დღე: ივლისი 19, 2024

შინაგან საქმეთა სამინისტროს ინფორმაციით, თბილისსა და რეგიონებში უკანონო ცეცხლსასროლი იარაღები და საბრძოლო მასალა ამოიღეს, დაკავებულია 9 პირი. ,,თბილისში წარსულში ნასამართლევი 2 პირი: 1991 წელს დაბადებული ზ.ქ. და 1999 წელს დაბადებული ნ.ე. დააკავეს. სამართალდამცველებმა ჩატარებული ჩხრეკის შედეგად 2 ცეცხლსასროლი იარაღი, 2 მჭიდი და 7 ვაზნა ნივთმტკიცებად ამოიღეს. ასევე, თბილისის პოლიციის დეპარტამენტის საგამოძიებო მთავარი სამმართველოს თანამშრომლებმა 1994 წელს დაბადებული თ.ც. – ს საცხოვრებელი სახლის ჩხრეკის შედეგად, ნივთმტკიცებად ამოიღეს ცეცხლსასროლი იარაღი, 27 ვაზნა მჭიდი და თ.ც. ბრალდებულის სახით დააკავეს. თბილისის პოლიციის დეპარტამენტის ვაკე-საბურთალოს მთავარი სამმართველოს თანამშრომლებმა, 1990 წელს დაბადებული, წარსულში ნასამართლევი და ამჟამად…

სასაზღვრო პოლიციის თანამშრომლებმა, საზღვრის ჯგუფურად უკანონოდ გადმოკვეთის ფაქტზე, სარფის საზღვარზე ერთი უცხო ქვეყნის და ერთი საქართველოს მოქალაქე დააკავეს. ინფორმაციას საქართველოს სასაზღვრო პოლიცია ავრცელებს. ,,შინაგან საქმეთა სამინისტროს სასაზღვრო პოლიციის თანამშრომლებმა, ბათუმის სამმართველოს სასაზღვრო სექტორ “სარფის” დასაცავ მონაკვეთზე ჩატარებული ოპერატიულ-სამძებრო ღონისძიებების შედეგად, უცხო ქვეყნის 1 და საქართველოს 1 მოქალაქე – 1981 წ. დაბადებული თ.ე და 1986წ. დაბადებული მ.მ. საქართველოს სახელმწიფო საზღვრის ჯგუფურად, უკანონოდ გადმოკვეთის ფაქტზე დააკავეს. დანაშაული 5 წლამდე ვადით თავისუფლების აღკვეთას ითვალისწინებს. გამოძიებით დადგინდა, რომ ბრალდებულებმა, სასაზღვრო-საკონტროლო გამტარი პუნქტის გვერდის ავლით, თურქეთის რესპუბლიკიდან საქართველოს მიმართულებით ჯგუფურად, უკანონოდ გადმოკვეთეს საქართველოს სახელმწიფო საზღვარი”,…

პარლამენტმა პირველი მოსმენით ამნისტიის შესახებ კანონპროექტს მხარი დაუჭირა. კენჭისყრა რიგგარეშე სესიაზე ცოტა ხნის წინ დასრულდა. პარალელურად, პატიმრების ოჯახის წევრები აქციას მართავდნენ თბილისსა და ქუთაისში. ისინი ითხოვენ გაფართოვდეს მუხლების რაოდენობა, რომელსაც ამნისტია შეეხება. საპარლამენტო განხილვაში ჩართული იყო ,,გირჩიც”, რომელსაც მანამდე თავადაც ჰქონდა ამნისტიაზე კანონპროექტი ინიცირებული. ოპოზციის უმრავლესობა პროცესში არ მონაწილეობს, ისინი ფიქრობენ, რომ ხელისუფლება ჰუმანურ აქტს წინასაარჩევნოდ ხმების მობილიზებისთვის გამოიყენებს. ამნისტია 2024 წლის 1-ელ ივლისამდე ჩადენილ სისხლის სამართლის დანაშაულებს შეეხება და ,,სისხლის სამართლის კოდექსის” 66 მუხლს მოიცავს. გარდა ამისა 1/6-ით შემცირება 225 მუხლს შეეხება. მეორე და მესამე მოსმენაზე კანონპროექტი საშემოდგომო სესიაზე…

