თვე: ივლისი 2024

საპატრიარქო ტახტის მოსაყდრემ, სენაკისა და ჩხოროწყუს მიტროპოლიტმა შიომ (მუჯირი) ქადაგებისას მრევლს დღევანდელი დღე, სულთმოფენობიდან მე-2 კვირა, მიულოცა. დღეს აღინიშნება ათონის წმინდა მთის ღირსი მამების ხსენება და წელს ეს დღე დაემთხვა წმინდა იოანე ნათლისმცემლის შობის დღესასწაულს. როგორც მიტროპოლიტმა აღნიშნა, „ისტორია გვასწავლის, რომ ტანჯვა, სიმძიმილი და მწუხარება, თუ მას ადამიანი გონივრულად შეხვდება, „მიმყვანებელია ამაღლებისა და აღმასვლისკენ“. „ძვირფასო მამებო, ძმებო და დებო, გილოცავთ დღევანდელ დღეს. დღეს არის სულთმოფენობიდან მე-2 კვირა, როდესაც აღინიშნება ათონის წმინდა მთის ღირსი მამების ხსენება და წელს ეს დღე დაემთხვა წმინდა იოანე ნათლისმცემლის შობის დღესასწაულს. როგორც იცით, წმინდა იოანე ნათლისმცემელი…

იდენტიფიცირებულია პირი, რომელიც ,,გლოვოს” კურიერს თავს დაესხა და ორივე ფეხში ცეცხლსასროლი იარაღით ჭრილობები მიაყენა. დამნაშავე, ამ დრომდე მიმალვაშა. დაშავებულ 32 წლის თემო სიგუას, გუშინ, გვიან ღამით ოპერაცია ჩაუტარდა. ახალგაზრდა კაცს ორივე ფეხის ტერფი შეუნარჩუნეს. ექიმების თქმით, მისი ჯანმრთელობის მდგომარეობა ამ დროისთვის დამაკმაყოფილებელია და მკურნალობას კლინიკაში აგრძელებს. შეგახსენებთ, რომ თავდასხმა 6 ივლისს ნუცუბიძის ქუჩაზე, საღამოს მოხდა. თემო სიგუას თავს შეკვეთის მიტანის შემდეგ დაესხნენ. როგორც ირკვევა, შეკვეთას ერთი ბოთლი ლუდი აკლდა, რის გამოც, 8 ადამიანი კურიერს ფიზიკურად გაუსწორდა. მას ორივე ფეხის არეში სამი ჭრილობა აქვს მიყენებული. შსს-მ გამოძიება სისხლის სამართლის კოდექსის 120-ე…

თბილისის მერიის ადმინისტრაციულ შენობაში მიმდინარე ტექნიკური სამუშაობის გამო, მიმდინარე წლის 8 ივლისიდან დროებით წყვეტს საქმიანობას მოქალაქეთა მომსახურების ცენტრი. ,,მოქალაქეები შესაბამის მომსახურებას კონკრეტული მიმართულებების მიხედვით მიიღებენ რამდენიმე რაიონულ სერვის ცენტრში. კერძოდ: თბილისის მერიის ქონების მართვის სააგენტოს, არქიტექტურის სამსახურის, თბილისის მუნიციპალური ინსპექციის კომპეტენციას მიკუთვნებულ საკითხებთან დაკავშირებით მოქალაქეები მომსახურებას მიიღებენ კოსტავას N72-ში. რაც შეეხება ჯანდაცვისა და სოციალური მომსახურების, გარემოს დაცვის, ინფრასტრუქტურის განვითარების საქალაქო სამსახურების, ასევე, ტრანსპორტისა და ურბანული განვითარების სააგენტოს კომპეტენციაში არსებულ საკითხებს, მოქალაქეები შესაბამის მომსახურებას მიიღებენ ვაკის რაიონულ სერვის ცენტრში, მისამართზე – თამარაშვილის N10ა და საბურთალოს რაიონულ სერვის ცენტრში, მისამართზე – მიცკევიჩის…

წყნეთის გზატკეცილზე მდინარე ვერეს სიახლოვეს ადგილობრივები თქმით, საავტომობილო გზა იშლება. მოქალაქეებს აქვთ ეჭვი, რომ მეწყერ საშიიშ ზონაში ცხოვრობენ და დახმარებას ითხოვენ. “აღარ გვაქვს სამანქანო გზა, ვერც სასწრაფო მოდის, ვერც სახანძრო. გვყავს პატარა ბავშვები, ოჯახებით ვცხოვრობთ. მივმართეთ მერიას, გამგეობას. ეს ყველაფერი კარგად იციან, მაგრამ ამბობენ, რომ ხარჯებთან არის დაკავშირებული. ძველ გაკეთებულ ჭებზე მიაერთეს ეს კორპუსების წყალი და ვერ დაიტია წყალმა, ამოვარდა და დაგვინგრია. შევარდა სახლებში, ჩაანგრია გზა. ფეხითაც საშიშია გავლა, არაფერი არ არის წესიერად გაკეთებული. ვცხოვრობთ 21-ე საუკუნეში და ასე არ უნდა იყოს. რამდენჯერ განცხადება დავწერეთ და არავინ მოგვაქცია ყურადღება” – ამბობს ადგილობრივი.…

