დღე: სექტემბერი 13, 2024

,,ევროკავშირმა უნდა აანაზღაუროს უნგრეთის მიერ საზღვრის დაცვისთვის გაწეული ხარჯები”, – ამის შესახებ უნგრეთის პრემიერ-მინისტრმა, ვიქტორ ორბანმა განაცხადა. ორბანმა სახელმწიფო რადიოსთან ინტერვიუში აღნიშნა, რომ ევროკომისიამ უნდა აანაზღაუროს უნგრეთის უზარმაზარი ხარჯები, რომლებიც ქვეყანამ ევროკავშირის საზღვრის არალეგალური მიგრაციისგან დასაცავად გაიღო. „უნგრეთს უნდა აუნაზღაურდეს ძალიან მნიშვნელოვანი თანხა, რაც საზღვრის დაცვა დაგვიჯდა. ისინი გადაიხდიან, ეს მხოლოდ დროის საკითხია“, – განაცხადა ორბანმა.

,,ეს არჩევნები გახლავთ გარდამტეხი მომენტი საქართველოს მოქალაქეებისთვის და არჩევანი მათზეა”, – ამბობს ,,გლობალ ნიუსთან” ინტერვიუში აშშ-ის პრეზიდენტის სპეციალურმა თანაშემწე და თეთრ სახლში, შეერთებული შტატების ეროვნული უშიშროების საბჭოს ევროპის მიმართულების უფროსი დირექტორი, მაიკლ კარპენტერი. ,,ცხადია, ,,უცხოური აგენტების კანონი” ბევრად უფრო ჰგავს რუსული ,,საგარეო აგენტების შესახებ” კანონმდებლობას, ვიდრე დასავლური ქვეყნის ნებისმიერ კანონმდებლობას. კიდევ ერთხელ ვიტყვი, ჩემი გადასაწყვეტი არ გახლავთ, რა კურსს აირჩევს საქართველოს ხელისუფლება, მაგრამ ქართველმა ხალხმა უნდა შეაფასოს საკუთარი ხელისუფლება კრიტერიუმებით, რამდენად განაგრძობს დემოკრატიული ნორმებით სვლას, თუ მიჰყვება კურსს, რომელიც რუსეთმა განახორციელა. ჩვენ ვნახეთ რუსეთში ქმედებები, რაც შემდეგ გაფართოვდა მის საზღვრებს…

,,ბრიტანეთმა და ამერიკამ უკრაინას უნდა მისცენ იარაღი, რომელიც მას სჭირდება რუსეთის წინააღმდეგ ომში ,,გამარჯვებისთვის”, გადამწყვეტი ზამთრის საბრძოლო მოქმედებების დაწყებამდე”, – ამის შესახებ გაერთიანებული სამეფოს საგარეო საქმეთა მინისტრმა, დევიდ ლემიმ განაცხადა. ,,ჩვენც აქ ვართ, რა თქმა უნდა, იმ დროს, როცა აშკარად ჩანს, რომ რუსეთი თავის მეგობარ ირანთან ერთად ესკალაციას ახორციელებს და ბალისტიკური რაკეტების პარტიას იღებს. ბალისტიკური რაკეტები, რომლებიც გამოყენებული იქნება ზამთარში, სამწუხაროდ, უკრაინელი ხალხის წინააღმდეგ და რაც სიცოცხლის ფასი დაჯდება. ასე რომ, რა თქმა უნდა, ჩვენ აქ ვართ სტრატეგიისთვის, იმის გასაგებად, თუ როგორ შეგვიძლია უკრაინელები მოგების პოზიციაზე დავაყენოთ და რა არის…

მოსკოვმა ექვს ბრიტანელ დიპლომატს აკრედიტაცია გაუუქმა. ,,ინტერფაქსი” რუსეთის უშიშროების ფედერალურ სამსახურზე დაყრდნობით წერს, რომ დიპლომატებს ჯაშუშობაში ედებათ ბრალი. რუსეთის მტკიცებით, დოკუმენტებით დასტურდება ლონდონის კოორდინაცია მსოფლიოში სამხედრო-პოლიტიკური სიტუაციის ესკალაციის შესახებ, ხოლო მთავარი სტრუქტურა, რომელიც კოორდინაციას უწევდა დივერსიულ პოლიტიკას რუსეთის ფედერაციასა და დსთ-ში, ბრიტანეთის საგარეო საქმეთა სამინისტროს აღმოსავლეთ ევროპისა და ცენტრალური აზიის დირექტორატი იყო. რუსეთის უწყებაში აცხადებენ, რომ მათი საქმიანობა საფრთხეს უქმნის ქვეყნის უსაფრთხოებას: ,,გამოვლენილი ფაქტები იძლევა იმის საფუძველს, რომ დირექციის მეშვეობით მოსკოვში გაგზავნილი ბრიტანელი დიპლომატების საქმიანობა რუსეთის ფედერაციის უსაფრთხოებას საფრთხის შემცველად მივიჩნიოთ”. დიპლომატების ვინაობა არ დასახლებულა.

