დღე: ივლისი 5, 2024

ირანში საპრეზიდენტო არჩევნების მეორე ტური მიმდინარეობს. საარჩევნო უბნები ქვეყანაში ადგილობრივი დროით 08:00 საათზე გაიხსნა და 18:00 საათზე დაიხურება. წინასწარი შედეგები შესაძლოა დღის ბოლომდე გახდეს ცნობილი. მოქალაქეებმა არჩევანი პრეზიდენტობის ორ კანდიდატს, მასუდ პეზეშკიანსა და საიდ ჯალილის შორის უნდა გააკეთონ. ყოფილი კარდიოქირურგი პეზეშკიანი ირანის ე.წ. მორალის პოლიციას აკრიტიკებს, ამომრჩეველს ერთიანობას და მსოფლიოსგან ირანის იზოლაციის დასრულებას ჰპირდება. საიდ ჯალილი კი, რომელიც ბირთვულ საკითხებზე ყოფილი მომლაპარაკებელია და რელიგიურ თემებში ძლიერი მხარდაჭერით სარგებლობს, მკაცრი ანტიდასავლური პოზიციით არის ცნობილი. პირველ ტურში, რომელიც 28 ივნისს გაიმართა, პეზეშკიანმა ხმების 44% დააგროვა, ხოლო ჯალილიმ – 40%. არჩევნებზე აქტივობამ 40%…

ევროპული საბჭოს პრეზიდენტი შარლ მიშელი ამბობს, რომ უნგრეთს, რომელიც ამჟამად ევროკავშირის საბჭოს თავმჯდომარე ქვეყნაა, არ აქვს უფლებამოსილება აწარმოოს დიალოგი რუსეთთან ევროკავშირის სახელით. ეს განცხადება მოჰყვა მედიაში გავრცელებულ ინფორმაციას, რომ პარასკევს ორბანი მოსკოვში ჩასვლას და პუტინთან შეხვედრას აპირებს. ,,ევროკავშირის როტაციულ თავმჯდომარეს არ აქვს მანდატი, რომ ევროკავშირის სახელით ჰქონდეს ჩართულობა რუსეთთან. ევროპული საბჭო მკაფიოა: აგრესორი რუსეთია, მსხვერპლი კი უკრაინა. უკრაინის გარეშე დისკუსია უკრაინის შესახებ არ შეიძლება”, – დაწერა მიშელმა. ცნობისთვის, უნგრეთი ევროკავშირის საბჭოს თავმჯდომარე ქვეყანა 1 ივლისს გახდა.

ოკუპირებული აფხაზეთის ე.წ. საგარეო საქმეთა სამინისტრო, სომხეთის საგარეო უწყების ხელმძღვანელის, არარატ მირზოიანის თბილისში გაკეთებულ განცხადებებს გამოეხმაურა, სადაც მირზოიანმა ჩვენი ქვეყნის ტერიტორიულ მთლიანობასა და სუვერენიტეტს მხარდაჭერა გამოუცხადა : „მოვუწოდებთ სომხურ მხარეს, არ გამოიყენოს სტერეოტიპული ფრაზები საქართველოს მითიური ტერიტორიული მთლიანობის შესახებ, რომლებიც ეწინააღმდეგება ობიექტურ რეალობას“, – ნათქვამია ე.წ. სამინისტროს განცხადებაში. არარატ მირზოიანი საქართველოში 3 ივლისს იმყოფებოდა. გარდა ამისა, სოხუმში ყურადღებას ამახვილებენ და შფოთავენ გაეროს გენერალურ ასამბლეაზე, „სომხური მხარის პოზიციის ცვლილებაზე”. სომხეთმა დევნილების დაბრუნების რეზოლუციას წელს პირველად დაუჭირა მხარი: „შემაშფოთებელია, რომ სომხეთის წარმომადგენლებმა პირველად დაუჭირეს მხარი ამ რეზოლუციას, მიუხედავად იმისა, რომ აფხაზეთის სომხურ დიასპორას…

რუსეთის პრეზიდენტმა ვლადიმერ პუტინმა, ასტანაში სიტყვით გამოსვლის დროს განაცხადა, რომ ,,თალიბანი” ტერორიზმთან ბრძოლაში რუსეთის მოკავშირეა. ,,ჩვენ უნდა ვივარაუდოთ, რომ ,,თალიბანი” აკონტროლებს ძალაუფლებას ქვეყანაში. ამ თვალსაზრისით, ,,თალიბანი”, რა თქმა უნდა, ჩვენი მოკავშირეა ტერორიზმთან ბრძოლაში”, – თქვა პუტინმა. პუტინის თქმით, ნებისმიერი მთავრობა დაინტერესებულია იმ ძალაუფლებისა და სახელმწიფოს სტაბილურობით, რომელსაც ის მართავს. ,,დარწმუნებული ვარ, რომ თალიბანი დაინტერესებულია, რომ ავღანეთში ყველაფერი სტაბილურად იყოს“, – დასძინა მან. მოსკოვი კვლავ აგრძელებს ურთიერთობას ,,თალიბანთან”, მიუხედავად იმისა, რომ 2003 წლიდან ის აკრძალულ ორგანიზაციადაა დასახელებული.

