თვე: ივნისი 2024

“რეალურად,გიორგი გახარიას პარტიის განცხადება არის პოლიტიკური ფანდი და შეთანხმებულია რადიკალურ ოპოზიციასთან – როგორც ჩანს, ქარტიის გარშემო სამი ჯგუფი ჩამოყალიბდება: “ერთქარტიულები”, “ნახევრადქარტიულები” და ისინი, რომლებმაც საერთოდ ვერ გაიგეს ეს ქარტია” – ამის შესახებ საპარლამენტო უმრავლესობის წევრმა არჩილ თალაკვაძემ განაცხადა. თალაკვაძე ამბობს, რომ სხვადასხვა ოპოზიციური პარტიები თუ გაერთიანდებიან, მათ  “კოლექტიური ნაციონალური მოძრაობა” დაერქმევათ. „ცხადია, მცდელობა რომ “კოლექტიური ნაციონალური მოძრაობა” გახდეს ქარტიის ხელმომწერი, ლოგიკური იყო. ეს არის ის, რასაც სწორედ ჩვენ ვეუბნებოდით საზოგადოებას, რომ სხვადასხვა პარტიული ნომრებითა და ფერებით გადაფუთული “ნაციონალური მოძრაობის” სატელიტები არ იყვნენ რეალური ოპოზიციური პარტიები. ამის მცდელობას ვუყურებთ ახლა. ჩვენთვის…

“მე მაქვს უკვე ინფორმაცია, რომ არსებობენ „ქართული ოცნების“ კონკრეტული წარმომადგენლები, ვისი ოჯახის წევრებსაც უკვე მისდით შეტყობინებები აშშ-ს ვიზების გაუქმების შესახებ – სანქციები დაეკისრება ასევე, ყველა იმ ადამიანს, ვინც მონაწილეობს ძალადობაში და ვინც აორგანიზებს ძალადობას”- განაცხადა “ევროოპტიმისტების” დეპუტატმა, ხატია დეკანოიძემ ჟურნალისტებთან საუბრისას. დეკანოიძე ამბობს, რომ ინფორმაცია, იმის შესახებ თუ ვინ დასანქცირდა მალე გავრცელდება. „ძალიან მალე იქნება სანქციები. მე მაქვს უკვე ინფორმაცია, რომ კონკრეტულად არსებობენ “ქართული ოცნების” წარმომადგენლები, ვისი ოჯახის წევრებსაც უკვე მისდით კონკრეტული შეტყობინებები ვიზების გაუქმების შესახებ. ეს ინფორმაცია მალე გავრცელდება. მე, რა თქმა უნდა, კონკრეტულად არაფრის დასახელებას არ ვაპირებ, მაგრამ [ინფორმაცია]…

პარტია „ლელო – საქართველოთვის“ „ქართულ ქარტიას” უერთდება. ამის შესახებ პარტიის ერთ-ერთმა ლიდერმა მამუკა ხაზარაძემ განაცხადა. მისი განმარტებით, ეს ქარტია არის ადამიანების, პოლიტიკური პარტიების თანხმობა, რომელიც მისივე სიტყვებით, ქვეყნიდან რუსულ რეჟიმს გაისტუმრებს. “ეს არის ერთობა და არა რაღაც ერთიანი სია ან ერთიანი პოლიტიკური გაერთიანება. ჩვენ ვაგრძელებთ ბრძოლას, ყველა იმ ადამიანთან ერთად, განსაკუთრებით, იმ ახალგაზრდებთან ერთად, ვინც დღეს ქუჩაში განუწყვეტლივ, თვეზე მეტია რუსულ ხელისუფლებას აპროტესტებს.ეს ქარტია პროცესშია. აუცილებლად უნდა დაიხვეწოს, იმიტომ, რომ ჩვენთვის და ამომრჩევლისთვის არ არის მთავარი მარტო სასამართლო რეფორმა ან რაღაც სტრუქტურული რეფორმები. ჩვენთვის მთავარია, რომ სწრაფად მოხდეს ჩვენი ქვეყნის…

