თვე: აგვისტო 2024

“2008 წლის ომთან დაკავშირებული ყველა ისტორიული საქმე სტრასბურგისა და ჰააგის სასამართლოებში საქართველოს სასარგებლოდ დასრულდა”- ამის შესახებ, საქართველოს იუსტიციის სამინისტროს მიერ გავრცელებულ ინფორმაციაშია აღნიშნული. როგორც განცხადებაში ვკითხულობთ, ევროპული სასამართლოს მიერ დადასტურებულია, რომ აფხაზეთი და ცხინვალის რეგიონი საქართველოს განუყოფელი ნაწილია და ოკუპირებულია რუსეთის მიერ. „2008 წლის აგვისტოს ომის საქმესთან დაკავშირებით ევროპული სასამართლოს მიერ დადასტურებულია, რომ: აფხაზეთი და ცხინვალის რეგიონი საქართველოს განუყოფელი ნაწილია და ოკუპირებულია რუსეთის მიერ; რუსეთის ფედერაცია, როგორც ოკუპანტი სახელმწიფო, პასუხისმგებელია ეთნიკურად ქართველი მოსახლეობის უფლებების მასობრივ დარღვევაზე; 2008 წლის აგვისტოს ომის საქმეზე სტრასბურგის სასამართლომ რუსეთს 130 მილიონამდე ევროს გადახდის ვალდებულება დააკისრა…

“ამერიკასთან ასეთი მნიშვნელოვანი კავშირის გაწყვეტა წარმოადგენს ქვეყნის პირდაპირ ღალატს – მიუღებელი ისაა, როცა შენი ხელისუფლება, შეგნებულად და დაჟინებით ანგრევს და ანადგურებს ჩვენი წარმატების ყველა სფეროს”- ამის შესახებ საქართველოს პრეზიდენტი სალომე ზურაბიშვილი სოციალურ ქსელში წერს და ეხმაურება აშშ-ის CDC-ის მიერ საქართველოში პროგრამების შეჩერებას. პრეზიდენტი ამბობს, რომ  მსოფლიოში გაზრდილი ინფექციური ეპიდემიების საფრთხის ფონზე, საქართველოს ხელისუფლება შეგნებულად უკიდურეს მდგომარეობაში აყენებს ყველა იმ ლაბორატორიას და პროგრამას, რომლის გარეშე სრულიად დაუცვლელი ვრჩებით. „ლუგარის ლაბორატორიის და ამერიკელ ექსპერტების, ამერიკის დაავადებათა ცენტრის (CDC), ეროვნულ ჯანდაცვის ინსტიტუტის (NIH) ღვაწლი ჩვენი მოქალაქეების სიცოცხლის გადარჩენისა და უსაფრთხოებისთვის ვერც გაიზომება. მადლობის…

ოკუპირებული აფხაზეთის ე.წ. “საგარეო საქმეთა მინისტრის” სერგეი შამბას განცხადებით, ოჩამჩირეში რუსული სამხედრო-საზღვაო ბაზის გახსნა არ იგეგმება. ამის შესახებ, მან“რია ნოვოსტს”განუცხადა. “რაც შეეხება ოჩამჩირის პორტს, საუბარი არაა იქ სამხედრო-საზღვაო ბაზის გახსნაზე” – აღნიშნა შამბამ. მისი თქმით, ოკუპირებულ აფხეზეთსა და რუსეთს შორის არსებობს მრავალ გეგმური “სახელმწიფოთაშორისი” თანამშრომლობა და მისი ერთ-ერთი უმნიშვნელოვანესი ნაწილი უსაფრთხოების სფეროში თანამშრომლობაა.

,,სამწუხაროდ, დღემდე ვერ მივაღწიეთ, რომ ევროკავშირისგან მკაფიოდ ითქვას ოკუპაცია”, – ამის შესახებ პარლამენტის თავმჯდომარემ შალვა პაპუაშვილმა, ჟურნალისტებთან ისაუბრა. მისი თქმით, „ქართული ოცნების“ ხელისუფლების დამსახურებაა ის, რომ რეზოლუციებში სიტყვა – ოკუპაცია გაჩნდა. „ვხედავთ, რომ ბოლო რამდენიმე განცხადებაში ნათქვამი არის თვითგამოცხადებული, ოკუპირებული ტერიტორიები. მაინც რაღაც დანამატით არის. და ესეც ახლა, რამდენიმე თვის წინ გამოჩნდა. ჩვენი, მათ შორის პარლამენტის მუშაობის შედეგი არის, რომ აღიარებული იყოს ოკუპაცია ოკუპაციად. ამ წლების განმავლობაში ევროკავშირი ოკუპაციასაც კი არ ეძახდა ამ მოვლენას, რასთანაც გვაქვს საქმე, როდესაც ჩვენს ორ რეგიონში რუსეთის რეგულარული ჯარები დგას“, – განაცხადა შალვა პაპუაშვილმა.  

