დღე: ოქტომბერი 16, 2024

,,კობახიძე და ,,ქართული ოცნება” აღარც კი მალავენ თავიანთ ნამდვილ ზრახვებს”, – წერს ევროპარლამენტარი მირიამ ლექსმანი კობახიძის მორიგ განცხადებაზე ოპოზიციური პოლიტიკური პარტიების ,,გასამართლებასთან” დაკავშირებით. ,,კობახიძე და ,,ქართული ოცნება” აღარც კი მალავენ თავიანთ ნამდვილ ზრახვებს: საქართველოს დემოკრატიის დანგრევას და რუსეთის სატელიტად გადაქცევას”, – წერს ევროპარლამენტარი.

ალბანეთმა ევროკავშირში გაწევრიანების შესახებ არსებითი მოლაპარაკებები დაიწყო. ინფორმაციას „დოიჩე ველე“ ევროკავშირზე დაყრდნობით ავრცელებს. მედიის ინფორმაციით, ალბანეთის ევროკავშირში მოლაპარაკებების გახსნიდან 2 წლის შემდეგ არსებითი დიალოგი ტირანასა და ბრიუსელს შორის 15 ოქტომბერს დაიწყო. ლუქსემბურგში გამართულ პირველ შეხვედრაზე მხარეებმა ალბანეთში კანონის უზენაესობის კუთხით არსებულ ვითარებაზე იმსჯელეს. „ჩვენ მოვამზადებთ ალბანეთს 2030 წელს ევროკავშირში გასაწევრიანებლად“, – განაცხადა ალბანეთის პრემიერ-მინისტრმა, ედი რამამ. მისი თქმით, რუსეთ-უკრაინის ომმა აჩვენა, რომ დასავლეთ ბალკანეთი ევროკავშირს გასაძლიერებლად სჭირდება, ამასთან თავად დასავლეთ ბალკანეთსაც სჭირდება ევროკავშირში გაწევრება. „ჩვენ, ალბანელებს, არ შეიძლება, გვქონდეს სათადარიგო გეგმა, როდესაც საქმე ეხება პირად თავისუფლებას, კანონის უზენაესობას და დემოკრატიას.…

,,ამერიკის შეერთებული შტატები ისრაელში თამამად მოქმედებს და უკრაინაში ფრთხილად, რადგან რუსეთი შეიარაღებულია ბირთვული იარაღით, ხოლო ირანი არა”, – ამის შესახებ ინფორმაციას „პოლიტიკო“ ამერიკელ ოფიციალურ პირებზე დაყრდნობით ავრცელებს. უკრაინის საკითხზე მომუშავე აშშ-ის სენატის თანამშრომელი ამბობს, რომ შესაძლებელია გარისკვა და ისრაელის თავზე ირანული რაკეტების ჩამოგდება თეირანთან პირდაპირი ომის პროვოცირების გარეშე. მისივე თქმით, ამან შეიძლება, გამოიწვიოს ბირთვული ომი, თუმცა გაცილებით მეტი რისკია რუსეთთან დაკავშირებით. პარალელურად, ბაიდენის ადმინისტრაციის ორი წარმომადგენელი აცხადებს, რომ უკრაინაში აშშ-ის ძალების გაგზავნამ რუსული რაკეტების ჩამოსაგდებად შეიძლება, გამოიწვიოს პირდაპირი სამხედრო დაპირისპირება მსოფლიოს ორ მთავარ ბირთვულ ძალას შორის მეორე მსოფლიო ომის შემდეგ…

,,რუსული ენერგოკომპანია „ინტერ-რაო“ საგანგებო სიტუაციების დროს საქართველოდან და აზერბაიჯანიდან ელექტროენერგიის იმპორტის შესაძლებლობას განიხილავს”, – ინფორმაციას რუსული მედია „ინტერ-რაოს“ მმართველი საბჭოს წევრზე, ალექსანდრა პანინაზე დაყრდნობით ავრცელებს. „ჩვენ ვთხოვეთ ორ ქვეყანას – აზერბაიჯანსა და საქართველოს მიწოდების შესაძლებლობა საგანგებო პერიოდებში. თითოეულს 300 მეგავატი“, – ამბობს პანინა. მისი თქმით, ჯერჯერობით არცერთი ქვეყნისგან პასუხი არ მიუღია.

ისრაელმა ირანზე დარტყმის თარიღი და გეგმა დაამტკიცა. გეგმა ისრაელის პრემიერმა და თავდაცვის მინისტრმა უკვე შეათანხმეს და მინისტრთა კაბინეტს დასაფინანსებლად გადაუგზავნეს. ,,ვაშინგტონ პოსტი“ ბენიამინ ნეთანიაჰუზე დაყრდნობით წერს, რომ ისრაელი იერიშებს ირანის სამხედრო ობიექტებზე მიიტანს, არ განიხილება ბირთვული ობიექტების დაზიანება.

