დღე: სექტემბერი 1, 2024

ბესლანის სკოლაში დატრიალებული ტრაგედიიდან 20 წელი გავიდა.  2004 წლის 1 სექტემბერს, ჩრდილოეთ ოსეთის ქალაქ ბესლანის #1 სკოლაში ტერორისტები შეიჭრნენ და პედაგოგები, მშობლები და ბავშვები მძევლად აიყვანეს. ტერორისტები ჩეჩნეთის ტერიტორიიდან რუსეთის შეიარაღებული ძალების გაყვანას ითხოვდნენ. რუსეთმა სკოლის შენობის შტურმი ორი დღის მერე, 3 სექტემბერს დაიწყო, რა დროსაც 334 ადამიანი, მათ შორის 186 ბავშვი დაიღუპა. აღნიშნული სპეცოპერაციის გარშემო არსებული კითხვები დღემდე პასუხგაუცემელია. 2017 წელს ევროსასამართლომ დაადგინა, რომ რუსეთმა ვერ შეძლო ტერაქტის აღკვეთის დროს რისკების მინიმუმამდე შემცირება და მძევალთა ნაწილი უსაფრთხოების სამსახურების შეუსაბამო ქმედებების შედეგად დაიღუპა. ადამიანის უფლებათა ევროპულმა სასამართლომ რუსეთს დაღუპულთა ოჯახებისთვის…

მეტი...

რუსეთის თავდაცვის სამინისტროს ცნობით, მათმა საჰაერო თავდაცვამ ღამის განმავლობაში ქვეყნის რეგიონებში 158 უკრაინული დრონი ჩამოაგდო, მათგან 2 – დედაქალაქ მოსკოვის თავზე და 7 – მოსკოვის ოლქის თავზე. გარდა ამისა, სამინისტროს ცნობით, 46 უპილოტო საფრენი აპარატი გაანადგურეს კურსკის ოლქის ტერიტორიაზე, 34 – ბრიანსკის ოლქში, 28 ვორონეჟის ოლქში, 14 ბელგოროდის ოლქში და 8 – რიაზანის ოლქში. აღსანიშნავია, რომ წუხელ მოსკოვის „ვნუკოვოს“ აეროპორტმა თვითმფრინავების გაშვებასა და მიღებაზე დროებითი შეზღუდვები დააწესა. სოციალურ ქსელებში ვრცელდება ინფორმაცია, რომ ტვერის ოლქში მდებარე კონაკოვსკაიას სახელმწიფო რაიონული ელექტროსადგურის ტერიტორიაზე დრონით თავდასხმა განხორციელდა და ხანძარი გაჩნდა.  

მეტი...

ისრაელის თავდაცვის ძალებმა ღაზის სექტორის სამხრეთით მდებარე რაფაჰში, „ჰამასის“ გვირაბში ექვსი ისრაელელი მძევლის ცხედარი იპოვეს. მძევლებს შორის არის ისრაელ-აშშ-ის მოქალაქე, 23 წლის ჰერშ გოლდბერგ-პოლინი. ინფორმაციას ადასტურებს პრეზიდენტი, ჯო ბაიდენიც. ისრაელის თავდაცვის ძალებში აცხადებენ, რომ ექვსივე მძევალი „ჰამასმა“ სავარაუდოდ ერთი ან ორი დღით ადრე მოკლა, ვიდრე ჯარისკაცები მათ იპოვიდნენ.  

მეტი...

დანიის პრემიერმინისტრის, მეტე ფრედერიკსენის ამბობს, რომ უკრაინამ უნდა გაიმარჯვოს, რადგან თუ რუსეთი მოიგებს, დანარჩენი მსოფლიო წააგებს. “უკრაინამ ომი უნდა მოიგოს და ეს მთელი ევროპის აზრია, რომლის წინააღმდეგაც მხოლოდ ერთი ქვეყანაა… თუ რუსეთი მოიგებს, დანარჩენი მსოფლიო წააგებს” – განაცხადა ფრედერიკსენმა.  

მეტი...

რუსული მხარის მიერ ხარკოვზე თავდასხმის შედეგად ორი ადამიანი დაიღუპა, ხოლო 11 დაშავდა. ინფორმაციას უკრაინული მედია ავრცელებს. დაშვებულთა შორის არიან არასრულწლოვნებიც. დაზიანებულია საცხოვრებელი სახლები, ავტომობილები და ადგილობრივი ინფრასტრუქტურა. ადგილობრივი ხელისუფლების ცნობით, რუსმა სამხედროებმა ხარკოვის ოლქის ერთ-ერთ სოფელს შეუტიეს, თუმცა რა სახის იარაღი იქნა გამოყენებული, დაკონკრეტებული არ არის.

მეტი...

“მივმართავ აშშ-ს, დიდ ბრიტანეთს, საფრანგეთსა და გერმანიას, უკრაინას შორი მანძილის დარტყმებისთვის ნებართვები სჭირდება” – ამის შესახებ უკრაინის პრეზიდენტმა ვოლოდიმირ ზელენსკიმ ვიდეომიმართვაში განაცხადა. „ამ დღეებში ვაშინგტონში ჩვენი უკრაინული დელეგაცია მუშაობს: პირველი ვიცე-პრემიერი, თავდაცვის მინისტრი, გენერალური შტაბის წარმომადგენლები, [პრეზიდენტის] ოფისის ხელმძღვანელი. იყო სხვადასხვა დონეზე შეხვედრები, და ჩვენთვის ერთ-ერთი უპირველესი საკითხი სწორედ ჩვენი თავდაცვის ძალების შორ მანძილზე დარტყმებია, მთელი არ ტერორის არდაშვების შესაძლებლობა, რომლის გავლაც უწევთ ჩვენს ხარკოვსა და ჩვენს სხვა ქალაქებს… უკრაინის წარმომადგენლებმა გადასცეს მთელი საჭირო ინფორმაცია, ყველა საჭირო დეტალი ჩვენს პარტნიორებს. და მივმართავ შეერთებულ შტატებს, დიდ ბრიტანეთს, საფრანგეთსა და გერმანიას: გვჭირდება უკრაინისა…

მეტი...