დღე: ივნისი 6, 2024

ამ დროისათვის დევდორაკის ხეობაში საფრთხის დონე მინიმალურია, წყლის დონე პირვანდელ ნიშნულს დაუბრუნდა და წყალმოვარდნები და ღვარცოფული პროცესები აღარ ფიქსირდება. ინფორმაციას გარემოს ეროვნული სააგენტო ავრცელებს. უწყების ცნობით, სააგენტოს მიერ გზის გახსნის რეკომენდაცია გაიცა, ასევე, ამ დრომდე სპეციალისტები ადგილზე რჩებიან და ვითარებას აკვირდებიან. ,,გარემოს დაცვისა და სოფლის მეურნეობის სამინისტროს გარემოს ეროვნული სააგენტოს ინფორმაციით მიმდინარე წლის 6 ივნისს, 08:35 საათზე, დევდორაკის ხეობაში განთავსებული განგაშის სისტემის მიერ მოხდა ღვარცოფული პროცესის დეტექცია, რა დროსაც სისტემამ ლარსის სასაზღვრო გამშვებ პუნქტს დაუყოვნებლივ გადასცა განგაშის სიგნალი. გარემოს ეროვნული სააგენტოს სპეციალისტების მიერ, ვერტმფრენის მეშვეობით განხორციელდა დევდორაკ-ამალის ხეობის დათვალიერება და…

ზემო ფონიჭალაში მიუსაფარმა ძაღლმა არასრულწლოვანი დაკბინა. ინფორმაციას სოციალურ ქსელში ბავშვის მშობელი ავრცელებს. „ეს ვიდეო მტკიცებულება იმისა, რომ ჩემს შვილს სულ ტყუილად წამოუხტა ძაღლი და უკბინა. კიდევ კარგი რძის ბოთლი ეკავა ხელში და თავში ჩასცხო. მაგრამ დაკბენა მაინც მოასწრო. გავარკვიე უკვე როგორ უნდა მოხდეს ამ ყველაფერზე რეაგირება. დამიდექით გვერდით კიდევ სხვები რომ არ დაზარალდნენ“, – წერს ბავშვის მშობელი.  

გორის რაიონული სასამართლოს მოსამართლემ იოსებ ბაბაევის საქმეზე, 4-5 ივნისს ჩატარებული ყველას საგამოძიებო მოქმედება უკანონოდ ცნო. მოსამართლე ლევან დარბაიძის გადაწყვეტილებით, უკანონოა ბაბაევის პირადი და მანქანის ჩხრეკა, ასევე მანქანისა და ტანსაცმლის ამოღება. გორის სასამართლოში ჩხრეკის კანონიერებაზე მსჯელობდნენ, ვინაიდან ბაბაევის წინააღმდეგ სამართალდამცველებმა საგამოძიებო მოქმედებები მოსამართლის განჩინების საფუძველზე ჩაატარეს.

სახელმწიფო უსაფრთხოების სამსახურმა, ტერორისტულ დანაშაულზე მიმდინარე გამოძიების ფარგლებში, ცეცხლსასროლი იარაღისა და საბრძოლო მასალის შეძენა-შენახვის ფაქტზე საქართველოს ორი მოქალაქე დააკავა. სპეციალური ოპერაცია ბათუმში ორ ლოკაციაზე ერთდროულად ჩატარდა. დაკავებულების სახლებიდან ამოღებულია ავტომატი, პისტოლეტები, ხელყუმბარები, დროშები ტერორისტული ორგანიზაცია “ისლამური სახელმწიფოს“ სიმბოლიკით და გამოძიებისთვის მნიშვნელოვანი სხვა მტკიცებულებები. მიმდინარეობს კონტრტერორისტული ღონისძიებები დაკავებულების ტერორისტულ ორგანიზაცია “ისლამურ სახელმწიფოსთან“ კავშირების იდენტიფიცირების მიზნით. დაკავების ადგილის ერთი ლოკაცია გახლავთ ახალი ბულვარის ტერიტორია, მეორე კი ხელვაჩაურის დასახლება – სწორედ ამ ლოკაციებზე მიმდინარეობდა კონტრტერორისტული ცენტრის მიერ სპეციალური ღონისძიებები, რის შედეგადაც საქართველოს ორი მოქალაქე, ახალგაზრდა მამაკაცები დააკავეს. მათი საცხოვრებელი სახლებიდან კი ნივთმტკიცებულებები ამოიღეს.…

