დღე: სექტემბერი 3, 2024

საქართველოდან ევროკავშირში თავშესაფრის მაძიებელთა რაოდენობა 2024 წლის პირველ ნახევარში, წინა წლის ანალოგიურ პერიოდთან შედარებით, შემცირებულია. შესაბამისი მონაცემები „ევროსტატის“ ოფიციალურ ვებგვერდზეა გამოქვეყნებული. სტატისტიკური მონაცემები აჩვენებს, რომ საქართველოდან თავშესაფრის მაძიებელთა რაოდენობა შემცირებულია ევროკავშირის თითქმის ყველა ქვეყანაში. აღნიშნული მაჩვენებელი მნიშვნელოვნად შემცირებულია გერმანიაში, სადაც თავშესაფრის მაძიებელთა რაოდენობა საქართველოდან ყველაზე მაღალი იყო. „ევროსტატის“ მონაცემებით, 2024 წლის პირველი ნახევარში გერმანიაში თავშესაფარი საქართველოს 1 395 მოქალაქემ მოითხოვა. 2023 წლის პირველ ნახევარში ეს რიცხვი 5 155-ს შეადგენდა. საქართველოდან თავშესაფრის მაძიებელთა რაოდენობა შემცირებულია ისეთ მსხვილ ქვეყნებში, როგორებიცაა საფრანგეთი, ესპანეთი, იტალია, საბერძნეთი.  

ბორჯომის მუნიციპალიტეტში, სოფელ ახალდაბის მიმდებარედ, ტყეში ხანძარია. ცეცხლის ქრობის პროცესში მეხანძრე-მაშველები უკვე ჩაერთნენ. ტერიტორია ტექნიკისთვის მიუვალია და, ამ ეტაპზე, ხანძრის ჩაქრობას ცოცხალი ძალით ცდილობენ.  

ბათუმიდან თბილისში მომავალი სამგზავრო მატარებელი, დიდუბე-ავჭალის მონაკვეთზე, ლიანდაგზე მდგარ რკინის დროებით კონსტრუქციას შეეჯახა. შემთხვევის შედეგად ორი მამაკაცი გარდაიცვალა. დაღუპულები საქართველოს რკინიგზის თანამშრომლები არიან. ისინი ლიანდაგზე გეგმურ სამუშაოებს ასრულებდნენ. ორივე მამაკაცის ცხედარი სამხარაულის ექსპერტიზის ბიუროშია გადასვენებული. უცნობია, რატომ აღმოჩნდა სამუშაო პლატფორმა ლიანდაგებზე იმ დროს, როცა იქ მატარებელს უნდა ჩაევლო შემთხვევის შედეგად, არცერთი მგზავრი არ დაშავებულა. მოქალაქეებს, გარკვეული დროის განმავლობაში, გაჩერებულ მატარებელში მოუხდათ ყოფნა და, ინციდენტიდან დაახლოებით ორ საათში, ისინი რკინიგზის თანამშრომლებმა, სხვა მატარებლით, სადგურის მოედანზე გადაიყვანეს. გამოძიება სსკ-ის 275-ე მუხლით მიმდინარეობს, რაც რკინიგზის ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს.…

პოლონელ ტურისტს, რომელიც წალენჯიხაში დაირუპა. ფეხი დაუცურდა და კლდეზე გადაიჩეხა. შემთხვევა ინწრას ხეობაში ჩანჩქერიდან 800 მეტრში მოხდა. ტურისტი მეგობართან ერთად იმყოფებოდა. მისი ცხედარი ქუთაისში სამხარაულის ექსპერტიზის ბიუროშია გადასვენებული. ინფორმაციას მუნიცოპლაიტეტის მერის მოადგილე ავრცელებს. „ახალი დეტალები ინწრას ხეობიდან შემთხვევა ჩანჩქერიდან 800მ მოხდა, ის მეგობრებთან ერთად იყო. ამ წუთებში მის ცხედარს ქუთაისში სამხარაულის ექსპერტიზის ბიუროში გადაასვენებენ. მობილიზებულია წალენჯიხის პოლიციის მთელი სამმართველო. მათ შეძლეს სამანქანო გზიდან 3 კილომეტრის დაშორებით გოგონას ცხედრის პოვნა. მთელი გზა ფეხით სავალია. გარდაცვლილი 35 წ გოგონა პილონეთის მოქალაქეა“- წერს თამარ ბელქანია.

