თვე: ივნისი 2024

„ეს არის კონკრეტული ფაქტი, რაც გვაქვს სახეზე“, – ასე აფასებს თბილისის მერი კახა კალაძე „ატლანტიკური საბჭოს“ მიერ საქართველოს დასახელებას მმართველობის მიხედვით თავისუფალი ქვეყნების უმაღლეს კატეგორიაში. „ეს არის კონკრეტული ფაქტი, რაც გვაქვს სახეზე. ყველანაირი მიმართულებით საქართველო წინ დგამს ნაბიჯებს. თუ რაიმე წარმატებას მივაღწიეთ ბოლო წლების განმავლობაში, ეს ჩვენი გუნდის და ქართველი ხალხის დამსახურებაა. სასიამოვნოა, როცა თეთრზე გეუბნებიან თეთრს და ნაცარს არ გაყრიან თვალებში“, – განაცხადა კახა კალაძემ. მისივე თქმით, საქართველო მზადაა, რომ 9-პუნქტიანი გეგმა, რომელიც წარმოდგენილია, ზაფხულისთვის შესრულებული იყოს. „სიმართლე არის ერთი – საქართველოს ხელისუფლება ყველა კრიტერიუმით და პარამეტრით არის გაცილებით…

თბილისის მერი კახა კალაძე „უცხოური გავლენის გამჭვირვალობის შესახებ“ კანონთან დაკავშირებით საქართველოს დასავლელი პარტნიორების მიერ გაკეთებულ განცხადებებს უსამართლოს უწოდებს. როგორც მან შესაბამისი შეკითხვის საპასუხოდ განაცხადა, მათ მიერ გაკეთებული განცხადებები ოპოზიციური პარტიების წარმომადგენლების ერთგვარი წახალისებაა. „მათი მხრიდან ორმაგი სტანდარტი, უსამართლო დამოკიდებულებაა. ვერავინ ახსნის ბუნებაში, თუ რატომ შეიძლება იყოს გამჭვირვალობა პრობლემა და ეწინააღმდეგებოდეს ევროპას ან ევროპულ ღირებულებებს. ვფიქრობ, საზოგადოება ძალიან კარგად ხედავს, რეალურად რა ხდება და რა პროცესები მიმდინარეობს. ის გადაწყვეტილება, რომელიც რამდენიმე კვირის წინ სანქციებთან დაკავშირებით გაჟღერდა, ერთგვარი წახალისებაა გარდაცვლილი ოპოზიციის, რომელიც არის „ზერო“, ნული. მკვდარი როდის იყო ცოცხლდებოდა?! მკვდარს ვერ გავაცოცხლებთ.…

,,უფლება გვაქვს ვიცოდეთ, ვართ თუ არა პირველი კანონმდებლები მსოფლიოში, რომლებიც დაასანქცირეს კანონის მიღებისთვის”, – წერს საპარლამენტო უმრავლესობის ლიდერი, მამუკა მდინარაძე აშშ-ის სანქციებზე. ,,მაინც ვფიქრობ, რომ ცოტა უფრო სერიოზულად უნდა მივუდგეთ ამ ამბავს. მაგალითად, უფლება გვაქვს ვიცოდეთ, ბოლო-ბოლო, ვართ თუ არა პირველი კანონმდებლები მსოფლიოში, რომლებიც დაასანქცირეს კანონის მიღების გამო! ასევე, ქართულ ოპოზიცია-აგენტურას უფლება აქვს უფრო კონკრეტული ამბებით გაიხაროს და არა მეათედ გამოცხადებული ზოგადი მინიშნებებით. არაადამიანური მოპყრობაა, როდესაც აიძულებენ აგერ უკვე მერამდენედ გამოხატონ აღტაცება ყოველგვარი კონკრეტიკის გარეშე. ეს კიდევ უარესია, ვიდრე სიტყვა “რუსულის” ძახება შინაარსში შესვლის აკრძალვით. მათ ასეთი მოპყრობა არ დაუმსახურებიათ!”,…

,,არასერიოზულია ყველაფერი, რაც ხდება, ღიმილისმომგვრელია სანქციებზე საუბარი”, – ამბობს ,,ქართული ოცნების” გენერალური მდივანი, კახი კალაძე აშშ-ის სანქციებზე. ,,კიდევ ერთხელ ვიმეორებ, ეს არ ცვლის ჩვენს დამოკიდებულებას სამშობლოს მიმართ. ეს არ ცვლის ჩვენი გადაწყვეტილების შეცვლას, როდესაც საუბარია ქვეყნის ინტერესებზე, ამ ქვეყნის მომავალზე, ამ ქვეყნის ხვალინდელ დღეზე. არავის ეშინია ამ სანქციების. ერთხელ ვთქვით უკვე და კიდევ ერთხელ ვიმეორებ, არანაირი შეტყობინება არ მიმიღია. არასერიოზულია და ღიმილისმომგვრელია ეს ყველაფერი. თქვენ შეგიძლიათ ახსნათ ერთი მიზეზი, რატომ შეიძლება მმართველი გუნდის წარმომადგენლები იყვნენ დასანქცირებული. ღიმილისმომგვრელია უბრალოდ სანქციებზე საუბარი, გულწრფელად გეუბნებით”, – ამბობს კალაძე.

