დღე: აგვისტო 21, 2024

შინაგან საქმეთა სამინისტროს სასაზღვრო პოლიციის თანამშრომლებმა, ახალციხის სამმართველოს სასაზღვრო სექტორ „ჭარალის“ დასაცავ მონაკვეთზე ჩატარებული ოპერატიულ-საგამოძიებო ღონისძიების შედეგად, უცხო ქვეყნის 5 მოქალაქე: 1978 წელს დაბადებული მ. ა., 1972 წელს დაბადებული ა. ო., 1990 წელს დაბადებული ვ. ბ., 1988 წელს დაბადებული უ. ფ. და 1992 წელს დაბადებული ჯ.ო. საქართველოს სახელმწიფო საზღვრის უკანონოდ, ჯგუფურად გადაკვეთის და საქართველოს სახელმწიფო საზღვრის უკანონოდ გადაკვეთაში დახმარების ფაქტებზე დააკავეს. ,,გამოძიებამ დაადგინა რომ მ.ა.-მ და ა.ო.-მ სასაზღვრო-საკონტროლო გამტარი პუნქტის გვერდის ავლით, თურქეთის რესპუბლიკიდან საქართველოს მიმართულებით, უკანონოდ, ჯგუფურად, გადმოკვეთეს საქართველოს სახელმწიფო საზღვარი. ხოლო, ბრალდებულების ვ.ბ.-ს და უ.ფ.-ს დახმარებით, ჯ.ო.-მ, თურქეთის…

მეტი...

გუშინ ცნობილი გახდა, რომ 17 აგვისტოს გალის რაიონის სოფელ ოტობაიაში მცხოვრები ძმები, მურთაზ და რუსლან ჭითანავები საოკუპაციო ძალებმა საკუთარ სახლში დააკავეს და სოხუმის იზოლატორში გადაიყვანეს. დაკავებულია მესამე პირიც, არჩილ სექანია. საოკუპაციო რეჟიმი მათ სხვადასხვა ბრალდებებს უყენებს, მათ შორის, მოქალაქეების უკანონო გზით გადაყვანას ე.წ. საზღვარზე. ოკუპირებული აფხაზეთის ე.წ. ,,მილიცია” ამტკიცებს, რომ ჩხრეკის შედეგად ნაპოვნია ასაფეთქებელი მოწყობილობები და ხელყუმბარებიც. ,,5 დღის წინ მოხდა, ესენი ზუსტად “საზღვარზე” ცხოვრობენ. შევარდნილან რუსები, ამათ დიდი ძაღლი ჰყავთ და ამათ თვალწინ მოუკლავთ, მერე ბიჭები უცემიათ სასტიკად. სახლში ყველაფერი დალეწეს. ხელყუმბარები და ასაფეთქებლები სისულელეა, ჩაუდეს ყველაფერი, არაფერი არ…

მეტი...

თბილისის მერიის ინფორმაციით, იუსტიციის სახლის წინ არსებული საფეხმავლო ხიდის დემონტაჟი რამდენიმე დღეში დასრულდება. ხიდის დემონტაჟის საჭიროება დღის წესრიგში ექსპერტიზის დასკვნის შედეგად დადგა, რომლის თანახმადაც, ხიდი ავარიულ მდგომარეობაში იყო. ,,საქართველოს ტექნიკური უნივერსიტეტის ხიდსაცდელი ცენტრის დასკვნაში მითითებულია, რომ კონსტრუქციაზე მრავლად შეინიშნება მნიშვნელოვანი დაზიანება-დეფექტები. ასევე, აღნიშნულია, რომ მშენებლობის პროცესშივე არასწორად და არასრულყოფილად მოეწყო წყალმომცილებელი სისტემა, სავალი ნაწილი, მოაჯირები, კიბეები და სხვა დეტალები. ამასთან, დასკვნაში პირდაპირ არის მითითებული, რომ ხიდის ამ სახით ექსპლუატაცია დაუშვებელია და საჭიროებს ძირეულ რეაბილიტაცია-რეკონსტრუქციას, რაც ფაქტობრივად, ნაგებობის სრულ დემონტაჟს და ახლის მშენებლობას გულისხმობს”, – ნათქვამია მერიის მიერ გავრცელებულ ინფორმაციაში.

მეტი...