,,12 წელია ჩვენ გვაქვს უწყვეტი მშვიდობიანი პერიოდი საქართველოში. მადლობა ღმერთს, არ დაგვიკარგავს ტერიტორიები, არ გვქონია ომი და ვახერხებთ ამ ოკუპაციის პირობებში, ურთულეს გეოპოლიტიკურ ვითარებაში, რომ ერთის მხრივ, შევინარჩუნოთ მშვიდობა და მეორეს მხრივ, ჩვენი გონივრული ნაბიჯებით, მშვიდობიანი პოლიტიკით, მოვახერხოთ ჩვენი ქვეყნის დეოკუპაცია”, – ამის შესახებ „ქართული ოცნების“ თავმჯდომარემ, ირაკლი ღარიბაშვილმა ჟურნალისტებს განუცხადა. „მადლიერი ვართ ჩვენი დასავლელი პარტნიორების, მეგობრების მიმართ, რომლებიც ურყევად უჭერენ მხარს ჩვენი ქვეყნის სუვერენიტეტს და ტერიტორიულ მთლიანობას, ასევე მხარს გვიჭერენ არაღიარების პოლიტიკის ნაწილში, მაგრამ ვნახეთ, რომ ომის შემდეგ რუსეთმა ბაზებიც განათავსა, დასავლეთმა გააგრძელა ვაჭრობა და ურთიერთობა ისე, როგორც მანამდე…

უკრაინამ მექსიკას მიმართა თხოვნით, დააპატიმროს პუტინი, თუ ის პირველ ოქტომბერს პრეზიდენტის, კლაუდია შეინბაუმის ინაუგურაციაზე ჩავა. უკრაინის საელჩო მექსიკაში ამბობს, რომ ინაუგურაციაზე მიიწვიეს ყველა ქვეყნის წარმომადგენელი, ვისთანაც დიპლომატიური ურთიერთობა აქვთ, მაგრამ ქვეყანას შეახსენა, რომ სისხლის სამართლის საერთაშორისო სასამართლოს გაცემული აქვს პუტინის დაპატიმრების ორდერი. ,,ვიმედოვნებთ, რომ მექსიკის მთავრობამ იცის ის ფაქტი, რომ ვლადიმერ პუტინი არის სამხედრო დამნაშავე, რომელიც ეჭვმიტანილია უკრაინელი ბავშვების რუსეთში გატაცებაში და იძულებით დეპორტაციაში, რომლის დაკავების ორდერი გაცემულია სისხლის სამართლის საერთაშორისო სასამართლოს მიერ, რომლის იურისდიქცია მოქმედებს მექსიკაში”, – ნათქვამია განცხადებაში. საელჩო დარწმუნებულია, რომ მექსიკის მთავრობა აღასრულებს პუტინის დაკავების საერთაშორისო ორდერს.

თბილისის მერი კახა კალაძე მედიასთან 2008 წლის აგვისტოს ომის მეთექვსმეტე წლისთავს გამოეხმაურა. მისი შეფასებით, „ქართული ოცნების“ მიერ პრაგმატული პოლიტიკის განხორციელების შედეგად, ქვეყნის გამთლიანება და ტერიტორიების დაბრუნება შესაძლებელია. „16 წელი გავიდა იმ უბედურებიდან, რაც ჩვენს ქვეყანას თავს დაატყდა. ამ ომის შედეგად, ქვეყანამ დაკარგა ტერიტორიები, მშვიდობიანი მოქალაქეები, გმირი ჯარისკაცები. მძიმეა ეს ყველაფერი, ჭრილობები, რომელიც ჯერაც არ მოუშუშებია ჩვენს ქვეყანას, თუმცა მჯერა, რომ იმ პრაგმატული პოლიტიკით, რაც „ქართულ ოცნებას“ აქვს, შესაძლებელია ტერიტორიების დაბრუნება, ქვეყნის გამთლიანება. ეს არის თითოეული ქართველის ოცნება. ყველაფერი უნდა გავაკეთოთ იმისთვის, რომ ქვეყნის ტერიტორიული მთლიანობა აღდგეს არა ომით, არამედ წინსვლით,…

„ანაკლიის პორტის პროექტი თავიდანვე მარცხისთვის იყო განწირული და ხაზარაძე-ჯაფარიძემ ბოლომდე მიყვანა ვერ შეძლეს“, – ამის შესახებ დედაქალაქის მერმა, კახა კალაძემ მედიასთან ისაუბრა. როგორც მან აღნიშნა, აღნიშნულ პროექტს საფრთხე არ ემუქრება და ის აუცილებლად განხორციელდება. „ანაკლიის პორტის პროექტს საფრთხე არ ემუქრება. ის აუცილებლად განხორციელდება. აღნიშნულ პროექტს საფრთხე ემუქრებოდა მაშინ, როდესაც მამუკა ხაზარაძისა და ბადრი ჯაფარიძის ხელში იყო. თავიდანვე ძალიან ბევრი კითხვა არსებობდა. იყო საუბარი იმაზე, რომ ეს ადამიანები ამ პროექტის განხორციელებას ვერ შეძლებდნენ და ყველაფერი მარცხისთვის იყო განწირული. მიუხედავად ამისა, ხელისუფლებამ რამდენჯერმე გადავადება გაუკეთა. მისცა შესაძლებლობა, რომ ეს პროექტი ბოლომდე მიეყვანათ.…

,,თარიღთან დაკავშირებული მანიპულაციით, ისინი ცდილობენ თავი დააღწიონ იმ ბრალდებებს, რომლებიც საზოგადოებას აქვს მათთან”, – ამის შესახებ პარლამენტის ვიცე-სპიკერმა არჩილ თალაკვაძემ ისაუბრა. მისი თქმით, „ნაცმოძრაობა“ ის ძალაა, რომელმაც ომის დასრულებიდან მალევე, მხარი დაუჭირა ევროსაბჭოს რეზოლუციას, სადაც საქართველოს საწინააღმდეგო დებულებები იყო შეტანილი. „ბრძოლის ველზე ჯარისკაცების მიტოვება, ეს არის საკუთარი მოსახლეობის მიტოვება საომარ ზონაში, იარაღის ჩაბარება და შემდგომი ნაბიჯები, მათ შორის ევროსაბჭოს რეზოლუციის მხარდაჭერა, სადაც აბსოლუტურად ჩვენი ქვეყნის საწინააღმდეგო დებულებებს მოეწერა ხელი“, – განაცხადა არჩილ თალაკვაძემ.