დღე: ოქტომბერი 4, 2024

,,ევროკავშირის ინსტიტუტებმა გადავწყვიტეთ, რომ შეგვეჩერებინა ყველა მაღალი დონის შეხვედრა საქართველოს ხელისუფლების წარმომადგენლებთან”, – ამის შესახებ საქართველოში ევროკავშირის ელჩმა პაველ ჰერვინსკიმ განაცხადა. მისი თქმით, ევროკავშირმა მიიღო გადაწყვეტილება, არ განეხორციელებინა მაღალი დონის ვიზიტები საქართველოში და არ ჰქონოდა მაღალი დონის შეხვედრები საქართველოს ხელისუფლების წარმომადგენლებთან ბრიუსელში იმ რიტორიკის გამო, რომელიც საქართველოს ხელისუფლებას ევროკავშირის მიმართ აქვს. „რაც შემიძლია გითხრათ არის ის, რომ უკვე მიმდინარე წლის ივნისში ჩვენ გვქონდა შიდა განხილვა ჩვენს წევრ სახელმწიფოებთან როგორ უნდა მივდგომოდით საქართველოს ხელისუფლების დამოკიდებულებას, რომელსაც ჩვენ განვიხილავთ როგორც არამეგობრულს ევროკავშირის მიმართ. ასევე, განვიხილეთ, როგორ უნდა მივდგომოდით ანტიდასავლურ და ანტიევროპულ ნარატივს,…

,,კიდევ ერთხელ მოვიწოდებ ყველა ქართველს, წავიდეს არჩევნებზე და მისცეს ხმა, მომავალი არჩევნები იქნება აბსოლუტურად აუცილებელი თქვენი ქვეყნის მომავლის განსაზღვრაში”, – ამის შესახებ საქართველოში ევროკავშირის ელჩმა, პაველ ჰერჩინსკიმ ჟურნალისტებს განუცხადა. „ეს თქვენ, ქართველმა ამომრჩეველმა უნდა გადაწყვიტოთ, რომელ პარტიას მისცემთ ხმას, მაგრამ ჩემზეა იმის მოწოდება, რომ გითხრათ: გთხოვთ, წადით და მიეცით ხმა, თქვენი ხმა ნამდვილად, ნამდვილად მნიშვნელოვანია. გულწრფელად ვიმედოვბენ, რომ მოახლოებულ, 26 ოქტომბრის არჩევნებში აქტივობა იქნება ისტორიულად მაღალი და თქვენ კოლექტიურად გადაწყვეტთ თქვენი ქვეყნის მომავალს“, – აღნიშნა ელჩმა. კითხვაზე, რა აზრის არის პრეზიდენტ სალომე ზურაბიშვილის ინიციატივაზე, ტექნიკური მთავრობის ჩამოყალიბებასთან დაკავშირებით, ელჩმა უპასუხა:…

გერმანიის ელჩმა საქართველოში, პეტერ ფიშერმა საარჩევნო თემაზე გამართულ ღობისძიებაზე საქართველოს ევროკავშირში გაწევრიანების პერსპექტივაზე ისაუბრა და აღნიშნა, რომ ევროპული გზისთვის გადახვევის შემთხვევაში ეს ვერ მოხდება. ,,არჩევნებში მონაწილეობა და ხმის მიცემა არის თქვენი სუპერ ძალაუფლება. კურსი, რომელსაც საქართველოს ხელისუფლება მიჰყვება ახლა არ არის ევროკავშირის კურსი. რა უნდა გააკეთოთ გაწევრიანებისთვის? ეს ძალიან მარტივია. უნდა დაიცვა და მიჰყვე ეროვნულ კანონმდებლობასა და წესებს. თუ კანონმდებლობას გადაუხვევთ, ევროკავშირში გაწევრიანება ვერ მოხდება. გააგრძელებთ და მიჰყვებით თუ არა ევროკავშირის გზას ეს თქვენზეა დამოკიდებული. თქვენ მოგესალმებათ და გელოდებათ ევროკავშირი. გისურვებთ ევროკავშირში გაწევრიანებას”, – განაცხადა ფიშერმა.

