თბილისში, გოგოლის ქუჩაზე კაცი დაჭრეს. სავარაუდო დამნაშავე დაკავებულია. შემთხვევა გვიან ღამით მოხდა. შსს-ს ინფორმაციით, მომხდარზე გამოძიება 118-ე მუხლით მიმდინარეობს, რაც ჯანმრთელობის განზრახ ნაკლებად მძიმე დაზიანებას გულიხმობს
მეტი...
საჩხერის სოფელ ორღულში დაკარგული 22 წლის საბა მაჭავარიანი იპოვეს. მას ოჯახი დილიდან ეძებდა. როგორ ისინი სოციალურ ქსელში წერდნენ, დაკარგული ახალგაზრდა ტყეში სოკოს საკრეფად იყო წასული და კავშირზე არ გამოდიოდა. „ვიპოვეთ, ცოცხალია. მადლობა ყველას!“- წერს საბა მაჭავარიანის ახლობელი.
მეტი...
„დედა, მამა ჩავფრინდი, კარგად ვარ, უკვე დავიწყე ტაქსისტად მუშაობა“- წერს ძალოსანთა ეროვნული ნაკრების ექიმი, გიორგი ჭინჭარაული და პარიზში გადაღებულ სახალისო ვიდეოს აქვეყნებს. პარიზის 2024 წლის ზაფხულის თამაშები დასრულდა. საქართველოს ოლიმპიურმა დელეგაციამ მედლების საერთო ჩათვლაში ასპარეზობა 24-ე ადგილზე დაასრულა. ქართულმა დელეგაციამ სამი ოქროს, სამი ვერცხლისა და ერთი ბრინჯაოს მედალი დაიმსახურა.
მეტი...
აფხაზეთში საომარი მოქმედებების დაწყებიდან 32 წელი გავიდა. ამ თარიღთან დაკავშირებით, ვეტერანების საქმეთა სახელმწიფო სამსახურის დირექტორმა, გენერალ-მაიორმა კობა კობალაძემ სამსახურის წარმომადგენლებთან და ვეტერანებთან ერთად, საქართველოს ტერიტორიული მთლიანობისთვის დაღუპულ გმირთა მემორიალი გვირგვინით შეამკო და სამშობლოს ერთიანობისათვის ბრძოლის ველზე დაცემული მეომრების ხსოვნას პატივი კიდევ ერთხელ მიაგო. სამხედრო დაპირისპირება აფხაზეთში,1992 წლის 14 აგვისტოს დაიწყო. საქართველოს ერთიანობისთვის, ქართული სამხედრო ფორმირებები ებრძოდნენ აფხაზ სეპარატისტებს, ჩრდილო-კავკასიელ კონფედერატებს, კაზაკებს, ადგილობრივი სომხებისგან შექმნილ ’’ბაგრამიანის ბატალიონს’’, რომელთაც მხარს უჭერდა რუსეთი. უთანასწორო ბრძოლა, 13 თვე და 13 დღე გაგრძელდა და 1993 წლის 27 სექტემბერს, სოხუმის დაცემით დასრულდა. ომის შედეგად, საქართველოს 300…
მეტი...
ევროკავშირის უმაღლესი წარმომადგენლის, ჯოზეფ ბორელის განცხადებით, ევროკავშირი სრულად უჭერს მხარს უკრაინელი ხალხის ბრძოლას. ბორელმა ამის შესახებ, უკრაინის საგარეო საქმეთა მინისტრ, დმიტრო კულებასთან სატელეფონო საუბრის შემდეგ, საკუთარ სოციალურ ქსელში დაწერა. „დავადასტურე ევროკავშირის სრული მხარდაჭერა უკრაინელი ხალხის ბრძოლაში. პუტინმა ვერ გატეხა უკრაინის წინააღმდეგობა მისი გაუმართლებელი შეჭრის მიმართ და ახლა იძულებულია, დაიხიოს უკან, რუსეთის ტერიტორიაზე“ – წერს ჯოზეფ ბორელი.
მეტი...