წალენჯიხაში პოლონელი ტურისტი გარდაიცვალა. 25 წლის ქალი სოფელ ჩქვალერში, ინწრას ხეობაში ჩანჩქერში გადავარდა და დაიღუპა. „რამდენიმე წუთის წინ ტრაგედია დატრიალდა ინწრას ხეობაში. პოლონელი ტურისტი გოგონა ჩანჩქერში გადავარდა. ის გარდაცვლილია მობილიზებულია პოლიცია. დეტალებს ვაზუსტებთ“- წერს სოციალურ ქსელში წალენჯიხის მერის მოადგილე. წალენჯიხაში ტურისტი ჩანჩქერში გადავარდა და დაიღუპა

წალენჯიხის მუნიციპალიტეტში, სოფელ ჩქვალერში, ინწრას ხეობაში პოლონელი ტურისტი ჩანჩქერში გადავარდა და დაიღუპა. ამის შესახებ წალენჯიხის მერის მოადგილე, თამარ ბელქანია სოციალურ ქსელში წერს. „რამდენიმე წუთის წინ ტრაგედია დატრიალდა ინწრას ხეობაში. პოლონელი ტურისტი გოგონა ჩანჩქერში გადავარდა. ის გარდაცვლილია მობილიზებულია პოლიცია. დეტალებს ვაზუსტებთ“- დაწერა ბელქანიამ.  

საქართველოს თავდაცვის სამინისტრო ღრმა მწუხარებას გამოხატავს თავდაცვის ძალების დასავლეთის სარდლობის მე-2 ქვეითი ბრიგადის სამხედრო მოსამსახურის, კაპრალ ზურაბ ფისენკოს გარდაცვალების გამო და თანგრძნობას უცხადებს მის ოჯახსა და ახლობლებს. „უწყების მიერ გავრცელებული განცხადებიდან საზოგადოებისათვის უკვე ცნობილია, რომ კაპრალი ფისენკო სამსახურებრივი მოვალეობის შესრულების დროს დაშავდა, მიიღო სხეულის დამწვრობა და საქართველოში გაწეული სამედიცინო მომსახურების შემდგომ გადაყვანილ იქნა თურქეთის სპეციალიზებულ კლინიკაში. მაღალი ხარისხის სამედიცინო მომსახურების გაწევის მიუხედავად, მისი გადარჩენა ვერ მოხერხდა. თავდაცვის სამინისტრო კიდევ ერთხელ უსამძიმრებს გარდაცვლილის ოჯახსა და ახლობლებს“- ნათქვამია ინფორმაციაში.    

ჭაბუა ამირეჯიბის გზატკეცილზე არსებული გარე განათების ქსელის განახლება მიმდინარეობს. სამონტაჟო სამუშაოების გამო, საგზაო მოძრაობა ნაწილობრივ შეიზღუდება 4 სექტემბრის 00:00-06:00 საათებში. ინფორმაციას თბილისის მერია ავრცელებს. ამავე ცნობით, გზა არ გადაიკეტება ერთდროულად ორივე მიმართულებით, მოძრაობა ეტაპობრივად შეიზღუდება. გარეგანათების სარეაბილიტაციო სამუშაოებს შპს „თბილსერვის ჯგუფი“ ახორციელებს.

საქართველოს პროკურატურის ცნობით, ბავშვების მიმართ გარყვნილი ქმედების, სექსუალური ძალადობის და პირადი ცხოვრების საიდუმლოს ხელყოფის ფაქტებზე დაკავებულ პირს ბრალდება წარუდგინეს. ,,საქართველოს პროკურატურამ ბავშვების მიმართ გარყვნილი ქმედების, სექსუალური ძალადობის და პირადი ცხოვრების საიდუმლოს ხელყოფის ფაქტებზე დაკავებულს ბრალდება წარუდგინა. სპეციალური საგამოძიებო სამსახურის მიერ ჩატარებული გამოძიების შედეგად დადგინდა, რომ ბრალდებული, სოციალური ქსელების მეშვეობით, ყალბი პროფილით ეცნობოდა არასრულწლოვნებს, რის შემდგომაც მუქარის და შანტაჟის გზით, მათ ინტიმური შინაარსის ფოტოსურათების, ვიდეოს და სქესობრივი ურთიერთობის გადაღებას და მისთვის გაგზავნას აიძულებდა, რასაც შემდგომ სხვა პირებს უგზავნიდა. ბრალდებული სპეციალური საგამოძიებო სამსახურის თანამშრომლებმა დააკავეს. სამართალდამცველებმა მისი საცხოვრებელი სახლის ჩხრეკისას მართლსაწინააღმდეგოდ შეძენილი…