,,იმედი მაქვს, რომ ადამიანები, რომლებიც მთავრობაში მოვლენ, დაიცავენ ქართველი ამომრჩევლის ინტერესებს”, – ამბობს აშშ-ის ელჩი საქართველოში, რობინ დანიგანი ,,საარჩევნო კომპასის” პრეზენტაციაზე. ,,არჩევნების დროს ბევრი საუბარია პოლიტიკური პარტიების შესახებ, მაგრამ ყველაზე მნიშვნელოვანი არჩევნებში არის ამომრჩეველი და ამიტომ ქართველებს აქვთ უფლება იცოდნენ, რას წარმოადგენს ესა თუ ის პარტია. ამიტომ, შეერთებული შტატების დიდი სურვილია, რომ ქართველები წავიდნენ არჩევნებზე, მისცენ ხმა, იცოდნენ, რომ პროცესი არის ფარული და დაცული, რომ არჩევნები არის სამართლიანი და პარტიები, რომლებსაც ხმას აძლევენ, წარმოადგენენ იმას, რაც მათ სურთ. მე იმედი მაქვს, რომ ქართველები ამ ინსტრუმენტს გამოიყენებენ და უზრუნველყოფენ, რომ ადამიანები,…

,,თუ საქართველო გააგრძელებს ოპოზიციის დევნასა და ანტიევროპულ ნარატივს, ევროკავშირში ვერც ახლა შევა და ვერც მომავალში”, – ამბობს ევროკავშირის ელჩი საქართველოში, პაველ ჰერჩინსკი. ,,ევროკავშირი დაფუძნებულია კონკრეტულ ფასეულობებზე და ეს ფასეულობები გადახედვას არ ექვემდებარება. ეს არის თავისუფლება, დემოკრატია, კანონის უზენაესობა, უმცირესობების უფლებები და ჩვენ იმედი გვაქვს, რომ ქართველი ხალხი 26 ოქტომბერს აირჩევს მთავრობას, რომელიც ამ ნორმებს დაიცავს. ნება მომეცით, მკაფიოდ ვთქვა,რომ თუ საქართველო გახდება ერთპარტიული სახელმწიფო, სადაც პოლიტიკური ოპოზიცია აკრძალულია და სამოქალაქო საზოგადოება იძულებულია უცხოეთში წავიდეს, თუ უმცირესობების უფლებები დაცული არ იქნება, მაშინ საქართველო ვერ გახდება ევროკავშირის წევრი ვერც დღეს, ვერც ხვალ…

,,ევროკავშირი წარმოადგენს მშვიდობას და სტაბილურობას. ჩვენ ვდგავართ, მშვიდობისა და განვითარების მხარეს”, – ამის შესახებ განაცხადა ევროკავშირის ელჩმა საქართველოში პაველ ჰერჩინსკიმ. ,,ჩვენ მხარს ვუჭერთ უკრაინას, ვართ მათ გვერდით, რადგან უკრაინა იბრძვის არა მხოლოდ უკრაინისთვის, ყველასთვის ჩვენთვის. თუ უკრაინაში იქნება მშვიდობა, მშვიდობა იქნება საქართველოშიც და ყველგან”, – განაცხადა პაველ ჰერჩინსკიმ.  

ემანუელ მაკრონისა და სალომე ზურაბიშვილის შეხვედრასთან დაკავშირებით, რომელიც პარიზში, ელისეს სასახლეში გუშინ, 3 ოქტომბერს გაიმართა, საფრანგეთის საელჩო საქართველოში ინფორმაციას ავრცელებს. უწყების თქმით, ემანუელ მაკრონმა სინანული გამოთქვა იმ კანონების მიღების გამო, რომლებმაც ქვეყანას ევროპული ტრაექტორიიდან გადაახვევინეს და EU-ში გაწევრიანების პროცესის ფაქტობრივი შეჩერება გამოიწვიეს: ,,რესპუბლიკის პრეზიდენტი უპირველეს ყოვლისა, მიესალმა ქართველი ხალხის ევროპულ და დემოკრატიულ მისწრაფებებს, რის გამოც ევროკავშირმა 2023 წლის დეკემბერში, საქართველოს კანდიდატი ქვეყნის სტატუსი მიანიჭა. მიუხედავად ამისა, მან აღნიშნა ნეგატიური მოვლენები, რომლებიც ამ ბოლო თვეების განმავლობაში მოხდა საქართველოში. კერძოდ, მან სინანული გამოთქვა იმ კანონების მიღების გამო, რომლებმაც ქვეყანას ევროპული ტრაექტორიიდან გადაახვევინეს…

