დღე: ივლისი 30, 2024

აშშ-ში, როუდ აილენდის შტატის ქალაქ ვესტერლიში სანაპიროზე ნემსიყლაპიების დიდმა გუნდმა გადაიფრინა. ინფორმაციას CNN ავრცელებს, რომელსაც ფაქტის ამსახველი ვიდეო  თვითმხილველებმა მიაწოდეს. “ცხოვრებაში ასეთი არაფერი მინახავს”- ამბობს ერთ-ერთი დამსვენებელი. მისივე ინფორმაციით, მწერების გადაფრენა 5 წუთის განმავლობაში გაგრძელდა. ბუნებისმეტყველების ექსპერტებმა აღნიშნეს, რომ  ნემსიყლაპიების გუნდს  უჩვეულო ზომა ჰქონდა.

„უკრაინა მზად არის რუსეთთან სამშვიდობო მოლაპარაკებებისთვის, მაგრამ მხოლოდ საერთაშორისო სამართლის საფუძველზე“– ამის შესახებ უკრაინის პრეზიდენტის აპარატის მრჩეველმა, მიხაილ პოდოლიაკმა განაცხადა. პოდოლიაკი მიიჩნევს, რომ მოლაპარაკებები აუცილებელია, თუმცა უკრაინა მკაფიოდ ამბობს, რომ მოლაპარაკებები უნდა ეფუძნებოდეს საერთაშორისო სამართალს, როგორც კონცეფციას. „ამ კონცეფციიდან მთავარია ტერიტორიული მთლიანობა და სუბიექტურობა, სახელმწიფო სუვერენიტეტი“- აღნიშნა მიხაილ პოდოლიაკმა. უკრაინის პრეზიდენტის ადმინისტრაციის წარმომადგენელი აღნიშნავს, რომ მოლაპარაკებები შედეგიანი იქნება მხოლოდ იმ შემთხვევაში, თუ აგრესორის მშვიდობისკენ იძულების ინსტრუმენტები იმუშავებს. „ეს არის იარაღის მიწოდება უკრაინაში. ეს ბევრად მეტი უნდა იყოს, კერძოდ, აუცილებელია, გაუქმდეს ნებისმიერი შეზღუდვა – არაფორმალური, ფორმალური – ომის ინფრასტრუქტურის დარტყმაზე, რომელიც მდებარეობს…

კამალა ჰარისი მალე გამოაცხადებს ვიცე-პრეზიდენტობის კანდიდატს და მასთან ერთად საკვანძო შტატებში ტურნეს გამართავს.  აღნიშნულთან დაკავშირებით, ინფორმაციას გამოცემა Reuters-ი ორ ინფორმირებულ წყაროზე დაყრდნობით ავრცელებს. წყაროების ცნობით, კამალა ჰარისი, რომელიც მალე უნდა გახდეს „დემოკრატიული პარტიის“ პრეზიდენტობის კანდიდატი, უკვე შემდეგ კვირას მის ვიცე-პრეზიდენტის კანდიდატთან ერთად გაატარებს წინასაარჩევნო ღონისძიებებს ე.წ. “საბრძოლო” შტატებში. ბოლო წლებში ასეთ შტატებს, სხვებთან ერთად, მიეკუთვნება – მიჩიგანი, პენსილვანია და ვისკონსინი. გამოცემის ცნობით, დაგეგმილი ტურნე იმაზე მეტყველებს, რომ კამალა ჰარისი ახლოსაა გადაწყვეტილების მიღებასთან თუ ვინ გახდება მისი პარტნიორი წინასაარჩევნო კამპანიაში. მათივე ინფორმაციით,  ვიცე-პრეზიდენტობაზე კანდიდატების სიაში არიან პენსილვანიის გუბერნატორი ჯოშ შაპირო, აშშ-ის…

უკრაინის საგარეო საქმეთა სამინისტროს სპიკერის, გეორგი ტიხის განცხადებით, უკრაინის პრეზიდენტის, ვოლოდიმირ ზელენსკისა და ჩინეთის ლიდერის, სი ძინპინის შეხვედრისთვის მუდმივი მუშაობა მიმდინარეობს. უკრაინული მედიის ცნობით, აღნიშნულთან დაკავშირებით, მან ბრიფინგზე განაცხადა. ქვეყნის საგარეო უწყების წარმომადგენელმა საგარეო საქმეთა მინისტრის, დმიტრო კულებასა და ჩინეთის სახალხო რესპუბლიკის საგარეო საქმეთა მინისტრის, ვან ის შორის მოლაპარაკების შედეგებზე ისაუბრა, რომელიც 24 ივლისს გუანჯოუში გაიმართა. „დააახლოვა თუ არა მინისტრ კულებას ჩინეთში შეხვედრამ, მოლაპარაკებებმა და ვიზიტმა უკრაინისა და ჩინეთის ლიდერების პოტენციური შეხვედრა? უეჭველად დააახლოვა. მაგრამ როდის გაიმართება ასეთი შეხვედრა, როდის იქნება ეს შეთანხმება, ამაზე საუბარი ნაადრევია“, – განაცხდა გეორგი ტიხიმ.