შსს-ს კახეთის პოლიციის დეპარტამენტის ლაგოდეხის რაიონული სამმართველოს თანამშრომლებმა,1998 წელს დაბადებული ა.მ. თავისუფლების ჯგუფურად, უკანონო აღკვეთისა და სქესობრივი დანაშაულის ბრალდებით დააკავეს. მასთან ერთად თავისუფლების ჯგუფურად, უკანონო აღკვეთის ბრალდებით არიან დაკავებულები 1969 წელს დაბადებული ი.ფ., 1999 წელს დაბადებული ჯ.ი., წარსულში ნასამართლევი 1996 წელს დაბადებული ს.ა. და 2003 წელს დაბადებული მ.ბ. „დანაშაულები 10 წლამდე ვადით თავისუფლების აღკვეთას ითვალისწინებს. გამოძიებით დადგინდა, რომ ა.მ.-მ, ცოლად შერთვის მიზნით, 2000 წელს დაბადებულ გ.გ.-ს თავისუფლება უკანონოდ აღუკვეთა და მასზე სექსუალურად იძალადა. თავისუფლების უკანონო აღკვეთაში,ასევე, მონაწილეობდნენ ამჟამად ბრალდებულის სახით დაკავებულები: ი.ფ., ჯ.ი., ს.ა. და მ.ბ. პოლიციამ, ინტენსიური ოპერატიულ-სამძებრო და…
მეტი...
სპეციალური საგამოძიებო სამსახურის თანამშრომლების მიერ, სექსუალური გამოძალვის ფაქტზე, დაკავებულია თურქეთის რესპუბლიკის მოქალაქე. ინფორმაციას ამის შესახებ სპეციალური საგამოძიებო სამსახური ავრცელებს. უწყების ცნობით, გამოძიებამ დაადგინა, რომ თბილისში მცხოვრებმა, საქართველოს მოქალაქე 24 წლის გოგომ, სოციალური ქსელით 45 წლის თურქეთის მოქალაქე მამაკაცი გაიცნო. ისინი ერთმანეთს ბათუმში შეხვდნენ და სასიყვარულო, ინტიმური ხასიათის ურთიერთობა ჩამოუყალიბდათ. დაზარალებულთან სქესობრივი კავშირის დროს, ბრალდებული თურქეთის მოქალაქე, დაზარალებულს ფარულად, მობილური ტელეფონით ვიდეოებს უღებდა, ასევე, მისი ტელეფონიდან ფარულად გადაიწერა პირადი ცხოვრების საიდუმლოს ამსახველი ინტიმური შინაარსის ფოტო-ვიდეო მასალა. „მას შემდეგ, რაც დაზარალებულმა გოგომ თურქეთის მოქალაქესთან ურთიერთობის შეწყვეტა გადაწყვიტა, ბრალდებულმა ფარულად მოპოვებული კადრებით შანტაჟი…
მეტი...
შინაგან საქმეთა სამინისტროს ცენტრალური კრიმინალური პოლიციის დეპარტამენტისა და აჭარის პოლიციის დეპარტამენტის თანამშრომლებმა, სხეულის განზრახ მძიმე დაზიანებისა და ცეცხლსასროლი იარაღის უკანონო შეძენა-შენახვა, ტარების ბრალდებით 1986 წელს დაბადებული ძებნილი, წარსულში ნასამართლევი ნ.მ. დააკავეს. ინფორმაციას შსს ავრცელებს. „ბრალდებულმა ნ.მ.-მ მიმდინარე წლის ივლისის თვეში, ცეცხლსასროლი იარაღიდან გასროლით ერთ-ერთი კომპანიის კურიერს თ.ს.-ს ორივე ფეხის არეში სხეულის განზრახ მძიმე დაზიანებები მიაყენა და შემთხვევის ადგილიდან მიიმალა. თბილისის საქალაქო სასამართლოს განჩინებით, ნ.მ.-ს აღკვეთის ღონისძიების სახით დაუსწრებლად შეეფარდა პატიმრობა. მის მიერ ჩადენილი დანაშაული 7 წლამდე ვადით თავისუფლების აღკვეთას ითვალისწინებს. ბრალდებული გადაყვანილია პენიტენციურ დაწესებულებაში“- ნათქვამია განცხადებაში.