,,ფინანსთა სამინისტროს შემოსავლების სამსახური გაცნობებთ, რომ საგანგებო მდგომარეობის გამო (მდინარე ,,დევდორაკში“ დამონტაჟებული საზომი დეტექტორიდან, შემოსული სასიგნალო შეტყობინების საფუძველზე, რომელიც კალაპოტში დინების მინიმალური აწევის შემთხვევაში ცვლილებას აფიქსირებს) საბაჟო გამშვები პუნქტი ,,ყაზბეგის“ მუშაობა დროებით შეჩერებულია”, – ამის შესახებ აღნიშნულია შემოსავლების სამსახურის მიერ გავრცელებულ ინფორმაციაში. „საქართველოს საბაჟო საზღვარზე საქონლის შემოტანა-გატანა, აგრეთვე აღნიშნული საბაჟო გამშვები პუნქტის გავლით სახელმწიფო საზღვრის გადამკვეთ ფიზიკურ პირთა მიმართ საბაჟო კონტროლის პროცედურები ვერ განხორციელდება. უსაფრთხოების უზრუნველყოფის მიზნით, შესაბამის სახელმწიფო უწყებებთან კოორდინირებული მუშაობის შედეგად, ფინანსთა სამინისტროს შემოსავლების სამსახურის საბაჟო გამშვებ პუნქტში ,,ყაზბეგი“ თანამშრომლები და მგზავრები გადაყვანილი არიან დაცულ/უსაფრთხო ტერიტორიაზე. საფრთხის მოხსნის…

ვარკეთილში, ორი ადამიანის მკვლელობაში ბრალდებულის ადვოკატი აცხადებს, რომ მისი დაცვის ქვეშ მყოფი აუცილებელი მოგერიების ფარგლებში მოქმედებდა: ,,ეგ იყო კლასიკური აუცილებელი მოგერიების შემთხვევა. შეიძლება საქართველოში ასეთი არც მომხდარა. მიეჭრნენ სახლში, სცემეს, სახე ჩაულეწეს, სახის ძვლები ჩატეხილი აქვს. გაქცევა სცადა მეორე ოთახში, გაყვნენ ცემით და გაფორმებული იარაღი ჰქონდა და შეეცადა მოგერიებას”, – ამბობს დაკავებულის ადვოკატი პაატა მეხრიშვილი. შეგახსენებთ, რომ მკვლელობა გასულ ღამეს მოხდა. დაკავებულია იური კალანდარიშვილი, რომელსაც მეზობლად მცხოვრები 39 წლის ბაჩო ბაშარულისა და მისი მეგობრის, 40 წლის ნიკა არჩვაძის დამამძიმებელ გარემოებებში განზრახ მკვლელობას ედავებიან. ადგილობრივებს მომხდარზე საუბარი უჭირთ და ინფორმაციას არ…

„პირველ რიგში, საკუთარ თავს არ ვაკადრებ და არც ბიჭებს ვაკადრებ, რომ პოლიტიკაში შემოვიყვანო და პოლიტიკური განცხადებები ვაკეთებინო“, – ამის შესახებ დედაქალაქის მერმა მედიასთან საქართველოს ეროვნული ნაკრების ფეხბურთელის, ბუდუ ზივზივაძის შესახებ დასმული კითხვის საპასუხოდ ისაუბრა. როგორც კახა კალაძემ აღნიშნა, ის ადამიანები არიან მოძალადეები, ვისაც უჩნდება კითხვა – ხომ არ იყო ბუდუ ზივზივაძეზე ზეწოლა, რადგან მან თავად მოითხოვა სოციალური ქსელიდან მის მიერ გაკეთებული განცხადებების წაშლა. „რა ზეწოლის საქმეში? ამ კითხვის გაჩენაც, იმაზე მეტყველებს, რომ ოპოზიციის და მათი მხარდამჭერების სახით წარმოდგენილი რადიკალები არიან ზუსტად ის მოძალადე ადამიანები, ვინც ამას კადრულობენ. ისინი არიან მკადრებლები…

