თვე: ივლისი 2024

კრასნოდარის ოლქის „კავკაზის“ პორტში დრონებით თავდასხმას მსხვერპლი მოჰყვა. ინფორმაციას კრასნოდარის ოლქის გუბერნატორი, ვენიამინ კონდრატიევი ავრცელებს. „კიევის რეჟიმმა კრასნოდარის ტერიტორიაზე ტერორისტული თავდასხმა კვლავ სცადა. დღეს დილით, „კავკაზის“ პორტში საბორნე გემს თავს დრონები დაესხნენ. სამწუხაროდ, ეკიპაჟის წევრებსა და პორტის თანამშრომლებს შორის დაშავებულები და გარდაცვლილები არიან“, – განაცხადა გუბერნატორმა. ოპერატიული სამსახურების ცნობით, თავდასხმის შედეგად ერთი ადამიანი დაიღუპა და ხუთი დაშავდა. ყველა მათგანი რუსეთის მოქალაქეა.  

კამილა ჰარისის საარჩევნო კამპანიამ 24 საათის განმავლობაში რეკორდული რაოდენობის, 81 მილიონი დოლარი შეაგროვა. ინფორმაციას,კამალა ჰარისის საარჩევნო კამპანიის წარმომადგენელმა, კევინ მუნიოსმა განაცხადა. ჰარისის კამპანიის განცხადებით, შემოწირულობა 888 000 დონორმა გაიღო და აღნიშნული თანხა აშშ-ის ისტორიაში ყველაზე დიდი მაჩვენებელია, რომლის შეგროვებაც საარჩევნო კამპანიამ 24 საათში შეძლო.  

ჯო ბაიდენი დღეს თეთრ სახლში დაბრუნდება. ინფორმაციას თეთრი სახლი ავრცელებს. აშშ-ის პრეზიდენტი, ჯო ბაიდენი დღეს თეთრი სახლიდან ჩვეულ სამუშაო რეჟიმს დაუბრუნდება, მას შემდეგ, რაც COVID-19-ის გამო დელავერის შტატში თვითიზოლაციაში იმყოფებოდა. მას COVID-19 17 ივლისს დაუდასტურდა.  

უკრაინის პრეზიდენტის, ვოლოდიმირ ზელენსკის განცხადებით, მზადდება უსაფრთხოების ახალი შეთანხმებები. მისივე ცნობით, ეს გულისხმობს თავდაცვის, ფინანსურ და ჰუმანიტარულ თანამშრომლობას. ”ჩვენი გუნდი უკრაინის უსაფრთხოების ახალ შეთანხმებას ამზადებს. მოლაპარაკებები მალე დაიწყება. ეს შეთანხმებები თავდაცვის მხარდაჭერას, ფინანსებს და ჰუმანიტარულ თანამშრომლობას გულისხმობს. ამის შემდეგ, ჩვენს პარტნიორებთან ასეთი 30 ხელშეკრულება გვექნება. ჩვენი მიზანია არა მხოლოდ NATO-ს წევრი, არამედ სხვა ქვეყნებთან თანამშრომლობაც. ისინი ყველა თანაბრად მზად არიან დაგვეხმარონ ჩვენი საერთო ღირებულებების დაცვაში. მიუხედავად იმისა, თუ რა ხდება მსოფლიოში, ჩვენ გვჭირდება საკუთარი ინსტრუმენტები ჩვენი ხალხისა და ჩვენი სახელმწიფოს მხარდასაჭერად – ჩვენი უსაფრთხოების მექანიზმები, რომლებიც იმუშავებენ ყველა პირობებში. ასე მივდივართ წინ.”…

ხან იუნისზე ისრაელის სამხედრო ძალების იერიშს 37 ადამიანი ემსხვერპლა. თავდასხმა ისრაელის იმ გაფრთხილებას მოჰყვა, რომლის მიხედვითაც ისრაელის სამხედროებმა განკარგულება გასცეს, მშვიდობიანი მოსახლეობის ევაკუაცია ღაზის სექტორის იმ ნაწილიდან მომხდარიყო, რომელიც ჰუმანიტარულ ზონად არის გამოცხადებული. მათი თქმით, “ჰამასის” წინააღმდეგ ოპერაცია იგეგმება, რადგან აღნიშნულ ტერიტორიას ისინი რაკეტების გასაშვებად იყენებენ. ადგილობრივები ამბობენ, რომ ევაკუაციისთვის დრო არ მისცეს. სამიზნე რაიონებში დაახლოებით 400 000 ადამიანი ცხოვრობს. მომხდარის შემდეგ, ათობით ოჯახმა დაიწყო საკუთარი სახლების დატოვება. თავდასხმები გრძელდება ღაზის სამხრეთ და ცენტრალურ ნაწილებში. ისრაელის სამხედრო ძალებმა, მხოლოდ გასულ კვირას, 63-ჯერ დაარტყეს ნუსეირათის ლტოლვილთა ბანაკს, დაიღუპა 91 პალესტინელი და…