მეტი...
საჩხერის სოფელ ორღულში 22 წლის საბა მაჭავარიანს ეძებენ. არსებული ინფორმაციით, ის ტყეში სოკოს საკრეფად წავიდა. „დაიკარგა ჩემი დისშვილი-საბა მაჭავარიანი, 22 წლის. სოფელ ორღულის ტყეში წავიდა სოკოზე, 4 საათის მერე არ გამოსულა კონტაქტზე. თუ ვინმემ რამე იცით, გამომეხმაურეთ უმორჩილესად გთხოვთ. ტელ:568377715“- წერს სოცილაურ ქსელში დაკარგულის დეიდა.
მეტი...
ბოლნისის სოფელ ნახიდურში, მდინარე ხრამში დაკარგული არასრულწლოვანი გარდაცვლილი იპოვეს. 17 წლის ახალგაზრდა, გუშინ დაიკარგა. ადგილობრივების თქმით, ის სხვა მოზარდებთან ერთად მდინარეზე შუადღისას წავიდა და ადიდებულ წყალში ჩავარდა.
მეტი...
წევა-შორაპნის მონაკვეთზე ჩქაროსნული გზის დაერთებისთვის, აღმოსავლეთიდან დასავლეთის მიმართულებით ტრანსპორტი, დროებით, ძველი გზით იმოძრავებს. ინფორმაციას საავტომობილო გზების დეპარტამენტი ავრცელებს. ,,აღმოსავლეთ-დასავლეთის ჩქაროსნული ავტომაგისტრალის შორაპანი-არგვეთას მონაკვეთის მშენებლობა დასრულების ეტაპზეა. იმისათვის, რომ რიკოთის ჩქაროსნული გზის გახსნილი 27 კმ-იანი მონაკვეთი დაუერთდეს ზესტაფონის შემოვლით ახალ მაგისტრალურ გზას, სამუშაოების შეუფერხებელი წარმოებისთვის, აუცილებელია 15 აგვისტოდან რიკოთის 18 კმ-იანი მონაკვეთის ერთ მიმართულებაზე ავტოტრანსპორტმა დროებით იმოძრაოს ძველი გზით. აღმოსავლეთიდან დასავლეთის მიმართულებით მოძრავი სატრანსპორტო საშუალებები ბორითის კვანძიდან სოფელ წევამდე იმოძრავებენ რიკოთის ძველი გზით, ხოლო დასავლეთიდან აღმოსავლეთის მიმართულებით მოძრავი ტრანსპორტი კვლავ რიკოთის ახალ მაგისტრალზე გადაადგილდება. გზის ახალი მონაკვეთების დაერთების სამუშაოები,ეტაპობრივად, სექტემბერში დასრულდება,…
მეტი...
რუსი პოლიტიკოსის, ბორის ნემცოვის მკვლელობაში მსჯავრდებული თამერლან ესკერხანოვი ციხიდან გაათავისუფლეს. მან რუსეთის თავდაცვის სამინისტროსთან კონტრაქტი გააფორმა და უკრაინაში საომრად წავიდა. „ნოვაია გაზეტა – ევროპა“ თავის წყაროებზე დაყრდნობით წერს, რომ ესკერხანოვმა საომრად წასვლა მას შემდეგ გადაწყვიტა, რაც უარი ეთქვა პირობით გათავისუფლებაზე. მედიის ინფორმაციით, ის უკრაინაში თებერვლიდან იმყოფება. რუსი ოპოზიციონერი პოლიტიკოსი ბორის ნემცოვი 2015 წლის 27 თებერვალს მოსკოვში, კრემლთან ახლოს მოკლეს. ხელისუფლებამ შემსრულებლები დააკავა, თუმცა დამკვეთების ვინაობა დღემდე უცნობია.
მეტი...
