დღე: ივლისი 8, 2024

უკრაინის პრეზიდენტი, ვოლოდიმირ ზელენსკი რუსების მიერ კიევში ბავშვთა საავადმყოფოზე სარაკეტო იერიშს გამოეხმუარა. მისი თქმით, ეს საავადმყოფო ერთ-ერთი ყველაზე მნიშვნელოვანია არა მხოლოდ უკრაინაში, არამედ ევროპაში და მან ათასობით ბავშვი გადაარჩინა. ,,ახლა საავადმყოფო დაზიანებულია რუსეთის დარტყმის შედეგად. ადამიანები ნანგრევების ქვეშ არიან, დაშავებულთა და დაღუპულთა ზუსტი რაოდენობა ამ დროისთვის უცნობია. ახლა ყველა გვეხმარება ნამსხვრევების გაწმენდაში: ექიმები, ჩვეულებრივი ხალხი. შეუძლებელია რუსეთმა არ იცოდეს, სად მიფრინავს მისი რაკეტები და სრულად უნდა აგოს პასუხი ყველა დანაშაულზე: ხალხის, ბავშვების, ზოგადად კაცობრიობის წინააღმდეგ. ძალიან მნიშვნელოვანია, რომ ახლა ამაზე მსოფლიო არ გაჩუმდეს და ყველამ დაინახოს, რას წარმოადგენს და რას…

,,მე ვარ ის, ვინც პუტინი შეაჩერა”, – განაცხადა აშშ-ის პრეზიდენტმა, ჯო ბაიდენმა ABC News-ის წამყვანთან, ჯორჯ სტეფანოპულოსთან ექსკლუზიურ ინტერვიუში და უპასუხა ჟურნალისტის შეკითხვას, ,,შეუძლია თუ არა ეფექტურად იმსახუროს მომავალი 4 წლის განმავლობაში” ,,მე ვარ ის, ვინც NATO გააერთიანა. არავის ეგონა, რომ მის გაერთიანებას შევძლებდი. მე ვარ ის, ვინც პუტინი შეაჩერა. არავის ეგონა, რომ ეს მოხდებოდა. მე ვარ ის, რომელმაც შექმნა სამხრეთ წყნარი ოკეანის ინიციატივა AUKUS-თან. მე ვარ ის, ვინც გააერთიანა 50 ერი – არა მხოლოდ ევროპაში, ევროპის გარეთაც, უკრაინის დასახმარებლად”, – აღნიშნა ბაიდენმა.

უნგრეთის პრემიერ-მინისტრი ვიქტორ ორბანი ჩინეთის ლიდერს, სი ძინპინს შეხვდა. Reuters-ის ცნობით, შეხვედრა პეკინში, სამთავრობო რეზიდენციაში გაიმართა. მისი დეტალები, ამ ეტაპზე, არ საჯაროვდება, თუმცა მანამდე ჩინეთის საგარეო საქმეთა სამინისტროს გავრცელებულ განცხადებაში აღნიშნული იყო, რომ ლიდერები „სიღრმისეულად იმსჯელებენ იმ საკითხებზე, რომლების მათი ქვეყნების საერთო ინტერესებს წარმოადგენს“. ვიქტორ ორბანი პეკინში დღეს ჩავიდა. მანამდე უნგრეთის პრემიერი უკრაინასა და რუსეთში იმყოფებოდა, სადაც პრეზიდენტებს, ვოლოდიმირ ზელენსკისა და ვლადიმერ პუტინს შეხვდა.

,,საფრანგეთმა ევროპა, დემოკრატია და საკუთარი ღირსება აირჩია”, – წერს საქართველოს პრეზიდენტი, საფრანგეთის საპარლამენტო არჩევნების პირველად შედეგებზე, რომლის მიხედვითაც, ულტრამემარჯვენე მარინ ლე პენის პარტია დამარცხდა. ,,საფრანგეთმა ევროპა, დემოკრატია და საკუთარი ღირსება აირჩია! მაკრონმა საკუთარი ხალხის იმედით იმოქმედა და ხალხმაც არ ნახულ მობილიზაციით უპასუხა ამ დიდ გამოწვევას. გადამწყვეტ მომენტში ხალხის ხელში არის არჩევანი”, – წერს პრეზიდენტი.

გუშინ, 7 ივლისს საფრანგეთში არჩევნების მეორე ტური ჩატარდა, რომლის ოფიციალური შედეგები შინაგან საქმეთა სამინისტრომ გამოაქვეყნა. მანდატების ყველაზე დიდი რაოდენობა მოიპოვა მემარცხენე ალიანსმა ,,ახალი სახალხო ფრონტი” – 182 მანდატით. პრეზიდენტ ემანუელ მაკრონი ცენტრისტულმა კოალიციამ 163 ადგილი მოიპოვა, ხოლო მესამე ადგილზე გავიდა მარინ ლე პენის ულტრამემარჯვენე ,,ეროვნული გაერთიანება” – 143 ადგილით. ეს ნიშნავს, რომ არცერთ პარტიას არ მოუპოვებია აბსოლუტური უმრავლესობისთვის საჭირო 289 ადგილი და მთავრობის დამოუკიდებლად ფორმირებისთვის საკმარისი ხმები არცერთ პარტიას არ აქვს. მოსალოდნელია, რომ პარლამენტი პოლარიზებული იქნება და სამ ბლოკს შორის გაიყოფა.