უკრაინის პრეზიდენტ ვოლოდიმირ ზელენსკის ცნობით, რუსეთის შეიარაღებულმა ძალებმა კურსკის ოლქში კონტრშეტევა დაიწყეს. მანამდე რუსების კონტრშეტევის დაწყების შესახებ მხოლოდ არაოფიციალური წყაროები იტყობინებოდნენ. ზელენსკიმ აღნიშნა, რომ კურსკში მოვლენები „უკრაინული გეგმის“ მიხედვით ვითარდება. თავის მხრივ, რუსეთის თავდაცვის სამინისტრომ განაცხადა, რომ „აღადგინა კონტროლი“ ათ დასახლებულ პუნქტზე, რომლებიც ადრე უკრაინის არმიამ დაიკავა. წინა დღეს უკრაინულმა პროექტმა „დიფსთეითმა“ დაწერა, რომ კურსკის ოლქში რუსეთის არმიის შეტევითი მოქმედებების დროს რუსულმა ჯარებმა შეძლეს ჯავშანტექნიკის გადაყვანა მდინარე სეიმზე და რეგიონის უფრო პატარა მდინარეებზე. კურსკთან რუსეთის არმიის კონტრშეტევის შესახებ რუსული პრო-სამხედრო ტელეგრამ არხებიც იტყობინებოდნენ. გარდა ამისა, ინფორმაცია ათი დასახლებული პუნქტის „გაწმენდისა…

,,ვფიქრობ, კონგრესს მეტის გაკეთება შეუძლია სანქციების კუთხით. არ შევეგუებით იმას, რაც საქართველოში ხდება”, – ამის შესახებ ამერიკის შეერთებული შტატების სენატის საგარეო ურთიერთობათა კომიტეტის თავმჯდომარემ ბენ კარდინმა სენატში გამრთულ მოსმენაზე ისაუბრა. ,,ჩვენ უფრო სტრატეგიულად უნდა მივუდგეთ ამ საკითხებს. ვფიქრობ, კონგრესს მეტის გაკეთება შეუძლია სანქციების კუთხით. ჩვენ მკაფიოდ ვაცხადებთ, რომ არ შევეგუებით იმას, რაც საქართველოში ხდება და გადავდგამთ შესაბამის ნაბიჯებს. ამას უფრო მკაფიოდ განვაცხადებთ, როდესაც მივიღებთ კანონმდებლობას, რომლის ავტორები არიან სენატორი რიში და სენატორი შაჰინი”, – განაცხადა სენატორმა კარდინმა.

ბრიტანეთის პრემიერმინისტრმა კირ სტარმერმა, ვაშინგტონში მიმავალ თვითმფრინავში ყოფნისას, სადაც დაგეგმილია ჯო ბაიდენთან შეხვედრა უკრაინის ომის სტრატეგიის განსახილველად, უპასუხა ჟურნალისტების კითხვებს. მას სთხოვეს კომენტარი გაეკეთებინა პუტინის სიტყვებზე, რომ უკრაინისთვის უფლების მიცემა, რომ შორი დისტანციის მოქმედების დასავლური იარაღი რუსეთის შიგნით სამიზნეების წინააღმდეგ გამოიყენოს, ნატო-ს ქვეყნების ომში პირდაპირ მონაწილეობას ნიშნავს. ბრიტანეთი, როგორც თავად სტარმერმა აღნიშნა წარსულში, შესაძლებლად მიიჩნევს მის მიერ მიწოდებული ფრთოსანი რაკეტების Storm Shadow-ის გამოყენებას სამიზნეების წინააღმდეგ რუსეთის ტერიტორიის სიღრმეში. თუმცა, ეს რაკეტები შეიცავს ამერიკულ კომპონენტებს და, ბრიტანულ პრესაში გავრცელდა ინფორმაცია, რომ მთავრობამ გააცნობიერა, რომ ვაშინგტონი მათ გამოყენებას სარისკოდ მიიჩნევს და გადაწყვიტა…

,,დასავლეთის პირდაპირი მონაწილეობა უკრაინაში კონფლიქტის არსს ცვლის”, – ამის შესახებ რუსეთის პრეზიდენტი ვლადიმერ პუტინი ჟურნალისტებთან ამბობს. მისი თქმით, NATO-ს ქვეყნები ახლა კიევის მიერ დასავლური შორი მოქმედების იარაღის შესაძლო გამოყენებას არა მხოლოდ განიხილავენ, არამედ წყვეტენ, უშუალოდ ჩაერთონ თუ არა კონფლიქტში. ,,არსებითად ამ სარაკეტო სისტემებში საფრენი დავალებების შეტანა მხოლოდ ნატოს ქვეყნების სამხედრო პერსონალს შეუძლია”, – თქვა პუტინმა და დაამატა ,,რუსეთი იძულებული იქნება, ამგვარად წარმოქმნილი საფრთხეებიდან გამომდინარე მიიღოს გადაწყვეტილებები”.

დონალდ ტრამპი აცხადებს, რომ კამალა ჰარისთან მორიგ დებატებში მონაწილეობას აღარ მიიღებს. ამის შესახებ აშშ-ის პრეზიდენტობის კანდიდატმა თავის სოციალურ ქსელ Truthsocial-ში დაწერა. მისი თქმით, გამოკითხვები აჩვენებს, რომ მან დამაჯერებლად გაიმარჯვა კამალა ჰარისთან გამართულ პირველ დებატებში. „გამოკითხვები ნათლად აჩვენებს, რომ მე მოვიგე დებატები კამალა ჰარისის წინააღმდეგ და მან მაშინვე მოითხოვა მეორე დებატები. ჰარისმა და თაღლითმა ჯომ გაანადგურეს ჩვენი ქვეყანა, მილიონობით კრიმინალი შემოდის შეერთებულ შტატებში, ინფლაციამ გააკოტრა ჩვენი საშუალო კლასი. ეს ყველამ იცის და კამალასა და ჯოს მიერ გამოწვეული ყველა სხვა პრობლემა – ეს დეტალურად განვიხილე ჯოსთან პირველი დებატების დროს და ჰარისთან მეორე…