უკრაინაში დაღუპული ქართველი მებრძოლი ბონდო გაგნიძე სამშობლოში ჩამოასვენეს. გაგნიძე ომის დაწყების პირველივე დღიდან ოკუპანტების წინააღმდეგ ფრონტის წინა ხაზზე იბრძოდა. ის ლუგანსკის მიმართულებით მებრძოლი 67-ე ბატალიონის მეორე დანაყოფის წევრი იყო. ბონდო გაგნიძე 30 ივლისს დაიღუპა. ის ლუგანსკის მისადგომებთან მტრის მასშტაბურ საჰაერო დაბომბვაში მოყვა. თანამებრძოლებმა დაბომბვის ადგილიდან მისი ცხედრის გამოსვენება ორი დღის შემდეგ მოახერხეს. საქართველოში ჩამოსვენებამდე, 47 წლის ქართველ მეომარს თანამებრძოლებმა და მოქალაქეებმა პატივი კიევის საკათედრო ტაძარში მიაგეს.
მეტი...
პოლონეთმა და აშშ-მა შეთანხმება გააფორმეს, რომელიც პოლონეთისთვის 96 ერთეული მოიერიშე შვეულმფრენის AH-64E Apache-ს გადაცემას ითვალისწინებს. პოლონეთის თავდაცვის მინისტრის, ვლადისლავ კოსინიაკ კამიშის ცნობით, Apache-ს ტიპის თვითმფრინავები Mi-24-ებს ჩაანაცვლებენ, რომელსაც პოლონეთი ამ დრომდე იყენებს. AH-64E Apache განკუთვნილია სამიზნეებზე დარტყმისა და დაზვერვის ჩასატარებლად. შეერთებულმა შტატებმა ჯერ კიდევ 2023 წლის აგვისტოში დაამტკიცა გადაწყვეტილება, რომელიც პოლონეთისთვის აღნიშნული საფრენი საშუალებების მიყიდვას 12 მილიარდ დოლარად ითვალისწინებს.
მეტი...
აშშ-ის პრეზიდენტის განცხადებით, უკრაინული ჯარების შეტევა კურსკის ოლქზე რუსეთის პრეზიდენტისთვის ნამდვილი დილემაა. „ეს პუტინს ნამდვილ დილემას უქმნის. ჩვენ მუდმივ კონტაქტზე ვართ უკრაინელებთან. ეს არის ყველაფერი, რისი თქმაც შემიძლია ამასთან დაკავშირებით, ვიდრე შეტევა მიმდინარეობს“, – განუცხადა ბაიდენმა ჟურნალისტებს. ეს აშშ-ის პრეზიდენტის პირველი ოფიციალური კომენტარია კურსკის ოლქში არსებულ ვითარებასთან დაკავშირებით.
მეტი...
რუსეთის ბელგოროდის რეგიონში დღეს დილიდან რეგიონულ დონეზე საგანგებო რეჟიმი ამოქმედდა. განცხადება გუბერნატორმა ვიაჩესლავ გლადკოვმა გააკეთა: ,,ბელგოროდის რეგიონში ვითარება კვლავ რჩება უკიდურესად მძიმე და დაძაბული, უკრაინის შეიარაღებული ძალების ყოველდღიური დაბომბვა, დანგრეული სახლები, დაშავებული და დაღუპული მშვიდობიანი მოქალაქეები. ამიტომ, დღეიდან ვიღებთ გადაწყვეტილებას ბელგოროდის რეგიონის მთელ ტერიტორიაზე, რათა დამატებით დავიცვათ მოსახლეობა, გამოცხადდეს საგანგებო მდგომარეობა რეგიონულ დონეზე”, – განაცხადა გლადკოვმა ვიდეომიმართვაში. რუსეთში საგანგებო რეჟიმი ითვალისწინებს, საგანგებო ზონაში ადამიანებისა და ტრანსპორტის გადაადგილების შეზღუდვასა და მოსახლეობის ევაკუაციას. გადაუდებელი შემთხვევების დონეებია – ადგილობრივიდან ფედერალურამდე , რაც განისაზღვრება მსხვერპლთა რაოდენობისა და ზიანის მოცულობით. შეგახსენებთ, რომ 10 აგვისტოს რუსეთის…
მეტი...
