დღე: ივნისი 7, 2024

„ოპოზიციაში ხედავენ, რომ ქართველი ხალხისგან მათ, უკვე 12 წელია, აქვთ მყარი უარი, რომ ერთი გრამი ძალაუფლებაც არ ჩაუვარდეთ ხელში, ერთადერთი გზა არის დემოკრატიის გვერდის ავლით, ძალადობით ხელისუფლების მოპოვება“,-განაცხადა პარლამენტის თავმჯდომარე შალვა პაპუაშვილმა. როგორც მან აღნიშნა, ოპოზიციას უნდა, ხელისუფლება მოიპოვოს სხვისთვის და არა ქართველი ხალხისთვის. „ყველაზე შემაშფოთებელია, რომ ამას აკეთებენ სახელით და გვარით ქართველი ადამიანები, რომელთაც იმის გამო, რომ სხვისი დავალებით ძალაუფლება აიღონ ხელში, რათა შემდეგ სხვისი დავალებები შეასრულონ ამ ქვეყანაში, შეუძლიათ, ქვეყანა გაწირონ არეულობისკენ. სინამდვილეში, მიზანი ერთი აქვთ, ხელისუფლებაში მოსვლა, ოღონდ არა ხალხისთვის, არც თავისთვის უნდათ ეს ხელისუფლება. მათ უნდათ, ხელისუფლება მოიპოვონ…

“წევრ ქვეყნებს მივაწოდეთ განახლებული ინფორმაცია და მიგვაჩნია, რომ უკრაინამ და მოლდოვამ ევროკავშირში გაწევრიანების შესახებ მოლაპარაკებების დასაწყებად ყველა ნაბიჯი შეასრულეს” – ამის შესახებ ევროკომისიის წარმომადგენელმა ანა პიზონერომ ბრიფინგზე განაცხადა. პიზონერო ამბობს, რომ საბოლოო გადაწყვეტილება წევრი ქვეყნების ხელშია. „გადაწყვეტილება ახლა წევრი ქვეყნების ხელშია, მათ უნდა მიიღონ მოლაპარაკებების ჩარჩო“ – აღნიშნა ანა პიზონერომ. მისი განმარტებით, უკრაინისთვის მოლაპარაკებების დაწყების პირობებს წარმოადგენდა ანტიკორუფციული რეფორმები, პოლიტიკური ლობირების შეზღუდვა, თანამდებობის პირებისთვის ქონების დეკლარირების წესები და ეროვნული უმცირესობების ენების დაცვა.

„26 ოქტომბერს საქართველოს მოსახლეობა საბოლოოდ დაასანქცირებს ამ მოღალატე ოპოზიციას, რომელსაც არაფერი აქვს საერთო საქართველოსთან, მათი მარტო გვარი და სახელია ქართული, დანარჩენი სხვა – არიან ჩვეულებრივი მარიონეტები უცხო ქვეყნის ხელში“ – განაცხადა საქართველოს პარლამენტის თავმჯდომარემ შალვა პაპუაშვილმა. პაპუაშვილი ამბობს, რომ ოპოზიციაში არიან ისეთი ადამიანები, რომლებიც უცხო ქვეყნის „წარბის აწევაზეც“  კი ყველაფერს შეცვლიან. „რაც შეეხება ოპოზიციას, ეს კი ნამდვილად საინტერესოა მთლიან პროცესში. აქ ყველაზე მეტად საინტერესოა არა თავად სავიზო შეზღუდვების ნაწილი, არამედ ოპოზიციის რეაქცია. ჩვენ ოპოზიციაში გვყავს ადამიანები, რომლებიც უცხო ქვეყნის ერთი წარბის აწევაზე შეუძლიათ, მთლიანად შეცვალონ ყველაფერი. ადამიანები, რომლებისთვისაც მთავარია არა საკუთარი…

„საერთო ჯამში, რასაც ვსაუბრობდით, ისე ხდება. არასერიოზული იყო როგორც მუქარა, ისე განცხადება სავიზო შეზღუდვებთან დაკავშირებით, როდესაც მოვისმინეთ ჩვენ გუშინ, რომ ორი დუჟინი ქართველი დასანქცირდა ისე, რომ არც ვიცით, ვინ არიან ეს ადამიანები“, – განაცხადა საქართველოს პარლამენტის თავმჯდომარე შალვა პაპუაშვილმა. მისი თქმით, მეგობრობის პასუხად არასერიოზული განცხადებების მიღება სამწუხაროა. ,,არასერიოზულია და მე ძალიან გული მწყდება, რომ ასეთ მიდგომებს ვხედავ. ნაცვლად იმისა, რომ ამერიკის ხელისუფლებას ეზრუნა, გამოესწორებინა ის ურთიერთობა, რომელიც ჩვენს ქვეყნებს შორის არის, ვხედავთ არასერიოზულ ნაბიჯებს, რომელიც ნამდვილად არ ეკადრება ამხელა ქვეყანას. კიდევ ერთხელ მინდა, ხაზი გავუსვა, ქართველმა ხალხმა 30 წელი მეგობრობის მეტი არაფერი…