,,მირჩევნია ვიყო დასანქცირებული, ვიდრე ახალგაზრდებმა მიიღონ ომში მოწვევის ფურცლები”, – თქვა ,,ხალხის ძალის” დეპუტატმა, დიმიტრი ხუნდაძემ აშშ-ს სანქციებთან დაკავშირებით. ,,ამერიკის შეერთებული შტატების მხრიდან ეს იყო მორიგი შეცდომა, ეს არის სახელმწიფო ინსტიტუტებზე ზეწოლა, როდესაც კანონმდებლებს ასანქცირებენ კანონის მიღებისთვის, ეს არის დემოკრატიის უკუსვლა… მე მირჩევნია და ჩემ გუნდს ურჩევნია იყოს დასანქცირებული, ვიდრე ჩვენ მაიდანიზაციის გზით მივიდეთ ომამდე და ჩვენმა მოქალაქეებმა, განსაკუთრებით ახალგაზრდებმა მიიღონ ომში გაწვევის ფურცლები”, – განაცხადა ხუნდაძემ.

,,ეს არის მორიგი შეცდომა”, – ამის შესახებ კულტურის მინისტრმა თეა წულუკიანმა განაცხადა და აშშ-ის მიერ სანქციების პირველი პაკეტის დაწესებას გამოეხმაურა. ,,ეს არის მორიგი შეცდომა, რომელსაც სამწუხაროდ, მათდა სამწუხაროდ, ჩვენდა სამწუხაროდ, ამერიკის შეერთებული შტატები უშვებს თავის სტრატეგიულ პარტნიორებთან ურთიერთობაში. აქედან უკვე უნდა ვივარაუდოთ, რომ ამ მორიგი შეცდომის, ეს არ არის პირველი შეცდომა, მორიგი შეცდომის შემდეგ ალბათ კიდევ სხვა შეცდომებიც იქნება. იმედი გვაქვს, რომ არა, მაგრამ დინამიკა ამას მე პირადად მავარაუდებინებს და ეს კიდევ უფრო გაწელავს დროში, გაახანგრძლივებს იმ დროს, რომელიც საჭიროა ასეთ დროს ორმხრივ ურთიერთობებში დადგეს დღე, როდესაც დაიწყება ფურცლის გადაშლა…

,,მართალ საქმეს სანქცია ვერ შეაჩერებს!”, – ასე ეხმაურება “ქართული ოცნებიდან” ირმა ზავრადაშვილი აშშ-ის მიერ გამოცხადებულ სანქციების პირველ პაკეტს ,,მე არ ვიცი, პირადად მე მეხება თუ არა ეს “სანქცია”, მაგრამ თუ მეხება ან მომავალში შემეხება, ეს კიდევ ერთხელ მარწმუნებს, რომ აბსოლუტურად სწორად მოვიქეცით მეც და “ქართული ოცნების” ყველა დეპუტატიც. მართალ საქმეს სანქცია ვერ შეაჩერებს! P.S. ისა და, ბლინკენს ეხლა გაახსენდა, სანქცირებულის ვინაობის გასაჯაროება რომ არ შეიძლება? მოსამართლეების დასანქცირებისას არ ახსოვდა ეგ საკითხი?”, – წერს ზავრადაშვილი.

„კონკრეტული სახელების თქმა არ შემიძლია, ეს ჩვენი ქმედებების სერიაში მხოლოდ პირველი ნაბიჯია – ჯერ კიდევ არის დრო შემობრუნებისთვის, ჩვენი პოლიტიკა დამოკიდებული იქნება პოლიტიკაზე, რომელსაც საქართველო აირჩევს“ – განაცხადა აშშ-ის სახელმწიფო დეპარტამენტის სპიკერმა მეთიუ მილერმა. მილერის განცხადებით, აშშ-ის ქმედებები არა მხოლოდ სანქციებს ეხება, არამედ აშშ მზად არის საქართველოს მთავრობასთან ურთიერთობების სრული გადახედვისთვის. „კონკრეტული სახელების თქმა არ შემიძლია… ყველას შევახსენებ, რომ სავიზო მონაცემები კანონით კონფიდენციალურია, ამიტომ რამე დონის დაკონკრეტებით [სახელების] თქმა არ შემიძლია. მაგრამ, როგორც ვთქვი, ისეთი ხალხი გამოვიძიეთ, ვინც ქმედებები განახორციელა დეზინფორმაციის გასავრცელებლად, დემოკრატიისთვის ძირის გამოსათხრელად, მშვიდობიან დემონსტრანტებზე ძალადობის გამოყენებით თავდასხმისთვის…