თელავში 24 წლის ალექსანდრე ჩერნოვს ეძებენ. ახალგაზრდა კაცი სახლიდან გუშინ, 5 ივნისს გავიდა და უკან აღარ დაბრუნებულა. ოჯახის წევრები და მეგობრები ამბობენ, რომ მას ფსიქიკური ჯანმრთელობის პრობლემები აქვს და ბოლო პერიოდის განმავლობაში გაუჩინარების სხვა შემთხვევაც ყოფილა. ბოლო ცნობებით, ბიჭი თბილისში ჩავიდა. მომხდარის შესახებ ოჯახმა პოლიციას უკვე აცნობა.

დააკავეს კაცი, რომელმაც გუშინ, ვარკეთილში ორი ადამიანი მოკლა. შინაგან საქმეთა სამინისტროს ცნობით, დაკავებულია 1980 წელს დაბადებულმა იური კალანდარიშვილი. ის ბრალის წარდგენის მოლოდინშია. მან მეზობლად მცხოვრებ 1985 წელს დაბადებულ ბაჩო ბაშარაულს და მის მეგობარს 1984 წელს დაბადებულ ნიკა არჩვაძეს სანადირო თოფიდან რამდენიმე გასროლით ჭრილობები მიაყენა. არსებული ინფორმაციით, მათ დაზიანებები თავის არეში აქვთ მიყენებული. ორივე დაჭრილი ადგილზე დაიღუპა. გავრცელებული ინფორმაციით, შელაპარაკება მხარეებს შორის, ყოფით ნიადაგზე, ბრალდებულის სახლში დაიწყო. რა იყო დაპირისპირების მიზეზი, უცნობია. მომხდარზე გამოძიება სისხლის სამართლის კოდექსის 109-ე მუხლის „ლ“ ქვეპუნქტით მიმდინარეობს, რაც დამამძიმებელ გარემოებაში ჩადენილ ორი პირის განზრახ მკვლელობას გულისხმობს.…

შინაგან საქმეთა სამინისტროს ინფორმაციით, თბილისში 2 პირის მკვლელობაში ბრალდებული ცხელ კვალზეა დაკავებული. მათივე ცნობით, გამოძიება სისხლის სამართლის კოდექსის 109-ე მუხლით მიმდინარეობს. შემთხვევა ვარკეთილის ტერიტორიაზე გუშინ, გვიან ღამით მოხდა. მოკლულებს ცეცხლსასროლი იარაღით ჰქონდათ ჭრილობები მიყენებლი და მათი გადარჩენა ვერ მოხერხდა. არსებული ინფორმაციით, მკვლელობაში ბრალდებული მოკლულების მეზობელი იყო და მათ შორის შელაპარაკება ყოფით ნიადაგზე დაიწყო, რის შემდეგაც მკვლელობით დასრულდა.

შინაგან საქმეთა სამინისტროს ცნობით, საგანგებო სიტუაციების მართვის სამსახურიში, დევდორაკში დამონტაჟებული საზომი დეტექტორიდან, რომელიც კალაპოტში დინების მინიმალური აწევის შემთხვევაში ცვლილებას აფიქსირებს, 08:36 საათზე შევიდა სასიგნალო შეტყობინება. ,,შემოსული ინფორმაციის საფუძველზე დაუყოვნებლივ დაიწყო ინფორმაციის გადამოწმება. პარალელურად პროტოკოლის შესაბამისად, სასაზღვრო გამშვები პუნქტი „დარიალიდან“ უსაფრთხო ადგილზე მოხდა ევაკუაცია საპატრულო პოლიციის, საბაჟო სამსახურის, სასაზღვრო პოლიციის და ყველა იმ კერძო კომპანიის თანამშრომლის, რომლებიც დასაქმებულები არიან გამშვებ პუნქტზე. ტერიტორიის დათვალიერების მიზნით, უკვე აფრინდა სასაზღვრო პოლიციის ვერტმფრენი, რომელშიც იმყოფებიან გარემოს დაცვის ეროვნული სააგენტოს თანამშრომლები და გეოლოგები. ამავდროულად პრევენციის მიზნით მოხდა საავტომობილო გზის დაკეტვა სოფელ გველეთთან. მოძრაობა შეზღუდულია ორივე მიმართულებით…