„ფაქტი არის ის, რომ შუა ვაკეში, ჭავჭავაძეზე ადამიანებზე ხდება თავდასხმა, თან ჩუმად, უკან მიპარვით“- განაცხადა თბილისის სახელმწიფო უნივერსიტეტის ლექტორმა მაგდა მემანიშვილმა, სტუდენტის ნიკო მანაგაძის ცემასთან დაკავშირებით. როგორც ლექტორი თვითმხილველებზე დაყრდნობით ამბობს, ახალგაზრდას თავს 3-4 ადამიანი მოულოდნელად დაესხა. „ფაქტი არის ის, რომ შუა ვაკეში, ჭავჭავაძეზე ადამიანებზე ხდება თავდასხმა, თან ჩუმად, უკან მიპარვით, თვითმხილველები ასახელებენ 3-4 ადამიანს, რომლებიც იყვნენ შავებში ჩაცმულები, კეპებში, ამ ბიჭს რომელიც იდგა, რომელიც იდგა შუქნიშანთან და ელოდებოდა გადასვლას, ზურგიდან დაესხნენ თავს. თვითმხილველებმა მომიყვნენ, რომ დააგდეს, მოულოდნელი იყო ეს თავდასხმა დაზარებულისთვის, წააქციეს და 3-4 წუთის მანძილზე ურტყამდნენ, კეფაში განსაკუთრებითო,…

,,გვეცოდებიან კოლეგები, არ გვემეტებიან სანქციებისთვის, მოვუწოდებთ, შეცვალონ საკუთარი ქცევა, ვიდრე გვიანი არ არის”, – ამის შესახებ „გირჩის“ ლიდერმა, იაგო ხვიჩიამ განაცხადა და აშშ-ის სახელმწიფო დეპარტამენტის მიერ გამოცხადებულ სავიზო შეზღუდვებს გამოეხმაურა. „ჩვენ სანქციებს ვუყურებთ ისე, რომ გვეცოდებიან კოლეგები, არ გვემეტებიან ამისთვის. კიდევ ერთხელ მოვუწოდებთ, შეცვალონ საკუთარი ქცევა, ვიდრე გვიანი არ არის. ზოგადად, სწორ გზაზე შემობრუნება არასდროს არის გვიანი. უბრალოდ, მეცოდებიან ეს ადამიანები, რომლებიც შარში გაეხვიენ და ოჯახის წევრებსაც შარში ხვევენ. მოლოდინით შევყურებ შემოდგომას და არჩევნებს, იქიდან გამომდინარე, რომ არჩევნების შემდეგ ამ ვითარებას ჩვენ გამოვასწორებთ და რაღაცნაირად მოვუბოდიშებთ, რომ ასეთი უხერხულობა დაგვემართა…

შეერთებულ შტატებში მიღებულ გადაწყვეტილებას სანქციების დაწესებასთან დაკავშირებით, თბილისში აფასებენ. პარტია ,,სტრატეგია აღმაშენებელის” გენერალური მდივანი, პაატა მანჯგალაძე ფიქრობს, რომ ეს არ არის ერთადერთი ქმედება და მოსალოდნელია სხვა ქმედებებიც. ,,ეს არის დასაწყისი, ეს არ არის ერთადერთი ქმედება. ამის იქით, კიდევ იქნება სხვა ქმედებებიც. ნეგატიური ასახვა ექნება ამას ჩვენს მოქალაქეებზე, რადგან სანქცირებული მთავრობა რამდენი ხანიც იქნება ხელისუფლებაში, ვერანაირ სიკეთეს ვერ მოუტანს ხალხს,” – აცხადებს პაატა მანჯგალაძე. განცხადება საკითხთან დაკავშირებით გააკეთა საპარლამენტო პოლიტიკური ჯგუფის ,,რეფორმების ჯგუფი” წევრმა, თეონა აქუბარდიამ. ,,სანქციების მეშვეობით, იზრდება ქართველი ხალხის მხარდაჭერა, რათა ჩვენ დავრჩეთ დემოკრატიული და ევროპული კურსის სადარაჯოზე და…