პატიმრების ოჯახის წევრები ,,ამნისტიის შესახებ” კანონპროექტთან დაკავშირებით თბილისში აქციას მართავენ. მათი მთავარი მოთხოვნაა გაფართოვდეს მუხლები, რომლებსაც ამნისტია მოიცავს. პატიმრების ოჯახის წევრები ჯერ პარლამენტთან შეიკრიბნენ, შემდეგ კი პრეზიდენტის რეზიდენციასთან გადაინაცვლეს. ,,მმართველმა პარტიამ, რომელმაც კანონპროექტი გამოსცა, თითქოს და გვიმტკიცებს, რომ ეს არის ჰუმანური აქტი. ჩვენ, აქ შეკრებილები, ძალიან კარგად ვხვდებით, რომ ეს არ არის ჰუმანური აქტი და ეს კიდევ ერთი დაცინვაა სახელმწიფოსგან და არამარტო ჩვენი, არამედ პატიმრების დაცინვაა. ჰუმანური აქტი იმ შემთხვევაში იქნებოდა თუ შეეხებოდა ყველა მუხლს, ნაწილობრივ მაინც. ჩვენ არ ვითხოვთ ყველა პატიმრის გამოშვებას, ვითხოვთ ყველა მუხლს ნაწილობრივ მაინც შეეხოს,” –…

,,ქართული ოცნების” მიერ ინიცირებულ ამნისტიის კანონპროექტს აპროტესტებენ ქუთაისში. პატიმრების ოჯახის წევრები მესხიშვილის თეატრთან შეიკრიბნენ და ითხოვენ სასჯელი ყველა პატიმარს 1/4-ით შეუმცირდეს. ოჯახის წევრები ამბობენ, რომ ინიცირებული კანონპროექტი პატიმრების უმეტესობას არ ეხება. ,,ჩვენი მოთხოვნაა 1/4 ყველა პატიმარს, რეალურად ეს არის ჰუმანური აქტი, რომელიც შეუძლებელი არ არის ნამდვილად და არ ვითხოვთ იმას, რომ ყველა პატიმარი გაათავისუფლონ და ციხის კარი გაიღოს, უბრალოდ ვითხოვთ ჰუმანური აქტის გამოცემას და 1/4-ს ყველა პატიმარზე. ბევრი წინაპირობა აქვს, იმდენი დათქმა აქვს, რომ ფაქტობრივად ვერავინ ვერ გამოდის ამ ამნისტიით და ამ კანონპროექტით”, – ამბობს აქციის ერთ-ერთი მონაწილე.  

თბილისში, ყაზბეგის ქუჩაზე ავტოსაგზაო შემთხვევას ერთი ადამიანი ემსხვერპლა. არსებული ინფორმაციით, საპატრულო ეკიპაჟი მოტოციკლის მძღოლს დაედევნა, მოგვიანებით, სავარაუდოდ, ხუციშვილის ქუჩიდან გამოსულმა ეკიპაჟმა მას გზა გადაუკეტა, რის შემდეგაც მოტოციკლის მძღოლი ეკიპაჟის მანქანას შეეჯახა. ბაიკერი, 20-დან 25 წლამდე ბიჭი, ადგილზე დაიღუპა. საქმე გამოსაძიებლად პროკურატურას გადაეცა. რა მუხლით დაიწყება გამოძიება, ჯერ უცნობია. ასევე უცნობია რატომ აედევნა საპატრულო პოლიცია ბიჭს. შემთხვევას Tiktok live-ში იღებდა ერთი მოქალაქე, გიკა მოდებაძე. მოგვიანებით მას პოლიციამ ვიდეოს გადაღება შეაწყვეტინა. ოჯახის ცნობით, მოდებაძე ადმინისტრაციული წესით დააკავეს, მიზეზად დასახელდა პოლიციელის შეურაცხყოფა.

ასხის მთაზე, მწყემსმა მწყემსი მოკლა. მოკლულია მარტვილის მკვიდრი, 35 წლამდე კაცი. რა გახდა მათ შორის ურთიერთშელაპარაკების მიზეზი, უცნობია. მკვლელობაში ბრალდებული პოლიციამ უკვე დააკავა. საქმეზე დაწყებულია გამოძიება.

