დღე: აგვისტო 13, 2024

ბელგოროდის ოლქის კრასნოიარუჟსკის რაიონის 11 ათასზე მეტმა მცხოვრებმა, ოპერაციული სიტუაციიდან გამომდინარე, თავიანთი დასახლებები დატოვა. ამის შესახებ ოლქის გუბერნატორმა, ვიაჩესლავ გლადკოვმა განაცხადა. „ახლა ათასამდე ადამიანი იმყოფება დროებითი განსახლების ცენტრებში, ისინი უზრუნველყოფილნი არიან კვებით, საწოლებით, პირველადი მოხმარების ნივთებით“ – განაცხადა მან.

„როიტერის“ ინფორმაციით,  თურქეთის სასამართლომ სიძულვილის წაქეზებისა და პრეზიდენტის შეურაცხყოფის ბრალდებით ერთი ადამიანი დაკავების ბრძანება გასცა. სააგენტოს ცნობით, ბრალდებულმა გააკრიტიკა სოციალური ქსელის, „ინსტაგრამის“ აკრძალვა.  გარდა ამისა, მან გააკრიტიკა თურქეთის პრეზიდენტი რეჯეფ თაიფ ერდოღანი და ისინი, ვინც მხარს უჭერდა სოც-ქსელის აკრძალვას. ცნობისთვის, თურქეთმა „ინსტაგრამზე“ წვდომა 2 აგვისტოს სოციალური მედიის „კანონებისა და წესების“ დარღვევის გამო აკრძალა.  

ირანის საგარეო საქმეთა სამინისტროში აცხადებენ, რომ თეირანის მიმართ საფრანგეთის, გერმანიისა და დიდი ბრიტანეთის მოწოდებებს პოლიტიკური ლოგიკა არ გააჩნია და საერთაშორისო სამართლის ნორმებს ეწინააღმდეგება. „საფრანგეთი, გერმანია და დიდი ბრიტანეთი თავხედურად მოითხოვენ ირანისგან, არ უპასუხოს ისრაელის მიერ მისი სუვერენიტეტისა და ტერიტორიული მთლიანობის დარღვევას და დატოვოს სიონისტური რეჟიმის დანაშაულები, ყოველგვარი წინააღმდეგობის გარეშე“- განაცხადა უწყების სპიკერმა, ნასერ ქანაანმა. ქანაანი მოუწოდებს საფრანგეთს, გერმანიას და დიდ ბრიტანეთს ერთხელ და სამუდამოდ შეეწინააღმდეგონ ღაზაში მიმდინარე ომს. „გაერო-ს უშიშროების საბჭოს უმოქმედობა და დასავლეთის ქვეყნების მიერ სიონისტური რეჟიმის მხარდაჭერა, ღაზის სექტორში კრიზისის რეგიონული გაფართოების მთავარ ფაქტორებს წარმოადგენს“ – აღნიშნა მან.…

„ბიბისის“ ინფორმაციით, ათენის გარეუბანში ტყის ხანძრის შედეგად ერთი ადამიანი დაიღუპა. ხანძრების შედეგად შექმნილი რთული სიტუაციის გამო ათასობით ადამიანი ევაკუირებულია. ხანძრის სალიკვიდაციო სამუშაოებში 700-ზე მეტი მეხანძრე, 199 სახანძრო მანქანა და 35 თვითმფრინავია ჩართული. ევროპულმა ქვეყნებმა განაცხადეს, რომ მზად არიან, საბერძნეთს დაეხმარონ. „ბიბისის“ ინფორმაციით, იტალია საბერძნეთს ორ თვითმფრინავს მიაწვდის, ხოლო საფრანგეთი და სერბეთი – თითო ვერტმფრენს. ესპანეთი, ჩეხეთი და რუმინეთი გააგზავნიან დამატებით მანქანებს, პერსონალსა და სხვადასხვა სახის დახმარებას. თურქეთი კი გეგმავს ორი თვითმფრინავისა და ვერტმფრენის გაგზავნას. საბერძნეთში ტყის ხანძარი 11 აგვისტოს გაჩნდა. სტიქიასთან ბრძოლას გვალვა, ძლიერი ქარი და რელიეფი ართულებს.  

დონალდ ტრამპმა რუსეთის უკრაინაში შეჭრაში აშშ-ის პრეზიდენტი ჯო ბაიდენი დაადანაშაულა. ამის შესახებ, მან ილონ მასკთან ინტერვიუს დროს. ტრამპი ამბობს, ჯო ბაიდენი პრეზიდენტი რომ არ ყოფილიყო, რუსეთი უკრაინაში არ შეიჭრებოდა. „პუტინთან ძალიან კარგი ურთიერთობა მქონდა და ის პატივს მცემდა“- განაცხადა ტრამპმა და აღნიშნა, რომ პუტინთან ხშირად საუბრობდა უკრაინაზე. აშშ-ის ყოფილი პრეზიდენტის თქმით, პუტინთან მის „ძლიერ“ ურთიერთობას შეეძლო კონფლიქტის თავიდან აცილება. „მე პუტინს ვუთხარი, ნუ გააკეთებ ამას, თქვენ არ შეგიძლიათ ამის გაკეთება. ვლადიმერ პუტინმა კი მითხრა – არავითარ შემთხვევაში. რუსეთმა ჩვენთან ერთად დაამარცხა გერმანია და მათ დაამარცხეს ნაპოლეონი. როგორც იცით, ისინი დიდი…

