დღე: ოქტომბერი 1, 2024

იენს სტოლტენბერგმა მარკ რუტეს უფლებამოსილება ოფიციალურად გადააბარა. ნატო-ს დღეიდან ახალი გენერალური მდივანი ჰყავს. რუტემ ის სამი მიმართულება დაასახელა, რომელიც მისი ხელმძღვანელობისას პრიორიტეტული იქნება: ძლიერი ნატო-ს შენარჩუნება და ეფექტური თავდაცვისუნარიანობა; უკრაინის მხარდაჭერის გაძლიერება და მისი ნატო-სთან დაახლოება; პარტნიორობის გაძლიერება ევროკავშირთან და მსოფლიოს ქვეყნებთან, რომლებიც ნატოს ღირებულებებს იზიარებენ;

იაპონიის ორპალატიანმა პარლამენტმა ახალი პრემიერმინისტრი შიგერუ იშიბა დაამტკიცა, რითაც მას თავისი მინისტრთა კაბინეტის ოფიციალურად წარდგენისთვის გზა გაუხსნა. ინფორმაციას გამოცემა Reuters-ი ავრცელებს. შიგერუ იშიბა 67 წლისაა და წარსულში თავდაცვის მინისტრის თანამდებობას იკავებდა. სწორედ მისი პრემიერობით ჩატარდება ქვეყანაში ვადამდელი არჩევნები 27 ოქტომბერს. შეგახსენებთ, რომ ფუმიო კიშიდა და მისი მინისტრთა კაბინეტი დღეს დილით გადადგა.

აშშ-ს საელჩო ოფიციალურ ფეისბუქ გვერდზე ბიძინა ივანიშვილისა და ,,კრედიტ სუისის” სასამართლო დავასთან დაკავშირებით წერს და შეკითხვას სვამს: ,,ბიძინა ივანიშვილმა იცის, რომ კრედიტ სუისთან დაკავშირებული ფული ბერმუდისა და სინგაპურის სასამართლოების ხელშია და არა – ამერიკის. რატომ უყვება ის ქართველებს სხვა ამბავს?”, – წერს დიპლომატიური უწყება.

ნიდერლანდების ყოფილი პრემიერმინისტრი მარკ რუტე დღეიდან ნატო-ს გენერალური მდივნის მოვალეობის შესრულებას ოფიციალურად შეუდგება. თანამდებობის გადაცემის ცერემონია დღეს ბრიუსელში, ნატო-ს შტაბ-ბინაში გაიმართება. ,,ამ ისტორიულ დღეს ჩვენ ნატო-ს გენერალურ მდივანს, იენს სტოლტენბერგს ვემშვიდობებით და ნატო-ს მომავალ გენერალურ მდივანს, მარკ რუტეს მივესალმებით”, – ნათქვამია ნატო-ს ოფიციალურ გვერდზე სოციალურ ქსელში. სტოლტენბერგი ნატო-ს გენერალური მდივნის თანამდებობას 2014 წლიდან იკავებდა. ჩრდილოატლანტიკურმა საბჭომ ნატო-ს გენერალურ მდივნად მარკ რუტეს დანიშვნას მხარი 26 ივნისს დაუჭირა.

,,რუსეთი არ განიხილავს აფხაზეთისა და სამხრეთ ოსეთის საქართველოსთვის დაბრუნების ვარიანტს, მოსკოვი შეასრულებს უსაფრთხოების ყველა შეთანხმებას და ჯარებს არ გაიყვანს რეგიონებიდან”, – აცხადებს დუმის დსთ-ის საქმეთა კომიტეტის თავმჯდომარის პირველი მოადგილე, კონსტანტინ ზატულინი. „იგულისხმება თუ არა დაახლოებაში რუსული ჯარების გაყვანა? ჩვენ გვაქვს შეთანხმებები აფხაზეთთან და სამხრეთ ოსეთთან უსაფრთხოების საკითხებზე, სამხედრო საკითხებზე და ა.შ. არავინ განიხილავს ამ საკითხს, ლავროვმა თქვა, რაც თქვა, ჯარების გაყვანას არ გულისხმობდა. საქმე იმაშია, რომ აუცილებელია აფხაზეთში, ოსეთსა და საქართველოში არსებული რეალობის აღიარება, სახელმწიფოთაშორისი ურთიერთობების ფარგლებში რაიმე სახის რეალური ურთიერთქმედების ფორმების ჩამოყალიბება. ლავროვის სიტყვები არ უნდა გავიგოთ, როგორც რუსეთის…

