული მშვიდობა, უსაფრთხოება და სტაბილურობა არ არის მხოლოდ პრეფერენცია, არამედ ჩვენი ეროვნული უსაფრთხოების საყრდენია. ნებისმიერი საფრთხე ჩრდილოეთიდან, სამხრეთიდან, აღმოსავლეთიდან ან დასავლეთიდან ჩვენი მეზობლების ტერიტორიული მთლიანობისადმი ან საზღვრების შეცვლის მცდელობა სრულიად მიუღებელია და ირანისთვის წითელი ხაზია“, – დაწერა არაღჩიმ სოციალურ ქსელში. „გარდიანი“ წერს, რომ ეს განცხადება შესაძლოა მიუთითებდეს,…

უნგრეთის პრემიერ-მინისტრი, ვიქტორ ორბანი აცხადებს,რომ ევროკავშირს უფრო მჭიდრო თანამშრომლობა სჭირდება ისეთ საკითხებზე როგორიცაა თავდაცვა, ვაჭრობა, მაგრამ არა პოლიტიკურ საკითხებზე, როგორიცაა მაგალითად, მიგრაცია. ორბანი ამბობს, რომ წლის დასაწყისში კიევსა და მოსკოვში მისმა ვიზიტებმა, იმ დასკვნამდე მიიყვანა, რომ არც ერთი მხარე არ აპირებდა მშვიდობის დამყარებასა და დაუყოვნებლივ ცეცხლის შეწყვეტას. „არალეგიტიმურია მშვიდობაზე საუბარი, რადგან ევროკავშირის მთელი ატმოსფერო, ენა და კულტურა ომის მომხრეა. მე ეს არ მომწონს და არ ვთვლი, რომ ევროკავშირისთვის ეს კარგია. ვფიქრობ, სამი მთავარი გამოწვევის წინაშე ვართ. პირველი არის ომი,ომის თუ მშვიდობის საკითხი. მეორე არის კონკურენტურანიაობა. უნგრეთის პრეზიდენტობის მთავარი მიზანია ევროკავშირისთვის…

ჩინეთის ხელისუფლებამ გადაწყვიტა, უცხო ქვეყნის მოქალაქეებზე ბავშვების გაშვილება შეწყვიტოს. პეკინში არ განმარტეს, რატომ მიიღეს ეს გადაწყვეტილება, თუმცა ხაზი გაუსვეს, რომ აკრძალვა საერთაშორისო შეთანხმებების სულისკვეთებას არ ეწინააღმდეგება. ქვეყნის საგარეო საქმეთა სამინისტროს წარმომადგენელმა, მაო ნინმა ბრიფინგზე აღნიშნა, რომ პეკინი აღარ დართავს ნებას უცხო ქვეყნის მოქალაქეებს, შვილად აიყვანონ ჩინელი ბავშვები. ერთადერთ გამონაკლისს წარმოადგენენ სისხლით ნათესავები, რომელთაც შეუძლიათ ბავშვის შვილად აყვანა. ბოლო სამი ათწლეულის განმავლობაში უცხოელებმა შვილად აიყვანეს დაახლოებით 150 000 ჩინელი ბავშვი. მათი უმრავლესობა შეერთებულ შტატებში გაემგზავრა. ამერიკელმა ოჯახებმა ჩინეთიდან შვილად აიყვანეს 82 674 ბავშვი. „გვესმის, რომ ასობით ოჯახი კვლავ ელოდება შვილად აყვანის…

ევროკომისიის ვიცე-პრეზიდენტი, მარგარიტის სხინასი ორშაბათს ერევანს ეწვევა, რათა დაიწყოს დიალოგი ევროკავშირსა და სომხეთს შორის ვიზალიბერალიზაციის შესახებ. ამის შესახებ ევროკომისიის განცხადებაშია აღნიშნული, რომელიც დღეს გამოქვეყნდა. „მარგარიტის სხინასი ერევანში, სომხეთი შეხვდება სომხეთის პრეზიდენტს ვაჰაგნ ხაჩატურიანს, პრემიერ-მინისტრს ნიკოლ ფაშინიანს, სომხეთის ვიცე-პრემიერს მჰერ გრიგორიანს, საგარეო საქმეთა მინისტრს არარატ მირზოიანს, სიტყვით გამოვა სიტყვით ერევნის სახელმწიფო უნივერსიტეტში და მონაწილეობას მიიღებს ვიზალიბერალიზაციის დიალოგის დაწყებაში“ – აღნიშნულია ინფორმაციაში.