ფინანსთა სამინისტროს საგამოძიებო სამსახურის ინფორმაციით, ყალბი დოკუმენტების დამზადება-გამოყენების გზით, დიდი ოდენობით მიწის ნაკვეთის თაღლითურად დაუფლების მცდელობის ფაქტზე, 3 პირი დააკავეს. დაკავებულებს შორის ერთი უცხოეთის მოქალაქეა. ,,გამოძიებით დადგინდა, რომ ბრალდებულების მიერ, საზღვარგარეთ დამზადებულ იქნა ყალბი მინდობილობა, რომლითაც მესაკუთრე თითქოსდა ანიჭებდა უფლებამოსილებას ერთ-ერთ ბრალდებულს მოეხდინა მისი მიწის ნაკვეთის გასხვისება. აღნიშნული ყალბი მინდობილობის საფუძველზე გაფორმებულ იქნა კახეთის რეგიონში მდებარე 2 710 000 კვ.მ. მიწის ნაკვეთის ნასყიდობის ფიქტიური ხელშეკრულება, რომელიც რეგისტრაციის მიზნით წარდგენილ იქნა „საჯარო რეესტრის ეროვნულ სააგენტოში“, – აღნიშნულია განცხადებაში. გამოძიება გრძელდება საქართველოს სისხლის სამართლის კოდექსის 362-ე და 19-180-ე მუხლებით, რაც სასჯელის სახით…

თბილისში, ყაზბეგის ქუჩაზე, გამთენიისას ავტოსაგზაო შემთხვევა მოხდა. საპატრულო პოლიციის ეკიპაჟი მოტოციკლის მძღოლს დაედევნა და გზა გადაუკეტა. არსებული ინფორმაციით, ბაიკერი ეკიპაჟის მანქანას შეეჯახა და ადგილზე დაიღუპა. შემთხვევას Tiktok live-ში იღებდა ერთი მოქალაქე. კადრებში ჩანს, რომ მას პოლიციამ ვიდეოს გადაღება შეაწყვეტინა. უცნობია, შემდეგ როგორ განვითარდა მოვლენები. კადრში ჩანს, რომ პოლიციის მანქანა დაზიანებულია.  

განმუხურში, მდინარე ენგურში, მაშველებმა 15 წლის ბიჭის ცხედარი იპოვეს. საგანგებო სიტუაციების მართვის სამსახურის ცნობით, ცხედარს ექსპერტიზაზე გადაასვენებენ. არსებული ინფორმაციით, მოზარდი ანაკლიაში სტუმრად იმყოფებოდა და 18 ივლისს, თანატოლებთან ერთად წავიდა მდინარაზე. ბიჭი სხვა ბავშვებმა ადგილზე მისვლიდან მალევე ვეღარ შეამჩნიეს და ძებნა დაიწყეს. ნაპირზეა ნაპოვნი მოზარდის ტანსაცმელიც.

ურეკში, პლაჟზე მომხდარი ინციდენტის შედეგად, დედა- შვილი დაშავდა. არსებული ინფორმაციით, დამსვენებლები კატერმა ჩაითრია. ორივე დაშავებული სასწრაფო დახმარებამ კლინიკაში გადაიყვანა, სადაც მათ სამედიცინო დახმარება აღმოუჩინეს და მალევე გაწერეს. ადგილობრივების თქმით, სკუტერები და კატერები, რომლებითაც დამსვენებლებს ემსახურებიან, ამორტიზებულია და მომხდარიც ამის დადასტურებაა. მათივე თქმით, ტექნიკას ტურისტებზე შესაბამისი ლიცენზიისა და ცოდნის არმქონე ხალხი აქირავებს და არ მოქმედებს არანაირი რეგულაცია.

საქართველოს ეროვნული ნაკრების მეკარე გიორგი მამარდაშვილი დაქორწინდა. მისი რჩეული ელენე ეპიტაშვილია. გარდა ამისა წყვილი პირველ შვილსაც ელოდება. მამარდაშვილი ევრო 2024-ის შემდეგ ყველაზე ძვირადღირებული მეკარეა.

წყნეთის გზატკეცილზე წყლის მილი დაზიანდა. შესაბამის ვიდეოს ტელეწამყვანი ნინო არაზაშვილი სოციალურ ქსელში აქვეყნებს და წერს, რომ წყალი მე-7 სართულამდ აღწევს. “მე-7 სართულამდე აღწევს წყალი. წყნეთის გზატკეცილის 31 – თან. მილი დაზიანდა გვიან საათებში მიმდინარე სარეაბილიტაციო სამუშაოების ფონზე”- წერს არაზაშვილი