საქართველოს პრემიერ-მინისტრი ირაკლი კობახიძე სტიქიის შედეგად დაზიანებული ალავერდის საკათედრო ტაძრის აღდგენის სამუშაოებს გაეცნო. სამონასტრო კომპლექსში შექმნილ მდგომარეობაზე დეტალური ინფორმაცია მთავრობის მეთაურს კულტურული მემკვიდრეობის დაცვის ეროვნული სააგენტოს გენერალურმა დირექტორმა ნიკოლოზ აზნაურაშვილმა და აბბა ალავერდელმა მიტროპოლიტმა დავითმა მიაწოდეს. ინფორმაციას პრესსამსახური ავრცელებს. მათივე ცნობით, ალავერდის ეპარქიისა და საქართველოს კულტურული მემკვიდრეობის დაცვის ეროვნული სააგენტოს შეთანხმებით ამ ეტაპზე ტაძრის გუმბათის ირგვლივ ხარაჩოს აგება მიმდინარეობს, რის შემდეგაც სპეციალისტები გუმბათის რესტავრაციას დაიწყებენ. სტიქიით გამოწვეული ზიანი კულტურული მემკვიდრეობის დაცვის ეროვნული სააგენტოს არქიტექტორ-რესტავრატორებისა და კონსტრუქტორების ჯგუფმა შეაფასა. ძლიერი ქარის შედეგად გადახდილია გუმბათის თუნუქის საფარი, დაზიანებულია კრამიტის სახურავი, ჩამსხვრეულია ტაძრის დასავლეთი…

სრულიად საქართველოს კათოლიკოს-პატრიარქი ილია მეორე მევიოლინე ლიანა ისაკაძის გარდაცვალების გამო სამძიმარს გამოთქვამს. „დიდია ყველას გულისტკივილი ქალბატონი ლიანა ისაკაძის გარდაცვალების გამო. მან საქართველოს სახელი მსოფლიოში წარმოაჩინა და ქართული კულტურა, ქართული ხელოვნება, ეროვნული და მსოფლიო მუსიკალური აზროვნება ღვთივმომადლებული თავისი ელვარე ნიჭით შეუდარებლად განამშვენა. სიკეთით, უფლისა და მოყვასის სიყვარულით სავსე დიდებული ხელოვანი ახლა უკვე მარადიულობის გზას შეუდგა. აღვავლენთ ლოცვებს ქალბატონი ლიანას უკვდავი სულისთვის, რათა უფალმან იგი სავანესა მართალთასა დაამკვიდროს, ხოლო ოჯახის წევრებს, ახლობლებსა და გულშემატკივართ მომადლოს მშვიდობა და მისთვის ლოცვის ძალა“-   ნათქვამია პატრიარქის სამძიმრის წერილში.  

ქართველი მუსიკოსი, მევიოლინე, ლიანა ისაკაძე მახათას მთაზე, საზოგადო მოღვაწეთა პანთეონში დაკრძალეს. სამოქალაქო პანაშვიდი ზაქარია ფალიაშვილის სახელობის ოპერისა და ბალეტის სახელმწიფო თეატრში მიმდინარეობდა, სადაც მყოფებოდნენ საქართველოს პრემიერ-მინისტრი ირაკლი კობახიძე, კულტურისა და სპორტის მინისტრი, თეა წულუკიანი და თბილისის მერი, კახა კალაძე. ლიანა ისაკაძე ოპერისა და ბალეტის სახელმწიფო თეატრიდან ტაშის ფონზე გამოასვენეს.  

გუშინ, თბილისში, ნუცუბიძის ქუჩაზე დაჭრილ “გლოვოს” კურიერს თემო სიგუას, შესაძლოა ფეხის თითების ამპუტაცია დასჭირდეს. ამის შესახებ, ჟურნალისტებს დაჭრილის დედამ განუცხადა. ”დამსხვრეული აქვს ძვლები. მე როგორც ვიცოდი, აღდგენა მოხდებოდა და ახლა ჩემმა შვილმა მითხრა, ექიმი მელაპარაკეო ვერ ავაწყობთო და ამპუტაცია იქნებაო საჭირო თითების-ტერფის. ოთხი კი იყვნენო, მაგრამ ერთთან იყოო კამათი. უცებ მესროლაო“- ამბობს დაჭრილის დედა. დამნაშავე ამ დრომდე არ არის დაკავებული.