ესპანეთში ისევ გამოვიდნენ მასობრივი ტურიზმის წინააღმდეგ. პალმა დე მალიორკაში პროტესტს ათასობით ადგილობრივი შეუერთდა. აქტივისტებს დემონსტრაციაზე თვითმფრინავებისა და საკრუიზო ხომალდების მაკეტები ეჭირათ. გააპროტესტეს ტურისტების გაზრდილი რაოდენობა. ტურიზმის მოწინააღმდეგე აქტივისტებმა, ამ წლის განმავლობაში, რამდენიმე აქცია გამართეს სხვა პოპულარულ ტურისტულ ქალაქებში, მათ შორის  ბარსელონაში, მალაგაში და კანარის კუნძულებზე. მათი თქმით, ჭარბი ტურიზმი ამ რეგიონებში უძრავი ქონების ფასებს ზრდის და აძვირებს ცხოვრების ხარჯებს ადგილობრივებისთვის. 2024 წლის პირველ მეოთხედში ესპანეთს 16 მილიონზე მეტი ტურისტი ეწვია, რაც შარშანდელის მონაცემზე 18 პროცენტით მეტია.

ამერიკის შეერთებულ შტატებში საპრეზიდენტო არჩევნებამდე თითქმის ასი დღე დარჩა. მას შემდეგ, რაც ჯო ბაიდენმა საპრეზიდენტო არჩევნებში საკუთარი კანდიდატურის მოხსნის გადაწყვეტილება მიიღო, ქვეყანაში რამდენიმე მნიშვნელოვანი მოვლენაა ყურადღების ცენტრში. როგორც მედია წერს, ჯო ბაიდენი კანდიდატურის მოხსნის თაობაზე გადაწყვეტილების მიღების შემდეგ, მიმდინარე კვირაში პირველად მიმართავს საზოგადოებას. 24 ივლისს შეიკრიბება დემოკრატიული პარტიის ეროვნული ყრილობის წესების კომიტეტი, რათა განიხილონ ახალი კანდიდატის არჩევის პროცესი. საბოლოო კანდიდატის ვინაობა დემოკრატიული პარტიის ოთხდღიან ეროვნულ ყრლობაზე გახდება ცნობილი, რომელიც ჩიკაგოში 19-22 აგვისტოს გაიმართება. დემოკრატიული პარტიის კანდიდატი რესპუბლიკელ კანდიდატს, დონალდ ტრამპს კი პირველად დებატებში 10 სექტემბერს დაუპირისპირდება. ჯო ბაიდენმა აშშ-ის 2024 წლის…

უნგრეთის საგარეო საქმეთა მინისტრის, პიტერ სიიარტოს შეფასებით, უკრაინის გავლით „ლუკოილის“ ნავთობის ტრანზიტის შეჩერება ასოცირების ხელშეკრულებას არღვევს. „ეს უკრაინის მხრიდან მიუღებელი ნაბიჯია, ქვეყნის, რომელსაც ევროკავშირის წევრობა სურს, რომელიც ერთი გადაწყვეტილებით ევროკავშირის ორი წევრი სახელმწიფოსთვის ნავთობის მიწოდებას ფუნდამენტურ საფრთხეს უქმნის. უკრაინის მსგავსი გადაწყვეტილება ასოცირების შეთანხმების აშკარა დარღვევაა“, – განაცხადა პიტერ სიიარტომ. მისივე განცხადებით, უკრაინის გადაწყვეტილება, „ლუკოილი“ სანქციების სიაში შეეყვანა, რამაც ნავთობის ტრანზიტის შეჩერება გამოიწვია, „უნგრეთისა და სლოვაკეთის ენერგომომარაგების უსაფრთხოებას ფუნდამენტურ საფრთხეს უქმნის“. ინფორმაციისთვის, „ლუკოილი“ უკრაინის მიერ დაწესებული სანქციების სიაში 2018 წლიდან შედის, მაგრამ სანქციები შეზღუდული იყო და ისინი მხოლოდ კაპიტალის გატანას, სავაჭრო ოპერაციების…

ესტონეთის პარლამენტმა პრემიერ-მინისტრის პოსტზე კრისტენ მიხალის კანდიდატურა დაამტკიცა. კრისტენ მიხალს 64-მა დეპუტატმა დაუჭირა მხარი, წინააღმდეგ ხმა მისცა 27-მა. კენჭისყრამდე კრისტენ მიხალმა დეპუტატებს წარუდგინა საკუთარი ხედვა და დღის წესრიგი, რომელიც უსაფრთხოებისა და თავდაცვის მიზნებიდან გამომდინარე გადასახადების გაზრდასა და ეკონომიკური ზრდისთვის გარკვეულ რეფორმებს ითვალისწინებს. პრემიერის პოსტი ვაკანტური მას შემდეგ გახდა, რაც კაია კალასი 15 ივლისს თანამდებობიდან გადადგა, რათა ევროკავშირის საგარეო საქმეთა და უსაფრთხოების პოლიტიკის მიმართულებას ჩაუდგეს სათავეში.

