დღე: ოქტომბერი 4, 2024

ევროკავშირის სასამართლომ დაავალდებულა ევროკავშირის ყველა სახელმწიფო, აღიაროს სახელისა და გენდერის ცვლილება დოკუმენტებში, რომლებიც გაცემულია ნებისმიერ წევრ ქვეყანაში. სასამართლოს დადგენილებით უარი ეწინააღმდეგება ევროკავშირის კანონებს. პრეცედენტული გახდა რუმინეთისა და დიდი ბრიტანეთის ტრანსგენდერი მამაკაცის საქმე. მან დიდ ბრიტანეთში 2020 წელს შეიცვალა სქესი, როდესაც ეს ქვეყანა ჯერ კიდევ ევროკავშირის წევრი იყო. ბრიტანულ დოკუმენტებში მას შეუცვალეს სახელი და გენდერი, თუმცა რუმინეთის ხელისუფლება უარს აცხადებდა ახალი დაბადების მოწმობის გაცემაზე. ევროკავშირის სასამართლომ ლუქსემბურგში რუმინეთის ეს ქმედება უკანონოდ ცნო.  

ირანის სულიერმა ლიდერმა, აიათოლა ალი ხამენეიმ 1-ელ ოქტომბერს ისრაელზე განხორციელებული თავდასხმა შეაქო და მას „სრულიად კანონიერი“ უწოდა. ამის შესახებ მან იმამ ხომეინის მოსალას მეჩეთში სიტყვით გამოსვლის დროს თქვა. ხამენეის თქმით, ეს იყო „მინიმალური სასჯელი“ ისრაელისთვის მისი „დანაშაულებისთვის“. მან თქვა, რომ ისრაელის რეჟიმი „ვამპირია“, აშშ-ი კი, „ცოფიანი ძაღლი“. სიტყვით გამოსვლისას, ირანის სულიერმა ლიდერმა კიდევ ერთხელ განაცხადა, რომ თეირანი ისრაელის წინააღმდეგ „ძალითა და სიმტკიცით“ იმოქმედებს. მან ორჯერ გაუსვა ხაზი, რომ ირანი „არ იყოყმანებს“ და „საკითხს შემდეგისთვის არ გადადებს“, როდესაც საქმე ისრაელს ეხება. თავისი გამოსვლის პირველ ნაწილში, რომელიც სპარსულ ენაზე წარმოთქვა, ხამენეიმ ხაზი…

საფრანგეთის პრეზიდენტმა ემანუელ მაკრონმა განაცხადა, რომ ევროკავშირი ეგზისტენციალური კრიზისის წინაშე დგას, რადგან ის ეკონომიკური წარმოებისა და ინვესტიციების მოცულობით აშშ-სა და ჩინეთს ჩამორჩება. სტატიას Politico აქვეყნებს. მაკრონი ამტკიცებს, რომ 27 ქვეყნისგან შემდგარი ბლოკი მოწყვლად მდგომარეობაშია ზედმეტი რეგულაციების, არასაკმარისი ინვესტიციებისა და შიდა განხეთქილებების გამო. „ევროკავშირი შესაძლოა მოკვდეს, ჩვენ ძალიან მნიშვნელოვანი მომენტის ზღვარზე ვიმყოფებით“, – ციტირებს გამოცემა მაკრონს. „ჩვენი წინა მოდელი დასრულდა. ჩვენ ძალიან ვერევით რეგულაციებში და არასაკმარის ინვესტიციებს ვდებთ. თუ ჩვენს კლასიკურ დღის წესრიგს მივყვებით, უახლოეს ორ-სამ წელიწადში ბაზრის დატოვება მოგვიწევს“, – დასძინა საფრანგეთის პრეზიდენტმა. მაკრონმა ევროკავშირის საერთო ბაზრის გაღრმავების საჭიროებას გაუსვა…

ჰეზბოლას ლიდერი ჰასან ნასრალა დროებით ფარულ ადგილას დაკრძალეს. გადაწყვეტილების მიღება განპირობებული იყო შიშით, დაკრძალვის ცერემონია ისრაელისთვის ახალი სამიზნე არ გამხდარიყო. „ჰასან ნასრალა დროებით დაკრძალეს ვიდრე გარემოებები არ მოგვცემს საშუალებას, რომ საჯარო დაკრძალვის ცერემონია ჩავატაროთ“, – განაცხადა „ტელეგრაფთან“ საუბარში დაჯგუფების ერთ-ერთმა წევრმა. ცნობისთვის, ჰასან ნასრალა 27 სექტემბერს, ბეირუთის სამხრეთ უბანში ისრაელის მიერ განხორციელებული ავიაიერიშის დროს მოკლეს.

