თვე: ივნისი 2024

,,ქართულმა ოცნებამ” დემოკრატიული ნიღაბი მოიხსნა, მაგრამ ქართველების უმეტესობა მხარს უჭერს ევროკავშირის წევრობას”, – ამის შესახებ აშშ-ის ყოფილმა ელჩმა საქართველოში, უილიამ კორტნმა X-ზე დაწერა. ,,ქართულმა ოცნებამ” დემოკრატიული ნიღაბი მოიხსნა, მაგრამ ქართველების უმეტესობა მხარს უჭერს ევროკავშირის წევრობას. ავტორიტარული მმართველობის ამჟამინდელი ტალღა ქართველების ევროპულ და დემოკრატიულ მომავალს არ უარყოფს. ეს არც დასავლეთს დააბრკოლებს ამ ამბიციების მხარდაჭერაში”, – დაწერა კორტნიმ.

ევროკავშირის ოფიციალურმა ჟურნალმა გამოაქვეყნა ევროკავშირის საბჭოს გადაწყვეტილებები რუსეთის წინააღმდეგ სანქციების მე-14 პაკეტზე. გამოქვეყნდა სანქცირებული იურიდიული და ფიზიკური პირების სახელები, რომლებიც დაკავშირებული არიან უკრაინაში რუსეთის შეჭრის ორგანიზებაში და მხარს უჭერენ ამ აგრესიას. სანქცირებულთა შორის არიან : მედია მენეჯერი არამ გაბრილიანოვი, მომღერალი იაროსლავ დრონოვი (შამანი), მოსკოვის საქალაქო დუმის დეპუტატი, ყოფილი სპორტსმენი და ტელეწამყვანი მარია კისელევა, მომღერალი პოლინა გაგარინა, მედია მენეჯერი ალექსეი გორესლავსკი, მსახიობი, მღვდელი და საზოგადო მოღვაწე ივან ოხლობისტინი, ქონების მართვის სააგენტოს ხელმძღვანელი ვადიმ იაკოვენკო, ჩეჩნეთის ლიდერისმ რამზან კადიროვის დედა, რუსეთისა და ბელარუსის საკავშირო სახელმწიფოთა მდივანი დიმიტრი მეზენცევი, ბიზნესმენები იგორ ალტუშკინი, ტაიმურაზ…

,,საქართველოს მთავრობა არ ასრულებს კანდიდატის სტატუსის პირობებს”, – ამბობს ლატვიის საგარეო საქმეთა მინისტრი, ბაიბა ბრაჟე ლუქსემბურგში მიმდინარე მინისტერიალზე. ,,საქართველოსთან დაკავშირებით მთავარი პრიორიტეტი არის, რომ არ დავსაჯოთ ქვეყნის დემოკრატიული საზოგადოება, მაგრამ უზრუნველვყოთ, რომ მთავრობა, რომელიც გადაწყვეტილებებს იღებს და საქართველოს ევროპულ მომავალს დაბრკოლებას უქმნის, გზავნილი მიიღოს. ქართველ ხალხს სურს ევროკავშირში გაწევრიანება, საქართველოს მთავრობა კი ამ პროცესს ხელს უშლის. კანდიდატის სტატუსი ამ ქვეყანას მიეცა წინასწარ, გარკვეული წინაპირობებით, მაგრამ საქართველოს მთავრობა არ ასრულებს ამ პირობებს”, – განაცხადა ბრაჟემ.

ევროსაბჭოში ხუთშაბათს საქართველოსთან დაკავშირებით, დებატები გაიმართება. როგორც ენმ-ის დეპუტატი, ანა წითლიძე სტრასბურიდან ავრცელებს ინფორმაციას, ,,ქართული ოცნების” წარმომადგენლის, გივი მიქანაძის წინააღმდეგობისა, რომელიც დებატების გაუქმებას ითხოვდა, 92 მომხრე, 17-ის წინააღმდეგ, დებატების გამართვის საკითხი, მაინც დადებითად გადაწყდა: ,,92 მომხრე. 17 წინააღმდეგი. მიუხედავად ქართული ოცნების წარმომადგენლის გივი მიქანაძის ჯაფისა და შუამდგომლობისა ევროსაბჭოსთან რომელიც ითხოვდა საქართველოზე დებატების გაუქმებას, მოტივით რომ მოახლოებულ საპარლამენტო არჩევნებში ჩარევას ნიშნავს ეს ევროპის მხრიდანო) – ევროსაბჭოში ხუთშაბათს გაიმართება დიდი დებატები საქართველოზე!”, – წერს წითლიძე.