გერმანიის საგარეო საქმეთა მინისტრის, ანალენა ბერბოკის განცხადებით, საპრეზიდენტო არჩევნებში კანდიდატურის მოხსნის შესახებ ჯო ბაიდენის გადაწყვეტილება ცხადყოფს, რომ ის ქვეყნის ინტერესებს საკუთარზე მაღლა აყენებს. აღნიშნული განცხადება ანალენა ბერბოკმა ბრიუსელში, ევროკავშირის წევრი ქვეყნების საგარეო საქმეთა მინისტერიალზე მედიასთან საუბრისას გააკეთა. „მე დიდ პატივს ვცემ ამერიკის პრეზიდენტის გადაწყვეტილებას. ჯო ბაიდენი თავისი ქვეყნის ინტერესებს საკუთარ ინტერესებზე მაღლა აყენებს. უფრო მეტიც, ჯო ბაიდენმა წარმოუდგენელი ძალისხმევა გასწია ტრანსატლანტიკური ურთიერთობებისთვის და არამხოლოდ თავისი პრეზიდენტობის პერიოდში. მან უდიდესი წვლილი შეიტანა ამ ურთიერთობებში მთელი თავისი პოლიტიკური კარიერის განმავლობაში“, – აღნიშნა ბერბოკმა. გერმანიის საგარეო საქმეთა მინისტრმა განაცხადა, რომ ახლა თავად ამერიკელებმა…

„აშშ-ის საიდუმლო სამსახურმა დონალდ ტრამპის დაცვის მისია ვერ შეასრულა“, – აღნიშნულთან დაკავშირებით, აშშ-ის საიდუმლო სამსახურის დირექტორმა, კიმბერლი ჩიტლიმ განაცხადა. კიბერლი ჩიტლის განცხადებით, რომელიც აშშ-ის წარმომადგენელთა პალატის ზედამხედველობის კომიტეტის კითხვებს პასუხობს, ყველაფერს გააკეთებს იმისთვის, რომ 13 ივლისის მსგავსი ინციდენტი აღარ განმეორდეს. „საიდუმლო სამსახურის მისიას ჩვენი ქვეყნის ლიდერების დაცვა წარმოადგენს. 13 ივლისს ჩვენ ეს ვერ შევძელით. მე, როგორც აშშ-ის საიდუმლო სამსახურის დირექტორი, უსაფრთხოებასთან დაკავშირებულ ნებისმიერ შეცდომაზე სრულ პასუხისმგებლობას ვიღებ“, – აღნიშნა კიბერლი ჩიტლიმ. ცნობისთვის, დონალდ ტრამპზე განხორციელებული თავდასხმის შემდეგ „რესპუბლიკელმა“ კონგრესმენებმა აშშ-ის საიდუმლო სამსახურის დირექტორის გადადგომა მოითხოვეს, თუმცა კიმბერლი ჩიტლიმ განაცხადა, რომ თანამდებობის…

აშშ-ის დემოკრატიულმა პარტიამ, პრეზიდენტ ჯო ბაიდენის მიერ საპრეზიდენტო არჩევნებში საკუთარი კანდიდატურის მოხსნის შემდეგ, მცირე დონორების ActBlue პლატფორმაზე 55 მილიონ აშშ დოლარზე მეტის შეგროვება მოახერხა.  ინფორმაციას Politico ავრცელებს. გამოცემის ცნობით, ბაიდენის განცხადებიდან პირველ ხუთ საათში 27.5 მილიონი აშშ დოლარი შეგროვდა. მოგვიანებით ActBlue-მ განაცხადა, რომ ერთ დღეში 46.7 მილიონი დოლარი შეაგროვა, რაც 2024 წლის ციკლისთვის პლატფორმის ყოველდღიურ რეკორდს წარმოადგენს. აღნიშნული თანხა მოხმარდება როგორც კამალა ჰარისის, ასევე, სხვა დემოკრატი კანდიდატების კამპანიას.

“ვიმუშავებთ მასთან, ვისაც ამერიკელი ხალხი აირჩევს” – ამის შესახებ დიდი ბრიტანეთის პრემიერ-მინისტრმა, კირ სტარმერმა განაცხადა. გაერთიანებული სამეფოს პრემიერ-მინისტრმა აღნიშნა, რომ პირველ რიგში „დემოკრატიულმა პარტიამ“ უნდა გადაწყვიტოს ვის წარადგენს, ხოლო შემდეგ ამერიკელი ხალხი გადაწყვეტს, ვისი ნახვა სურთ მათ აშშ-ის პრეზიდენტად. „ჩემი მიდგომა ამ გადაწყვეტილების პატივისცემაში მდგომარეობს და ჩვენ ვიმუშავებთ მასთან, ვისაც ამერიკელი ხალხი აირჩევს“ – განაცხადა კირ სტარმერმა.