დღე: აგვისტო 10, 2024

დონეცკის რეგიონის ქალაქ კონსტანტინოვკაში, სუპერმარკეტზე რუსეთის თავდასხმის მსხვერპლთა რიცხვი 14 ადამიანამდე გაიზარდა. ინფორმაციას რეგიონის სამხედრო ადმინისტრაციის ხელმძღვანელი  ავრცელებს. ვადიმ ფილაშკინის განცხადებით, დაჭრილია კიდევ 43 პირი. დაღუპულებს შორის სამი ბავშვია და ერთ-ერთი დაჭრილის მდგომარეობა კი მძიმეა. “ეს არის კიდევ ერთი მიზანმიმართული დარტყმა ხალხის თავშეყრის ადგილას, რუსების მიერ განხორციელებული ტერორის კიდევ ერთი აქტი”- დაწერა ფილაშკინმა ტელეგრამზე.  

მეტი...

რუსეთის ხელისუფლებამ სამ ოლქში კონტრტერორისტული ოპერაციის რეჟიმი დააწესა. ინფორმაციას რუსული სახელმწიფო გამოცემა „რია-ნოვოსტი“ ავრცელებს. ონტრტერორისტული ოპერაციის რეჟიმი რუსეთის ხელისუფლებამ დღეს ღამით, ბრიანსკის, კურსკისა და ბელგოროდის ოლქებში დააწესა. „ბრიანსკის ოლქში დივერსიული და ტერორისტული საფრთხეების დონის გაზრდის გამო კონტრტერორისტული ოპერაციის რეჟიმი იქნა შემოღებული“- წერს რუსული გამოცემა. შეგახსენებთ, 6 აგვისტოს რუსულმა მხარემ კურსკის ოლქში უკრაინის შეიარაღებული ძალების შეჭრის მცდელობის შესახებ გამოაცხადა.  

მეტი...

„როიტერის“ ინფორმაციით, უახლოეს მომავალში ირანი რუსეთს ასობით ბალისტიკურ რაკეტას მიაწვდის. სააგენტოს წყაროების ცნობით, რუსული პერსონალი ამჟამად ირანში სწავლებას გადის Fath-360 ტიპის ახლო რადიუსზე მოქმედი ბალისტიკური სარაკეტო სისტემების გამოყენებისთვის. აღნიშნული ტიპის შეიარაღება სატელიტური მართვისაა, რაკეტებს, მაქსიმუმ, 120კმ მანძილის დაფარვა შეუძლიათ. სააგენტო წერს, რომ, სავარაუდოდ, მოსკოვისთვის მათ გადაცემასთან დაკავშირებით შეთანხმებას გასული წლის 13 დეკემბერს თეირანში მოეწერა ხელი, როდესაც ირანს რუსეთის თავდაცვის სამინისტროს წარმომადგენლები სტუმრობდნენ.  

მეტი...

აშშ უკრაინას 125 მილიონი დოლარის ღირებულების სამხედრო დახმარების მორიგ პაკეტს გადასცემს. პენტაგონის ცნობით, პაკეტი მოიცავს რაკეტებს „სტინგერისა“ და „ჰაიმარსისთვის“, ჭურვებს, ტანკსაწინააღმდეგო მართვად რაკეტებს, „ჯაველინისა“ და „ატ-4“-ის ტიპის ტანკსაწინააღმდეგო კომპლექსებს, სამედიცინო დახმარების ჯავშნიან მანქანებს. აშშ-ს თავდაცვის უწყების ცნობით, ეს 2021 წლიდან ამერიკისთვის უკრაინის დახმარების რიგით 63-ე პაკეტია.  

მეტი...