თვე: ივლისი 2024

იოსებ ბაბაევს აღკკვეთის სახით 1000 ლარიანი გირაო შეეფარდა. გადაწყვეტილება გორის რაიონული სასამართლოს მოსამართლემ, გოგა კუპრეიშვილმა ცოტა ხნის წინ მიიღო. პროკურატურა ბაბაევისთვის 10 000 ლარიან გირაოს ითხოვდა, დაცვის მხარე კი მისი აღკვეთის გარეშე დატოვებას. სამოქალაქო აქტივისტსა და ანტისაოკუპაციო რესტო ბარის მფლობელს, იოსებ ბაბაევს იარაღის უკანონო ფლობას ედავებიან. ბრალი ოფიციალურად მას დღეს წაუყენეს. შეგახსენებთ, რომ იოსებ ბაბაევი 5 ივნისის ღამეს დააკავეს. პოლიციამ მას ჩასაფრება იმ ტერიტორიაზე მოუწყო, რომელიც სათვალთვალო კამერებით არ კონტროლდება. მას იარაღის უკანონო შეძენა-შენახვას ედავებოდნენ, თუმცა უფლებადამცველისა და მეგობრების ინფორმაციით, “მაკაროვი” და “კალაშნიკოვი” მანქანაში ბაბაევს პოლიციელებმა ჩაუდეს.

მეტი...

როგორც საქართველოს ეროვნული ნაკრების კაპიტნმა, გურამ კაშიამ განაცხადა, ის ფეხბურთიდან წასვლას არ აპირებს. ფეხბურთელი ქართველ ქომაგებს თანადგომისთვის მადლობას უხდის. ,,ძალიან დიდი მადლობა უნდა ვუთხრა ქართველ ხალხს, რომელმაც ასეთი სიყვარული, სიამოვნება გვაჩუქა – მთელი ცხოვრება გვემახსოვრება ფეხბურთელებს. მიხარია, რომ საქართველოს ასეთი პატრიოტი ხალხი ჰყავს, ასე უყვართ თავიანთი ქვეყანა, როგორც ჩვენ, ფეხბურთელებს. მგონია, რომ თითოეულმა ადამიანმა თავისი წვლილი ჩადო ამ წარმატებაში და ვფიქრობ, ეს არის ყელა ქართველის წარმატება. მართლა ისე ვგრძნობთ ფეხბურთელები თავს, რომ თითქოს ევროპის ჩემპიონატიდან გამარჯვებულები დავბრუნდით. ხალხს იმედი დაუბრუნდა და იმედია, რომ ეს ყველაფერი დასაწყისი იქნება. ნამდვილად არ მივდივარ,…

მეტი...

გორის რაიონულ სასამართლოში სამოქალაქო აქტივისტის და ბიზნესმენის, იოსებ ბაბაევის პროცესი იწყება. პროკურატურა, რომელიც მას იარაღის უკანონო ფლობას ედავება, ბაბაევისთვის აღკვეთის ღონისძიების სახით 10 000 ლარიან გირაოს ითხოვს, დაცვის მხარე კი აღკვეთის გარეშე დატოვებას. საქმეს გორის რაიონული სასამართლოს მოსამართლე, გოგა კუპრეიშვილი განიხილავს. ანტისაოკუპაციო ,,რესტო ბარის” დამფუძნებელს პროკურატურა ბრალი ოფიციალურად დღეს წარუდგინა. ბრალდებული ამტკიცებს, რომ მას იარაღი პოლიციამ ჩაუდო. გორის სასამართლოს მოსამართლემ, ლევან დარბაიძემ ბაბაევის ჩხრეკა უკანონოდ ცნო, თუმცა, სააპელაციომ ეს საქმე სამოქალაქო აქტივისტის წინააღმდეგ შემოატრიალა და გადაწყვეტილება ნაწილობრივ შეცვალა. სააპელაციო სასამართლოს მოსამართლემ აქტივისტის მანქანის ჩხრეკა კანონიერად ცნო.

მეტი...