ისრაელის თავდაცვის არმიამ „ცაჰალმა“ ლიბანის დედაქალაქ ბეირუთზე მიტანილი ავიაიერიშის შედეგად დაჯგუფება „ჰეზბოლას“ იარაღის სტრატეგიული საცავი დაბომბა. ინფორმაცია „ცაჰალის“ ტელეგრამ არხზეა გამოქვეყნებული. ებრაული მხარის მტკიცებით, იარაღის საცავი ბეირუთის დაჰიას რაიონში მდებარეობდა. ის მიწისქვეშ იყო განთავსებული. ისრაელის თავდაცვის არმიამ საჰაერო იერიშამდე იქ მცხოვრები მოსახლეობა გააფრთხილა, რათა დაბომბვის დროს არცერთი მშვიდობიანი მოქალაქე ოპერაციის დროს არ დაშავებულიყო, – აღნიშნეს არმიაში.

,,აშშ ჩრდილოეთ კორეას დაძაბულობის შემცირებისა და დიპლომატიური ნაბიჯების გადადგმისკენ მოუწოდებს”, – განაცხადა ამერიკის სახელმწიფო დეპარტამენტის სპიკერმა მეთიუ მილერმა. „ჩვენ ვაგრძელებთ მოწოდებას ჩრდილოეთ კორეისადმი შეამციროს დაძაბულობა და შეწყვიტოს ისეთი ნაბიჯების გადადგმა, რომელიც კონფლიქტის რისკს ზრდის. ჩვენ ასევე მოვუწოდებთ ჩრდილოეთ კორეას დაუბრუნდეს დიალოგსა და დიპლომატიას“, – თქვა მან. კონფლიქტი ჩრდილოეთ და სამხრეთ კორეას შორის 11 ოქტომბერს გამწვავდა. მაშინ ფხენიანმა სეული უპილოტო საფრენი აპარატების გაშვებაში დაადანაშაულა. გუშინ გავრცელდა ინფორმაცია, რომ ჩრდილოეთ კორეამ სამხრეთ კორეასთან დამაკავშირებელი საავტომობილო გზების ნაწილი ააფეთქა.

,,საქართველოს ეკონომიკისთვის ევროკავშირში გაწევრიანება საუკეთესო იქნებოდა, თუმცა ჯერ ქვეყანამ უნდა გადაწყვიტოს სურს თუ არა წევრობა”, – წერს სოციალურ ქსელში საქართველოში გერმანიის ელჩი, პეტერ ფიშერი. ,,გერმანიის ბიზნეს ასოციაციაში მე ვთქვი, რომ ევროკავშირის წევრობა საუკეთესო იქნებოდა საქართველოს ეკონომიკისთვის, მაგრამ საქართველომ უნდა გადაწყვიტოს, სურს თუ არა გაწევრიანება. მე ასევე აღვნიშნე საქართველოსთვის არსებული ეკონომიკური რისკები: FX, საკრედიტო რეიტინგი, შეღავათიანი ფინანსები, FDI, ვაჭრობა, ტურიზმი და ემიგრაცია”, – წერს ფიშერი.

,,პრეზიდენტი ზელენსკი, 17 ოქტომბერს, ევროპული საბჭოს სამიტზე დავპატიჟე”, – ამის შესახებ ევროპული საბჭოს პრეზიდენტი შარლ მიშელი X-ზე წერს. ,,პრეზიდენტი ვოლოდიმირ ზელენსკი ხუთშაბათს, 17 ოქტომბერს, ევროპული საბჭოს სამიტზე დავპატიჟე, რათა უკრაინის წინააღმდეგ რუსეთის ომის ბოლო განვითარებები შევაფასოთ და თავისი გამარჯვების გეგმა წარადგინოს”, – წერს მიშელი.

ევროპაში ირანის უმსხვილესმა ავიაკომპანია Iran Air -მა ევროპაში ფრენა შეწყვიტა. მიზეზი ახალი სანქციებია, რომლებიც ირანს რუსეთისთვის ბალისტიკური რაკეტების მიწოდების გამო დაუწესეს. ,,ავიაკომპანიამ ფრენების შეწყვეტის შესახებ თავის მგზავრებს სანქციების გამოცხადების შემდეგ აცნობა”, – იტყობინება Euronews-ი. Iran Air-ი სექტემბრამდე დაფრინავდა ვენაში, ჰამბურგში, ლონდონში, პარიზში, რომში, ფრანკფურტში და სხვა ქალაქებში. ირანში ფრენა შეაჩერეს ასევე ევროპის სხვა ავიაკომპანიებმა უსაფრთხოებისა და შესაძლო საომარი მოქმედების გამო. ფრენები Iran Air-ისთვის ოფიციალურად არ აუკრძალავთ, მას გაუყინეს ანგარიშები და აქტივები და ავიაკომპანიასთან შეუძლებელი გახდა ყოველგვარი კომერციული თანამშრომლობა, რაც მის საქმიანობას შეუძლებელს ხდის. შეგახსენებთ, რომ სანქციები ევროკავშირმა ირანს 14 ოქტომბერს…