იაპონიის პრემიერი ფუმიო კიშიდა და მისი მინისტრთა კაბინეტი გადადგა. ადგილობრივი მედიის ინფორმაციით,  ფუმიო კიშიდამ მთავრობის ბოლო სხდომაზე მინისტრებს მადლობა გადაუხადა და ადმინისტრაციის მიღწევებზე ისაუბრა, მათ შორის ენერგეტიკული პოლიტიკის ცვლილებაზე, თავდაცვის შესაძლებლობების ფუნდამენტურ გაძლიერებასა და ბავშვების აღზრდაზე. ცნობისთვის, ფუმიო კიშიდამ იაპონიის პრემიერის თანამდებობიდან გადადგომის შესახებ 2024 წლის აგვისტოში განაცხადა. ის ქვეყნის მთავრობას სამი წლის განმავლობაში ხელმძღვანელობდა. დღეს, მოგვიანებით, იაპონიის პარლამენტის ორივე პალატა ახალი პრემიერმინისტრის არჩევას უყრის კენჭს. იაპონიაში ვადამდელი არჩევნები დაგეგმილზე ერთი წლით ადრე, 27 ოქტომბერს ჩატარდება.

შეერთებული შტატების ყოფილი პრეზიდენტის, დონალდ ტრამპის მკვლელობის მცდელობაში ეჭვმიტანილი ბრალს არ აღიარებს და ნაფიც მსაჯულთა სასამართლოს ითხოვს. გამოცემა Reuters-ის ცნობით, 58 წლის რაიან რუთი წაყენებულ ხუთ ფედერალურ ბრალდებას არ აღიარებს და ნაფიც მსაჯულთა სასამართლო პროცესს ითხოვს. ცნობისთვის, რაინ რუთი 15 სექტემბერს, მას შემდეგ დააკავეს, რაც ფლორიდაში, დონალდ ტრამპის გოლფის მოედანთან, სროლა მოხდა. შეიარაღებული თავდამსხმელი ტრამპისგან 300-500 მეტრის დაშორებით იმყოფებოდა.

მოსკოვის მიერ დონეცკის, ლუგანსკის, ხერსონისა და ზაპოროჟიეს რეგიონების უკანონო ანექსიიდან ორი წლის შემდეგ, დიდი ქვეყნების შვიდეულის საგარეო საქმეთა მინისტრებმა უკრაინის მიმართ მხარდაჭერა გამოხატეს. ამის შესახებ იტალიის საგარეო საქმეთა სამინისტროს პრესსამსახურის მიერ გამოქვეყნებულ განცხადებაშია ნათქვამი. „როგორც ჩვენ ვიხსენებთ, რუსეთის მიერ უკრაინის დონეცკის, ლუგანსკის, ხერსონისა და ზაპორიჟჟიის რეგიონების ნაწილის უკანონო ანექსიიდან ორ წელს, ასევე ჩვენ G7-ის საგარეო საქმეთა მინისტრები კანადის, საფრანგეთის, გერმანიის, იტალიის, იაპონიის, გაერთიანებული სამეფოს, ამერიკის შეერთებული შტატების და ევროკავშირის უმაღლესმა წარმომადგენლები, მტკიცედ ვუჭერთ მხარს უკრაინას და მის ტერიტორიულ მთლიანობას, სუვერენიტეტს, დამოუკიდებლობას“, – ნათქვამია განცხადებაში. შვიდეულის მინისტრები აცხადებენ, რომ ისინი არასოდეს…

,,უკრაინას არ სჭირდება ჩვენი ნებართვა, რომ რუსული სამიზნეების მიმართულებით საპასუხო დარტყმები განახორციელოს”, – ასე უპასუხა აშშ-ის სახელმწიფო დეპარტამენტის სპიკერმა, მეთიუ მილერმა შეკითხვას, ექნება თუ არა უკრაინას უფლება, განახორციელოს საპასუხო დარტყმები. ,,მათ შეუძლიათ გამოიყენონ მათივე წარმოებული იარაღი, რაც ბევრია, და ასევე იარაღი, რომელიც ჩვენ მივეცით. ჩვენ გავაგრძელებთ უკრაინის მხარდაჭერას”, – განაცხადა მილერმა.