სახელმწიფო უსაფრთხოების სამსახურის ცნობით, ტერორისტულ დანაშაულზე მიმდინარე გამოძიების ფარგლებში გატარებული ოპერატიულ-სამძებრო და საგამოძიებო მოქმედებების შედეგად, ცეცხლსასროლი იარაღისა და საბრძოლო მასალის მართლსაწინააღმდეგო შეძენა-შენახვის ფაქტზე საქართველოს ორი მოქალაქე დააკავეს. უწყების თქმით, სპეციალური ოპერაცია ქალაქ ბათუმში ორ ადგილზე ერთდროულად ჩატარდა. ,,დაკავებული პირების საცხოვრებელი სახლებიდან ამოღებულია ავტომატური ცეცხლსასროლი იარაღი, პისტოლეტები, ხელყუმბარები, ტერორისტული ორგანიზაცია „ისლამური სახელმწიფოს“ სიმბოლიკიანი დროშები და გამოძიებისთვის მნიშვნელოვანი სხვადასხვა სახის მტკიცებულებები”, – ნათქვამია განცხადებაში. სახელმწიფო უსაფრთხოების სამსახურის კონტრტერორისტული ცენტრი გამოძიებას სისხლის სამართლის კოდექსის 236-ე და 328-ე მუხლებით აწარმოებს, რაც 3-დან 6 წლამდე და 10-დან 17 წლამდე თავისუფლების აღკვეთას ითვალისწინებს. სუს-ი ამბობს, რომ…

ბათუმის მე-14 საჯარო სკოლის დირექტორს მშობელი მოსწავლის მიმართ ბულინგში სდებს ბრალს. მეექვსე კლასის მოსწავლის დედა, ლელა ვერძაძე ამბობს, რომ სკოლის დირექტორი, რომელიც პარალელურად მათემატიკის მასწავლებელია, მოსწავლეს გამუდმებით სიტყვიერ შეურაცხყოფას აყენებდა. როგორც მან აღნიშნა, იძულებული გახდა ბავშვი სხვა სკოლაში გადაეყვანა. ოჯახმა საჩივრით უკვე მიმართა აჭარის განათლების მინისტრს. ,,სკოლის დირექტორმა, დამრიგებელთან ერთად კლასელების წინაშე განიხილა, რომ ბავშვის და მისი ერთად მუშაობა იქნებოდა შეუძლებელი. თვითონ ბავშვს აღარ აქვს სურვილი იმ სკოლაში ისწავლოს, რადგან მეუბნება, რომ დედა მე მრცხვენია ბავშვების წინაშე, ყოველ დღე შეურაცხყოფას მაყენებს, მე თავს დაჩაგრულად ვგრძნობ, მეშინია იმის ყოველ დღე რა…

ფინანსთა სამინისტროს საგამოძიებო სამსახურის ინფორმაციით, სახელმწიფო ბიუჯეტის კუთვნილი დიდი ოდენობით თანხის თაღლითურად დაუფლების ფაქტებზე, სისხლისსამართლებრივი დევნა 8 პირის მიმართ დაიწყეს. ,,გამოძიებით დადგინდა, რომ 2021-2023 წლებში, ბრალდებულების მიერ, მათ მფლობელობაში არსებული კომპანიების სახელით, შემოსავლების სამსახურში წარდგენილ იქნა დღგ-ს ყოველთვიური დეკლარაციები, რომლებშიც შეტანილ იქნა ფიქტიური მონაცემები რეალიზებულ საქონელთან მიმართებაში, რა გზითაც კომპანიებს შეუქმნეს დღგ-ს ყალბი აქტივი. დადგენილია, რომ აღნიშნული დანაშაულებრივი ქმედების შედეგად, ბრალდებულები მოტყუებით დაეუფლნენ სახელმწიფო ბიუჯეტის კუთვნილ, ჯამში 704 714 ლარს”, – წერია უწყების განცხადებაში. გამოძიება გრძელდება საქართველოს სისხლის სამართლის კოდექსის 180-ე მუხლით, რაც სასჯელის სახედ ითვალისწინებს თავისუფლების აღკვეთას 6-დან 9…