შინაგან საქმეთა სამინისტროს თანამშრომლებმა, ბოლო პერიოდში ჩატარებული ოპერატიული ღონისძიებებისა და საგამოძიებო მოქმედებების შედეგად, თბილისსა და რეგიონებში უკანონო ცეცხლსასროლი იარაღები და საბრძოლო მასალა ამოიღეს – დაკავებულია 8 ადამიანი.  ინფორმაციას შინაგან საქმეთა სამინისტრო ავრცელებს. მათი ცნობით, ცეცხლსასროლი იარაღისა და საბრძოლო მასალის უკანონო შეძენა-შენახვისა და ტარების ფაქტებზე გამოძიება, საქართველოს სისხლის სამართლის კოდექსის 236-ე მუხლის მე-3, მე-4 და მე-6 ნაწილებით მიმდინარეობს. დანაშაული 3-დან 11 წლამდე ვადით თავისუფლების აღკვეთას ითვალისწინებს.    

მეტი...

სამტრედიაში, 72 წლის ქალის მკვლელობაში ბრალდებული, 36 წლის კაცი დააკავეს. ,,შინაგან საქმეთა სამინისტროს იმერეთის პოლიციის დეპარტამენტის თანამშრომლებმა, გატარებული ოპერატიულ-სამძებრო ღონისძიებებისა და საგამოძიებო მოქმედებების შედეგად, განზრახ მკვლელობის ბრალდებით, 1988 წელს დაბადებული, წარსულში ნასამართლევი, გ.მ. დააკავეს. გამოძიებით დადგინდა რომ, ბრალდებულმა სამტრედიაში, მეზობელ ქალს – 1952 წელს დაბადებულ ნ.ხ.-ს ცივი იარაღით სასიკვდილო დაზიანებები მიაყენა და შემთხვევის ადგილიდან მიიმალა. ჩატარებული საგამოძიებო მოქმედებების შედეგად სამართალდამცველებმა ბრალდებული ცხელ კვალზე დააკავეს”, – ნათქვამია განცხადებაში. განზრახ მკვლელობის ფაქტზე გამოძიება საქართველოს სისხლის სამართლის კოდექსის 108-ე მუხლით მიმდინარეობს. დანაშაული 10-დან 15 წლამდე ვადით თავისუფლების აღკვეთას ითვალისწინებს. შეგახსენებთ, რომ მკვლელობა გუშინ…

მეტი...

საქართველოში მიწისძვრა მოხდა. ინფორმაციას სეისმური მონიტორინგის ეროვნული ცენტრი ავრცელებს და წერს, რომ მიწისქვეშა ბიძგები თბილისის დროით 18:27 საათზე დაფიქსირდა. ეპიცენტრი ქალაქი ონიდან აღმოსავლეთით, 7 კილომეტრში, სოფელ სხანართან იყო, მიწისძვრის სიმძლავრე კი 4 მაგნიტუდას შეადგენდა.

მეტი...

დე-ფაქტო აფხაზურმა მხარემ საქართველოს ორი მოქალაქე, გალის რაიონის სოფელ ოტობაიაში მცხოვრები მურთაზ და რუსლან ჭითანავები დააკავა. ადგილობრივების თქმით, სეპარატისტულმა რეჟიმმა ისინი 17 აგვისტოს აიყვანა და მათ 2-თვიანი წინასწარი პატიმრობა უკვე მიუსაჯეს. ისინი სოხუმის იზოლატორში არიან გადაყვანილები. ძმებ ჭითანავებს საოკუპაციო რეჟიმი ოკუპირებულ ტერიტორიაზე მოქალაქეების უკანონო გზით გადაყვანას ედავება. ასევე, ოკუპირებული აფხაზეთის ე.წ. ,,მილიცია” ამტკიცებს, რომ ჩხრეკის შედეგად ნაპოვნია ასაფეთქებელი მოწყობილობები და ხელყუმბარებიც. ოკუპირებული აფხაზეთის მხარე ამბობს, რომ აღნიშნულ პირებს საქართველოს კონტროლირებადი ტერიტორიიდან ოკუპირებული აფხაზეთის მიმართულებით და პირიქით, თანხის სანაცვლოდ გადაჰყავდათ ადამიანები, რომლებსაც ამის შესაძლებლობა მოუწესრიგებელი დოკუმენტების გამო არ ჰქონდათ.

მეტი...