„ეს არის კონკრეტული ფაქტი, რაც გვაქვს სახეზე“, – ასე აფასებს თბილისის მერი კახა კალაძე „ატლანტიკური საბჭოს“ მიერ საქართველოს დასახელებას მმართველობის მიხედვით თავისუფალი ქვეყნების უმაღლეს კატეგორიაში. „ეს არის კონკრეტული ფაქტი, რაც გვაქვს სახეზე. ყველანაირი მიმართულებით საქართველო წინ დგამს ნაბიჯებს. თუ რაიმე წარმატებას მივაღწიეთ ბოლო წლების განმავლობაში, ეს ჩვენი გუნდის და ქართველი ხალხის დამსახურებაა. სასიამოვნოა, როცა თეთრზე გეუბნებიან თეთრს და ნაცარს არ გაყრიან თვალებში“, – განაცხადა კახა კალაძემ. მისივე თქმით, საქართველო მზადაა, რომ 9-პუნქტიანი გეგმა, რომელიც წარმოდგენილია, ზაფხულისთვის შესრულებული იყოს. „სიმართლე არის ერთი – საქართველოს ხელისუფლება ყველა კრიტერიუმით და პარამეტრით არის გაცილებით…

თბილისის მერი კახა კალაძე „უცხოური გავლენის გამჭვირვალობის შესახებ“ კანონთან დაკავშირებით საქართველოს დასავლელი პარტნიორების მიერ გაკეთებულ განცხადებებს უსამართლოს უწოდებს. როგორც მან შესაბამისი შეკითხვის საპასუხოდ განაცხადა, მათ მიერ გაკეთებული განცხადებები ოპოზიციური პარტიების წარმომადგენლების ერთგვარი წახალისებაა. „მათი მხრიდან ორმაგი სტანდარტი, უსამართლო დამოკიდებულებაა. ვერავინ ახსნის ბუნებაში, თუ რატომ შეიძლება იყოს გამჭვირვალობა პრობლემა და ეწინააღმდეგებოდეს ევროპას ან ევროპულ ღირებულებებს. ვფიქრობ, საზოგადოება ძალიან კარგად ხედავს, რეალურად რა ხდება და რა პროცესები მიმდინარეობს. ის გადაწყვეტილება, რომელიც რამდენიმე კვირის წინ სანქციებთან დაკავშირებით გაჟღერდა, ერთგვარი წახალისებაა გარდაცვლილი ოპოზიციის, რომელიც არის „ზერო“, ნული. მკვდარი როდის იყო ცოცხლდებოდა?! მკვდარს ვერ გავაცოცხლებთ.…

,,უფლება გვაქვს ვიცოდეთ, ვართ თუ არა პირველი კანონმდებლები მსოფლიოში, რომლებიც დაასანქცირეს კანონის მიღებისთვის”, – წერს საპარლამენტო უმრავლესობის ლიდერი, მამუკა მდინარაძე აშშ-ის სანქციებზე. ,,მაინც ვფიქრობ, რომ ცოტა უფრო სერიოზულად უნდა მივუდგეთ ამ ამბავს. მაგალითად, უფლება გვაქვს ვიცოდეთ, ბოლო-ბოლო, ვართ თუ არა პირველი კანონმდებლები მსოფლიოში, რომლებიც დაასანქცირეს კანონის მიღების გამო! ასევე, ქართულ ოპოზიცია-აგენტურას უფლება აქვს უფრო კონკრეტული ამბებით გაიხაროს და არა მეათედ გამოცხადებული ზოგადი მინიშნებებით. არაადამიანური მოპყრობაა, როდესაც აიძულებენ აგერ უკვე მერამდენედ გამოხატონ აღტაცება ყოველგვარი კონკრეტიკის გარეშე. ეს კიდევ უარესია, ვიდრე სიტყვა “რუსულის” ძახება შინაარსში შესვლის აკრძალვით. მათ ასეთი მოპყრობა არ დაუმსახურებიათ!”,…

,,არასერიოზულია ყველაფერი, რაც ხდება, ღიმილისმომგვრელია სანქციებზე საუბარი”, – ამბობს ,,ქართული ოცნების” გენერალური მდივანი, კახი კალაძე აშშ-ის სანქციებზე. ,,კიდევ ერთხელ ვიმეორებ, ეს არ ცვლის ჩვენს დამოკიდებულებას სამშობლოს მიმართ. ეს არ ცვლის ჩვენი გადაწყვეტილების შეცვლას, როდესაც საუბარია ქვეყნის ინტერესებზე, ამ ქვეყნის მომავალზე, ამ ქვეყნის ხვალინდელ დღეზე. არავის ეშინია ამ სანქციების. ერთხელ ვთქვით უკვე და კიდევ ერთხელ ვიმეორებ, არანაირი შეტყობინება არ მიმიღია. არასერიოზულია და ღიმილისმომგვრელია ეს ყველაფერი. თქვენ შეგიძლიათ ახსნათ ერთი მიზეზი, რატომ შეიძლება მმართველი გუნდის წარმომადგენლები იყვნენ დასანქცირებული. ღიმილისმომგვრელია უბრალოდ სანქციებზე საუბარი, გულწრფელად გეუბნებით”, – ამბობს კალაძე.