ჩეხეთში მატარებლების შეჯახების შედეგად ოთხი ადამიანი დაიღუპა, 26 კი დაშავდა. შემთხვევა ქალაქ პარდუბიცეში მოხდა, რა დროსაც სატვირთო და სამგზავრო მატარებლები ერთმანეთს შეეჯახნენ. „არსებული ინფორმაციით, შეჯახების შედეგად ოთხი ადამიანი დაიღუპა, რამდენიმეს მდგომარეობა მძიმეა, რამდენიმემ კი მსუბუქი დაზიანებები მიიღო“, – აცხადებს გუბერნატორი. პოლიციის ცნობით, ადგილზე მობილიზებული იყო სამაშველო სამსახური და ხორციელდებოდა მგზავრების ევაკუაცია.

მეორე დღეა, თბილისში 83 წლის ქალს ეძებენ. ინფორმაციას დაკარგულის ოჯახის წევრი, ნინი ბალახაძე სოციალურ ქსელში ავრცელებს: ,,ძალიან გთხოვთ, სახლიდან გავიდა და შინ არ დაბრუნებულა 83 წლის მოხუცი ბებო. ვინმემ სადმე თუ შენიშნეთ ან შეხედეთ და იფიქრეთ რომ ეს ის ქალბატონია მარო ბებო გთხოვთ შემეხმიანეთ 571186848 არის შავ სამოსში ზედაც ქვედაც შავი ფერის აცვია უფრო ლილო, ვარკეთილი, ვაზისუბანი, სამგორი, ისანი შორს ვერ წავიდოდა… გუშინ შუადღის მერე ვეძებთ და ჯერ ამაოდ ძალიან გთხოვთ დაგვეხმარეთ”, – წერს ახლობელი.

საქართველოში, დმანისთან ახლოს 3.1 მაგნიტუდის სიმძლავრის მიწისძვრა მოხდა. ინფორმაციას სეისმური მონიტორინგის ეროვნული ცენტრი ავრცელებს და წერს, რომ ეპიცენტრი დმანისის დასავლეთით, 22 კმ-ში, სოფელ ფარავანთან 8 კილომეტრში დაფიქსირდა.

თბილისში 2 ახალგაზრდა კაცი მოკლეს. ინფორმაცია ერთ-ერთი მოკლულის ახლობელმა ,,მთავარ არხს” მიაწოდა. მისი თქმით, შემთხვევა ვარკვეთილში მოხდა. ამ დროისთვის, ცხედრები ექსპერტიზიდან სახლში გადაასვენეს. მისივე თქმით, მოკლულებს ,,3-3 ტყვია აქვთ თავში მოხვედრილი”.

უკვე რამდენიმე დღეა, ოჯახი ჭიათურაში 72 წლის ქალს ეძებს. ,,ჭიათურაში დაიკარგა 72 წლის ქალბატონი ლენა ქურციკიძე. აქვს მეხსიერების პრობლემა. სავარაუდოდ სახლიდან 29 მაისს გავიდა და აღარ დაბრუნებულა. ძებნის მიუხედავად არ ჩანს არანაირი კვალი. გთხოვთ ყურადღებით დააკვირდეთ ფოტოებს და თუ ფლობთ რაიმე ინფორმაციას ან შეგიმჩნევიათ სადმე დაუკავშირდეთ ოჯახს ნომრებზე: 598 779 999, 551 557 558”, – წერს ოჯახი.