საფრანგეთიდან ინგლისში მოსახვედრად ლა-მანშის სრუტის გადალახვის მცდელობისას რვა ადამიანი დაიღუპა. ამის შესახებ „ბიბისი“ საფრანგეთის პოლიციაზე დაყრდნობით ავრცელებს ინფორმაციას.
რეზინის ნავმა, რომელზეც 50-მდე ადამიანი იმყოფებოდა, სანაპიროდან გასვლის შემდეგ მალევე დაიწყო ჩაძირვა, თუმცა საფრანგეთის სანაპირო დაცვამ ზღვაში დახმარების აღმოჩენა ვერ შეძლო.
მომხდართან დაკავშირებით საფრანგეთის ხელისუფლების მიერ დაწყებულია გამოძიება.