,,ვინაიდან ვერცერთი მათემატიკით ისინი ვერ მოიგებენ, 26 ოქტომბერი იქნება ყველაზე მნიშვნელოვანი დღე საქართველოს ისტორიაში”, – ამის შესახებ საქართველოს მესამე პრეზიდენტმა მიხეილ სააკაშვილმა განაცხადა. სასამართლო პროცესზე ჩართვის დროს მიხეილ სააკაშვილმა არჩევნების დღეს ამომრჩევლის აქტიურობის მნიშვნელობაზე ისაუბრა. ,,ვინაიდან ვერცერთი მათემატიკით ისინი ვერ მოიგებენ, 26 ოქტომბერი იქნება ყველაზე მნიშვნელოვანი დღე საქართველოს ისტორიაში საუკუნეების განმავლობაში. ეს იქნება დრო, როცა აბსოლუტურად ყველა უნდა მივიდეთ საარჩევნო უბნებთან და აუცილებლად გავიმარჯვებთ, გავიმარჯვებთ სახელოვნად“, – ამბობს სააკაშვილი.

,,თუ არ დაემორჩილებიან, არის ფინანსური ჯარიმები, შემდეგ მოხდება მათი დაყადაღება და ისინი ვერ შეძლებენ უბრალოდ ფუნქციონირებას და ვერ შეძლებენ იმ თანხების მიღებას, რასაც იღებენ”,- ამის შესახებ თბილისის მერმა კახა კალაძემ განაცხადა. მისი თქმით, არსებობს იმის ეჭვი, რომ „პოლარიზაცია, რევოლუციის სცენარის დაფინანსება გაუმჭვირვალობის გამო ხდებოდა“. „თუ შენ კეთილ საქმეს აკეთებ და არ გაქვს ბოროტი ზრახვები, რა პრობლემაა დეკლარაციის შევსება და შენი ფინანსების ჩვენება, საიდან იღებ შემოსავლებს და რა კონკრეტულ პროექტებში ფინანსდება. არსებობს ეჭვი იმისა, რომ  პოლარიზაცია, რევოლუციის სცენარის დაფინანსება ყველაფერი ხდებოდა ამ გაუმჭვირვალობის გამო“, – ამბობს კალაძე.

„როგორ შეიძლება, სანქციები დაუწესო ადამიანებს, რომლებიც საკუთარ ქვეყანაში იღებენ კანონს და ამის უფლება ქვეყნის მოსახლეობის უმრავლესობამ მიანიჭა“, – ასე პასუხობს თბილისის მერი კახა კალაძე ჟურნალისტის შესაბამის კითხვას სანქციების მოლოდინთან დაკავშირებით. „პრობლემას საერთოდ ვერ ვხედავ. არც იმას ველოდები, რომ ვინმე იქნება დასანქცირებული, იმიტომ, რომ არაფერი გაგვიკეთებია ისეთი, რომ სანქციების ქვეშ მოვექცეთ. როგორ შეიძლება სანქციები დაუწესო ადამიანებს, რომლებიც საკუთარ ქვეყანაში იღებენ კანონს და ამის უფლება ქვეყნის მოსახლეობის უმრავლესობამ მიანიჭა, მაგალითად, დეპუტატებს და ხელისუფლებას, რომელიც დღეს წარმოდგენილია მთავრობის სახით და მართავს ქვეყანას. როგორ შეიძლება ამ ყველაფერზე გამოიცეს სანქციები, როდესაც იღებ კანონს შენს ქვეყანაში.…