,,ზუსტად ვიცი, რამდენიმე საგრძნობლად მნიშვნელოვანი გარიგება დაპაუზებულია”, – ამის შესახებ BM.GE-სთან ინტერვიუში დიდი ბრიტანეთის ელჩი საქართველოში, მარკ კლეიტონი საუბრობს და ამბობს, რომ გაერთიანებულ სამეფოში ეს გადაწყვეტილება გამჭვირვალობის შესახებ კანონის მიღების შემდეგ მიიღეს. ელჩმა საქართველოში ინვესტიციებზე ისაუბრა და აღნიშნა, რომ ქვეყანაში ერთ-ერთი უმსხვილესი ინვესტორი სწორედ გაერთიანებული სამეფოა. მან აღნიშნა, რომ მღელვარებისა და არასტაბილურობის ფონზე, რაც საქართველოს გამჭვირვალობის შესახებ კანონმა მოუტანა, ბრიტანული კომპანიების ღირებულება ასეული მილიონობით ფუნტით შემცირდა. ,,ყველაზე მეტად, რაც ინვესტორებს აწუხებთ ძალადობისა და დაშინების ფაქტებია. ჩვენ დავგმეთ ასეთი ქმედებები, მაგრამ ბრიტანელი, ინსტიტუციური ინვესტორები უყურებენ რა ხდება ქვეყანაში, ისინი საკუთარ გადაწყვეტილებებს…

Financial Times ავრცელებს ინფორმაციას, რომ პარასკევს უნგრეთის პრემიერმინისტრი, ვიქტორ ორბანი მოსკოვში ჩასვლას და რუსეთის პრეზიდენტ ვლადიმირ პუტინს შეხვდეს გეგმავს. გამოცემა ერთ უნგრელ და ორ ევროპელ მაღალჩინოსანზე დაყრდნობით ამბობს, რომ ასეთი ვიზიტი, რომელზეც ინფორმაცია მედიაში გავრცელდა, ნამდვილად იგეგმება. მანამდე ვიზიტზე წერდა ,,რადიო თავისუფლების” ევროპის ბიურო, ასევე უნგრელი ჟურნალისტი საბოლც პანი. სტატიის მიხედვით, ორაბნი უკრაინასა და რუსეთს შორის შუამავლის როლის შესრულებას აპირებს. ამ კვირაში ორბანი კიევს ეწვია. ეს იყო მისი პირველი ვიზიტი უკრაინის დედაქალაქში 2012 წლის შემდეგ. მოგზაურობის დროს მან თქვა, რომ უკრაინის პრეზიდენტს ვლადიმერ ზელენსკის შესთავაზა განიხილოს ცეცხლის შეწყვეტა რუსეთთან სამშვიდობო…

დიდი ბრიტანეთის არჩევნებში ლეიბორისტულმა პარტიამ გაიმარჯვა. ლეიბორისტული პარტიის ლიდერმა მოიპოვა თემთა პალატაში უმრავლესობისთვის საჭირო 326 ადგილი, უფრო ზუსტად, ეგზიტპოლის მონაცემებით 410 მანდატი და დაასრულა კონსერვატორთა 14-წლიანი მმართველობა. პარტიის ლიდერმა, კეირ სტარმერმა სიტყვით მიმართა გახარებულ მხარდამჭერებს და თქვა, რომ ,,ცვლილება ახლა იწყება”. ,,ჩვენ ეს შევძელით, თქვენ ამისთვის ჩაატარეთ კამპანია, თქვენ იბრძოლეთ ამისთვის, თქვენ მიეცით ხმა და ახლა ის მოვიდა. ცვლილება ახლა იწყება” – თქვა მან. ყოფილმა პრემიერმა, რიში სუნაკმა აღიარა არჩევნებში მარცხი და თქვა, რომ დაურეკა სტარმერს რათა მიელოცა გამარჯვება. ,,დღეს ძალაუფლება მოწესრიგებულად და მშვიდობიანად შეიცვლება. ბრიტანელმა ხალხმა გამოიტანა გამოსაფხიზლებელი განაჩენი.…