საქართველოს პროკურატურამ ორგანიზებული ჯგუფის მიერ, ე.წ. ქოლ-ცენტრის მეშვეობით მართლსაწინააღმდეგო მისაკუთრების მიზნით სხვისი დიდი ოდენობით თანხის მოტყუებით დაუფლების ფაქტზე ორი პირს ბრალდება წარუდგინა. ,,ფინანსთა სამინისტროს საგამოძიებო სამსახურის მიერ ჩატარებული გამოძიებით დადგენილია, რომ ორგანიზებული ჯგუფის წევრებმა ე.წ. ქოლ-ცენტრი ჩამოაყალიბეს, რომლის ფუნქციონირებისთვის ელექტრონული სავაჭრო პლატფორმა შექმნეს. ბრალდებულები გამოგონილი სახელებით უკავშირდებოდნენ უცხო ქვეყნის მოქალაქეებს, უქმნიდნენ მათ სანდო საინვესტიციო კომპანიის შთაბეჭდილებას და მოგების მიღების მიზნით, ფულადი თანხების ინვესტირებას სთავაზობდნენ, რასაც შემდგომ თაღლითურად ეუფლებოდნენ. გამოძიების ამ ეტაპზე დადგენილია, რომ აღნიშნული დანაშაულებრივი ქმედების შედეგად, ორგანიზებული ჯგუფის წევრები ავსტრალიის მოქალაქის კუთვნილ 340 000 ლარზე მეტი ოდენობის თანხას თაღლითურად…

მეტი...

დავით ქაცარავა დაკითხვაზე სასამართლოშია დაბარებული. ჯერჯერობით, უცნობია რა დარღვევას ედავებიან სამართალდამცავები. ,,გუშინ მომივიდა შეტყობინება სასამართლოდან : 5 ივლისს ქოცრეჟიმი მასამართლებს იმისთვის, რომ 14 მაისს სადამსჯელო რაზმმა გამიტაცა და ჩამიტარა ეგზეკუცია. ალბათ, მოიყვანენ პოლიციელებს და ტრადიციულად ათქმევინებენ, რომ სამხრე კამერები გათიშული იყო და აი ზუსტად მაგ დროს დედის რძე ვაგინე მათ. რაც გამიკეთეს ამ ჯალათებმა, კი იყვნენ ამისთვის საგინებლები, მაგრამ მართლა არ მიგინებია. არც შარდი შემისხამს მათთვის(საბურთალოს გამგეობის თანამშრომელმა სცადა ამ ჭორის გავრცელება. მოკლედ, 5 ივლისს შაპიტოს მორიგი სხდომა გაიმართება. ფოტოს კი შეხსენებისთვის ვამატებ, თუ რისთვის უნდა გამასამართლონ ამ რუსის მონებმა.…

მეტი...

,,საქართველოს ეროვნულ ნაკრებს ამაღელვებლად ქომაგობდნენ ჩვენი სომეხი ძმები, რაც ძალიან გვახარებს, ძალიან ვაფასებთ თქვენს მხარდაჭერას”, – ამის შესახებ საქართველოს საგარეო საქმეთა მინისტრმა, ილია დარჩიაშვილმა სომხეთის საგარეო საქმეთა მინისტრთან, არარატ მირზოიანთან ერთად გამართული ბრიფინგისას განაცხადა. მისი თქმით, იმედოვნებს, რომ საქართველო და სომხეთი შეძლებენ, ფეხბურთში 20-წლამდელთა მსოფლიო ჩემპიონატს წარმატებით უმასპინძლონ. „დიდი პატივია, ჩემს ძვირფას კოლეგას და მეგობარს საქართველოში ოფიციალური ვიზიტით ვუმასპინძლო. თქვენი ვიზიტი დაემთხვა საქართველოსთვის ძალიან საამაყო დღეებს, ჩვენმა ეროვნულმა საფეხბურთო ნაკრებმა ევროპის ჩემპიონატზე ისტორიულ შედეგებს მიაღწია, საქართველოს ეროვნულ ნაკრებს ამაღელვებლად ქომაგობდნენ ჩვენი სომეხი ძმები, რაც ძალიან გვახარებს. ჩვენ ძალიან ვაფასებთ თქვენს…

მეტი...

