უეფამ განაახლა წინადადებების მიღება 2027 წლის ჩემპიონთა ლიგის ფინალის მასპინძლობისთვის მას შემდეგ, რაც მატჩი მილანში გაუქმდა.
მაისში ევროპის ფეხბურთის ასოციაციამ აირჩია სან სიროს სტადიონი, რომელსაც ასევე უწოდებენ სტადიონ ჯუზეპე მეაცას, მაგრამ მილანის საფეხბურთო სტადიონის შესაძლო რეკონსტრუქციის გამო ორგანიზაციამ გადაწყვიტა მატჩისთვის სხვა ადგილი გამოენახა.
„რადგან მილანის მუნიციპალიტეტი ვერ იძლევა გარანტიას, რომ სან სირო და მისი შემოგარენი არ დაზარალდება რეკონსტრუქციის შედეგად, დღეს გადაწყდა, რომ ხელახლა გაიხსნას ტენდერის პროცესი 2027 წლის ფინალისთვის. გადაწყვეტილება ახალი მასპინძლის შესახებ, სავარაუდოდ, მაისში იქნება მიღებული“. – ნათქვამია უეფას ოფიციალურ განცხადებაში.
გარკვეული პერიოდის განმავლობაში იყო ბევრი მსჯელობა სან სიროს მომავალზე. ინტერისა და მილანის ლიდერები ცალკე საკლუბო სტადიონების აშენებას გეგმავენ. თუმცა სან სიროს დანგრევა არ შეიძლება. მილანის მუნიციპალიტეტს სტადიონის განახლება სურს, რომელიც თითქმის ასი წლისაა”, – წერს BBC.