,,კურსკის კატასტროფა პუტინის მმართველობის დასაწყისი იყო, ახლა ვხედავთ, რომ დასასრულიც კურსკია”, – განაცხადა უკრაინის პრეზიდენტმა ვოლოდიმირ ზელენსკიმ. ,,ჩვენ ვხედავთ, რეალურად როგორ მოძრაობს რუსეთი პუტინის დროს – 24 წლის წინ კურსკის კატასტროფა იყო – მისი მმართველობის სიმბოლური დასაწყისი. და ჩვენ ახლა ვხედავთ, რა არის მისთვის დასასრული. ესეც კურსკია, მისი ომის კატასტროფა. ასე ყოველთვის მათ ემართებათ, ვისაც ადამიანები და ნებისმიერი წესები სძულს. რუსეთმა სხვებს ომი მოუტანა, ახლა ეს სახლში ბრუნდება. უკრაინას ყოველთვის სურდა მხოლოდ მშვიდობა და ჩვენ ამას უზრუნველყოფთ”, – აღნიშნა ზელენსკიმ.

,,ოპოზიციის შევიწროებისთვის ,,ოცნება” თაღლითური ქოლ-ცენტრების ქსელიდან მიღებულ შავ ფულს ეყრდნობა”, – წერს ჰელსინკის კომისია X-ზე. ,,თავისი საქმიანობის დასაფინანსებლად და ოპოზიციის შესავიწროებლად „ქართული ოცნება“ მთელ მსოფლიოში მდებარე თაღლითური ქოლ-ცენტრების ქსელიდან მიღებულ შავ ფულს ეყრდნობა. ამ ქოლ-ცენტრების საქმიანობა, რომლებიც ქართველი ხალხის წინააღმდეგ “ქართული ოცნების” ანტიდემოკრატიულ კამპანიას აფინანსებენ, სახელმწიფო დეპარტამენტმა უნდა შეაჩეროს”, – წერს ჰელსინკის კომისია.

კურსკის ოლქის 28 დასახლებას უკრაინის შეიარაღებული ძალები აკონტროლებენ. რეგიონის გუბერნატორის მოვალეობის შემსრულებელმა ალექსეი სმირნოვმა ამის შესახებ უკვე აცნობა პუტინს. სმირნოვის თქმით, უკრაინის ჯარებმა რუსეთის ტერიტორიაზე დაახლოებით 12 კილომეტრის სიღრმეში შეაღწიეს და მათ მიერ კონტროლირებად სოფლებში მცხოვერბ ორი ათასამდე ადგილობრივთან კავშირი არ აქვთ. გუბერნატორის მოვალეობის შემსრულებლის თქმით, კურსკის ოლქიდან 121 ათასი ადამიანი ევაკუირებულია და საჭიროა კიდევ დაახლოებით 180 ათასის ევაკუაცია. გუშინდლიდან ევაკუაციაა ბელგოროდის რაიონშიც. გუბერნატორის, ვიაჩესლავ გლადკოვის ცნობით, მოსახლეობის 50-70%-მა უკვე დატოვა სასაზღვრო ქალაქი შებეკინო. შეგახსენებთ, რომ უკრაინის არმია კურსკის ოლქის ტერიტორიაზე 6 აგვისტოს შევიდა. მას შემდეგ რეგიონში ბრძოლა გრძელდება. სხვადასხვა…

ისრაელმა შეიარაღებული ძალების მაქსიმალური მზადყოფნა გამოაცხადა. მიზეზი ირანისა და ,,ჰეზბოლას” შესაძლო თავდასხმაა. ისრაელის არმიის წარმომადგენლის, დანიელ ჰაგარის განცხადებით, ავიაციამ გააძლიერა პატრულირება ლიბანთან არსებულ საზღვარზე, თუმცა მოსახლეობისთვის ახალი მითითებები ჯერჯერობით არ გაუციათ. იქამდე კი, ისრაელის საჰაერო ძალების მეთაურმა სამხედრო პერსონალისთვის საზღვარგარეთ მოგზაურობის შეჩერების ბრძანება გასცა. ლიბანური მედია იუწყება, რომ ჰეზბოლამ სამხრეთ ბეირუთში თავისი ოფისების ევაკუაცია დაიწყო. იხურება ორგანიზაციის პოლიტიკური შტაბიც. წყაროების ვარაუდით, ეს შესაძლოა ისრაელის საპასუხო თავდასხმის მოლოდინს უკავშირდება. ცნობილია, რომ შეერთებულმა შტატებმა რეგიონში წყალქვეშა ნავი “ჯორჯია” გაგზავნა. აშშ-ის პრეზიდენტი გერმანიის, საფრანგეთის, იტალიისა და დიდი ბრიტანეთის ლიდერებს ესაუბრა და ახლო აღმოსავლეთში…