აშშ-მა სავიზო შეზღუდვების პირველი ტრანში გამოაცხადა. სანქციები “ქართული ოცნების” წევრებს, დეპუტატებს, ძალოვნებს და კერძო პირებს ეხება. შესაბამისი განცხადება აშშ-ის სახელმწიფო დეპარტამენტის სპიკერმა მეთიუ მილერმა ბრიფინგზე გააკეთა. მილერმა ბრიფინგი სწორედ საქართველოს საკითხით გახსნა. როგორც აშშ-ის სახელმწიფო დეპარტამენტის სპიკერმა განაცხადა, სანქციები გავრცელდება მათ ოჯახის წევრებზეც და სავიზო შეზღუდვების პირველი ტრანში 24-დან 34 პირს მოიცავს. “შეერთებული შტატები ღრმად შეშფოთებული რჩება “ქართული ოცნების” პარტიის ანტი-დემოკრატიული ქმედებებით, ისევე როგორც მისი ბოლო დროის განცხადებებითა და რიტორიკით. ეს ქმედებები საქართველოს ევროპული მომავლის გზიდან გადახვევის რისკს აჩენს და ეწინააღმდეგება საქართველოს კონსტიტუციას და მისი ხალხის ნებას. სახელმწიფო მდივანმა ბლინკენმა…

„უცხოური გავლენის გამჭვირვალობის შესახებ“ კანონის მხარდაჭერისთვის, მშვიდობიან დემონსტრანტებზე ძალადობისთვის, დემოკრატიის უგულვებელყოფისთვის, სანქციების პირველი პაკეტი გამოცხადდა. ამის  შესახებ აშშ-ის სახელმწიფო დეპარტამენტის პრესსპიკერმა მეთიუ მილერმა ბრიფინგზე ისაუბრა. მილერი ამბობს, რომ  სანქციები “ქართული ოცნების” წევრებს, დეპუტატებს და ძალოვნებს შეეხებათ. როგორც აშშ-ის სახელმწიფო დეპარტამენტის პრესსპიკერი აცხადებს, სია 30-მდე ადამიანისგან შედგება, თუმცა მილერი მათ ვინაობას არ ასახელებს. სანქციები ასევე შეეხებათ, ამ სიაში მყოფი პირების ოჯახის წევრებსაც. „ეს მხოლოდ პირველი ნაბიჯია და სავიზო შეზღუდვებს ეხება“- ამბობს მილერი

„როგორც ევროკავშირი, ჩვენ არ ვართ რევოლუციებით და რეჟიმების ცვლილებებით დაკავებული, ევროკავშირი მუშაობს ყველა დემოკრატიულად არჩეულ ხელისუფლებასთან საქართველოში“- განაცხადა საქართველოში ევროკავშირის ელჩმა, პაველ ჰერჩინსკიმ. ელჩი ამბობს, რომ ევროკავშირს ძალიან მჭიდრო თანამშრომლობა აქვს ამჟამინდელ მთავრობასთან. „ვიმუშავებთ ნებისმიერ მთავრობასთან, რომელიც აირჩევა, ვიმედოვნებ, თავისუფალ და სამართლიან არჩევნებზე 26 ოქტომბერს“-განაცხადა პაველ ჰერჩინსკიმ.      

„მოგეხსენებათ, რომ ჩვენ ვართ ერთადერთი პოლიტიკური პარტია, რომელმაც დიდი ხანია განაცხადა, რომ დამოუკიდებლად ვგეგმავთ არჩევნებში მონაწილეობას და საარჩევნო კამპანიის ჩატარებას“- განაცხადა პარტია “საქართველოსთვის” ლიდერმა გიორგი გახარიამ. გახარია ამბობს, რომ „ქართულმა ოცნებამ“ არჩევნების გაყალბების პროცესი უკვე დაიწყო. “დღეს, ჩვენ, ამ პოზიციაზე ვართ. მიუხედავად იმისა, რომ სხვა ყველა, ხან ერთიანდებიან, ხან იშლებიან, სხვადასხვა ფორმატები იქმნება, ჩვენ ამასთან საწინააღმდეგო არაფერი გვაქვს. ამ ეტაპზე ჩვენ დამოუკიდებლად ვაგრძელებთ საარჩევნო კამპანიაში მონაწილეობას. ხმების დაცვა იქნება ერთ-ერთი ყველაზე დიდი გამოწვევა, სამწუხაროდ, დღეს როგორც მიმდინარეობს პროცესი, განსაკუთრებით, „რუსული კანონის“ მიღების შემდეგ, ფაქტია, რომ „ოცნებამ“ არჩევნებით მანიპულირების და გაყალბების…