,,კრემლს არ ეშინია 2000-იანი წლების ვითარებაში დაბრუნების”, – აცხადებს პუტინის პრესსპიკერი დაღესტანში განვითარებული მოვლენების შეფასებისას. კითხვაზე, დერბენტსა და მაჰაჩყალაში მომხდარი თავდასხმების შემდეგ, ეშინია თუ არა კრემლს იმ სიტუაციის განმეორების, რაც ქვეყანაში 2000-იანი წლების დასაწყისში იყო? პესკოვი პასუხობს, რომ ,,არა”: „არა, ახლა რუსეთი განსხვავებულია, საზოგადოება აბსოლუტურად კონსოლიდირებულია და ისეთ კრიმინალურ ტერორისტულ გამოვლინებებს, როგორიც გუშინ დაღესტანში ვნახეთ, საზოგადოება არ უჭერს მხარს არც რუსეთში და არც დაღესტანში“, – თქვა პესკოვმა შეგახსენებთ, რომ დაღესტნის ორ ქალაქში მაჰაჩყალასა და დერბენტში გუშინ, 23 ივნისს შეიარაღებული თავდასხმები მოხდა. შეიარაღებული პირები თავს დაესხნენ ორ მართლმადიდებლურ ეკლესიას, სინაგოგასა და…

,,საქართველოსთან დაკავშირებით შესაძლო ზომების სიაში ნახსენები არაა ევროინტეგრაციის შეჩერება, რომელიც აუცილებლად უნდა იქნას განხილული”, – ამბობს ლიეტუვის საგარეო საქმეთა მინისტრი გაბრიელიუს ლანდსბერგისი ლუქსემბურგის მინისტერიალის დაწყებამდე, სადაც საქართველოს საკითხზე იმსჯელებენ. ,,კარგია, რომ საქართველოსთან დაკავშირებით შესაძლო ზომების სია იქნება წარმოდგენილი. სამწუხაროდ მასში არ არის ნახსენები საქართველოს ევროინტეგრაციის შეჩერება, რომელიც, ჩემი აზრით, აუცილებლად უნდა იქნას განხილული”, – აღნიშნა მინისტრმა.

ბაქოში, ძებნილის დაკავებისას, სროლის შედეგად 5 ადამიანი დაიღუპა. მათ შორის, სამი პოლიციელი, ერთი მშვიდობიანი მოქალაქე და თავად მსროლელი. ინფორმაციას ადასტურებს აზერბაიჯანის შსს და გენერალური პროკურატურა. შემთხვევა აზერბაიჯანის დედაქალაქის ხაზარის რაიონის დასახლებაში მოხდა. მსროლელი აზერბაიჯანის მოქალაქე როვშან ალავერდიევია, რომელიც შსს-ს ცნობით, მანამდე რამდენჯერმე იყო ნასამართლევი. დაკავების მცდელობისას მან პოლიციას შეიარაღებული წინააღმდეგობა გაუწია და სროლის დროს დაიღუპა. სხვა დამატებითი დეტალები, ჯერჯერობით, უცნობია.

,,მნიშვნელოვანია საქართველოს მოსახლეობის EU-თან ჩართულობის შენარჩუნება”, – ამის შესახებ რუმინეთის საგარეო საქმეთა მინისტრმა, ლუმინიცა ოდობესკუმ ლუქსემბურგის მინისტერიალის დაწყებამდე განაცხადა. ,,მიუხედავად საქართველოში ბოლო დროს მიმდინარე მოვლენებისა, ვფიქრობ, მნიშვნელოვანია მათი EU-თან ჩართულობის შენარჩუნება და ამით გავუგზავნოთ დადებითი მესიჯი საქართველოს მოსახლეობას”, – ამბობს მინისტრი.

ევროკავშირის საგარეო საქმეთა მინისტრებმა, დღეს 24 ივნისს, ლუქსემბურგში შეხვედრისას, რუსეთის წინააღმდეგ, უკრაინასთან მისი ომის გამო, სანქციების მე-14 პაკეტი მიიღეს. ამის შესახებ ინფორმაცია ევროსაბჭოს ვებგვერდზე ვრცელდება. ,,დღევანდელი პაკეტი მოიცავს შემაკავებელ ზომებს კიდევ 116 ფიზიკური და იურიდიული პირის მიმართ, რომლებიც პასუხისმგებელნი არიან ქმედებებზე, რომლებიც ძირს უთხრის ან საფრთხეს უქმნის უკრაინის ტერიტორიულ მთლიანობას, სუვერენიტეტსა და დამოუკიდებლობას ევროსაბჭომ დღეს მიიღო ეკონომიკური და ინდივიდუალური შემზღუდავი ზომების მე-14 პაკეტი პუტინის რეჟიმისა და მათ წინააღმდეგ, ვინც ხელს უწყობს მის კრიმინალურ, არაპროვოცირებულ და გაუმართლებელ აგრესიულ ომს უკრაინის წინააღმდეგ. ეს ზომები გამიზნულია რუსეთის ეკონომიკის მაღალშემოსავლიან სექტორებზე, როგორიცაა ენერგეტიკა, ფინანსები…