პუტინის განცხადება კამალა ჰარისის მხარდაჭერის შესახებ გაუგებარია „რესპუბლიკელების“ საპრეზიდენტო კანდიდატისთვის. დონალდ ტრამპის თქმით, მისთვის ცნობილია კრემლის ლიდერის მიერ გაკეთებული განცხადების შესახებ, თუმცა არ იცის, პუტინმა ამით შეურაცხყოფა მიაყენა თუ სამსახური გაუწია. „არ ვიცი როგორ გავიგო მისი სიტყვები. დღეს გამოვიდა და მხარი დაუჭირა კამალა ჰარისს. შეიძლება უნდა დამერეკა მისთვის და მადლობა მეთქვა. არ ვიცი ამით შეურაცხყოფა მომაყენა თუ სამსახური გამიწია“, – აღნიშნა ტრამპმა. რუსეთის პრეზიდენტმა აღმოსავლეთ ეკონომიკურ ფორუმზე სიტყვით გამოსვლისას ირონიულად აღნიშნა, რომ მოსკოვს აშშ-ის პრეზიდენტის თანამდებობაზე ჯო ბაიდენის ნახვა სურდა, თუმცა ის რბოლას გამოეთიშა, ამიტომ პუტინის ახალი ფავორიტი კამალა ჰარისია.…

,,აშშ-ის პრეზიდენტი ჯო ბაიდენი დღეს განცხადებას გაავრცელებს უკრაინისთვის 250 მილიონი დოლარის ოდენობის სამხედრო დახმარების მორიგი ახალი პაკეტის გადაცემის შესახებ”, – განაცხადა ამერიკის თავდაცვის მდივანმა ლოიდ ოსტინმა გერმანიაში უკრაინის საკონტაქტო ჯგუფის შეხვედრის დაწყების წინ. „მოხარული ვარ გამოვაცხადო, რომ დღეს პრეზიდენტი ბაიდენი უკრაინისთვის 250 მილიონი დოლარის ოდენობის უსაფრთხოების სფეროში დახმარების დამატებითი პაკეტის გამოყოფის შესახებ განცხადებას გააკეთებს“, – თქვა ოსტინმა. მან იმედი გამოთქვა, რომ დახმარება ხელს შეუწყობს და კიევის საჭიროებებს დააკმაყოფილებს, ხოლო ახალი შეიარაღების მიწოდება „სამხედრო სისწრაფით მოხდება“. მისი თქმით, საკონტაქტო ჯგუფი ჰაერსაწინააღმდეგო სისტემებისა და ჯავშანტექნიკის მიწოდებაზეა კონცენტრირებული.

ევროკომისიამ უკრაინას ენერგეტიკული ინფრასტრუქტურისთვის 40 მილიონი ევროს ოდენობის დახმარება გამოუყო. ინფორმაციას ევროკომისიის პრეზიდენტი ურსულა ფონ დერ ლაიენი ავრცელებს. „რუსეთი დაუღალავად თავს ესხმის უკრაინის ენერგეტიკულ ინფრასტრუქტურას. მალე აცივდება, ამიტომაც ჩვენ გაჭირვებაში მყოფ უკრაინელებისთვის ჰუმანიტარულ დახმარებას ვზრდით“, – დაწერა ფონ დერ ლაიენმა. როგორც ევროკომისიის პრეზიდენტმა აღნიშნა, 40 მილიონი ევრო უკრაინის ელექტროსისტემასა და ზამთარში გათბობისთვის საჭირო ელემენტების რეაბილიტაციას მოხმარდება.

აზერბაიჯანის პრეზიდენტმა ილჰამ ალიევმა განაცხადა, რომ ბაქომ და ერევანმა სამშვიდობო ხელშეკრულების ტექსტის თითქმის 80% უკვე შეათანხმეს. „ჩვენ შევძლებთ სამხრეთ კავკასიაში მშვიდობის დამყარებას. ამას აზერბაიჯანსა და სომხეთს შორის მიმდინარე მოლაპარაკებები მოწმობს. ჩვენ აქტიურად ვაგრძელებთ მოლაპარაკებებს და სამშვიდობო ხელშეკრულების თითქმის 80% უკვე შეთანხმებულია“, – თქვა მან. აზერბაიჯანის ლიდერმა აგრეთვე აღნიშნა, რომ ორმა ქვეყანამ საზღვრის დელიმიტაციისა და დემარკაციის პროცესიც დაიწყო. მისი თქმით, საუბარია მთლიანი საზღვრის 13-კილომეტრიან მონაკვეთზე. ეს მცირე, თუმცა სწორი მიმართულებით გადადგმული ნაბიჯია.