,,ძალიან დიდი მადლობა მინდა გადავუხადო ჩემს გუნდს ამერიკის საელჩოში, ჩვენს ადგილობრივ თანამშრომლებს საქართველოში და ამერიკელ თანამშრომლებს, რომლებიც ძალიან მჭიდროდ მუშაობენ ერთად. ჩვენ ვართ ერთი გუნდი, ამერიკის შეერთებული შტატების საელჩოში გვაქვს ერთი მისია და ვმუშაობთ შეუფერხებლად, ერთად და უკიდურესად ამაყი ვარ მათ მიერ ჩატარებული სამუშაოთი”, – ამის შესახებ ამერიკის შეერთებული შტატების ელჩმა რობინ დანიგანმა „საარჩევნო კომპასი საქართველო 2024“-ის პრეზენტაციაზე სიტყვით გამოსვლისას განაცხადა. როგორც მან აღნიშნა, აშშ მოხარული იქნება იმუშაოს ინკლუზიური გზით ჩატარებული თავისუფალი და სამართლიანი არჩევნების შედეგად არჩეულ ნებისმიერ დემოკრატიულ ხელისუფლებასთან. „ძალიან კრიტიკულია, ამომრჩეველს ხმის მიცემისას ესმოდეს, რომ მათ დანამდვილებით იციან,…

ბერლინში საპროტესტო აქციაზე ათასობით დემონსტრანტმა გერმანიის მთავრობას უკრაინისთვის სამხედრო დახმარების შეწყვეტა მოსთხოვა. Deutsche Welle-ს ცნობით, ორგანიზატორები აცხადებენ, რომ აქციაში 40 ათასზე მეტმა ადამიანმა მიიღო მონაწილეობა, რომელთა ნაწილიც გერმანიის ნატოდან გასვლასაც ითხოვდა. პოლიციაში კი დემონსტრანტთა ზუსტს რიცხვს არ ასახელებენ. აქციის მონაწილეები მიიჩნევენ, რომ გერმანის ხელისუფლება კიევისთვის იარაღის მიწოდებით კანონმდებლობას არღვევს; სამხედრო დახმარება კი უკრაინაში საბრძოლო მოქმედებების გახანგრძლივებას ემსახურება. აქციის მონაწილეებმა უკრაინასა და ახლო აღმოსავლეთში გაჩაღებული ომების გამო დასავლეთის ქვეყნები გააკრიტიკეს და მათი ლიდერებისგან გლობალური კონფლიქტების დიპლომატიური გზით მოგვარება მოითხოვეს.

,,დემოკრატიები ოპოზიციას არ კრძალავენ”, – აშშ-ის საელჩო ოფიციალურ ფეისბუქ-გვერდზე მორიგ განცხადებას ავრცელებს და ხელისუფლების ერთ-ერთ მთავარ დაპირებას ეხმაურება, რომლის მიხედვითაც, საკონსტიტუციო უმრავლესობის მოპოვების შემთხვევაში, ოპოზიციური პოლიტიკური პარტიების ,,პასუხისმგებლობის” საკითხს დააყენებს.

კიმ ჩენ ინი აცხადებს, რომ თუ ქვეყნის სუვერენიტეტს საფრთხე დაემუქრება, ფხენიანი უყოყმანოდ გამოიყენებს ბირთვულ იარაღს სამხრეთ კორეის წინააღმდეგ. ჩრდილოეთ კორეის ლიდერმა მწვავედ გააკრიტიკა სეულის პრეზიდენტი, რომელმაც რამდენიმე დღის წინ ჩრდილოეთ კორეის რეჟიმის შეცვლის აუცილებლობაზე ისაუბრა. „თუ ასეთ ვითარებაში აღმოვჩნდით, სეულისა და კორეის რესპუბლიკის მუდმივი არსებობა შეუძლებელი იქნება“, – განაცხადა ინმა. კიმ ჩენ ინის კომენტარი სამხრეთ კორეის პრეზიდენტის, იუნ სოკ იოლის განცხადებას მოჰყვა, რომელმაც აღნიშნა, რომ ფხენიანის მიერ ბირთვული იარაღის გამოყენება „ჩრდილოეთ კორეის რეჟიმის დასასრულს გამოიწვევს“ და მეზობელ ქვეყანას სეული, აშშ-სა და მისი მოკავშირეების მხრიდან მტკიცე პასუხს დაჰპირდა.