,,დღეს სამწუხარო დღეა, იმიტომ რომ უნდა განვიხილოთ საქართველოს საკითხი, სადაც მთავრობა მოძრაობს არა ევროკავშირის მიმართულებით არამედ მის საწინააღმდეგოდ. სამაგიეროდ ხვალ არის სასიხარულო დღე, რადგან განვიხილავთ მოლაპარაკებების დაწყებას უკრაინასთან და მოლდოვასთან”, – აცხადებს ესტონეთის საგარეო საქმეთა მინისტრი მარგუს ცაჰკნა ლუქსემბურგის მინისტერიალის დაწყებამდე. ,,საქართველოს შესახებ მთავარი იქნება ის, რომ აღარ გადაიდგმება ნაბიჯები ამ ქვეყნის ევროინტეგრაციისკენ, თუ ეს მთავრობა არ შეცვლის ქცევას, თუ არ გააუქმებს უცხოელი აგენტების კანონს. გარდა ამისა, არსებობს სია იმ ზომებისა, რომლებიც შესაძლოა იქნას მიღებული და მათ შორის არის ფინანსური დახმარების შეჩერება. ასევე იქნება საუბარი შენგენის ვიზების აკრძალვაზე მაღალი თანამდებობის…

ლუქსემბურგში, საქართველოში ბოლო დროს განვითარებული მოვლენების შესახებ დისკუსია იწყება. ევროკავშირის წევრი ქვეყნების საგარეო საქმეთა მინისტრები მინისტერიალზე უკვე იკრიბებიან. გადაიხედება თუ არა ევროკავშირის წევრ ქვეყნებში უვიზო მიმოსვლის საკითხი და დაუწესდება თუ არა ოცნების მმართველობის ქვეშ მყოფ ქვეყანას დამატებითი ფინანსური და სამოგზაურო შეზღუდვები? ამასთან დაკავშირებით, საგარეო პოლიტიკისა და უსაფრთხოების საკითხებში ევროკავშირის უმაღლესი კომისარი, ჯოზეფ ბორელი აცხადებს, რომ მინისტრებს დღეს ვარიანტების სიას წარუდგენს, თუ რა შეიძლება გაკეთდეს მოკლე და საშუალოვადიან პერსპექტივაში: ,,ჩვენ განვიხილავთ საქართველოს საკითხს და ყველასთვის უნდა იყოს ნათელი ერთი რამ: ევროკავშირის კარი საქართველოსთვის ჯერ კიდევ ღიაა, მაგრამ თუ საქართველოს მთავრობა გააგრძელებს…

ისრაელის პრემიერმინისტრის, ბენიამინ ნეთანიაჰუს განცხადებით, ,,ჰამასთან” ომის ინტენსიური ფაზა დასასრულს უახლოვდება და მან სამხედროების მობილიზება შესაძლოა ჩრდილოეთ საზღვართან, ლიბანთან გადაიტანოს, სადაც ირანის მიერ მხარდაჭერილ ჯგუფთან იბრძვიან. ,,ჰამასთან (ღაზაში) ომის ინტენსიური ფაზა დასასრულს უახლოვდება… ეს არ ნიშნავს, რომ ომი დასრულდება, მაგრამ ომი მის ამჟამინდელ ეტაპზე რაფაში დასრულდება. ეს მართალია. ჩვენ მოგვიანებით გავაგრძელებთ ბალახის მოთიბვას,” – განაცხადა ნეთანიაჰუმ. მან ასევე აღნიშნა, რომ მზად არის ,,ნაწილობრივი გარიგება” დადოს ,,ჰამასთან,” რათა დაიბრუნოს ტყვეები, რომლებიც ჯერ კიდევ ღაზაში არიან, თუმცა გაიმეორა, რომ ომი კვლავ გაგრძელდება მიზნის მისაღწევად ,,ჰამასის” ლიკვიდაციისთვის. ,,მე არ ვარ მზად ამის დათმობისთვის”,…