გელათის სამონასტრო კომპლექსში სარეაბილიტაციო სამუშაოები გრძელდება. ვიზიტორებისთვის დაწესებული შეზღუდვების შემდეგ, პირველი კომენტარი გაკეთდა. ტაძრის რეაბილიტაციის დროებითი კომიტეტის თავმჯდომარის მოადგილემ მამა კირიონმა ამ ეტაპზე მიმდინარე სამუშაოებზე ისაუბრა. მამა კირიონის თქმით, მიმდინარეობს დროებით გადახურვის სამუშაოები. მისივე ინფორმაციით, გერმანული კომპანიის მიერ სპეციალურად შეიქმნა მასალები და სამუშაოებსაც გერმანელი სპეციალისტი განახორციელებენ, რომლებიც ტაძარში უახლოეს დღეებში ჩამოვლენ. გადახურვის პარალელურად, დაიწყება შიდა სამუშაოები. უცხოელები და ქართველი სპეციალისტები მოზაიკის და მხატვრობის მომდევნო სარეაბილიტაციო ეტაპს დაიწყებენ. მამაომ ასევე ისაუბრა, ტაძარში ვიზიტორებისთვის დაწესებულ შეზღუდვაზე. მისი განმარტებით, შეზღუდვა უსაფრთხოების გამო დაწესდა, რომ მძიმე ტექნიკა უსაფრთხოდ გადაადგილდეს. გელათის სამონასტრო კომპლექსი 15 აგვისტომდე…

მეტი...

რუსეთის საოკუპაციო ძალების მიერ ოკუპირებულ სოფელ ბალთას მიმდებარედ უკანონოდ დაკავებული ზურაბ ლობჟანიძე თავისუფალია და ცენტრალური ხელისუფლების კონტროლირებად ტერიტორიაზე იმყოფება. ,,ზურაბ ლობჟანიძის უკანონო პატიმრობიდან გათავისუფლების პროცესში აქტიურად გამოიყენებოდა როგორც საქართველოში ევროკავშირის მონიტორინგის მისიის (EUMM) მიერ ოპერირებადი „ცხელი ხაზის“ მექანიზმი, ისე ცენტრალური ხელისუფლების ხელთ არსებული ყველა რელევანტური ინსტრუმენტი. საქართველოს ოკუპირებულ რეგიონებსა და საოკუპაციო ხაზის გასწვრივ განხორციელებულ ყველა დესტრუქციულ ქმედებაზე პასუხისმგებლობა საოკუპაციო ძალას ეკისრება. ცენტრალური ხელისუფლება, საერთაშორისო პარტნიორებთან ერთად, განაგრძობს აქტიურ მუშაობას ოკუპირებულ ტერიტორიებზე უკანონო პატიმრობაში მყოფი საქართველოს ყველა მოქალაქის გასათავისუფლებლად”, – ნათქვამია სახელმწიფო უსაფრთხოების სამსახურის მიერ გავრცელებულ ინფორმაციაში. ლობჟანიძის გატაცების შესახებ ინფორმაცია…

მეტი...

ბათუმში ყოფილი სამხედრო ბატალიონის ტერიტორიაზე მცხოვრებლები ხელისუფლებისგან დახმარებას ითხოვენ. ადგილზე 28 ივნისს ხანძარი გაჩნდა, რომლის შედეგადაც 10 სახლი დაიწვა, ასევე დაზიანდა ეზოში მდგომი მანქანები. 4 ოჯახი კრიტიკულ მდგომარეობაშია და დროებით სხვა საცხოვრებელში გაყვანას ითხოვს. მოსახლეობა ამბობს, რომ ხელისუფლება არ ინტერესდება თუ სად და როგორ უნდა იცხოვრონ მრავალშვილიანმა ოჯახებმა და ხანდაზმულებმა. მათი თქმით, ადგილზე მხოლოდ ერთხელ მივიდა ჯანდაცვის მინისტრის მოადგილე, ედუარდ ნაკაშიძე, რომელიც დაპირებით და ერთჯერადი დაფინანსებით შეთავაზებით შემოიფარგლა. დაზარალებულები ამბობენ, რომ დაფინანსება საყოფაცხოვრებო ტექნიკის ხელახლა შესაძენადაც არ ეყოფათ, ადგილიდან კი ხანძრის შედეგად დაგროვებული ნაგავი და დამწვარი მასალებიც კი არ გაიტანეს. ადგილობრივები ამბობენ, რომ თუ უახლოეს დღეებში მათი…

მეტი...