დნეპროპეტროვსკის ოლქის ქალაქ პავლოგრადზე რუსეთის თავდასხმას სულ მცირე 1 ადამიანი ემსხვერპლა, დაშავდა 30, მათ შორის სამი ბავშვი. ინფორმაციას ოლქის გუბერნატორი სერხი ლისაკი ავრცელებს. გავრცელებული ინფორმაციით, დაშავებულთა შორის 11 და 4 წლის ორი ბიჭი და 9 წლის გოგო არიან. გუბერნატორის განცხადებით, საავადმყოფოში გადაყვანილი ორი მაცხოვრებლის მდგომარეობა მძიმეა. ქალაქში რამდენიმე დარტყმა დაფიქსირდა, შედეგად მაღალსართულიან კორპუსში მდებარე ბინას ცეცხლი გაუჩნდა. ლისაკის თქმით, სასწრაფო დახმარების სამსახურებმა ცეცხლის ლიკვიდირება შეძლეს და ხუთი ადამიანი გადაარჩინეს. დამატებითი დეტალები ამ დროისთვის არ ვრცელდება.

საქართველოში ვიზიტით მყოფმა გერმანიის ბუნდესტაგის დელეგაციამ პრესკონფერენცია გამართა. მანამდე ოთხი სხვადასხვა პარტიის წარმომადგენლებმა შეხვედრები გამართეს ოპოზიციასთან და უმრავლესობასთან, საიდანაც კოლეგებს მხოლოდ საგარეო ურთიერთობათა კომიტეტის თავმჯდომარე, ნიკოლოზ სამხარაძე შეხვდა. ნილს შმიდმა, თქვა, რომ იმ ცხრა ნაბიჯს, რომელიც საქართველომ უნდა შეასრულოს რათა გაწევრიანების შესახებ მოლაპარაკებები დაიწყოს, უნდა დაემატოს მეათე გამჭვირვალობის შესახებ კანონის გაუქმება. ,,ჩვენ ძალიან შეშფოთებულები ვართ მოვლენების ბოლოდროინდელი განვითარებით საქართველოში და მისი ევროპული მომავლის ბედით და ეს არის ჩვენთვის კარგი შესაძლებლობა გავაჟღეროთ ორი ძალიან მკაფიო გზავნილი – პირველია ის, რომ ჩვენ ველით, რომ არჩევნები ოქტომბრის ბოლოს იქნება სამართლიანი და თავისუფალი. ეს…

უკრაინის პრეზიდენტი, ვოლოდიმირ ზელენსკი გერმანიაში ჩავიდა ,,რამშტაინის” საავიაციო ბაზაზე, სადაც 6 სექტემბერს უკრაინის თავდაცვის საკითხებზე საკონტაქტო ჯგუფის შეხვედრა გაიმართება. მან ხაზგასმით აღნიშნა, რომ ის მიიღებს მონაწილეობას ჯგუფის შეხვედრაში და შეხვდება აშშ-ისა და გერმანიის თავდაცვის მინისტრებს, ასევე ცალკე მოლაპარაკებებს გამართავს კანცლერ ოლაფ შოლცთან. ამის შემდეგ, როგორც პრეზიდენტმა განაცხადა, ის ჩავა იტალიაში ,,ამბროსეტის” საერთაშორისო ეკონომიკურ ფორუმს და მოლაპარაკებებს გამართავს ქვეყნის მინისტრთა საბჭოს ხელმძღვანელთან, ჯორჯია მელონთან. ,,ჩვენ გვჭირდება ჩვენი პარტნიორების მონდომება და საშუალებები რუსული საჰაერო ტერორის შესაჩერებლად. ჩვენ გვჭირდება ძლიერი გრძელვადიანი გადაწყვეტილებები პარტნიორებისგან, რათა მივაახლოოთ სამართლიანი სამყარო, რომლისკენაც ვისწრაფვით”, – წერს ზელენსკი.