საქართველოს მესამე პრეზიდენტის, მიხეილ სააკაშვილის თქმით, ,,ნაციონალური მოძრაობა” მზადაა კვოტების ნახევარი სხვა პარტიების გაუნაწილოს. ამ თემაზე მან სასამართლო სხდომაზე დისტანციურად ჩართვის დროს ისაუბრა და თქვა, რომ ამისთვის პარტიების რეიტინგების დათვლაა საჭირო. ,,ნაციონალურ მოძრაობას მე მინდა მოვუწოდო, რომ დავთვალოთ რამდენი რეიტინგი აქვს ყველა პარტიას, ჩვენ ვართ მზად, როგორც პარტია, ჩვენი კვოტების ნახევარი გადავუნაწილოთ სხვა პარტიებს. მთლიანად განაწილება არ გამოვა, იმიტომ, რომ ამომრჩეველი წარმოდგენილი უნდა იყოს, თორემ ამის გამკეთებლებიც ვიყავით. ნახევარი ჩვენი, რაც რეიტინგი დაჯდება, წინასწარ კვოტების მთლიანად გადავუნაწილოთ სხვა პარტიებს, ოღონდ გავერთიანდეთ, ერთიანობას ამ სიტუაციაში არ აქვს არანაირი ალტერნატივა. ძალიან დიდი…

საქართველოს პრემიერ-მინისტრ ირაკლი კობახიძის განცხადებით, 30 მაისიდან ჩინეთსა და საქართველოს შორის პირდაპირი ფრენების რაოდენობა გაორმაგდა. მისივე შეფასებით, ეს არის ძალიან მნიშვნელოვანი წინსვლა ორმხრივი ურთიერთობების განვითარების თვალსაზრისით. „მინდა შეგახსენოთ, რომ 28 მაისიდან ამოქმედდა უვიზო მიმოსვლის რეჟიმი ჩინეთთან. გარდა ამისა, 30 მაისიდან გაორმაგდა პირდაპირი ფრენების რაოდენობა ჩინეთსა და საქართველოს შორის, ავიარეისების რაოდენობა. ესეც არის ძალიან მნიშვნელოვანი წინსვლა ორმხრივი ურთიერთობების განვითარების თვალსაზრისით, რაც, რა თქმა უნდა, პირველ რიგში, ეკონომიკური თვალსაზრისით არის ძალიან მნიშვნელოვანი”, – განაცხადა პრემიერმა.

პარლამენტის თავმჯდომარის შალვა პაპუაშვილის განცხადებით დაუმორჩილებლობა კანონის უზენაესობის სულისკვეთებას ეწინააღმდეგება. ,,კანონის დაუმორჩილებლობა, რაც რამდენიმე ორგანიზაციამ დააანონსა არის არადემოკრატიული ქცევა და ეწინააღმდეგება კანონის უზენაესობის სულისკვეთებას, ეწინააღმდეგება მათივე დეკლარირებულ პრინციპებს, რომ სამართლიან სახელმწიფოში უნდა ვცხოვრობდეთ. კანონი მიღებულია, ყველამ ვიცით რა არის გასაკეთებელი, ყველამ ვიცით რა შედეგები მოჰყვება იმას თუ არ იქნება დეკლარირება. როდესაც ვისმენთ არასამთავრობო ორგანიზაციების განცხადებებს კანონის დაუმორჩილებლობასთან დაკავშირებით, იქვე მოგიწოდებთ ყველას ჰკითხოთ, თუ კანონის ტექსტი არ მოსწონთ, თავად რატომ არ იღებენ ვალდებულებას ხალხის წინაშე, რომ ნებაყოფლობით, პროაქტიურად იყვნენ გამჭვირვალე ხალხის მიმართ?”, – განაცხადა პაპუაშვილმა. ცნობისთვის, ,,უცხოური გავლენის გამჭვირვალობის შესახებ” კანონს…