გარემოს ეროვნული სააგენტო 4-6 ივლისს საქართველოში მოსალოდნელი ამინდის პროგნოზს ავრცელებს. 7 ივლისამდე მაღალი ტემპერატურის ფონზე ზოგან გაწვიმდება, შესაძლებელია სეტყვა და ქარის გაძლიერება. 4 ივლისს დასავლეთ, ხოლო 5-6 ივლისს აღმოსავლეთ საქართველოში ჰაერის ტემპერატურა +33, +38 გრადუსამდე მოიმატებს. ქ. თბილისში უნალექო ამინდია მოსალოდნელი. ჰაერის ტემპერატურა 4 ივლისს დღისით +33, +35 გრადუსი დაფიქსირდება, ხოლო 5-6 ივლისს +36, +38 გრადუსამდე მოიმატებს. სანაპირო რაიონებში (ბათუმი, ქობულეთი, ანაკლია, ფოთი): 4 ივლისს ცხელი და უნალექო ამინდია მოსალოდნელი. ჰაერის ტემპერატურა დღისით +31,+33 გრადუსი იქნება. 5 ივლისს დღის ბოლოს და 6 ივლისს მოსალოდნელია ხანმოკლე წვიმა ელჭექით. ჰაერის ტემპერატურა +27,…

მეტი...

საქართველოს რკინიგზა რაგბიზე დასწრების მსურველთათვის, 4 და 5 ივლისს, თბილისი – ბათუმი – თბილისის მიმართულებით ორ რეისს ამატებს. დამატებითი რეისის განრიგი ასეთია: 4 – 5 ივლისს თბილისი – ბათუმი გასვლა: 08:40 ჩასვლა: 14:43 ბათუმი – თბილისი გასვლა: 00:01 ჩასვლა: 05:05 5 ივლისს, 20:00 საათზე, ბათუმის აჭარაბეთ არენაზე, ბორჯღალოსნები ფიჯელებს შეხვდებიან.

მეტი...

ქართული ენისა და ლიტერატურის გამოცდიდან გამოსული აბიტურიენტები edus.aris.ge-სთან საუბრობენ თუ რა საკითხები შეხვდათ გამოცდაზე. ლუკა ხორბალაძე 175-ე საჯარო სკოლაში გახსნილი საგამოცდო ცენტრიდან რედაქტირების თემასაც იხსენებს: „ქეთევან მაღალიშვილის ბიოგრაფიაზე მოვიდა რედაქტირება. 3 სიტყვა შევასწორე და მძიმეები დავსვი. მე ავირჩიე არაპროგრამულის დავალება – ინანიშვილის მოთხრობიდან “ფიროსმანი”. ძირითადი თეზა იყო სიმდიდრეზე: “მდიდარს ოქრო აქვს – ჩვენ კი თვითონ ვართ ოქრო ბიჭები”. ერთგვარი ანალიზი გავაკეთე, ვთქვი, რომ სიმდიდრე არსებობს, როგორც მატერიალური ისე არამატერიალური და ვისაუბრე მატერიალურ სიმდიდრეზე რა არის და რას ნიშნავს ჩემთვის, საკმაოდ საინტერესო თემა იყო. ეს ტესტი თუ ვერ ჩააბარეს, ყველა ჯარშია წასასვლელი”. ქრისტინე…

მეტი...

ანტისაოკუპაციო ,,რესტო ბარის” მფლობელი ოფიციალურად ბრალდებულია. სამოქალაქო აქტივისტ იოსებ ბაბევის საქმეზე სააპელაციო სასამართლომ წინა ინსტანციის გადაწყვეტილება ნაწილობრივ შეცვალა და აქტივისტის მანქანის ჩხრეკა, რომლის დროსაც სამართალდამცავებმა ცეცხლსასროლი იარაღი ამოიღეს, კანონიერად ცნო. ბაბაევს ბრალი 236-ე მუხლის მესამე და მეოთხე ნაწილებით წარედგინა, რაც იარაღის უკანონო შეძენა-შენახვას გულისხმობს და დამტკიცების შემთხვევაში, 4-დამ 7 წლამდე თავისუფლების აღკვეთას გულისხმობს. ბრალის საფუძველი რამდენიმე სამართალდამცველის ჩვენება გახდა, რომლებიც ამტკიცებენ, თითქოს ჰქონდათ ინფორმაცია, რომ ბაბაევი უკანონო იარაღით გადაადგილდებოდა, გააჩერეს, გაჩხრიკეს და ეს იარაღი ამოიღეს. თუკი აქამდე საქმეში 2 იარაღი ფიგურირებდა, მაკაროვი და კალაშნიკოვი, გორის სასამართლოს მოსამართლის, ლევან დარბაიძის გადაწყვეტილების…

მეტი...