საქართველოს რკინიგზის განცხადებით, დღევანდელი შემთხვევის გამო, 17:00 საათიანი თბილისი-ბათუმის რეისი გაუქმდა. ,,ძვირფასო მგზავრებო, მომხდარი სარკინიგზო შემთხვევის გამო, 17:00 საათიანი თბილისი-ბათუმის რეისი გაუქმდა. საქართველოს რკინიგზა მგზავრებს გაუქმებული რეისის ბილეთის თანხას აუნაზღაურებს. კომპანია ბოდიშს გიხდით შექმნილი დისკომფორტისთვის”, – ნათქვამია ინფორმაციაში. შეგახსენებთ, ცოტა ხნის წინ, ბათუმიდან მომავალი სამგზავრო მატარებელი სამუშაო პლატფორმას დაეჯახა, რის შედეგადაც 2 ადამიანი ადგილზე დაიღუპა. ორივე მათგანი საქართველოს რკინიგზის თანამშრომელია. ამ წუთებში შემთხვევის ადგილზე საგამოძიებო მოქმედებები მიმდინარეობს. სარკინიგზო შემთხვევის შედეგად დაზიანებული მატარებლიდან მგზავრები გამოჰყავთ.

სარკინიგზო შემთხვევის შედეგად დაზიანებული მატარებლიდან მგზავრების გამოყვანის პროცესი დაიწყო. ხალხი მეორე მატარებელში გადაჰყავთ. მგზავრებიდან არავინ დაშავებულა. ფეიქრების მიმდებარე ტერიტორიაზე საგამოძიებო მოქმედებები მიმდინარეობს. შეგახსენებთ, რომ ცოტა ხნის წინ, ბათუმიდან მომავალი სამგზავრო მატარებელი სამუშაო პლატფორმას დაეჯახა, რის შედეგადაც 2 ადამიანი ადგილზე დაიღუპა. ორივე მათგანი საქართველოს რკინიგზის თანამშრომელია. შსს-მ მომხდარზე გამოძიება სსკ-ის 275 -ე მუხლით დაიწყო, რაც რკინიგზის ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს.

საქართველოს რკინიგზის განცხადებით, დღეს, დიდუბე-ავჭალის მონაკვეთზე მომხდარი სარკინიგზო შემთხვევის დროს მათი ორი თანამშრომელი დაიღუპა. დაღუპულები ადგილზე გეგმიურ სამუშაოებს ასრულებდნენ. ,,დღეს, 3 სექტემბერს, თბილისში, დიდუბე-ავჭალის მონაკვეთზე მომხდარი სარკინიგზო შემთხვევის გამო გარდაიცვალა საქართველოს რკინიგზის ორი თანამშრომელი, რომლებიც გეგმიურ სამუშაოებს ასრულებდნენ. ამ დროისთვის გაჩერებულია ბათუმი-თბილისის მიმართულებით მოძრავი მატარებელი, რომლის მგზავრები არ დაშავებულან. მომხდარის შესახებ მიმდინარეობს დეტალური მოკვლევა, ხოლო შემთხვევის ადგილზე საგამოძიებო პროცედურები, რის შემდეგაც განხორციელდება ბათუმი-თბილისის მატარებლის ტრანსპორტირება თბილისი ცენტრალის მიმართულებით. „საქართველოს რკინიგზა“ ღრმა მწუხარებას გამოთქვამს მომხდარი ფაქტის გამო და უსამძიმრებს თანამშრომლებსა და გარდაცვლილთა ოჯახებს”, – წერია განცხადებაში.

თბილისში, ფეიქრებთან მატარებელი სამუშაო პლატფორმას დაეჯახა. დაღუპულია 2 ადამიანი. მატარებელი ბათუმიდან თბილისის მიმართულებით მოძრაობდა. წინასწარი ინფორმაციით, მატარებლის მგზავრებს შორის არავინ დაშავებულა. ადგილზე მობილიზებულია სასწრაფო დახმარების ბრიგადები. სხვა დამატებითი დეტალები, ამ დროისთვის, უცნობია.