ემანუელ მაკრონი პირობას დებს, რომ ფრანგი ხალხის არჩევანს და არჩევნების შედეგებს აღიარებს და პატივს სცემს. პირველადი შედეგების გამოქვეყნების შემდეგ, მაკრონის პარტია მეორე ადგილზეა. „როგორც ჩვენი ინსტიტუტების გარანტი, პრეზიდენტი უზრუნველყოფს ფრანგი ხალხის სუვერენული არჩევანის პატივისცემას… რესპუბლიკის ტრადიციის შესაბამისად, ის დაელოდება ახალი ეროვნული ასამბლეის სტრუქტურირებას, აუცილებელი გადაწყვეტილებების მიღებამდე”, – აღნიშნულია ელისეის სასახლის განცხადებაში. შეგახსენებთ, რომ 7 ივლისს საფრანგეთში ვადამდელი არჩევნების მეორე ტური გაიმართა, რომელშიც ამ დროის მონაცემებით, მემარცხენე კოალიცია ,,ახალი სახალხო ფრონტი” ლიდერობს. მესამე ადგილზე კი ულტრამემარჯვენე მარინ ლე პენის პარტიაა. საფრანგეთის პრემიერმინისტრის თანამდებობის დატოვება უკვე დააანონსა გაბრიელ ატალმა.

დიდი ბრიტანეთის ახლადდანიშნული თავდაცვის მინისტრი ჯონ ჰილი უკრაინაში ჩავიდა. პრეზიდენტ ზელენსკის, თავდაცვის მინისტრ უმეროვს, საგარეო საქმეთა მინისტრ კულებასა და უკრაინის სხვა მაღალჩინოსნებს ბრიტანეთის თავდაცვის უწყების პირველი პირი ოდესაში შეხვდა. ჯონ ჰილი მინისტრის რანგში პირველი ვიზიტით, სწორედ უკრაინაში ჩავიდა. უკრაინის პრეზიდენტმა დიდ ბრიტანეთს კიდევ ერთხელ გადაუხადა მადლობა ომის მიმდინარეობისას აღმოჩენილი დახმარებისა და მხარდაჭერისთვის და აღნიშნა, რომ გაერთიანებულ სამეფოსთან თავდაცვის სფეროში თანამშრომლობით უკრაინელი სამხედროები უკრაინას იცავენ როგორც ზღვაზე, ისე ხმელეთზე და ამაში დიდი როლი აქვს შორი მოქმედების იარაღს. პრეზიდენტის ადმინისტრაციის ინფორმაციით, შეხვედრაზე მხარეებმა განიხილეს უსაფრთხოების შესახებ შეთანხმების იმპლემენტაცია და ახლის ხელმოწერის მომზადება,…

საფრანგეთის პრემიერმინისტრმა გაბრიელ ატალმა განაცხადა, რომ გადადგომის თაობაზე განცხადებას პრეზიდენტ ემანუელ მაკრონს 8 ივლისს, ორშაბათს დილით წარუდგენს. შეგახსენებთ, რომ საფრანგეთის საპარლამენტო არჩევნებში ეგზიტპოლების მონაცემებით, მემარცხენე კოალიცია ,,ახალი სახალხო ფრონტი” იმარჯვებს, მეორე ადგილზეა მაკრონის ცენტრისტული გაერთიანება. მესამე ადგილზე გავიდა მარინ ლე პენის პარტია. ამჟამად გაურკვეველია ვინ დაიკავებს პრემიერმინისტრის პოსტს, რადგან აბსოლუტურ უმრავლესობას ვერცერთი პარტია ვერ იღებს.

,,მოსკოვში იმედგაცრუება, კიევში შვება. საკმარისია, რომ ვარშავაში ბედნიერები ვიყოთ”, – ასე გამოეხმაურა პოლონეთის პრემიერმინისტრი დონალდ ტუსკი საფრანგეთის არჩევნების მეორე ტურის შედეგებს. ,,პარიზში ენთუზიაზმი, მოსკოვში იმედგაცრუება, კიევში შვება. საკმარისია, რომ ვარშავაში ბედნიერები ვიყოთ”, – ამბობს ტუსკი.

უნგრეთის პრემიერ-მინისტრი ვიქტორ ორბანი პეკინში ჩავიდა. ინფორმაცია ორბანმა სოციალურ ქსელში გაავრცელა და ვიზიტის ამსახველი ფოტო გამოაქვეყნა, წარწერით „მშვიდობის მისია 3.0 პეკინი“. შემდეგ პოსტში მან განაცხადა, რომ ჩინეთის ლიდერს, სი ძინპინს შეხვდება. „ჩინეთი საკვანძო ძალაა რუსეთ-უკრაინის ომში მშვიდობის პირობების შესაქმნელად. სწორედ ამიტომ მოვედი პრეზიდენტ სისთან შესახვედრად პეკინში, ბუდაპეში მისი ოფიციალური ვიზიტიდან სულ რაღაც ორი თვის შემდეგ“, – წერს ორბანი.