დღეს, 3 ივლისს ერთიანი ეროვნული გამოცდები ქართული ენისა და ლიტერატურის გამოცდით 09:00 საათზე, საქართველოს 12 ქალაქში, 24 საგამოცდო ცენტრში დაიწყო. 2024 წლის გამოცდებისათვის სულ 80 000-მდე აპლიკანტი დარეგისტრირდა, მათ შორის: ერთიანი ეროვნული გამოცდებისათვის  – 47 000-ზე მეტი აბიტურიენტი; სტუდენტთა საგრანტო კონკურსში მონაწილეობის სურვილი 3 000-ზე მეტმა   სტუდენტმა გამოთქვა; საერთო სამაგისტრო გამოცდისათვის რეგისტრაცია 10 000-ზე მეტმა მაგისტრანტობის კანდიდატმა გაიარა. მასწავლებლის გამოცდისათვის დარეგისტრირებულია 18 900-ზე მეტი აპლიკანტი. გამოცდების ეროვნული ცენტრის ცნობით, პირველ დღეს განაწილებულ აბიტურიენტთაგან გამოცხადდა 93%-ზე მეტი. საგამოცდო პროცესი მშვიდ ვითარებაში მიმდინარეობს. არის ერთი დაგვიანების შემთხვევა. მეორე სესიისათვის რეგისტრაცია ყველა საგამოცდო…

მეტი...

,,საქართველოს ახალგარზდა იურისტთა ასოციაციის” ინფორმაციით, საქართველოს ეროვნული მუზეუმიდან უკანონოდ გათავისუფლებულმა კიდევ ერთმა პირმა მოიგო სესამართლოში დავა. თბილისის საქალაქო სასამართლოს 2 ივლისის გადაწყვეტილებით, ეროვნული მუზეუმის მიერ მოსარჩელესთან შრომითი ურთიერთობის შეწყვეტის თაობაზე მიღებული გადაწყვეტილება ბათილად იქნა ცნობილი, ასევე, მოპასუხეს დაეკისრა მოსარჩელისთვის იძულებითი განაცდურისა და კომპენსაციის სახით 6 000 ლარის ანაზღაურება. ,,საქმეში არსებული მტკიცებულებების მიხედვით, „საქართველოს ეროვნულმა მუზეუმმა“, დაწესებულებაში განხორციელებული რეორგანიზაციის ფარგლებში, დასაქმებულთან შრომითი ურთიერთობა 2022 წლის 1 ივნისიდან შეწყვიტა, მიზეზად თანამშრომლის კომპეტენციის არადამაკმაყოფილებელი დონე დასახელდა, თუმცა, რეორგანიზაციის ფარგლებში შექმნილ კომისიას კანდიდატის კომპეტენციის შემოწმების მცდელობაც კი არ ჰქონია. სასამართლომ სრულად გაიზიარა მოსარჩელის პოზიცია…

მეტი...

შსს-ს ცნობით, ავტომობილების წინა გვერდითა მინების დამუქების წესში ცვლილებები შევიდა. მიმდინარე წლის 3 ივლისიდან, შინაგან საქმეთა მინისტრის ბრძანებით განხორციელებული ცვლილებების თანახმად ავტოსატრანსპორტო საშუალების მესაკუთრეებს მიეცათ უფლება, საქართველოს შინაგან საქმეთა სამინისტროს თანხმობის გარეშე, წინა გვერდითა მინები დაამუქონ 60%-მდე. აღნიშნული ცვლილებების განხორციელებამდე წინა გვერდითა მინების დამუქებაზე მოქმედებდა 40%-იანი შეზღუდვა. რაც შეეხება მძღოლის უკან მსხდომი მგზავრების მხარეს განთავსებულ გვერდითა მინებს, მათზე კვლავ 75%-იანი შეზღუდვა მოქმედებს.  