საქართველოს პარლამენტის თავმჯდომარის, შალვა პაპუაშვილის ინფორმაციით, პრემიერ-მინისტრის წლიური ანგარიში პარლამენტს უკვე წარედგინა. პაპუაშვილის განმარტებით, თავად პრემიერი აღნიშნულ ანგარიშს პლენარულ სხდომაზე ბოლო სასესიო კვირას წარადგენს, რაც ივნისის ბოლო პერიოდს გულისხმობს. „პრემიერ-მინისტრის წლიური ანგარიში უკვე წარმოდგენილია ტექსტის სახით, პარლამენტის წევრებს შეუძლიათ გაეცნონ და ბოლო სასესიო კვირაში იქნება პრემიერის ანგარიში უკვე პლენარულ სხდომაზე. საინტერესოა, ოპოზიცია გაბედავს თუ არა შემოსვლას. ჩვენ ვნახეთ, რომ ოპოზიციამ ვერ გაბედა და არც ერთხელ არ მიმართა პრემიერ-მინისტრ კობახიძეს ინტერპელაციით. მათ შეეძლოთ ყოველ თვე ირაკლი კობახიძე დაებარებინათ პარლამენტში ინტერპელაციის წესით და ვერც კი გაბედეს, რომ დისკუსიაში შესულიყვნენ ინტერპელაციის ფორმატში ირაკლი კობახიძესთან. ვნახოთ, წლიური…

პარლამენტის თავმჯდომარის, შალვა პაპუაშვილის განცხადებით, დღეს, 3 ივნისს, ხელი მოაწერა ,,უცხოური გავლენის გამჭვირვალობის შესახებ” კანონს. ,,დღეს ხელი მოვაწერე კანონს უცხოური გავლენის გამჭვირვალობის შესახებ. ამ კანონის მთავარი მიზანი გარე ჩარევების მიმართ საქართველოს პოლიტიკური, ეკონომიკური და სოციალური სისტემების მედეგობის გამტკიცებაა”, – თქვა პაპუაშვილმა.

მაკა ბოჭორიშვილმა გამჭვირვალობის კანონის მიღებასთან დაკავშირებით უცხოელი პარტნიორების შეფასებებზე ისაუბრა. ევროპასთან ინტეგრაციის კომიტეტის თავმჯდომარისთვის პარტნიორების ნეგატიური განცხადებები უცნაურია. „ძალიან უცნაურია, როდესაც ამ დონემდე მივიდა ეს წინააღმდეგობა, როდესაც აშკარად კითხვის ნიშანი უნდა გაგიჩნდეს – რა გვაქვს დასამალი ამ საქმეში, როდესაც ინტერესების თანხვედრა უნდა ხდებოდეს. მით უმეტეს, ეს პარტნიორების მხრიდან ხდება და მით უმეტეს, ეს არის უცნაური – თუკი ჩვენ პარტნიორები ვართ, ერთმანეთისგან დასამალი არაფერი უნდა გვქონდეს, უფრო მეტად უნდა ხდებოდეს ინტერესების თანხვედრა. მისი ინტერესი და ჩემი ინტერესი ჩემს ქვეყანაში უნდა ემთხვეოდეს ერთმანეთს. თუკი ემთხვევა ეს ინტერესი, მაშინ დასამალი რა არის აქ?“,…

„მნიშვნელოვანია, რომ არჩევნების დღეს ბევრი ადამიანი მივიდეს საარჩევნო უბნებთან, ერთობით და მთავარი იდეით, რასაც საქართველოს ევროპული მომავალი ჰქვია“, – ამის შესახებ პარლამენტის ოპოზიციონერმა დეპუტატმა თეონა აქუბარდიამ რესპუბლიკის მოედანზე მიმდინარე აქცია-კონცერტის პარალელურად განაცხადა. მისი შეფასებით, მნიშვნელოვანია, რომ არცერთი მოქალაქე, რომელიც საქართველოს ევროპული მომავლისთვის იბრძოდა მართლმსაჯულების პირისპირ მარტო არ დარჩეს. ,,რუსული კანონის” მიღების შემდეგ, ჩვენ არ უნდა დავუშვათ მოქალაქეებში იმედგაცრუება, რომლებიც ბოლო თვეების განმავლობაში კანონს აპროტესტებდნენ. ისინი მარტო არ უნდა დავტოვოთ, უსამართლო სისტემის წინააღმდეგ, რომელიც ივანიშვილმა სასამართლოს მეშვეობით შექმნა. მეც დღეს აქ ვარ, რომ იმ მოქალაქეებს, რომლებიც თავიანთ კონსტიტუციურ უფლებად იყენებდნენ და…