,,სომხეთი მოსკოვს შორდება. ამავდროულად, ,,ქართული ოცნების” მთავრობა რუსეთისკენაა მიმართული და როგორც ჩანს, მან გვერდი აუარა თავისი ხალხის პროდასავლურ განწყობებს”, – ამის შესახებ შეერთებული ამერიკის შტატების ჰელსინკის კომისიის განცხადებაშია საუბარი. ,,სამხრეთ კავკასია დანის პირზეა. რუსეთი ცდილობს შეინარჩუნოს თავისი კონტროლი რეგიონული კონფლიქტების გაღვივებით, შეერთებულმა შტატებმა და ჩვენმა მოკავშირეებმა უნდა გადახედონ ჩვენს მიდგომას. სომხეთი, ისტორიულად რუსეთის ერთ-ერთი უახლოესი მოკავშირე, მოსკოვს შორდება. ამავდროულად, აზერბაიჯანი აძლიერებს კავშირებს რუსეთთან და ამას აბალანსებს NATO-ს წევრ თურქეთთან და ევროკავშირთან თანამშრომლობითა და ხანგრძლივი ურთიერთობით. ამავდროულად, საქართველოს “ქართული ოცნების” მთავრობა რუსეთისკენ და არალიბერალური ორიენტაციისკენ არის მიმართული და როგორც ჩანს, მან…

,,თავის კერძო ფინანსურ ინტერესებს აყენებს საქართველოს ხალხის ინტერესებზე მაღლა”, – განაცხადა საქართველოში აშშ-ის ელჩმა, რობინ დანიგანმა ბიძინა ივანიშვილზე საუბრისას. „პრობლემურია, როცა ადამიანი, რომელიც კარგად ცნობილია, რომ მართავს მთავრობასა და მმართველ პარტიას ამ ქვეყანაში, უარს ამბობს შეხვდეს საერთაშორისო მხარეებს, სტრატეგიულ პარტნიორებს, მის მიმართ ფინანსური სანქციების დაკისრებაზე საკუთარი მცდარი აღქმის გამო. ანუ, თავის კერძო ფინანსურ ინტერესებს აყენებს საქართველოს ხალხის ინტერესებზე მაღლა“, – აცხადებს რობინ დანიგანი ,,რადიო თავისუფლებასთან” ინტერვიუში.

,,დემოკრატებსა და რესპუბლიკელებს შორის არის ნამდვილი ერთიანობა შეშფოთებაზე, საქართველოს ამჟამინდელი მთავრობის ქმედებებთან დაკავშირებით”, – განაცხადა საქართველოში აშშ-ის ელჩი, რობინ დანიგანი ბიძინა ივანიშვილზე საუბრისას. ,,ზოგიერთი ლაპარაკობს, რომ რაც მოხდება ჩვენს არჩევნებზე, ზეგავლენას იქონიებს საქართველოს მიმართ ჩვენს პოლიტიკაზე. ვფიქრობ, ძალიან მნიშვნელოვანია გაგება, რომ დემოკრატებსა და რესპუბლიკელებს შორის არის ნამდვილი ერთიანობა, აგრეთვე დემოკრატების, ანუ ბაიდენის ადმინისტრაციასთან შეშფოთებაზე, რაც დაკავშირებულია საქართველოს ამჟამინდელი მთავრობის ქმედებებთან. აგვისტოში ჩვენ გვქონდა კონგრესის ორპარტიული, ორპალატიანი დელეგაციის ვიზიტი საქართველოში, დემოკრატი სენატორის, შაჰინისა და ასევე რესპუბლიკელი კონგრესმენის, ტერნერის ხელმძღვანელობით. მათი გზავნილი მთავრობისთვის იყო, რომ არ არსებობს განსხვავება ჩვენს შეშფოთებას შორის იმ…

უკრაინის პრეზიდენტი, ვოლოდიმირ ზელენსკი მშვიდობის დარგში ნობელის პრემიაზეა წარდგენილი. პრემიაზე სულ 286 კანდიდატია წარდგენილი. ფავორიტებს შორის არიან გაეროს პალესტინის ლტოლვილთა სააგენტო (UNRWA), იუსტიციის საერთაშორისო სასამართლო და გაერო-ს გენერალური მდივანი ანტონიო გუტერეში. ჯილდოზე ნომინირებულია რომის პაპი ფრანცისკეც.

,,საფრანგეთი დებს პირობას, რომ 26 ოქტომბრის არჩევნებს შეუძლია, საქართველოს ევროპული გზის აღდგენის საშუალება მისცეს”, – წერს საფრანგეთის პრეზიდენტი ემანუელ მაკრონი საქართველოს პრეზიდენტ, სალომე ზურაბიშვილთან შეხვედრის შემდეგ, სოციალურ ქსელში. ,,ძვირფასო სალომე, მოხარული ვარ, რომ პარიზში გიმასპინძლე. საფრანგეთი მიესალმება ქართველი ხალხის ევროპულ და დემოკრატიულ მისწრაფებებს და დებს პირობას, რომ 26 ოქტომბრის არჩევნებს შეუძლია, საქართველოს ევროპული გზის აღდგენის საშუალება მისცეს”, – წერს მაკრონი.