მეტი...

ფინანსთა სამინისტროს საგამოძიებო სამსახურის ინფორმაციით, განსაკუთრებით დიდი ოდენობით გადასახადისათვის განზრახ თავის არიდების ფაქტზე, სისხლისსამართლებრივი დევნა ერთი პირის მიმართ დაიწყეს. ,,გამოძიებით დადგინდა, რომ ბრალდებული, უკანონო მატერიალური სარგებლის მიღების მიზნით, საგადასახადო კანონმდებლობის დარღვევით, სისტემატურად ახდენდა მისი მართვის ქვეშ მყოფი კომპანიის შემოსავლების არასწორ დეკლარირებას, რა გზითაც, მან თავი აარიდა სახელმწიფო ბიუჯეტის კუთვნილ ძირითად გადასახადს – 1 499 116 ლარის ოდენობით”, – წერია უწყების მიერ გავრცელებულ განცხადებაში. გამოძიება საქართველოს სისხლის სამართლის კოდექსის 218-ე მუხლის მეორე ნაწილით მიმდინარეობს, რაც სასჯელის სახით ითვალისწინებს თავისუფლების ღკვეთას 5-დან 8 წლამდე ვადით.

მეტი...

თავდაცვის სამინისტრო ბოლნისში გუშინ მომხდარ ავიაკატასტროფასთან დაკავშირებით განცხადებას ავრცელებს და ამბობს, რომ კატასტროფის ადგილზე, შესაბამისი სამსახურების მიერ საგამოძიებო მოქმედებები რამდენიმე ჰექტარ ფართობზე მთელი ღამის განმავლობაში მიმდინარეობდა. შეგახსენებთ, რომ კატასტროფის დროს დაიღუპა თავდაცვის ძალების ავიაციისა და საჰაერო სარდლობის პილოტი კახაბერ ზურაბაშვილი. ,,თავდაცვის ძალების კუთვნილი სუ-25 ტიპის საფრენი აპარატის კატასტროფის ადგილზე, შესაბამისი სამსახურების მიერ საგამოძიებო მოქმედებები რამდენიმე ჰექტარ ფართობზე მთელი ღამის განმავლობაში მიმდინარეობდა. შემთხვევის ადგილზე იმყოფებოდნენ საქართველოს თავდაცვის მინისტრი ირაკლი ჩიქოვანი და თავდაცვის ძალების მეთაური, გენერალ-მაიორი გიორგი მათიაშვილი. ტრაგიკული ინციდენტის სრულყოფილი შესწავლის მიზნით, შესაბამისი სამსახურების მიერ ყველა საჭირო პროცედურა ტარდება. ამ ეტაპზე…

მეტი...

ბიზნესმენს, აქტივისტს, იოსებ ბაბაევს ხვალ პროკურატურა ბრალს ოფიციალურად წარუდგენს, რის შემდეგაც მის წინააღმდეგ აღკვეთ ღონისძიებაზე გორის სასამართლო იმსჯელებს. ,,ალბათ დამაკავებენ, იმიტომ, რომ ამათგან სხვა არაფერს არ ველოდები, ეს არის ბოროტი სისტემა, მოძალადე სისტემა. სავარაუდოდ შურისძიების მიზნით, კიდევ აგრძელებენ რეპრესიებს და კიდევ აგრძელებენ პოლიტიკურ ანგარიშსწორებას”, – ამბობს ანტისაოკუპაციო ,,რესტო ბარის” დამფუძნებელი, იოსებ ბაბაევი. ბაბევის საქმეზე სააპელაციო სასამართლომ წინა ინსტანციის გადაწყვეტილება ნაწილობრივ შეცვალა. სააპელაციომ აქტივისტის მანქანის ჩხრეკა, რომლის დროსაც სამართალდამცავებმა ცეცხლსასროლი იარაღი ამოიღეს კანონიერად ცნო. შეგახსენებთ, რომ იოსებ ბაბაევი 5 ივნისის ღამეს დააკავეს. მას იარაღის უკანონო შეძენა-შენახვას ედავებოდნენ, თუმცა უფლებადამცველისა და მეგობრების…

მეტი...