დღე: მაისი 16, 2024

შინაგან საქმეთა სამინისტროს ცენტრალური კრიმინალური პოლიციის დეპარტამენტის თანამშრომლებმა, ჩატარებული ოპერატიული ღონისძიებებისა და საგამოძიებო მოქმედებების შედეგად ჯგუფურად ჩადენილი ნივთის დაზიანების ბრალდებით 2005 წელს დაბადებული ო.ო. და წარსულში ნასამართლევი 2001 წელს დაბადებული ს.მ. დააკავეს. დანაშაული 6 წლამდე ვადით თავისუფლების აღკვეთას ითვალისწინებს. ,,გამოძიებით დადგინდა, რომ მიმდინარე წლის 14 მაისს, თბილისში, საკანონმდებლო ორგანოს შენობის მიმდებარე ტერიტორიაზე, მიმდინარე საპროტესტო აქციის დროს ს.მ.-მ და ო.ო.-მ სხვა პირებთან ერთად, როგორც ფიზიკური ძალის, ასევე, რკინის ნივთის გამოყენებით პარლამენტის შესასვლელთან განთავსებული რკინის დამცავი ჯებირი მიზანმიმართულად დააზიანეს. შინაგან საქმეთა სამინისტრო დანაშაულში მონაწილე სხვა პირების დადგენა-დაკავების მიზნით საგამოძიებო მოქმედებებს აგრძელებს. გამოძიება…

მეტი...

საქართველოს პრეზიდენტი სალომე ზურაბიშვილი სახალხო დამცველს, ლევან იოსელიანს შეხვდა. ინფორმაციას პრეზიდენტის ადმინისტრაცია ავრცელებს. ,,შეხვედრაზე, რომელიც ორბელიანების სასახლეში გაიმართა, რუსული კანონის წინააღმდებ მიმდინარე საპროტესტო აქციებზე მშვიდობიანი მომიტინგეების მიმართ განხორციელებული  ძალადობის ფაქტები განიხილეს. სახალხო დამცველმა პრეზიდენტს საპროტესტო აქციებზე დაკავებულებისა და სამკურნალო დაწესებულებებში მოთავსებულთა ჯანმრთელობის მდგომარეობის შესახებ მიაწოდა ინფორმაცია”, – წერს ადმინისტრაცია.

მეტი...

საზღვარგარეთ მყოფი ქართველი სტუდენტები გაფიცულ სტუდენტებს სოლიდარობის წერილით მიმართავენ: ,,ძვირფასო სტუდენტებო საქართველოში, ჩვენ, საზღვარგარეთ მყოფი ქართველი სტუდენტები გიცხადებთ სოლიდარობას თქვენს გადაწყვეტილებაში, სასწავლო პროცესის ნაცვლად მონაწილეობა მიიღოთ საპროტესტო აქციებში მანამდე, სანამ პარლამენტი რუსულ კანონს არ გაიწვევს. ჩვენ, თქვენთან ერთად ვდგავართ ამ ბრძოლაში, ვინაიდან ის ყველა ჩვენთაგანისაა. ეს არის ბრძოლა დემოკრატიისთვის და ქართული, მაშასადამე ევროპული ღირებულებებისთვის. თქვენი პროტესტი განასახიერებს ჩვენს საერთო მისწრაფებებს და სულისკვეთებას ჩვენი ევროპული მომავლის მიმართ. მადლობა ყველა ქართველ სტუდნეტს, რომ დღეს იქ დგას სადაც ჩვენ, უცხოეთში მყოფი ქართველი სტუდენტები, ვერ ვახერხებთ ყოფნას. არა რუსულ კანონს! არა რუსეთს! კი ევროპას! საქართველო ევროპაა! ურყევი…

მეტი...

გარემოს ეროვნული სააგენტოს ინფორმაციით, 18 მაისამდე საქართველოში შენარჩუნებული იქნება გრილი და დროგამოშვებით ნალექიანი ამინდი. ქ. თბილისში მოსალოდნელია ხანმოკლე წვიმა ელჭექით. ჰაერის ტემპერატურა დღისით +18, +20 გრადუსი დაფიქსირდება. სანაპირო რაიონებში (ბათუმი, ქობულეთი, ანაკლია, ფოთი): 16-17 მაისს ხანმოკლე წვიმა და ელჭექია მოსალოდნელი, ჰაერის ტემპერატურა დღისით +17, +19 გრადუსი იქნება. დასავლეთ საქართველოს დაბლობ რაიონებში (ზესტაფონი, ქუთაისი, სამტრედია, ზუგდიდი, მარტვილი, ოზურგეთი): 16-17 მაისს ხანმოკლე წვიმა და ელჭექია მოსალოდნელი, ჰაერის ტემპერატურა დღისით +18, +20 გრადუსი იქნება. დასავლეთ საქართველოს მთიან რეგიონებში (ამბროლაური, ონი, ცაგერი, შოვი, ჭიათურა, საჩხერე, ხულო): ხანმოკლე წვიმა და ელჭექია მოსალოდნელი, ჰაერის ტემპერატურა დღისით…

მეტი...

მთავრობამ “ოჯახის სიწმინდისა და მშობლების პატივისცემის” დღესთან დაკავშირებით 2024 წლის 17 მაისი უქმე დღედ გამოცხადა. 15 მაისის დადგენილებას ხელს პრემიერმინისტრი ირაკლი კობახიძე აწერს. ეს დადგენილება არ ვრცელდება საქართველოს ეროვნული ბანკის ზედამხედველობას დაქვემდებარებული პირების წინაშე შესასრულებელ ფინანსურ ვალდებულებებზე, ასევე, “სახელმწიფო შესყიდვების შესახებ” საქართველოს კანონით გათვალისწინებულ სახელმწიფო შესყიდვებთან დაკავშირებულ საქმიანობაზე.

მეტი...

შიდასახელმწიფოებრივი მნიშვნელობის ჟინვალი-ბარისახო-შატილის საავტომობილო გზის მე-12 კმ-ზე ყველა სახის ავტოტრანსპორტის მოძრაობა იზღუდება. საავტომობილო გზების დეპარტამენტის ცნობით, მიზეზი ინტენსიური წვიმის შედეგად გზის ამ მონაკვეთზე ჩასული კლდოვანი მასაა, რომლის გაწმენდითი სამუშაოებიც მიმდინარეობს. უწყება არ აკონკრეტებს რამდენი ხნით იზღუდება მოძრაობა.

მეტი...

თბილისში 68 წლის ქალს ეძებენ. ოჯახის ცნობით, მანანა ყაზაიშვილი სახლიდან 14 მაისს გავიდა და მას შემდეგ, მისი ადგილსამყოფელი უცნობია: ,,მეორე დღეა არ ვფლობთ ინფორმაციას და ვეძებთ მანანა ყაზაიშვილს, 68 წლის. სახლიდან (ქ.თბილისი, გოგებაშვილის ქუჩა) 14მაისს, საღამოს დაახლოებით 9 საათზე გავიდა. ტელეფონი გათიშული აქვს. არ აქვს ჯანმრთელობასთან დაკავშირებული პრობლემები, მათ შორის არც ალცჰაიმერი. გთხოვთ გააზიარეთ და დაგვეხმარეთ მის პოვნაში”, – წერს სოციალურ ქსელში მამუკა ყაზაიშვილი. ინფორმაციის არსებობის შემთხვევაში ოჯახს შეგიძლიათ დაუკავშირდეთ შემდეგ ნომრებზე: 599-77-72-84 577-95-04-43

მეტი...