კრწანისის რაიონის გამგებლის, ბექა მიქაუტაძის განცხადებით, ძლიერმა ქარმა 20-ზე მეტ საცხოვრებელ სახლს სახურავი გადახადა. მისივე  ინფორმაციით, ზემო ფონიჭალაში უამინდობის შედეგად ხეები წაიქცა. “სამწუხაროდ, ძალიან ძლიერი ქარი იყო. ჩვენთან საუბრისას მოსახლეობა გუშინდელ უამინდობას ქარბორბალას ადარებენ. ძლიერმა ქარმა 20-ზე მეტი სახურავი ახადა, ძირითადად კერძო დასახლებებში. კალა, ორთაჭალისკენ ნაკლებად პრობლემებია, უფრო ფონიჭალისკენ გვაქვს პრობლემები. ზემო ფონიჭალაში ხეები ამოვარდა, კორპუსებში წყალი სახურავებიდან შევიდა, შესამოწმებელია, ზოგ შემთხვევაში საწვიმრის გაჭედვის გამო იყო, აქედან გამომდინარე, მოსახლეობას წყალი ჩაუვიდათ. ჩვენი სამსახური ყველაფერს შეამოწმებს“- ამბობს ბექა მიქაუტაძე. გამგებლის თქმით, ზარალის ოდენობა ამ დროისთვის უცნობია.   დედაქალაქში სტიქიის შედეგად მიყენებულ…

რომის კათოლიკური ეკლესიის წინამძღოლმა იტალიის ქალაქ ტრიესტში გამართულ კონფერენციაზე სიტყვით გამოსვლისას განაცხადა, რომ ის შეშფოთებულია სამყაროში დემოკრატიის მდგომარეობით. „თვალსაჩინოა, რომ თანამედროვე სამყაროში დემოკრატია, პირდაპირ რომ ვთქვათ კარგ მდგომარეობაში არ არის. ეს გვაშფოთებს და გვაღელვებს, რადგან ფსონზე დევს კაცობრიობის კეთილდღეობა და არაფერი ადამიანური ჩვენთვის უცხო არ შეიძლება, იყოს“- აღნიშნა რომის პაპმა. ფრანცისკემ ხაზი გაუსვა, რომ დემოკრატიულ პროცესებში მეტი ჩართულობაა საჭირო. „კეთილდღეობის გარკვეული ფორმები, რომლებიც არ აღიარებენ ადამიანთა ერთიანობას, წარმოადგენენ სოციალურ ფარისევლობას. ეს არ უნდა დავივიწყოთ. რა დგას სოციალური რეალობისგან დისტანცირების უკან? ეს გახლავთ გულგრილობა. გულგრილობა და პროცესებში ჩაურთველობა არის დემოკრატიის სიმსივნე“ –…

უამინდობამ დედაქალაქში პრობლემები შექმნა. მოგლეჯილია ხეები, დაზიანებულია ავტომობილები. ძლიერი ქარისა და წვიმის გამო თბილისის რამდენიმე უბანი  დაიტბორა. თბილისის მერიაში აცხადებენ, რომ სტიქიის სალიკვიდაციო სამუშაოები  მიმდინარეობს.   დედაქალაქში სტიქიის შედეგად მიყენებულ ზარალს ითვლიან

სიმონ ხეჩინაშვილის სახელობის საუნივერსიტეტო კლინიკის დირექტორის, მაია მახარაშვილის ინფორმაციით, გუშინ, თბილისში დაჭრილი „გლოვოს“ კურიერის ჯანმრთელობის მდგომარეობა სტაბილურია. მაია მახარაშვილი ამბობს, რომ პაციანეტს დაზიანებები კიდურებზე აქვს მიყენებული და შესაძლოა, ოპერაცია დასჭირდეს. “მდგომარეობა სტაბილურია. დაზიანებული აქვს ფეხები. კლინიკაში რჩება, რადგან შესაძლოა ოპერაცია დასჭირდეს“ – აღნიშნავს მაია მახარაშვილი. გუშინ, თბილისში “გლოვოს” კურიერი დაჭრეს. „შვიდი ტყვია ესროლეს“- მომხდარის დეტალებზე დაჭრილი კურიერის დედა საუბრობს

დედაქალაქში მოსული უხვი ნალექის შედეგად დაზიანებული ინფრასტრუქტურის აღდგენა ინტენსიურ რეჟიმში მიმდინარეობს. ინფორმაციას ქალაქის მერია ავრცელებს. „გვიან ღამით თბილისში მოსულმა უხვმა ნალექმა, რასაც თან ერთვოდა ძლიერი ქარი, პრობლემები შეუქმნა დედაქალაქს. განსაკუთრებული ზარალი მიადგა სამგორის, კრწანისისა და საბურთალოს რაიონებს. უამინდობის შედეგად წაქცეულმა ხეებმა დააზიანა სახლები, ავტომობილები და კომუნიკაციები. რამდენიმე მისამართზე ძლიერმა ქარმა სახურავები გადახადა საცხოვრებელ სახლებს. მთელი ღამის განმავლობაში, ყველა პრობლემურ ადგილზე, იმყოფებოდნენ მერიისა და გამგეობების წარმომადგენლები, შინაგან საქმეთა საგანგებო სიტუაციების მართვის სამსახურის თანამშრომლებთან ერთად. გაწმენდილია წაქცეული ხეებით ჩახერგილი გზები, მიმდინარეობს ზარალის აღრიცხვა“- ამბობენ მერიაში. საჭიროების შემთხვევაში, მოქალაქეებს შეუძლიათ, დარეკონ მერიის ცხელ…