ლიბანიდან ნასროლ რაკეტას ისრაელის ჩრდილოეთში მსხვერპლი მოჰყვა. ისრაელის მედია წერს, რომ ლიბანიდან ისრაელის მიმართულებით ათი რაკეტა ისროლეს, რის შედეგად ჰაგოშრიმის კიბუცში აფეთქებული რაკეტის ნამსხვრევებისგან მიღებული სხეულის დაზიანებით 30 წლის მამაკაცი დაიღუპა. რაკეტების უმრავლესობა ისრაელის საჰაერო თავდაცვის სისტემამ გაანეიტრალა. ისრაელის თავდაცვის ძალების ინფორმაციით, რაკეტების გაშვების ადგილი ისრაელის არმიის დანაყოფმა არტილერიით დაბომბა.

ისრაელის საგარეო საქმეთა სამინისტრო თურქეთის პრეზიდენტის რეჯეფ თაიფ ერდოღანის განცხადების გამო თურქეთის ნატოდან გარიცხვას ითხოვს. „თურქეთის პრეზიდენტის ერდოღანის განცხადებებისა და საშიში რიტორიკის ჭრილში, რომელიც ისრაელში შეჭრას გულისხმობდა, ისრაელის საგარეო საქმეთა მინისტრმა ისრაელ კაცმა დიპლომატებს დაავალა სასწრაფოდ დაუკავშირდნენ ნატოს ყველა წევრს და მათ თურქეთის დაგმობისკენ მოუწოდონ, რეგიონული ალიანსიდან მისი გარიცხვა მოითხოვონ“, – ციტირებს Reuters-ი ისრაელის საგარეო საქმეთა სამინისტროს განცხადებას. ცნობისთვის, ერდოღანმა 28 ივლისს განაცხადა, რომ თურქეთი შესაძლოა, პალესტინელების დახმარების მიზნით, ისრაელში შევიდეს.

მთავრობის ინფორმაციით, პრემიერმინისტრი ირაკლი კობახიძე ირანის ახალ პრეზიდენტს მასუდ ფეზეშქიანს შეხვდა. გავრცელებულ განცხადებაში ნათქვამია, რომ კობახიძემ მას არჩევნებში გამარჯვება მიულოცა და წარმატებები უსურვა. დღეს პრესსამსახურმა გაავრცელა ინფორმაცია, რომ ირაკლი კობახიძე ირანის ისლამური რესპუბლიკის პრეზიდენტის ინაუგურაციის ცერემონიას დაესწრება, რომელიც მეჯლისში გაიმართება. საქართველოს პრემიერმინისტრი თეირანში პირველ ვიცე-პრემიერთან, ეკონომიკისა და მდგრადი განვითარების მინისტრ ლევან დავითაშვილთან ერთად იმყოფება.

სლოვაკეთის პრემიერ-მინისტრი რობერტ ფიცო აცხადებს, რომ უკრაინას დიზელის მიწოდებას შეუწყვეტს, თუ კიევი არ განაახლებს რუსული კომპანია „ლუკოილის“ ნავთობის ტრანზიტს. ამის შესახებ ფიცომ უკრაინის ელჩთან მიროსლავ კასტრანთან შეხვედრისას განაცხადა. უკრიანელ დიპლომატთან შეხვედრის შესახებ სლოვაკეთის პრემიერ-მინისტრი სოციალურ ქსელ „ფეისბუქში“ გამოქვეყნებულ ვიდეოში საუბრობს. ფიცოს თქმით, ელჩთან უკრიანის გავლით „ლუკოილის“ ნავთობის ტრანზიტის საკითხი განიხილა, შეხვედრას ასევე, ესწრებოდნენ სლოვაკეთის საგარეო საქმეთა მინისტრი და სახელმწიფო მდივანი. „თუ უახლოეს დროში უკრაინის გავლით რუსული ნავთობის ტრანზიტი არ განახლდება, Slovnaft-ი არ გააგრძელებს უკრაინაში დიზელის საწვავის მიწოდებას, რომელიც ფარავს უკრაინული მოხმარების მეათედ ნაწილს“, – განაცხადა ფიცომ. მისივე თქმით, რუსული ნავთობის…

გერმანული გამოცემა RND ავრცელებს ინფორმაციას, რომ უნგრეთმა გაამარტივა რუსეთისა და ბელარუსის მოქალაქეებისთვის ქვეყანაში შესვლის პირობები. ეს მოხდა უნგრეთის პრემიერის, ვქტორ ორბანის მოსკოვში ვიზიტის შემდეგ. გამოცემის ცნობით, ბუდაპეშტმა ამ ქვეყნების მოქალაქეები ჩართო ,,ნაციონალური ბარათის” პროგრამაში, რომელიც გაიცემა 2 წლის ვადით, უნგრეთში მუშაობის მსურველებისთვის, გახანგრძლივების პერსპექტივით. გამოცემის ცნობითვე, რამდენიმე დღეა რუსები უნგრეთის გავლით შედიან ევროკავშირში უსაფრთხოების შემოწმების გავლის გარეშე და თავისუფლად ახერხებენ გადაადგილებას სხვა ქვეყნებში. RND წერს, რომ შეშფოთებას იწვევს ფაქტი, რომ ამ გადაწყვეტილებით, შესაძლოა რუსი ჯაშუშები ასევე შევიდნენ ევროკავშირში. ევროკავშირის საგარეო პოლიტიკის ექსპერტმა, სერგეი ლაგოდინსკიმ ბუდაპეშტის ქმედებებს ,,არასწორი მიდგომა” უწოდა და…