რუსეთი ჩრდ.კორეას 447 თხას აჩუქებს. ეს გადაწყვეტილება ოფიციალურმა მოსკოვმა მას შემდეგ მიიღო, რაც ივნისში პუტინისა და კიმ ჩენ ინის მიერ მოსკოვში სამიტი გაიმართა. როსელხოზნადზორის პრესრელიზში წერია, რომ ჩრდ.კორეაში 432 არამაკე მდედრი და 15 მამრი თხა ლენინგრადის რეგიონიდან ქალაქ რასონში გაიგზავნება.
მეტი...
აფხაზეთის ომის დაწყებიდან 32 წელი გავიდა. საქართველოს სამთავრობო ჯარებსა და სეპარატისტულად განწყობილ ეთნიკურად აფხაზთა ერთ ნაწილს შორის საომარი მოქმედებები 1992 წლის 14 სექტემბერს დაიწყო, ომი 13 თვეს გაგრძელდა და 1993 წლის 30 სექტემბერს დასრულდა. სეპარატისტთა მხარეს, რომელსაც ზურგს რუსეთი უმაგრებდა ასევე იბრძოდნენ ადგილობრივი სომხები ბაგრამიანის სახელობის ბატალიონი, დაქირავებული მებრძოლები ჩრდილოეთ კავკასიიდან, კაზაკთა შეიარაღებული მილიციის მეომრები, რომელთაც არაოფიციალურად მხარს უჭერდა რუსეთის სამხედრო ბაზის გარნიზონი გუდაუთაში. აფხაზეთის ომში დაიღუპა 10 000-ზე მეტი მშვიდობიანი მოქალაქე, ასეულობით უგზო-უკვლოდ დაიკარგა, დაიჭრა და დასახიჩრდა 10 000-მდე პირი. 300 000-ზე მეტი მოქალაქე საკუთარ ქვეყანაში დევნილად იქცა. აფხაზეთის…
მეტი...
გარემოს ეროვნული სააგენტოს ინფორმაციით, მოსალოდნელია უმეტესად უნალექო ამინდი, აღმოსავლეთ საქართველოს ცალკეულ რაიონში კი შესაძლოა ხანმოკლე წვიმა, ელჭექი და სეტყვა აღინიშნოს. ქ. თბილისში უმეტესად უნალექო ამინდი იქნება. დროგამოშვებით იქროლებს ჩრდილო-დასავლეთის მიმართულების ქარი. ჰაერის ტემპერატურა დღისით +31, +33 გრადუსი დაფიქსირდება. სანაპირო რაიონებში (ბათუმი, ქობულეთი, ანაკლია, ფოთი) 16 აგვისტომდე უნალექო ამინდი იქნება. ჰაერის ტემპერატურა დღისით +28, +30 გრადუსი დაფიქსირდება. დასავლეთ საქართველოს დაბლობ რაიონებში (ზესტაფონი, ქუთაისი, სამტრედია, ზუგდიდი, მარტვილი, ოზურგეთი) 16 აგვისტომდე უმეტესად უნალექო ამინდია მოსალოდნელი ჰაერის ტემპერატურა დღისით +31, +33 გრადუსი დაფიქსირდება. დასავლეთ საქართველოს მთიან რეგიონებში (ამბროლაური, ონი, ცაგერი. შოვი, ჭიათურა, საჩხერე, ხულო, რიკოთის უღელტეხილი) 16 აგვისტომდე უმეტესად…
მეტი...
გმირთა მოედნის ესტაკადაზე დღეიდან გადაადგილება ნაწილობრივ შეიზღუდება. თბილისის მერიის ცნობით, ესტაკადაზე ვარაზისხევის მიმართულებით არსებული სადეფორმაციო ნაკერების რეაბილიტაცია იწყება. დაგეგმილი სამუშაოების გამო, ვარაზისხევისკენ მიმავალ გზაგამტარზე, 14 აგვისტოს 23:00 საათიდან ათი დღის განმავლობაში, ტრანსპორტის გადაადგილება ნაწილობრივ შეიზღუდება.
მეტი...